ثامر
09-04-2005, 20:15
هلا وغلا بابو خالد يالله حيو وش علومك وعلوم العيال عساهم بخير
والله انا جايك اليوم طلاب واخبرك قاضي وما تحكم الا بما شرعه الله انا شكاي على ابو فيصل وابي تحل القضيه مار اسمع ابي كاتب الصك خليف الجهيلي وابيه هو الشاهد انا رجال راضي بشهادته واخبره رجال ٍ حكيم لكن اسمع وش يقول ثامر واسمح لنا من القصور يابو خالد
يا راكب ٍ من فوق عجل الخطاوي = جيب ٍ جديد وكامل الشدّ مشدود
الرنج روفر ماهو وارد عراوي = تصميم ِ يهودي من ديار اليهود
بصناعته جوده . وفن . ونقاوي = بإنجلترا أعطوه من وقتهم زود
أزرق مهو كحلي ولاهو سماوي = لونه غريب ونادر ٍ غير موجود
هو منوة اللي للمشاوير ناوي = خوي درب ٍ في مخاويه محمود
اذا بغا للبر ماهو مراوي = وليا بغا الاسفلت في عجه يزود
ركابه اللي للمقانيص هاوي = يهوا قناص الطير لو فيه مجهود
مشيه عجيب وللمسافات طاوي = يقطع فياف البر في وقت محدود
ملفاه دار معطرين القهاوي = دار الكريم اللي له الطيب مشهود
براك (( أبو خالد )) بطيبه يداوي = نسل الحرار ومن يخاويه محسود
صادق وواضح ما بهرجه ملاوي = واف الوعايد وان وعد شيك مرصود
معي لكم يالقرم جمّة شكاوي = مضمونها ياتي بتفاصيل وبنود
خبري بكم قاضي وتفتي فتاوي = هات الفتاوي واحذر النقص والزود
لي شرهة ٍ ماهي علوم وحكاوي = شرهة وفا ماهي حكاوي بلا فود
على زميلك شرهتي بالنباوي = أشرهة على (( ابوفيصل )) والقول ماكود
كم أنتظرت اوعود فرخ النداوي = همَّلني ابن قنون وانتم بها اشهود
أرجوك يا براك وش كان ناوي = فدني وفسر لي سبايب فتى الجود
تكفى يابو خالد تحل الملاوي = ابي الحقيقه صدق بوثوق وعهود
والله انا جايك اليوم طلاب واخبرك قاضي وما تحكم الا بما شرعه الله انا شكاي على ابو فيصل وابي تحل القضيه مار اسمع ابي كاتب الصك خليف الجهيلي وابيه هو الشاهد انا رجال راضي بشهادته واخبره رجال ٍ حكيم لكن اسمع وش يقول ثامر واسمح لنا من القصور يابو خالد
يا راكب ٍ من فوق عجل الخطاوي = جيب ٍ جديد وكامل الشدّ مشدود
الرنج روفر ماهو وارد عراوي = تصميم ِ يهودي من ديار اليهود
بصناعته جوده . وفن . ونقاوي = بإنجلترا أعطوه من وقتهم زود
أزرق مهو كحلي ولاهو سماوي = لونه غريب ونادر ٍ غير موجود
هو منوة اللي للمشاوير ناوي = خوي درب ٍ في مخاويه محمود
اذا بغا للبر ماهو مراوي = وليا بغا الاسفلت في عجه يزود
ركابه اللي للمقانيص هاوي = يهوا قناص الطير لو فيه مجهود
مشيه عجيب وللمسافات طاوي = يقطع فياف البر في وقت محدود
ملفاه دار معطرين القهاوي = دار الكريم اللي له الطيب مشهود
براك (( أبو خالد )) بطيبه يداوي = نسل الحرار ومن يخاويه محسود
صادق وواضح ما بهرجه ملاوي = واف الوعايد وان وعد شيك مرصود
معي لكم يالقرم جمّة شكاوي = مضمونها ياتي بتفاصيل وبنود
خبري بكم قاضي وتفتي فتاوي = هات الفتاوي واحذر النقص والزود
لي شرهة ٍ ماهي علوم وحكاوي = شرهة وفا ماهي حكاوي بلا فود
على زميلك شرهتي بالنباوي = أشرهة على (( ابوفيصل )) والقول ماكود
كم أنتظرت اوعود فرخ النداوي = همَّلني ابن قنون وانتم بها اشهود
أرجوك يا براك وش كان ناوي = فدني وفسر لي سبايب فتى الجود
تكفى يابو خالد تحل الملاوي = ابي الحقيقه صدق بوثوق وعهود