قصيدة::: للشاعر . مــــنــصـور بن ســـعـــدي الـــرمـــالي

[ابو خالد الجربا]

اخوتي احب ان انشر لكم من قصائد الشاعر منصور بن سعدي الرمالي


أخذنا هذه القصيدة وهي بعنوان 000(لوحمّلوا سلمى)000


يا هم ياللى في خفى خافقي طلت0000 ارحل تــرى منصور قــرب رحيلــــــه

يا هم ؛ جاني ما كفاني ؛ وحصّلت 000 جسمي قضا وعضام جسمي نحيله

ياهم؛ انا اخفيتك؛ بصدري ولازلت 000 اخفيك خوف اهل النفــوس العــليلـــــه

اخاف قول اللى يقولون لو قلت 000 اللى سوالفهم ، عراضن طويــــلـــــــــــه\n
ولو حملوا سلمى مثل ما تحملت 000 صاحت ، ل اجا ، من جور حملن تشيله

ولو ان سنجار الجبل شال ما شلت000 مبطي شكا،ضيــــم الحمول الثقيلــــه

أصبر، ولو شفت الزمن مال ما ملت000 واقول يمكن يعتدل عقــــب ميـــلــــــه



…………………………………. منصور سعدي الرمالي


ــــــــــــــــــــــــــــــــــــــــ ــــــــــ

ولكم تحيات اخوكم

[طلال الشمري]

اعذرني ياابو خالد على تاخيري باالرد عليك


لاكن ان جيت لاالدفاتر ابقراء ياوالله منصور الله يرحمه
وان جيت للجهاز الا هو قدامي الله يسكنه فسيح جناته \\

والف شكر مني لك
اخوك
طلال الشمري

[العذب]

الله يعطيك العافية ( ابو خالد )


وياليت تزيدنا من قصائد هذا النادر ( رحمه الله )





وعلى المحبة ,,,

[ابو خالد الجربا]

طلال

لا تعذر لأخوك

معذور اخوي

وكلنا يحب شعر منصور الرمالى رحمه الله


ولا تحرمنا من تعقيباتك



اخوكم

[ابو خالد الجربا]

العذب

انت عذب متدفق من شخاليل

شمر العالية

و وقوفك عند مشاركتي يجعلني احث الهمم لأحض بتعقيب منك

لك الحب كما تحب




اخوكم

[سنـعـوسـي]

بسم الله الرحمن الرحيم



منصور منصور منصور بل الرمز منصور رمز من رموز الشعر لدى شمر وتاريخ صنع نفسه وابى الا ان يقراء ويعرف لدى البعيد قبل القريب . وشعر عرض نفسه لتتوارثه الأجيال جيل بعد جيل .


بالطبع منصور غني عن التعريف ولكن ابو خالد احب ان يذكرنا بشيء مما قاله منصور . الف شكر لك يابو خالد وعسى الله يطول بعمرك .

فترحموا على منصور . اللهم ارحمه رحمة واسعه .

[ابو خالد الجربا]

اخي العزيز ومراقبنا النشيط

السلام عليكم ورحمة الله وبركاته


الله يرحم منصور رحمة واسعة




وان شاء الله سوفى اختار لكم من قصائده ما يعجبكم

لا اخفيك انا احب قصائد منصور الرمالي

وشكر لك وجودك هنا

واعتز به


ولك الحب كما تحب




اخوكم

[الذيب]

اخاف قول اللى يقولون لو قلت 000 اللى سوالفهم ، عراضن طويــــلـــــــــــه

ولو حملوا سلمى مثل ما تحملت 000 صاحت ، ل اجا ، من جور حملن تشيله

ولو ان سنجار الجبل شال ما شلت000 مبطي شكا،ضيــــم الحمول الثقيلــــه

أصبر، ولو شفت الزمن مال ما ملت000 واقول يمكن يعتدل عقــــب ميـــلــــــه

ربي يعطيك الف عافيه يابو خالد

وتسلم اناملك على تسطير هذه الابيات

والشاعر منصور رحمة الله عليه ينحت من صخر وغني عن اتعريف

وكما قال الشاعر رجاء عوض الشمري

والله لولا خوف مولاي يسخط

..................... لاقول واخذ من صفاة وملطى


اكرر شكري لابو خالد مره ثانيه وهلا وغلا وزودنا بما عندك

وتقبل تحيات الذيب http://mrizeek.8m.com/8.gifhttp://mrizeek.8m.com/8.gif
http://mrizeek.8m.com/sooq2.jpg

[ابو خالد الجربا]

ابشر بسعدك

اخوي الذيب

واشكرك على تعقيبك

يا ذويبان