المساعد الشخصي الرقمي

مشاهدة النسخة كاملة : ياكبر حظي يوم صارو خوالي


خالد الشمري
09-04-2005, 15:51
السلام عليكم ورحمة الله وبركااته



هذه قصيده رائعه واعجبتني للشاعر / حمد بن جهيم العنزي



ياكبر حظ اللـي تنخى بشمر
أنا اشهد انه ما يشوف الهوالي

أنا اشهد أن اللي نواهم تدمر
ياكبر حظي يوم صاروا خوالي

كم بيت في ظل الطنايا تعمر
كم مستجير بظلهم ما يبالي

كم من ضعيف يازبنهم تأمر
يعيش سيد فوق نجم العلالي

صغيرهم في ساعة الموت زمر
كبيرهم لاهد طاحت جبالي

اهل الكرم والطيب فيهـم تثمر
أهل الشجاعه عـز الله رجالي

خصيمهم من ضربهم يشرب المر
يقفي ولا يرجع يعوف التوالي

حليفهم يلقى بهم طيب لأمر
من زود جود انفسهم بالوصالي

في حق أقول لا حشا ما تطمر
يشهد لهم تاريخهم بالخوالي

شمر وشمر ايه شمر وشمر
ياكبر حظي يوم صاروا خوالي


مع تحياتي خالد الجعفري ـ حائل
المهرة
09-04-2005, 16:17
وعليكم السلام ورحمة الله وبركاته
صح الله لسان شاعرها
وسلمت الانامل على النقل
دمت بخير
اختك 00 المهرة
عايدالشمري
09-04-2005, 17:17
وعليكم السلام ورحمه الله وبركاته

صح لسان الشاعر

اخوي مخلب تسلم على النقل الرائع

ويعطيك الف عافيه

تقبل تحياتي
خالد الشمري
09-04-2005, 21:19
اختي المهره ومن قال يسلم

الاخ عايد انت اللي تسلم على المرور والتعقيب
راعي الوقيد
09-04-2005, 23:24
وعليكم السلام ورحمة الله وبركاته

هلا والله بالبناااخي

تسلــم يمناك على هالنقــل لقصيــــدة راائعــة

وصـــح لسان الشاعــر / حمد بن جهيم العنزي

دائما ً تنقــل لنا من اعــذب القصائــد ،،،

لاهنــت ،،،

لك التحيــــــــــة منــــــي ،،،

والسلاااااااام ...
..
خالد الشمري
10-04-2005, 16:50
من قال يسلم ياخالي
صدى صرخه
10-04-2005, 22:51
كم بيت في ظل الطنايا تعمر
كم مستجير بظلهم ما يبالي000 مخلب وصح اعجابك وصح ذوقك وصح اختيارك وصح لسان الشاعر حمد بن جهيم العنزي ولا هان وما عليك زود ابن جهيم ونعم فيك ونعم بخوالك00اخوك صدى صرخه وبلازان المجد برزان التاريخ برزان العز يعود ما راح تصبر يا قصر برزان
عبدالعزيز
10-04-2005, 23:44
صح لسان حمد ولسانك ياعزوتي
خالد الشمري
11-04-2005, 01:45
اخوي صدى صرخه ومن قال يسلم وعز الله صدقت باللي قلته ومشكور على المرور والتعقيب

اخوي عبدالعزيز يالعزوه مرورك هو المكسب لي لاهنت يالذيب
هوجاس
21-04-2005, 13:01
صح لسان الشاعر / حمد العنزي
وسلمت يمينك ياخالد
تحياتي لك
بندر الشمري
21-04-2005, 17:06
صح لسانك ولسان الشاعر والصديق / حمد بن جهيم العنزي ،،

وبإنتظار جديدك دائماً ،،

لاعدمناك
لوعة الحرمان
21-04-2005, 23:39
وعليكم السلام ورحمة الله وبركاته


صح لسانك ولسان قائلها


والله يعطيك العافيه على نقلها لنا


لك كل الشكر
بـنـت النـور
22-04-2005, 01:15
وعليكم السلام ورحمة الله وبركاته
صح الله لسان شاعرها
وسلمت الانامل على النقل
دمت بخير
بنت النور
خالد الشمري
22-04-2005, 07:01
الاخت هوجاس الاخ بندر الاخت لوعه الاخت بنت النور
حيّاكم الله ومشكورين على التواصل
المسعودي
22-04-2005, 15:52
مشكووووور
وصح لسانك
ولاهنت على القصيد
ولك خالص تحياتي