المساعد الشخصي الرقمي

مشاهدة النسخة كاملة : جيتك ونا مشتاق


سليمان السميّر
17-04-2005, 07:43
جيتك ونا مشتاق لك حيل مشفـوح
ودي و لوتلمـس كفوفـي كفوفـك
جيتك عذاب وجيتك اهات وجروح
والقلـب عيـاء لايصـد ويعوفـك
جمرانتضارك حرق القلب والروح
دامي هويتك والمعانـي حروفـك
ناديت لك مشتاق في صوت مبحوح
ليه الجفاء وش فاد هجرك وخوفك
انت الامل بي ونت لي برقن يلوح
تضماك عيني وارتوي يوم شوفـك
مهما جفيت وغبت غالي ومسموح
ومهما يطول الهجـر والله معوفـك
سـلـيـمــان الـسـمـيّــر
سلطان الشمري
17-04-2005, 11:29
اهلا بالسحااااب ../


لي عوده
بنت الشمال
17-04-2005, 22:07
سليمان السميّر

صـح لسـانك ملايين على هالقصيده الجزله
ولاتحرمنا المزيد
((بعيدالنظر))
17-04-2005, 22:23
سليمان السميّر ..
حضور المطر حضورك ..
أشكرك على هذه المعزوفه التي لن أبرح هذا المكان حتى أرتوي من عذب زلالها ..

صح قلبك يالغالي ودام تواصلك ..


تحياتي
المهرة
18-04-2005, 18:24
صح الله لسانك 00 وعذب هتانك

يبدو أن مخيلتك قد جادت عليك بالغزير الذي
جعلك ترتقي بنا الى عذب القصيد
وانقاه
قصيدة عذبة كعذوبة الهتان
تحمل الشفافيه
والعذوبه
وعطر القوافي
دمت بخير
اختك 00 المهرة
بتول آل علي
18-04-2005, 21:34
شاعرنا الفاضل

سليمان السميّر


و يستمر العطاء

و يستمر هطول الإبداع من بين هذه الأنامل

ألف مليون صح لسانك


أختك

الدهور
سليمان السميّر
19-04-2005, 01:19
الاخوه الاعزاء تحيه ود ومحبه اليكم
اشكركم جزيل الشكر على مروركم الممطر
وعلى كلماتكم العذبه والجميله وانتم اجمل
ولكم مني اصدق الود والمحبه /اخيكم/سليمان السميّر
الاعلامي
19-04-2005, 22:20
جيتك ونا مشتاق لك حيل مشفـوح
ودي و لوتلمـس كفوفـي كفوفـك


وحنا جيناك اعجاب بقصيدتك المميزه

صح لسانك اخوي على هالجزله

والله يعطيك العافيه على الابداع

وننتظر منك المزيد من الروائع



الاعلامي

..

.
مذهل
21-04-2005, 23:20
اخوي سليمان

صح لسااانك وسلمت

راااائعه من راااائع


تحياتي