جود اللغز ياحلالها >> مشكلتي أحب الالغاز

[عجايب بنت الشايب]

نشدك عن عوداً دايم نايم

وعياله عشره في ظهره

يقضي لك بعض اللوازم

سوى رجالاً أو مره؟

وسلامتكم ,,

ولو ماعرفته حل هذا :

نشدك عن بنت عيالها ثلاثين

وان غاب واحد قلت : منهو كسرها؟

وعيالها لهم عشرة عيالٍ صغيرين

وعيالها وعيالهم في ظهرها ؟


وعندي واحد قديم أسمع

أم


أممممم


أيوه
نشدك عن بنت لعوب وعند الناس مشهوره

تحب الزحمات ولاتدخل بيتها إلا وهي مجبوره ؟



دمتم حلالين ,,,,,,:rolleyes::rolleyes::rolleyes:

أنتظر حلك ياسنايدي ,,,,,

[نديم طويق]

صح لسانك

الاول التلفون والمربع والنجمة

اما اللغزين الاخيرين فاخوك مطفي النور

لك خالص تقديري

[الصيرمي]

حل لغز واحصل على ثلاث الغاز مجانا
هههههههههه
ايش اصله هذا:)
ولا واحد:(
هههههه

[غيم الشمال]

الاول التلفون والثاني المسطره والثالث الكوره
ودمتم
بس للاسف طريقتك في عرض الا لغاز غير مناسبه
شوفي الرجال وشلون يعرضون واعملي مثلهم
بس نعذر كونك جديده على الالغاز كما هو واضح من طرحك واعذري صراحتي
وشكرا للجميع

[عجايب بنت الشايب]

نديم طويق صح لسانك على الحل الاول جبتها


أخوي الصيرمي ههههههههه والله الصادق أختك مدرعمه ؟؟



غيم الشمال ياحلالها صح لسانك أولا ثانيا أشكرك ثالثا أنا ماأقلد رجال

بعدين أنا ما أحب المقدمات خلاص لغز وطرحته لازم أشرح ؟؟!!

مافهمت وش تقصد بالضبط بس الف شكرا أخوي

وأوعدك أحط قصه قبل اللغز هذا أذا بقى شي من الاغاز عندي كلها سردتها هههههههههههههه