المساعد الشخصي الرقمي

مشاهدة النسخة كاملة : 1000 خطه


محمد الشراري
05-04-2005, 03:07
1000 خطه

ياحمود صبري من صروف الدهرباط = وانا تراني ياخويّك بشطه
ودي تساعدني ترى ضامري شاط= مضمون هرجي بالرساله تحطه
انا ادري انك ما انت للحب خطاط = لكن تكرم يالسنافي وخطه
وافطن الى جتك المهمه من نقاط = خلك وفـيّ وخافي السر غطه
البارحه يوم انت في مرقدك غاط = انا الكرى ماصح لي منه غطه
بيني وبينه هوش وخناق وشباط = ولـو ننوي الصحبه همومي تلطه
واحس كن بداخل القلب مسواط = نوبٍ يحزحز به ونوبٍ يبطه
اسباب من هو تلني تل بارباط = والقلب في قاسي عذابه يغطه
خلاّ عطيب الجرح والجرح ماخاط = ومن زود بخله ماذكرني بخطه
وانا جوابه لو وصلني به اغلاط = من فرحتي به مــآدري وين احطه
ياصاحبي فريت بي عدة اشواط = وش جاك قلبي بالبلاوي تقطه
عقب الوفاء صدقت بي حكي خراط = وطاوعت من للحسد قلبه محطه
وانا قبل كم قلت لك عنه تحتاط = خل الهوى بإسكات والصوت وطه
ياما تعرض للمحبين بافراط = لفراقهم ولـّع فتيله و شطه
راع الحسد يرميك في بحر الاوراط = لاترحمه باقدام رجلك توطه
وانا عن امثاله على راس ملعاط = مايأصله لو حاول انه ينطه
الى قلــط ليـّه ســبقته بــــمقـــلاط = والى رسم خطه رسمت الف خطه
اخوكم/ محمد عطاالله الشراري
بتول آل علي
05-04-2005, 10:07
شاعرنا العذب

محمد الشراري


قصيدة تتقاطر روووعة و جزالة

و هكذا هو دائما شاعرنا (( محمد الشراري ))

لا يأتي سوى بما له وزنه الشعري ..!!

ألف مليون صح لسانك


أختك

الدهور
((بعيدالنظر))
05-04-2005, 10:19
الجميل / محمد الشراري


حضور محمّل بالبهجه وبالمطر ..



دائماً أنت تستوقف منا كل الحواس ..


ما اروعك يامحمد..


دمت بهذا التألق ..

تحياتي ..


العرابي
الأدهم
05-04-2005, 12:34
صح لسانك
اخوي محمد الشراري
دمت ودامت خططك الدقيقه
تقبل مني جزيل الشكر والأحترام
أخوك
الأدهم
محمد الشراري
06-04-2005, 00:10
الاخت الكريمة/
الدهور

الاخوة الكرام/

عبيدا الله العرابي
الادهم
اسعدني كثيرا مروكم العذب
والمعطر بطيب كلماتكم العزيزه
اشكركم من الاعماق على هذا الكرم المتواصل
والتشجيع الاخوي المستمر
تقبلوا تحياتي واحترامي
راعي الوقيد
06-04-2005, 00:46
ياحمود صبري من صروف الدهرباط=وانـا ترانـي ياخـويّـك بشـطـه
ودي تساعدني ترى ضامري شـاط=مضمون هرجي بالرسالـه تحطـه
انا ادري انك ما انت للحب خطـاط=لكـن تكـرم يالسنافـي وخـطـه
وافطن الى جتك المهمه مـن نقـاط=خلك وفـيّ وخافـي السـر غطـه
البارحه يوم انت في مرقـدك غـاط=انا الكرى ماصح لـي منـه غطـه
بيني وبينه هوش وخنـاق وشبـاط=ولو ننوي الصحبه همومـي تلطـه
واحس كن بداخل القلـب مسـواط=نوبٍ يحزحـز بـه ونـوبٍ يبطـه
اسباب من هو تلنـي تـل باربـاط=والقلب في قاسـي عذابـه يغطـه
خلاّ عطيب الجرح والجرح ماخـاط=ومن زود بخلـه ماذكرنـي بخطـه
وانا جوابه لو وصلني بـه اغـلاط=من فرحتي به مآدري ويـن احطـه
ياصاحبي فريت بي عـدة اشـواط=وش جاك قلبـي بالبـلاوي تقطـه
عقب الوفاء صدقت بي حكي خـراط=وطاوعت من للحسد قلبـه محطـه
وانا قبل كم قلت لك عنـه تحتـاط=خل الهوى بإسكات والصوت وطـه
يامـا تعـرض للمحبيـن بافـراط=لفراقهـم ولّـع فتيلـه و شـطـه
راع الحسد يرميك في بحـر الاوراط=لاترحمـه باقـدام رجلـك توطـه
وانا عن امثاله علـى راس ملعـاط=مايأصلـه لـو حـاول انـه ينطـه
الـى قلـط ليّـه سبقتـه بمقـلاط=والى رسم خطه رسمت الف خطـه


