المساعد الشخصي الرقمي

مشاهدة النسخة كاملة : أبنشدكم عن لي شي


ابو مشاري الشمري
22-04-2005, 01:09
بالخير يالأخوان والخوات
كيفكم
أبنشدكم عن لي شي
نشوف بالتلفزيون أو بحديقة الحيوانات الزرافه
وأي واحد تنشده يقولك زرافه
بس ودي أعرف أسم الذكر وشينقاله

وأبنشدكم عن شي آخر
طبعا التليوفونات قبل الجوالات عندنا بدأت له أكثر من ثلاثين سنة تقريبا
ونعرف مفتاح المناطق
01 الرياض
02 جده ومكة والطائف
03 المنطقة الشرقية
04 المنطقة الغربية والشمالية الغربية
06 حائل والقصيم
07 الجنوب
نشدتي ليه قمزو رقم خمسة
وآكالوقت مافيه جوالات
سلملم
سلطان الشمري
22-04-2005, 01:24
ابو مشاري


يالله حيوووووه .. ياخي واشوف المضايف منوووووووووره

وشلونك يابعدي ؟


اما بالنسبه لتساعولك /


ذكر الزرافه .. بصراحه سؤال غريب واول مره يمر علي <<الله من زود الثقافه :)


ونفس الحكايه بــ ( الخمسه ) ليه محطوا به ..


الا انا ابي انشدك عن .. انت هالاسعله من وين لك..؟ الظاهر الجو بينبع مأثر عليك شوي :)



ابو مشاري شفت اسمك وحبيت اسلم لا اكثر اما الاسئله اتمنى انه نحصل له اجابه


شوكرن
ابو مشاري الشمري
22-04-2005, 01:56
الله يسلمك نبراااس
وياهلابك
هالاسعله الله يسلمك
مادري من وين جتني
قعدة أفكر وجبته(الثقافه هنا) من جنبة
شكرا لك وحياك الله
هايس الشمري
22-04-2005, 02:29
ابو مشااااااااااري


هلا و الله

انا جاي لنفس السبب اللي جاب نبراس


اما الاسعلة


و الله مدري :)
شنقل
22-04-2005, 03:01
هلا بابو مشااااااااااااري
يالله حيوووووه

يافلااااااان

ودي افيدك بشي
بس
مالقيت لتساعولات اي جواااااااااااااب
شموخ
22-04-2005, 03:55
ياهلااااااااااااااااااا والله باخونا ابو مشاااااااااري

وينك :frown:

وشفيك من يوم تزوجت السوريه وانت متغير ماعاد تدخل شف خويك ابو غازي ماتأثر عيني عليه بارده :)

الإجابات والله مدري بس حبيت أسلم :)


تحياتي ولاتطول الغيبه .
اختك
شموخ
المطنوخ
22-04-2005, 04:49
يامشالله وشو هالنور وش هالزين

ابومشاري؟؟

يامرحبا والله مليون

لا تعبت

ياخوي وش هالاسئله هذي

لكن علشان لا تقول ان اخوك مايعرف شين ابي اجاوب على سؤال واحد علشان اخلي مجال لغيري:)<<مقطع الثقافه على غفله:)

بالنسبه لذكر الزرافه يقاله لوه الزراف!!!!!!

<<<انا سايق جاه الله عليك انك ماتسعلن وشلون عرفت:)
احمد الهاجرى
22-04-2005, 10:37
الاخ العزيز ابو مشاري

ارحبو


ماخلا لنا ها المطنوخ شين من الثقافه الله يرحم والديه قل امين

ولكن انا باعارضه على فحل الزرافه

فحل الزرافه يسمى زروووووووووووووف لاْن كان عندنا يا الهواجر قطعه منوه

اما السوعال الثاني فا يمكن ان الي حط الا رقام احول
سرحــان
22-04-2005, 11:50
ابــــــــــــــــــــــــــو مشاري


الله حــيـوه


جاي ابي اسلم عليك


وعلى طاري الاسامي


وش اسم فرخ الحبارى




بالنسبه رقم 5 ياخوى الظاهر يوم جو يصنفون البشريه عندنا مالقو الي يناسبه


هههههههههههههههههههه



سلملم


***********************************8


(( الشاعر بعيد النظررر))




