لغز خفيف؟؟؟؟؟

[مستور]

لغز خفيف اتمنى ان يعجبكم


اسمٍ وله منزال فينــا رفيـــــــعي"="خصٍ اذا وافق سلوم الشريعه
قوم النصارى لانقص له تطيــعي"="الياتغيّب آخره هــــــي تطيعه
ون غاب وسطه عزها كل شيعي"="بنتٍ لها منزال فيهم رفـــيعه

وللجميع تحياتي

[راعي الوقيد]

حي الله العمـــدة:)

عــزّ الله لغــز مليااان لاهنــت ،،،

وصــح لسانـــك ،،،

إذا انت اللي منزّل اللغــز اجــل من هو الي يبي يحلوهـ:)

خذ هالرمعــة بطريقك !!؟

ما يكون يوم عاشوراء << به شكوك لكن نفتح باب الرمعات:)

تسلم يابوعبدالله

والسلاااااااام ...
..

[مستور]

صح بدنك ياراعي الوقيد
اشكرك على لقب العمده ولكن انت بخفة دمك واسلوبك المميز بالردود اولى مني بهذا اللقب
يوم عاشوراء مالك لوى وانتظر مرماعك القادم
تحياتي

[خلف الأسيد]

الغالي

مستور اسعد الله اوقاتك

هل هي

كلمة

(( الشريعه))

تحياتي

لك

[مستور]

اخوي خلف الاسيد
مساك الله بالخير
سعدت بمرورك
كلمة الشريعه مالك لوى
تحياتي

[غيم الشمال]

صح لسانك يامستور
وشرايك بالزواج
اذا نقص اخره اللي هو الطلاق لان ماعندهم طلاق مثل مايقولون الاولين زيجة نصارى يعني بدون طلاق واخر الزواج (نهايته )الطلاق
واذا نقص وسطه يصير متعه مثل ماهو معروف عند الشيعه
الظاهر اني بوادي واللغز بوادي ههههههههههههههه
وشرايك يامستووووووووووووووووور
ودمتم

[مستور]

اخوي غيم الشمال
حياك الله يالغالي وصح بدنك
مالك لوى والمطلوب اسم وكل مانقص المقصود نقص بالحروف
وتقبل تحياتي

[الصيرمي]

صح لسانك مستوررررر

ليتك توضح شوي اخوي

هو مذكر والا مؤنث:)

صراحه ما فهمت هو مركب والا لا

هههههههههه

لاازم نحلوه والا ايش راايك:)

لا يكون تجاوزنا حدود اللغز

[مستور]

صح بدنك اخوي الصيرمي
هو اسم لشيء مذكر
قوم النصارى لانقص له تطيعي""الياتغيّب آخره هي تطيعه..اي اذا نقص الحرف الاخير
ون غاب وسطه عزها كل شيعي""بنتٍ لها منزال فيهم رفيعه..اي اذا نقص اوسط الحروف
وتقبل تحياتي

[مخاوي الذيب]

الغالي مستور تسلم يالحبيب على هاللغز

وش رايك بـــ (( الرهبانيّة )) (( اسم لمؤنث)) وهي الزهد والتقشف إذا وزنت بميزان الشرع فهو أمر محمود

وان شلنا الحرفين الأخيرين أصبح (( الرهبان )) وهم كالأحبار عند اليهود

لكن البيت الأخير ماادري عنه
مخاوي الذيب

[مستور]

اخوي مخاوي الذيب
حياك الله يالغالي
مالك لوى والاتجاه طيب والظاهر الرمعه القادمه فيها ذبحته
والاسم المطلوب مذكر
وتقبل تحياتي

[الصيرمي]

وش رايك يامستورر

بالرهباني

نشيل اخر حرف يصير الرهبان

ونشيل الحرف الاوسط ويصير الرباني

شكله مخاوي الذيب قرب لنا الحل

[مستور]

اخوي الصيرمي مالك لوى يالغالي
وطريقة مخاوي الذيب الله لايضره بتفكيك اللغز طيبه .ولكن ابحث في اسم يستوفي معطيات اللغز اكثر
تحياتي

[اليم]

هلا بمستور

وش رايك بالقسم

اذا غاب آخره صارت قس

واذا غاب وسطه صارت قم(مدينة قم الايرانيه) مركز علوم الشيعه

هاااااااااااه

بشر

[مستور]

هلا وغلا بخوي اليم
مايبي لها راي وفيت بالشرح ووفيت بالرمعه
صح لسانك
تحياتي

[مخاوي الذيب]

صح لسانك يامستور ولسان اخونا اليم

تصدق يامستور جات على بالي ( قم ) و( قس ) لكن كل على حده وما استطعت أن أجد الكلمة التي جمعت بينهما

لتنقلي في كلمات أخر مثل ( البابا ) و( النجف ) و(كربلاء ) ولم أجد فيها بغيتي حتى أصاب اخونا ( اليم ) كبد الحقيقة

ماشاء الله عليه ويسلم فكره وفكرك يامستور وماقصرتو

مخاوي الذيب

[مستور]

اخوي مخاوي الذيب
وانت صح لسانك لتمهيد حل اللغز
وتقبل تحياتي

[راعي الوقيد]

صــــــح لسانـــــــك والله ياليـــــــــم:)

مابدهااااااش واضح الحــل وقــدام عيــوننا لكن عاااد !!؟

صــــــح لسانــــــــــك ياراع اللغـــــــز << العمــــــــــدة :)

تحيتـــــــــــي لكــم ،،،

والسلااااااااام ...
..