الشـاعــــر العـــزيــــــــــز / محمــــــــد الشـــــراري

صـــح لســانـــــــك على هالقصيــــــــــدة الراااائعــــــــــة ،،،

والمعــــذرة فقــد قمــت بتجاوزك وتنسيـــــق القصيــــــــدة دون إذن:)

لك التحيـــــــــــة والتقـــــديـــــــــر ،،،

والسلااااااااام ...
..
متفاائل
06-04-2005, 01:24
محمد الشراري

صح لسانك اخي على هذا الجمال

تقبل تحيااااااااااااتي
محمد الشراري
06-04-2005, 12:50
الاخ الكريم / راعي الوقيد
اشكرك من الاعماق على تشريفك لي بالمرورالعذب
والمشاركه في تنسيق قصيدتي فقد اضفت لها
بلمستك الفنيه جمالا وروعه ورونق خاص
شكرا على هذا الكرم المتواصل
وصح بدنك لاهنت يالطيب
تقبل تحياتي وتقديري
محمد الشراري
06-04-2005, 12:51
الاخ الكريم / المتفائل
حياك الله
اشكرك على مرورك العذب
وتشجيعك المستمر
صح بدنك لاهنت
لك تحياتي واحترامي
عبدالله الجعيثن
06-04-2005, 14:07
محمدالشراري

صح لسانك

قصيده قمه بكل شئ

جزله

راقيه

عذبه

وزادها رونقا وجمالا تلك القافيه الصعبه
مذهل
06-04-2005, 16:53
الله ياخوي محمد

صح لسااااااااااانك

كل الروعه

كل الجمال

كل المشاعر

كل الاحساس

كل الشعرررررررر

تحياتي لك
سعود بادي
06-04-2005, 17:17
محمد الشراري
ابدعت وامتعت
حضور ولا أجمل
ونص راقي صيغ بطريقة جميلة
المهرة
06-04-2005, 17:50
صح الله لسانك 00 وصاخب حضورك
تربعت هذه القصيدة 00 على عرش الشعر
يشتعل الضوء
فينطق السطر
ليناغي القلم
ليعزف على سنا الابداع 00
مفردات الجزاله 00
على صوت الربابه
هنا شعر يتربع على هامة الابداع والجمال
دمت بخير
اختك 00 المهرة
سلطان الشمري
06-04-2005, 20:25
محمد الشراري



قافيه جزله . . . وحرفنة صعبه ..

تمكن .. وابداع

روعه .. و جزاله

استاااذي ..شكرا لحضورك الرااائع


احترامي
محمد الشراري
11-04-2005, 00:19
اخوتي الكرام واخواتي الكريمات

الغازي
مذهل
سعود بادي
المهره
نبراااس

اسعد الله جميع اوقاتكم بالخير والمسرات
لا استطيع ان اوصف مشاعري وبهجتي وسروري
وان اقراء حروفكم وكلماتكم الطيبه المشرفه
لكنني اقدم لكم جزيل الشكر والامتنان
على تشريفكم لي بالحضور المميز والمداخلات الجميله
واعتذر لكم عن تأخري بالرد بسبب
عطل الجهاز وانشغالي في ظروف خاصة
اجبرتني على الانقطاع العملي عن النت
وقلبي وفكري متصل معكم
تقبلوا خالص تحياتي وتقديري واحترامي
اخوكم/ محمد الشراري