السنيدي(جيت شيخ الطنايا من ورى طابة ) طلب

[سويلم الشمري]

السلام عليكم ورحمة اللة وبركاتة

اغلبنا سمع بقصيدة السنيدي اللي من مطلعة

جيت شيخ الطنايا من ورى طابة
بس ذروات وامهار تباريها
مثل سبع الخلا يضرس على نابة
يقطع الروس ما يدرى تواليها

الرجا من الاخوة اللي حافظة كاملة ان لا يبخل علينا بها

[بندر الشمري]

اقطع الدوّ لامن الردي هابه=والمكاتيب اوديها لراعيها

جيت شيخ الطنايا من ورا طابه=يسحب الخيل والبيرق يباريها

مثل سبع الخلا يضرس على نابه=يقطع الراس مايدرى قوافيها

أن قعد وأن غزا ماني بجذابه=باغيٍ له كلمةٍ ماني بباغيها

مير مانجي بين عبدالله ولا انسابه=بينهم حكوةٍ مانتدخل فيها

المقصود بهذه الأبيات هو الأمير : محمد بن عبدالله آل رشيد ... طيّب الله ثراه

،،

خالص الود

[هايس الشمري]

سويلم الشمري


هلا بك


هذا رابط موضوع اتمنى انه يفيدك



هنا الرابط (http://www.shmmr.net/vb/showthread.php?t=18582&highlight=%C7%E1%D3%E4%ED%CF%ED)


اخوك

الذيب

[حاكم العلي]

أخي الشاعر القدير: سويلم الشمري

حياك الله و بياك و اسعد الله أيامك و لياليك بكل خير

لي فقط زيادة بسيطة على ما تفضل به الأخ القدير بندر الشمري وهو أن لهذه القصيدة مناسبة وهو عندما أوفد الملك عبدالعزيز، السنيدي لعقد صلح بينه و بين الأمير عبد العزيز الرشيد و عند قدوم المرسول قال أحد الحاضرين موجهاً الكلام للسنيدي :


من يسال السنيدي وين مناهجه= جاب له حيـةٍ الله يكافيها
فرد السنيدي قائلاً :

اقطع الدوّ لامـن الـردي هابـه=والمكاتيـب نوصلها ملافيها
جيت شيخ الطنايا من ورا طابـه=فوق ذروات و مهار يباريهـا
مثل سبع الخلا يضرس على نابه=يقطع الراس مايـدرى قوافيهـا
أن جلس أو مشى مانـي بجذابـه=باغيٍ كلمـةٍ مانـي بباغيهـا



هكذا سمعت الابيات من رواتها و الله أعلم

[سويلم الشمري]

الاخ الغالي بندر

بيض اللة وجهك على التفاعل

وشكرا من الاعماق

تقبل تحيات اخوك

[سويلم الشمري]

الذيب

لاهنت على مرورك

والرايط رائع ومشاركةمميزة

تقبل تحياتي

[سويلم الشمري]

اخوي ذعار
مرحبا مسهلا بالطيبين نور المتصفح بمرورك

وردك على الموضوع وتفاعلك تميز يحسب لي
القصيدة الى الان خمسة ابيات تقريبا متفقين علية الجميع لكن من رد

الاخ بندر ورابط اخوي الذيب يقول انة على عهد المهاد

وردك يقول على عهد الجنازة وهناك فارق زمني بين الاثنين

انا شخصيا اضم صوتي لك انة على ايام الجنازة بحسب ما سمعت لكن هل هناك ما يثبت -اي هل هي موثقة تاريخيا

ارجو الرد

وتقبل تحيات اخوك

سويلم