الطيور اللي تهاجــر عن الديره تعود=وكل شجره تنبت أفراحها بغصونها
طاري الفرقا على أهل الوفا سم الكبود=نفقد بغيبتك طعم الحياه ولـــونها
يارفيق الحرف لاصرت لأفراحي وقود=الليالي في غيابك كبار ضنــــونها
قال أبو سلطان وإحنا على قوله شهود=عودة الغالين مـــــادونـها مـــادونها
وقالها سرحان عنّا ووفــــــاّ بالوعـــــــود=وردد الشــــادي ترانيمها ولحـونها
عودة الغالين ننثر لها عطر الورود=والمضايف بيتكم ياسواد عيونها
ابو غازي
22-04-2005, 16:03
يالله تحيي من لفانا يالله حيووووووووووووووووووووووووووووووه

اقول انت وشلون نطقت علينا عاد وبهذا عند شنقلوووووووه

ابو مشاري حسن راسي وخلن اصيلع يافلان :( ان جاوبوك الربع :eek:

انا جاي اسلم عليك فقط :359r:
المخاوي
22-04-2005, 17:42
يالله حي راع النشده :)

هذا طال عمرك بالنسبه للنشده الاولى ( الزرافه ) تطلق على المذكر والمؤنث انت تووووووحي يابعد روووحي :biggrin:

اما النشده الثانيه فهي مايبيله فراسه هم من اول مخططين على ان رقم 05 هو للجوال ليه ماتدرون اننا مسبوقين بالتطور والا مشككين :rolleyes:

الا يالربع على طاري الدواب :cool: وشوا جمع شبث

سلالالالالالالالالالالالالالالالالالالال الالالالام
شنقل
22-04-2005, 21:17
^
^
^
^
^
قشع النيشااااااااااااااااان




وشوا جمع شبث
:):):):)
هايس الشمري
22-04-2005, 23:40
ههههههههههههههه


اما جمع الشبث شبابيثووووووووو

:)
ابو خليف
23-04-2005, 13:23
بارك الله يالزرافه
الي جابتك
للمضايف
ابو مشاري الشمري
23-04-2005, 21:40
الذيب
حياك الله يالغالي
انت ماتدري
لاانا ادري
لانك خوي ذويبااااااااااااااااااااااان ابالحصاني
قلنا لك انا وأبو غازي أبعد عن ذويبان أحسن لك
بس انت عييت
حيياك الله


شنقل
حياك الله
حتى انا مالقيت تساعولات
اوه قصدي تجاوبات

هلا بأختي شموخ
أنا بخير
الله يسلمك عديلي طاح بله وحدتن نشبه
من وين جاي وين بدك بتروووووح
ويبغى الفكة عديلي
ويقول ياحليلك يأم غازي
اماأنا طحت بلي وحدتن
بس تقول شو بدك وش تريد
وتقدم لي من هالصحون شي تبولي وشي فواكة مشكلة
وأنا مافيه الى أزقد من هالانعام
نسيت نفسي
ويوم شفت جسمي
يامار صايرن دربوه متدلقمن طولي عرضي
ويالله أتنفس
وبديت أسوي رياضه هاليومين
وأبشرك صرت أمشي 7 أمتار باليوم
عزالله انك نشبة خليتيني أطلع اسراري

المطنوخ
اههههههههههههههههههههههههههههه
لاياشيخ
وش ينقاله
بالنسبه لذكر الزرافه يقاله لوه الزراف!!!!!!
وذكر السلحفه
زلحوف
ولا وشريك
حياك الله يالغالي ويامرحبابك


حياك الله يأحمد
وياهلابك

شفت وشلون المطنوخ يبي يمشيه علينا
وخاصة انكم عندكم قطيع من الزرافات
اما أحول اللي أختار الارقام هذي حلوه
اههههههههههههههههه
تحياي


سرحان كيفك
الظاهر ان فرخ الحباري
ينقاله فرخ حبارى
لاأنهم مابعد سموه
ولا وشرايك
اما الارقام يمكن ان اللي قلت ماهو صح
اههههههههههه

عديلي حياك الله
اذا حلوه الربع
عزالله اني أباحسن راسك
وأبجمحك اوووه قصدي ابجحمك بلي مخطر لاراح مخطر ولا جاء مخطر
أخليه يدخن أسبوع
اذا حلوه قلنا

