عبيد الله العرابي الليل الليل

[فواز الشبيكان]

السلام على الجميع

عبيد الله استلم لا هنت

سلام مني للوجيه المفاليح=عداد ماينبت على الارضِ من شيح


الشعرِ بحرٍ بس وين السوابيح=هذا الصحيح وقولوا اللي تقولون
يالعرابي تقدم للحدود=واشعل النار بالميدانيه

انتِ شاعر وتحسن الردود=وانتبه اضبط الالحانيه

[((بعيدالنظر))]

عليكم السلام ورحمة الله وبركاته
هلا وغلا يالقديمي ..
إستلم لاهنت


يامرحبا عداد ماتذري الريح=وأعداد ماتبدي النجوم المصابيح
والشعر مبنى والمعاني تصاريح=هذا الصحيح وقولوا اللي تقولون

***********


بعد جينا ووفيّنا الوعود=بالدقيقه نجي والثانيه
ماجهلنا الصوادر والورود=نلِحق الأوله بالثانيه

[فواز الشبيكان]

اسلم اسلم


انا ادري انك تعسف القاف تعسيف=شاعر صريح ولايبي لك تواصيف

العب وانا اعطيك قافٍ على الكيف=هذا الصحيح وقولوا اللي تقولون


دايم البرق ياتي بالرعود=والمطر قافيٍ للسافيه

ودنا تمشي بليا قيود=وعوذ الله من الشيطانيه

[((بعيدالنظر))]

الله الله
سلمت .
إستلم

صخّرت قيفان الشعر والمحاريف=مالك علينا يالقديمي معاريف
والبحْر ما أحْدٍ يغرْفه بالمغاريف=هذا الصحيح وقولوا اللي تقولون

***********

يالقديمي مع الجيد نجود=وأنت شاعر علومك وافيه
مانبيها تبيّح بالسدود=بين الأصحاب والعدوانيه

[سرحــان]

هـــــــــلا والله بالنشاما


مساكم الله بالخير


معكم متابع

[الأصيل]

لعب من العيار .. فوق الثقيل


















أنا بهذا ...

[فواز الشبيكان]

الاخوان ////// سرحان
والاصيل والله ان حضوركم ايشرف


استلم عبيد الله لاهنت



انا ادري ان اللعبِ مابه كلافه=واللعب معك اليومِ مابه حسافه
لكن جاك البحرِ كب اللقافه=هذا الصحيح وقولوا اللي تقولون


وكانِ ناوي تزود ابا ازود=وطابِ فالك وطيب فاليه
احشد الجيش وحضر الجنود=واصبر اليومِ باقي تاليه

[((بعيدالنظر))]

بعض الأوادم مايسيب الجلافه=ياسرع ماطجّ الغشيم إعترافه
أنته كتابٍ مابقى ألا غلافه=هذا الصحيح وقولوا اللي تقولون

يوم وافقت وقّعت العقود=ماجبرتك تسوم الغاليه
لاتجينا بها بيضٍ وسود=أفرق المُره من الحاليه

[((بعيدالنظر))]

الراائع / سرحان
حياك الله وحي الله حضورك يالقرم .
أبد مالي غنى عن تواصلكم معنا بكم نرتفع وبكم نسعد ..

لك جلّ التحايا وأصدقها..







العرابي

[((بعيدالنظر))]

الأصيل الشاعر الجميل .

ياهلا بهالطله يالغالي ..
غيابك له تأثيره السلبي على ميدان المحاوره كما هو حضور المؤثر إيجاباً ..

سعدنا بهذا المرور المحمّس وهذا التعليق المنثور ورداً فاح عبيره بتعبيره .....

لك التقدير ..















