البراقع [الأرشيف]

طلال الزقروطي

29-01-2002, 04:09

صادفني ثىث احترت وياهتــــــــن

ابهرني صحيح وقمت اطالعهـــــــن

طولهن واحد ولبستهن وممشاهـــــن

والله يعلم بعد حتى طبايعهـــــــن

زاهيات براقعهن وتزهاهـــــــــن

لعنبو جدهن محلا براقعهـــــــــن

لا رضا ابوهن عن الناس غطاهـــــن

ولا بغى يشغل العالم يطلعهــــــن

قمت اعدد على نفسي مزاياهــــــن

وقمت اهوجس على نفسي وانا اتبعهن

واستدارن جنبي شخص ناداهـــــــن

قلت ذيفرصة ابقصد واسمعهــــــن

للقصايد مع اني حافظ ارداهـــــن

ارتبكت وعجزت اتذكر اروعهــــــن

والسوالف بعد خلني انساهـــــــن

ضيعني صحيح الله يضيعهـــــــــــن

والدليل اني تخربطت وياهـــــــن

ابسلم عليهن قمت ودعتهـــــــــن

خالد المريخي

وهذه القصيده لاجل قصيدة البراقع

ايضا لخالد المريخي

طول حبيبي ولا له عاده يطــــــول

وقلبي همس روح تلقاه امتشوق لــك

وطعته ورحت وسألته:ليش ما تســأل

ورد بزعل:وش تبي ؟ ماني برايق لـك
\r
رده صدمني وقلت: شفيك متبــــــدل

لا الطبع طبعك و لا هذا الثقل ثقلـك

وبقيت اكمل وقال :ارجوك لاتكمــــل

ما بيك رح للثلاثه اللي خذن عقلـك

دامك ىتغزلت فيهن ارجع اتغـــــزل

لا صار هالوضع يا ابن الناس لايق لك

يا ليتها بس وحده يمكن اتحـــــمل

واحاول اكذب على نفسي والفق لـــك

قلت:انت زعلان قال:شلون ما ازعـــل

تقصد بغيري تبغاني اصفق لـــــــك

مع جزيل الشكر اخوك طلال الزقروطي

مجموعة إنسان

29-01-2002, 21:44

تشكر أخ طلال على هذا الإختيار

والشاعر خالد المريخي يتميز بسلاسة الإسلوب التصويري

ومهما قرينا قصايده مانمل منه وخصوصا اذا كانت بإلقائه

يحط عليه بهارات تشويقيه.

وهذه مقتطفات من رائعته ( أمي )

أمي مهي أم أمي كنز حنيه ....... حلاة هالكون كله منوخذ منها

أمي مهمة وأهم من الأهميه ....... ابفتخر في محبتها وأبينها

عذروبها بس طيبتها خياليه .... يازين عذوبها اللي مايشينها