المساعد الشخصي الرقمي

مشاهدة النسخة كاملة : قصيدة باريس


saud00
09-04-2005, 16:37
الاخوان

هل قصيدة باريس للامير الراحل مسجلة في بصوته امل التكرم بارشادي وكذلك باقي القصائد الغير موجودة في المنتدى

وتقبلوا تحياتي
saud00
10-04-2005, 15:05
هل قصيدة باريس للامير الراحل مسجلة في بصوته امل التكرم بارشادي وكذلك باقي القصائد الغير موجودة في المنتدى

وتقبلوا تحياتي
بتول آل علي
12-04-2005, 23:46
أهلا بك أخي سعود

في الحقيقة لا أعلم إن كانت القصيدة مسجلة بصوته أم لا

و لعلّ أحدا يجيبك ممن عنده علم بذلك


الدهور
فاصــ بيضاءــلة
14-04-2005, 14:28
أهلا بك أخوي سعود والله أنا اللي أعرفه أنها ماسجلت بصوته

وحاولت أتأكد لكن ماقدرت وأغلب ظني أنها ماسجلت ..


أما باقي القصائد فما أدري وش تقصد

إذا قصدك غير الموجودة في الديوان السمعي فهي موجودة في أشرطة كاسيت وممكن تلقاها في مواقع على النت

أتمنى أكون أفدتك

أختك
فاصلة بيضاء
هايس الشمري
14-04-2005, 14:58
قصدة باريس؟؟!!

الرجاء ممن يعرفها ان يكتبها هنا


ولكم الشكر


الذيب
بندر الشمري
14-04-2005, 15:33
القصيده معروفه للجميع وهي منتشره بجميع المنتديات ، وحسب علمي بأنها آخر قصيده لسمو الأمير / طلال بن عبدالعزيز آل رشيد رحمه الله وأسكنه فسيح جناته ،، والقصيده كالتالي : -

واحد خايب .. حظه تعيس

سافر تقسيط لـ باريس

كذب على أم العيال

رايح ادور عمال

جمع الورث

حصاد الحرث

وقبل يسافر ياسادة

سجل في نادي كالعادة

يسوي برنامج تخسيس

**********

قام يدور شنطة تكفى

وكل هدومه قبل يصفي

عشرة فنايل علاقي

وشورت وشراب ماقيس

قالت أم عياله تكفى

خذ لك لبس شوي يدفي

قال ف باله يامسكينة

والله قدامي اللي يدفي

قام يودعها وقالت له

خذ بالك يانور عيوني

وتعوذ دوم من ابليس

قال فـ باله يا مسكينة

وأنا من عازمني غيره

ناطرني ابليس فـ باريس

****

خالص الود

.
هايس الشمري
14-04-2005, 16:07
تسلم يا بندر الشمري
saud00
18-04-2005, 10:57
شكرا لجميع الكشاركين على اللفته الكريمة
saud00
11-11-2006, 00:05
بسم الله الرحمن الرحيم

:: باريس ::

آخر قصائد الشاعر
طلال الرشيد
الملتاع
رحمه الله


واحد خايب .. حظه تعيس
سافر تقسيط لـ باريس
كذّب على ام العيال
رايح ادور عمال
جمع الورث
حصاد الحرث
وقبل يسافر يا سادة
سجّل في نادي كالعادة
يسوّي برنامج تخسيس

* * *

قام يدور شنطة تكفي
وكل هدومه قبل يصفّي
عشرة فنايل علاقي
وشورت وشرّاب ما قيس
قالت ام عياله تكفى
خذ لك لبس شوي يدفّي
قال فـ باله يا مسكينة
والله قدّامي اللي يدفي
قام يودعها وقالت له
خذ بالك يا نرو عيني
وتعوّذ دوم من إبليس
قال فـ باله يا مسكينة
وانا من عازمني غيره
ناطرني ابليس فـ باريس
سافر صاحبنا بطيارة
واسبوع انقطعت اخباره
ما حد يدري وين دياره
وام عياله .. بأصعب حاله ..
تحسب وتعدّد وتقيس
وفـ ليلة دق التليفون
جا صوته مبحوح ومرخي
لا له لا طعم ولا لون
يتكلم من غير حروف
عنده حرف ( الرا ) محذوف
قالت ام عياله وش بك ؟
صوتك خافت كنّه حسي
قال انتبهي ظنك يشطح
بس كنت شوي احكي فرنسي
قالت عفيه يـ كحيلان
وش اخبارك يابو فلان
قال حصان
شفت اللي ما شاف انسان
شفت الربع
سبع وضبع
في العصر شيوخ تتشامخ
وفي الليل احلا طقة صبع

* * *

وفي الشانزليزيه نصف الليل
يا فلانه شفت ام محمد
وش تسوي ؟
تتهجد !!
وش هو هذا الشانزليزيه ؟
هذا شارع رايح جاي
بأول هذا الشارع قهوه
فيها كل شياب الربع
كل واحد يشرب من نبع
واحد راجع غصب للهوه
وواحد يقرا ( القدس ) ( معارض )
يشتم كل امه وما تهوه
وشايب لا هذا ولا هذا
لا عقل وقلب ولا شهوه
ام عياله جابت راسه
غصب يوديها لباريس
يمكن تلقى البنت عريس

* * *

والبنات
آه يالبنات
أبو فلان ........ إش فيك ؟
يام عيالي صاير شي
صاير لبس الناس شوي !!
وعينك ما تقدر تمّنها
ومن ضيق هدوم البنات
تحلف أن الملبوسات
للأخت اللي اصغر منها
ومن كثر المكياج الخادع
شفت بعيني شي ما شفته
شفت فلان يغازل أخته

* * *

وأنت إش تسوي يمناي ؟
آنا مع هالناس خطاي
يوم يتحقق لي مناي
ويوم مـ لقى حد حداي
لكن من حبي لها لشارع
دايم ودي إني اثنين
واحد رايح واحد جاي

* * *

وعيال الديرة .. اسم الله
أيــــه
كل واحد جهّز له حكاية
كذبه عـ البنت المسكينه
ضحكه وقصيدة وسكّينه
بجيب مشط وجيب مرايه
يمشي ووراه الحمايه
مو حبيب امه مهم
واحد ويسوي امم
لازم نأمن عليه
يمشي من خلفه عبيد
ويمشي قدّامه علم

* * *

وشفت يا أم فلان ذاك الشاعر اللي
يشتري بالمال شعره للتسلي
يشتري حتى المشاعر
من أهل بيع المشاعر
اللي كل شعره جديد ..
والصحافة له عبيد
واللي إحساسه نشيد
تعرفينه ... اللي حتى ما يعرف يلقى القصيد
إيه عرفته .. تقصد طلال الرشيد
لا !
ادري ادري !
كنت أحسبك يا حبيبي شخص ثاقب
أنت مو بكرى بتجي ؟
تبغى كم مره تعاقب ؟
أنت ما تعرف يـ غالي
انه تلفونك مراقب