العرابي

[فواز الشبيكان]

خلوووووووووووووووووووووووووووووووووووووو ووووووووووووووووووووووووووووووها


الله وكبر ياالعرابي تعديت=على سلوم الناس وبعدينِ رديت
تجيب لك بيتٍ وتنفيه في بيت=هذا الصيح وقولوا اللي تقولون

اشهدوا ياعربين الجدود=شاعرٍ مالقىله واليه
ماضرينا بصفقات الخدود=ولا تذرى بجالٍ هاليه

[الأصيل]

هلا بكم أكثر ياشعارنا






وأشكر لكم ترحيبكم الحار

والملعبه أنتم أهلها




وبرضوووه في الصف

[((بعيدالنظر))]

الكيف بن وهيل ماهو بحلتيت=وأنا من دلال الغُشم ماتقهويت
يالموتر اللي يخلط الما على الزيت=هذا الصحيح وقولوا اللي تقولون


لاتحضّر على نفسك شهود=وأنت جوف الثياب الباليه
الأصيل إساله وإسأل حمود=كيف تاجر جيوبه خاليه

[((بعيدالنظر))]

الأصيل ..


يسعدنا تواصلك ..


وأنتم كما أسلفت وقود الملعبه ونقّادها ..

وسعادتي بعودة شاعر رااائع مثلك لاتوصف

تحياتي لك يالغالي
























العرابي

[فواز الشبيكان]

استلم لاهنت\\\


النعمِ فيهم وانتِ و النعم ياتيك=ياشاعرِ ضرغامِ ربي يخليك
واعرف ترى الميسم على روس اذانيك =هذا الصحيح وقولوا اللي تقولون

التغطرس ترى عل الكبود=وانتبه خلك الزلزاليه
احفظ العلمِ والدعوى سنود=والتجاره لها دلاليه

[سرحــان]

عبيدالله العرابي......................القديمي



معكم بالصف


الله يعطيكم العافيه

[الأصيل]

يالعرابي ..

الشهاده بعد انتهاء اللعب كله

ماشاء الله عليك ..








القديمي ..

ماعليك زود يابعدي


كفو كفو







والله إني قايل إنها من العيار فوق الثقيل

[حمود الشمري]

الكبار اكبار

ونا متابع شعرا الديوان وشعرا الميدان ياسلام

[متأمل]

أنا بعد ويّاكم...

بعد إذن العرابي...أنا في صف القديمي

يقولون ..من جاور السعيد يسعد

تحياتي للجميع...استمروا

[((بعيدالنظر))]

الله الله الله الله

إستلم لاهنت يالقديمي


أخرج من البيبان ولاّ الشبابيك=اللي يجيبك يالقديمي يوديك
ميسمك دايم موقعه في علابيك=هذا الصحيح وقولوا اللي تقولون

لو يزين الثمر في كل عود=كان كل الشجاري عاليه
كيف تسرع وتصدم في عمود=ثم تضحك بك الجهاليه

[((بعيدالنظر))]

سرحاااان / ياسلام عليك ياسرحان هذا مرورك الثاني وهذا رسمك ينضح بالروعه وإسمك يزيدنا شرف يالغالي..

الأصيل الغالي / بصراحه أحبك كثير ومرورك وحضورك لها وقع في نفسي يزيدنا تواجد وكلنا يالأصيل طلاب علم أبد لاتعتقد غير هذا ..

الكبير في حضوره / حمود الشمري أنت الرجل الذي نكن له كل التقدير والإحترام لماتحمله من فكر ومن خلق جميل أشكرك على مرورك الذي يشبه الغيث..

الحبيب إلى قلبي/ متأمل
حضورك يعني لي الكثير وصف القديمي صفي وإنت رفيق درب ورجل ذرب وشاعر أحب لقاءه كل ما خشيت لقاء الأصيل . شكراً لحضورك يالغالي.

للجميع أغلى تحيه وأنقاها.










العرابي

[فواز الشبيكان]

الاصيل//// الشاعر اللي اذا شفته هنا ترتفع النعنويه

سمي الذيب/سرحان /// مرورك ذهب ومذهب

حمود //// ياالله حيه من طول الغيبات جاب الغنايم


متأمل ////// ابشر باللي يسعدك


تحياتي لكل من قرأ الموضوع

[فواز الشبيكان]

استلم عبيد الله لاهنت



اليوم حظي ياالعرابي معك قام=والميسم اللي جاك ياصاحبي سام
وهذا العرابي خمسة ايام ماصام=هذا الصحيح وقولوا اللي تقولون


