مخيم المربعانية [الأرشيف]

الأصيل

13-04-2005, 11:06

السلام عليكم

بالخير كلكم

بالخير كلكن:goooood:

وللإخوة الفرنسيين : بنجور ... بنصوار:d:
................

موجز السالفة يقرؤها على حضراتكم الأصيل أبوثوب

* الأصيل وخذ إخيذة الضحى بالمخيم ( والسالفه طويله ):a:
.......................................................................

الأنباء بالتفصيل من إذاعة مضايف شمر .. البرنامج الأول .:315r:

....................................................................

سنه من السنين ...

بالشتا ... بالمربعانيه ..

أخوكم جالس ببيتوه .. ماعندوه من الشيطان طاري .

ونا ما أداني البرد ...

يعني بي عردز من الضب ( بيات شتوي ):408r:

المهم ..

دق التلفون ..

وهو يكلمن حدا الشباب ..

وشعندك ؟؟

قال يابو ثوب .. طالبينك .. قل تم

قلت : تم

قال : حنا طالعين بالمخيم ،، ونبيك تجينا

بلشت ...

قلت ياولد .. أنا بالليل شوفي مهو كل هذا .. وأخاف أضيعكم

قال : تجيك سياره وتاخذك ..

قلت .. خلاص .. ( وافقت على مضض ):c:

مهي مشكله يالأصيل،تعلل معهم ساعه ،، وروّح للبيت ، ( وأهلي قالو : نحتريك على العشا )

جتن سياره وخذتن ..

وصلنا للمخيم ،، انبسطنا ..

قلت .. تسمحون لي ..

قالو أبد ..

نبيك تمرح

قلت : ياعيال ،، أنا ما حسبت حسابي ، ولاجبت فراش ولا حتى جبت فروتي:eek:

قالو .. نعطيك فراش وبطانيه !!!!!!!!!

أووووووووووووووووووووووووووووووووووووووو ووووووه

جابو لي فريّش مايوقيك القاع .. وبطانيه من عهد جدّي :biggrin:

قالو .. تكفيك ؟؟ قلت : إيه

ونا بي طارف حيا ..

فرشت فراشي ..

ومن حسن الحظ إن بوه فتحه بالخيمه من حدر ، مشقوقه ولا أحد خيطه

ونا لك أحد راسي مقابل الشق ( ولا أدري بوه ):408r:

وبدأت المأساااه

جوووووع ... وبررررررد ،، هبت شماليه ، وحنا بالمربعانيه :puzzled:

والهوا تقل متسلطن علي ..

صاير تيار هوائي ..

يمر من الشق .. على غاربي مروراً بظهري ليما يطلع من طرف إبهام رجلي الأيسر:thumb:

يالييييل مطولك

خوياي كلن يشخر من عندوه ..

ونا عجزت أندزلب من البرد ،، أحس إن تسلاي تجمدن ..

( حسبي الله على اللي كان السبب )

والله ( ولالكم علي يمين ) إني شلت الفراش وحطيتوه على ظهري :a:

وخليت جنبي على القاع ،، ولكن ...

( زاد الطين بله والمريض عله )

تقول حدري قطعة ثلج ( صاير من أهل الإسكيمو .. هاللي شمال الارطاويه ):p:

عدّت الليله بشرها وشرها ( ماشفنا من خيرها شي ):188r:

وكانت ليله عسى ماتلفي على الصديدز ..

لا وا حلولات يافراشي=طلعتْك ( ياصيل ) ملويه

ليتن من البر منحاشي=والبرد بالمربعانيه

أرغي كما يرغي الحاشي=اللي مخليه راعيه

وعظامنا صابه رعاشي=من يوم هبت شماليه

تقول تبريد ( هيتاشي )=وموردن للسعوديه

حدري كما قطعة الكاشي=وجنبي تجمّد كلاويه

والوقت عيا مهو ماشي=والليل زادت بلاويه

وبطني تقل فيه نهاشي=ينهش كما تنهش الحيه

وسط الحشا فيه حشاشي=أو صايبه مس جنيه

صرنا مثل طاش ماطاشي=كل المواقف فكاهيه

حسبي على الصاحب الواشي=الله يجازيه بالنيه

................