المخاوي
حياك الله يالغالي
اما جوابي الاول واللي يخص السؤال الاول
وشلون يعني يطلق على الجميع
الا اذا كان مافيهم ذكور(دور غيره)

اما بالنسبة لسؤال الثاني
يوم كان التليفون هندل
خلو الخمسة على شان الجوال
أقول انت خطير
جمع شبث شبيثات
والا ماهو كذا
اهههههههههههههههههه
سلملم

شنقل
برميل ماهو نيشان
ولا كلن يقشعه
يبغاله بازوكه الله يسلمك

ذويباااااااااااان
عاد انت لك رد خاص
الا وشو جمع الحصني اذا كان مغلوث (لاتقولي حصاني) غلط0
ابو خليف
23-04-2005, 21:52
جمع حصني مغلوث
عقارب
محارش
24-04-2005, 09:29
هلا والله بابو مشاري

وين هالغيبه يالغالي

الحمد لله على رجعتك سالم وغانم

بالنسبه للاسئله بصراحه ماا عندي اي جواب

لكني ابسعلك سؤال محيرن ولا حد عطاني جواب مقنع

هاللحين فيه قوس على خط الثمان طعش حق ملعب القدم , بالله وش سنعه بالضبط ؟


حبيت اسلم يابعدي ولا علم مامن علم .
ابو خليف
24-04-2005, 13:36
^
^
^
^
^
ههههههههه
هههههههههه
ههههههههههه
هههههههه
محارش من صدقك انت تسعل
هذا وانت رياضي وكروي

القوس هذا على شان ضربت الجزاء
(البلنتلي) فالاعبين من الجهه الامايه للخط لازم يكون
وضعهم خارج القوس على شان يكو ن على بعد واحد
من جميع اتجاهات ضربة الجزاء
يعني المسافه عن نقة الجزاء واحده
يعني الي على راس القوس
والي عند ربعة خط الثمان طعش
بعدهم واحد عن النقطه
ملحوظه /
يمكن اني رازي لي شعيب سدر
وكل هالمعلومة خطاء
بو رائد
25-04-2005, 10:07
هلا والله بابو مشاري ثريك يخي طايحن بالبسيس ولاتعلم ابو غازي
اكل يوم واحدن يعرفك ذكرك لي بالكرنيش تمشي رياضه متاخره بو مشاري نرجع لسؤالك 05 محجوز لارقام الجوال والذي وضع الخطه الرقميه للمناطق يعرف ان الجوالات قادمه لامحاله وعلى هذا الاساس
تم تجاهل الرقم اعلاه عوده طيبه بعد حيي يابغيت تسافر علمن بدنا
شوي جبنات وزيتونات خيو
ابو مشاري الشمري
25-04-2005, 13:21
مساء الخير
ذويبان انا داري انك تخوضهن
جمع حصني مغلوث عقارب وشلون تصير
لو قلت ديبان يمكن

هلا وغلا بمحارش
الله يسلمك يالغالي
سوعالك
تصدق بالله اني حظرت بعمري مبارات في الملعب مرتين فقط
قبل كم سنة
والمباريات المنقوله بالتلفزيون شفتها يمكن ثلاث مرااات
وغصبن علي
بحنبي لي واحدن يحبها وخلاني أشوفه
بس الظاهر ان هالقوس على شان ان
اللاعبين يقوسون بجنب هالقوس واللي مايقوس يعطى كرت ازرق
يمكن

ذويبااااااااان
عزالله انك زرت لك شعيب طلح ماهو سدر. قال سدر في بحائل سدر
انت وجهك

هلابك يأبو رائد
وحياك الله يالغالي
من اللي قالك اني أمشي على الكرنيش
كيف عرفني وأنا متنكر
اهههههههههههههه
اما بالنسبة لرقم خمسة ان
الذي وضع الخطه الرقميه للمناطق يعرف ان الجوالات قادمه لامحاله وعلى هذا الاساس
تم تجاهل الرقم اعلاه
هذي الله يسلمك حطها بين قوسين وانقزها
قبل ثلاثين سنة تليفون هندل وفاكس مافيه اللي فيه اكالوقت برقيه
دور غيره
حياك الله يالغالي
تقبل تحياتي