ورعٍ ومن داره عشى امه يولمه؟؟

[مستور]

الاخوة الزملاء اليكم لغز وتراه لغز شيبان ياراعي الوقيد




ورعٍ ومن داره عشى امه يولــــــــمه.......يرجهن لامن لها وفــــــــر عشى

ماتركها اليــــــــوم ودوره يحشــــــمه......لو تزل امـــه لنجــــــــدتها مشى



اللغز سبق وان حله من اول مرماع زميلنا الخلاوي (شايب طبعاً)

[الخلاوي]

الاخوة الزملاء اليكم لغز وتراه لغز شيبان ياراعي الوقيد




ورعٍ ومن داره عشى امه يولــــــــمه.......يرجهن لامن لها وفــــــــر عشى

ماتركها اليــــــــوم ودوره يحشــــــمه......لو تزل امـــه لنجــــــــدتها مشى



اللغز سبق وان حله من اول مرماع زميلنا الخلاوي (شايب طبعاً)



صح لسانك - اخوي - مستور

بس هالحين.... وين المرماع

>>>>> ننسى عشانا - الليله -

شكرا لك

[غيم الشمال]

صح لسانك يامستور
مع اني متردد في فهم(لو تزل)لانها تحتمل اكثر من معنى عندي
وشرايك باللملبن حق بيوت الطين

[خلف الأسيد]

مستور

يعطيك العافيه لغز يحتاج للتفكير

لي

عوده

تحياتي

لك

[مستور]

اخوي الخلاوي
النسيان احياناً نعمه يابو صالح
وتقبل تحياتي يالغالي

[مستور]

اخوي غيم الشمال
صح بدنك والمقصود بلو تزل..لو تخطي
الملبن مالك لوى
تحياتي

[مستور]

اخوي خلف الاسيد
يسعدني مرورك وانتظر مرماعك
وتقبل تحياتي

[مخاوي الذيب]

الغالي مستور صح لسانك على هاللغز

وش رايك بــ ( الزمبرك ) اظن اسمه كذا اللي في السياع القديمة كانوا يعشون الساعة منه

كنت اشوف الوالد رحمه الله يعشي الساعة كل يوم ( لاتقولون شااااااااايب ) هههههههههههههه

مخاوي الذيب

[غيم الشمال]

مخاوي اللذيب رمعه خطيره واظنك قشعته
وصح لسانك كلمه اظن مستور راح يكتبها لك بالرد القادم
وصح لسانك انت ومستور على هالغز الرائع

[مستور]

مخاوي الذيب
صح بدنك وصح لسانك وعاداتك الله لايضرك
غيم الشمال
وصح لسانك على موافقته بالحل
وللتوضيح المقصود ومن داره..اي من جعله يدور
وتحياتي للجميع