قدمنا لحضراتكم أهم الأنباء

قرأها عليكم الأصيل أبو ثوب

شكراً لحسن متابعتكم

والسلام عليكم ورحمة الله وبركاته:315r:

..................

حكمة الأسبوع :

ابعد عن الداب وشجرتوه .. وابعد عن المنحاش وغبرتوه :359r:

........................

ياسامع الصوت ... لاتنسى الوعد اللي بآخر رساله:goooood:

بحر الشوق

13-04-2005, 11:49

أخوي الأصيل

قصة طريفة وظريفة وهجينية أجمل

لكن ماقلت لي ليش مالحقت زميلك

بسيارتك علشان تمشي منهم وتودع

الداب وشجرته تارك الفارش الوثير وغرفة

النوم وطالع تنام في خيمة نصف نجمة ومشقوقة

دم أخي الأصيل في خير وعساك للصحة والعافية

ابو خليف

13-04-2005, 12:52

ههههههههههههه
ههههههههههه
ههههههههه
هههههههههه

صح لسانك يابو ثوب

بس عاد انت ابو ثوب والمثل يقول
الثوب الي مايضللك بالصيف مايدفيك بالشتاء
وين ثيابك يمال الغمنيه
بعدين ياخي ضاقت عليك الى هالشق الي بالمخيم تفرش قدامه
تدري عاد الله لايبلانا
الضاهر انك بك عرق قراده انت
ولاتقاطع:good1::good1:

ابو غازي

13-04-2005, 17:13

أرغي كما يرغـي الحاشـي
اللـي مخلـيـه راعـيـه

:135r:

تسلم يالغاااالي واضحك الله سنك افييييييييييييييييه تفدغت تسبدي :106r:

:p:

عجايب بنت الشايب

14-04-2005, 00:57

افاااااااااااااااااااااااااااا

ماهقيييييييييييييييييتها
:(:(:(
انا مريت من عند موضوعك وقلت اقراه

وليتني ماقريته

اثرك يالاصيل منت راعي بر <<<<< الاخت طعس متحرك

افاااااااا رخمه ...... على العموم الشرهه على اللي عازمك ولا دفاك

والله من جد حزنت عليك وضحكت عليك

بس فيه سؤال ........

اين كانت هذه الرحله ,,,,,,, موقع المأساه ؟؟؟؟

الـمـحـروووم

14-04-2005, 23:22

أبوثوب

وش جاب طاري المربعانيه

ألحين

أنا بقطر ذابحتن الرطوبة بها الوقت

تسلم يابوثوب

سلمان النبهان

14-04-2005, 23:33

سالفه حلوه ولا احلى منها الا شاهدها القصيده
مبدع يالاصيل ويعطيك العافية ...ننتظر السالفة الثانية ..

الأصيل

14-04-2005, 23:39

بحر الشوق

حيا الله أهل الأدب العربي

أبرك الساعات يوم شرفتنا ..

وأما ليه ماتبعتوه بسيارتي

فالجواب : قراده .... :d:

عز الله : الخيمه نص نجمه ...:g:

صح بدنك ياذيب شراف

تسنك مبسوط ؟؟ أشوفك تضحك :goooood:

يقولون : شر ( الطلعات) مايضحك:a:

وعلى قولتك .. ضاقت علي الخيمه :puzzled:

لكن

مكتوووووب

وبي طارف قراده :eek:

هلا بالخال

أبو غــــــــــــــــــازي

ضحكتك تسوا ملايين

وعساك مبسووووط على طوووول:goooood:

كلتس بنا إعجاب:315r:

ياخاله ...

أنا راعي بر

بس أحب البر إذا مافيه برد ولا حر :eek:

يعني ،، أبي جو ( لندني )

وياحبذا ( تعرفين ياحبذا ؟؟:goooood:

ياحبذا يكون مغيّم وبوه رذاذ مطر:biggrin:

ولو إنتس مكاني .. ( الله أعلم بالرخمه هكا الساعه ):359r:

وهاذي الرحله ( الله يسلمتس )

بمجرة درب التبانه:goooood:

المجموعه الشمسيه:p:

كوكب القاع:biggrin:

قارة آسيا

الشرق الأوسط

( استراحه .. تعبت .. )

قلنا : الشرق الأوسط ؟؟

الوطن العربي :d:

شبه الجزيره العربيه :eek:

........... خيمتنا ............:315r:

أظن ... واضح الوصف

هلا بالقطري

ياخوك هالسالفه من زماااان حصلت لي:goooood:

وحنا الحين غبار ونوبات مطر

والرطوبه عقب أربع شهور :puzzled:

وتحيه لحضورك وتعليقك

شنقل

17-04-2005, 03:31

صح لساااانك
وبنانك يابووو ثووووب

الا وش جاااب الارطاااويه لابو حدريه:):)

المهرة

17-04-2005, 06:24

الشبث

17-04-2005, 06:55

المطنوخ

17-04-2005, 07:29

فليباركك الرب

ومن حسن الحظ إن بوه فتحه بالخيمه من حدر ، مشقوقه ولا أحد خيطه

ونا لك أحد راسي مقابل الشق ( ولا أدري بوه )

وبدأت المأساااه

يالاصيل وانا اشوف هالفري منين جايك

هالحين ابوغازي راح يعمل لك صبخة راس

وانا ابي اجيب العصبه

انتبه عن لجة الوغدان

اقول

القول الموزمبيقي المأثور يقول:

من يخيم بالمطلاع فلا يرجي الا النوم بالقاع:)

فلله در الموزمبيقييين

الأصيل

17-04-2005, 17:19

الأخ العزيز / سلمان النبهان

الله يعافيك يابعدي ..

وأتمنى أن السالفه والقصيدة جازت لك

وسعدنا بمرورك وتعليقك ..

الأصيل

17-04-2005, 17:23

صح لساااانك
وبنانك يابووو ثووووب

الا وش جاااب الارطاااويه لابو حدريه:):)

صح بدنك يازعيم الدكه:goooood:

وبعدين ...

سوعالك .. واضح يابعدي

يامنك طلعت من الارطاويه عقب مغيب الشمس :d:

وتوجهت للنفود .. مروراً بصحراء نيفادا ..:eek:

ماتطلع عليك البيضا ألا ونت بـ سيبيريا ..:315r:

الأصيل

17-04-2005, 17:29

ااااااااااااااجل الشوف شجر ومسوي فيها عضلات http://www.asmilies.com/smiliespic/happy/045.gif
صح الله لسانك على القصيدةhttp://www.asmilies.com/smiliespic/happy/049.gif
تشااااااااااااااو

ياخاله ...:goooood:

هالحتسي زمااااان يومني وغد:thumb:

هالحين تسبرت .. وقمت أمرح بالبر .. :eek:

وقام الشجر يخاف ليا شاف زولي ...:315r:

وصح بدنتس:d:

الأصيل

17-04-2005, 17:34

انا قايل منذ مبطي خلو البر لهلوه اللي يعرفون قدروه

احم احم

<<<<<<<<<< تسني راعي بر

الاصيل صح بدونك قصدي بدنك

ولاله عاده تنطفق وتبربر ( تروح للبر ) بدون استعداد مسبق

وخطه مدروسه

وتقلد تحيتي

والله يالعشير .. البر يبي أهلوه ( مثل ماتفضلت ):thumb:

وعسى مايصيبك اللي صابن :eek:

وصح بدنك يابعد خشمي وخشم شنقل:goooood:

ومتقلد تحيتك من شفتك:d:

لكن .. ماني خابر إنك راعي بر:315r:

الأصيل

17-04-2005, 17:41

فليباركك الرب

يالاصيل وانا اشوف هالفري منين جايك

هالحين ابوغازي راح يعمل لك صبخة راس

وانا ابي اجيب العصبه

انتبه عن لجة الوغدان

اقول

القول الموزمبيقي المأثور يقول:

من يخيم بالمطلاع فلا يرجي الا النوم بالقاع:)

فلله در الموزمبيقييين

مانبي صبخاتك ولا وصفاتك الطبيه :g:

( بوه عجوز بالدوحه تسوي صبخه ماحصلتششش )n)

وأما المثل الموزمبيقي .. فــ كذا :thumb:

( أنا حسب معلوماتي إن هالمثل تركماني .. بس أنت أوكد ):315r:

لكن ترا المخيم مهو بالمطلاع ..

تخبر مدينة الحجاج ؟؟

حنا مغيب شمس:d:

خذ حبة هالخشم عبر هالصفحة:goooood: