المساعد الشخصي الرقمي

مشاهدة النسخة كاملة : مشاركه أخرى ولغز فريشششش


الشادن العربي
04-04-2005, 21:22
السلام عليكم ورحمة الله وبركاته


اليكم هذا اللغز الجديد الفرش = fresh




انشد الشعار واللي يسمعون=وش عذرا تملكونه بالحلال

وش عذرا مالها فم وعيون=له اذان و خشم واحد بالكمال

لغزنا واضح للي يفهمون=واللي يارد الماء يشرب الزلال
مذهل
04-04-2005, 23:46
عليكم السلام ورحمة الله وبركاته

صح لسانك

وهذي رمعه لعل وعسى تصيب

ماهي السماعه حقت الكمبيوتر يعني سماعتين ومايك

تحياتي
غيم الشمال
05-04-2005, 00:36
صح لسانك
وشرايك بترمس الماء
الشادن العربي
05-04-2005, 06:21
السلام عليكم ورحمة الله وبركاته


الأخ مذهل ترى أبعدت


غيم الشمال قربت
راعي الوقيد
05-04-2005, 06:56
انشد الشعار واللي يقرؤون << حتى تنطبق علينا:)

طيب !!

وش رايك بالقربة & الدلو << دلو ماء ودلو طين:)

حياك يالشادن العربي

والسلااااااام ...
..
الشادن العربي
05-04-2005, 10:39
السلام عليكم ورحمة الله وبركاته


يسرني التصحيح منك ياراعي الوقيد لاهنت يالطيب

بس القربه والدلو مالك لوا
راعي الوقيد
05-04-2005, 11:11
يسرني التصحيح منك ياراعي الوقيد
عليكم السلام ورحمة الله وبركاته

يالغالي ماهو تصحيح ترى هذي فبركه من عندي .. بدل يسمعون يقرون:)

اقووووول وش رايك بالزير << ماهو سالم:)

انا من قريت ان رمعة الترمس قرّبت وانا ملح ومصر حول هالسالفة هههه

يسلمووو خيووو

وسلاااااااام ...
..
الشادن العربي
05-04-2005, 13:38
السلام عليكم ورحمة الله وبركاته


( فبرك أخوي على كيفك ) تمون يالطيب

بس الزير ماهو ( سالم ) مالك لوا

عموما هي كله تستخدم للماء

ويمكن يكون الزير اللي تقصده بس امعنى بطن

الشاعر وأنا أخوك
مستور
05-04-2005, 22:54
صح لسانك
عندي رمعه وهو خلاط الماء ومن الممكن يصير له اسم مؤنث عند بعض اللهجات
وتقبل تحياتي
الشادن العربي
06-04-2005, 06:04
السلام عليكم ورحمة الله وبركاته


أخوي مستور ممكن توضح شوي لأن الخلاط

يخلط بعض الأمور والمسميات
مستور
06-04-2005, 13:46
اخوي الشادن العربي
مااقصده هو الصنبور والذي يأتي بالغالب فوق مغسلة اليدين ويكون على جانبيه من اسفل مفتاحين للحار والبارد وشبهتها انت بالاذان والصنبور بالانف
وتقبل تحياتي
الشادن العربي
06-04-2005, 21:12
السلام عليكم ورحمة الله وبركاته


عزالله إنك وصلت للحل


جبتها يامستور ماشاء الله عليك