لاتطبع مثل طبع اليهود=واختر المرِ والا الحاليه
الله اللي كسى العظم الجلود=جاكِ علمٍ وعلمٍ ياليه

[((بعيدالنظر))]

الله الله
إستلم يالقديمي عساك ساااالم


يقوم حظك يالقديمي فالأحلام=عملاق فالأحلام وأنت من الأقزام
ترى الحقايق غير يانايمٍ نام=هذا الصحيح وقولوا اللي تقولون


العرب ماتوصيها الهنود=عالمٍ تفقد الإرساليه
ميّت الروح تستره اللحود=وميت القلب روحه ساليه

[فواز الشبيكان]

استلم لاهان راسك



شفت العرابي بيننا يكثر الطيش=كثرة غروره غرته ينطح الجيش
الحر حام وادرج ياابرق الريش=هذا الصحيح وقولوا اللي تقولون


العرابي في قربه قرب دود=وزنك اللي تناقص كيليه
ماتجمع حصاني مع فهود=الحصاني بلاها لحاليه

[الأصيل]

سأبقى بالصف ومتابع



وعندي محاوره مع العملاق العرابي









يالقديمي

نبي نفتح الجبهتين عليه

[((بعيدالنظر))]

ياهل المضايف قولوا المشرف يعيش=لاعاد يخرج للقنص والمطاريش
مايحمي الميقاف بعض الدراويش=هذا الصحيح وقولوا اللي تقولون


الحسد ياكل القلب الحسود=شين الأعمال والأفعاليه
والعشا في مخاليب الأسود=والدجْل مهنة الدجاليه

[فواز الشبيكان]

خلوووووووووووووووووووووووووووووووووووووو ووووووووها


هذي مضايفنا على روسنا تاج=بس العرابي قلبه اسود من الصاج
احرار نضرب بالمخاليبِ دجاج=هذا الصحيح وقولوا اللي تقولون


المضايف ماتنقض العهود=جيتِ نارٍ يحدك صاليه
ابو سلطانِ للطيب يجود=وارثه من عمام وخاليه

[((بعيدالنظر))]

والله ماقصدي نسبب لك إحراج=دخلت من كيفك ولافيه مخراج
وحنا هل المضياف ماعاد يحتاج=هذا الصحيح وقولوا اللي تقولون

المضايف تبي جهد وجهود=وأنت عايش على الآماليه
وبو سلطان رجلٍ فيه فود=وأهل الأمجاد روسٍ عاليه

[فواز الشبيكان]

اسلم اسلم

الشاعر عبدالله يعطيك العافيه وماقصرت


عسااااااااااااااااك على قوه

اشكر كل من مر على الموضوع من شعار ومن اعضاء ومن قراء



تحياتي للجميع

[((بعيدالنظر))]

مشرفنا الرااائع / القديمي

أنت من يستحق الشكر والتقدير .. لاهنت يالغالي وسامحنا على التقصير ..

تحياتي لكل من شاركنا هذا المشوار المليء بكل جميل..






العرابي

[الأصيل]

الله يعطيكم ألف عافيه










مثلي .. ليس له الحق أن يعقب على أمثالكم

ولكن


أتمنى من كل قلبي أن تتكرر مثل هذا الملاحم والمواهب الأخويه

[فواز الشبيكان]

الحقيقه والله

ان الشاعر عبيدالله هو الذي يستحق الشكر والامتنان

والحقيقه عبيد الله مدرسة شعر

واما ابوعثمان الله لا يهينك /// والعين ماتعلى على الحاجب

[((بعيدالنظر))]

مشرفنا وأستاذنا// القديمي
بكل صدق أنت مثال أعلى في الخلق وشاعر أحب محاورته وكرّه وفرّه ولست والله أستاذ شعر ولا مدرسة شعر ولكن هذا تواضع منك ونبل ونقاء يتحلى به قلبك الناصع بياضه .. لاهنت يالقديمي على حسن الظن بي وأتمنى أن أكون بقدر حسن ظنك بي .. ربي يحفظك يالغالي ...

الأصيل // أشكرك على هذا المرور وهذا الكلام الذي يدل على صفاء روحك .. حفظك الله يالغالي ..

أخوكم الأصغر / العرابي