المساعد الشخصي الرقمي

مشاهدة النسخة كاملة : جمال الكون


ناصر البكر
28-03-2005, 18:16
اغليت شعري لجل قافه غدى فيك = ياللي جمال الكون كله بعيونك
من وين اببدى 00وين اوقّف واخلّيك = قافي غدى كحلٍ يسيل بجفونك
من حد راسك لين حدري مواطيك = ترجمتها بحرفي وتعدّت ظنونك
ياليتني اقدر اغامر واورّيك = وشلون قلبي ماتحرّك بدونك
اعاقب الشوفات كانه تعدّيك = هذي جزات اللي بشوفه يخونك
لوهي بكيفي والله انّي فلا اغليك = لاشك قلبي غارقٍ في ديونك
حيثك خذيت الروح منّي واناجيك = مادري جنوني اوبعيني جنونك
امسامحك قبل الغلط كان يكفيك = شعري وشعوري كل ابوهم يبونك
تدري وش اللي زاد قدرك وحاليك = انك تصونن مثل ماني اصونك
تدري وش اللي يجذب عيون مغليك = لون القمر صاير شبيهٍ بلونك
تدري وش اللي يجبرن دوم اناديك = ابسبق اللّي فكّروا يذكرونك
اغمّض عيوني واناظر معاليك = اغذّي احساسي واسافر بكونك
يالحني الدافي عزفته باياديك = ماقدر طربت الا بشيلة لحونك
انااطلبك تكفى عسى الله يعافيك = اليا نويت الهجر00 تحرق شجونك
((بعيدالنظر))
28-03-2005, 18:36
من وين اببدى 00وين اوقّف واخلّيك
..........قافي غدى كحـلٍ يسيـل بجفونـك


الله الله

ناصر البكر يعطيك العافيه قصيده لها من الروعه ماشرفني بأن أكون أول من يصافحها..

يعطيك العافيه وسلم فكرك وصح قلبك.
تحياتي
المهرة
28-03-2005, 19:47
صح الله لسانك 00 وعذب هتانك
لازلت اقول لديك جمل تصويريه رائعه
موج 00
مطر
حزمة فل
هنا تمرس في طقوس الشعر
مكتوبة بأحساس عالي 00 باسقة 00مورقة00
كلمات تتباهى على غيمة بيضاء00
دمت بخير
اختك 00 المهرة
صدى صرخه
28-03-2005, 20:56
ناصر البكر صح لسانك ولاهنت صح معنى صح كلمه وصح ما قلت 00صدى صرخه وبرزان المجد


اغليت شعري لجل قافه غدى فيـك
ياللي جمال الكـون كلـه بعيونـك
احمدالسلطان
28-03-2005, 23:21
الاخ ناصر قصيده رائعه وتستحق القراءه عشرات المرات مميزه بكل كلماتها وصح السانك
عقاب النهار
29-03-2005, 00:43
تــــــــــسلـــــــــــــــــم
ويسلم قلبك على هذا القصيده
والتى هى اروع من الرائعه وشامخه
من شاعر يستحق من يتابع له جديده
فلله درك على الابداع \\ وصح السانك
مليوووون مليووووون ولايكفوووووووون
وتقبل خالص مودتى واحترامى
اخوك \\ عقاب النهار
زاهي التومي
29-03-2005, 01:00
ناصر البكر


صح لسانك .. و علا شانك

قصيده فيها الكثير و الكثير

معاني جميله جدا ً

صور رائعه

احترامي أخي ناصر

أخوك / زاهي حمود
عبدالله الجعيثن
29-03-2005, 10:43
ناصر البكر

صح لسانك

قصيده رائعه جدا

واعتقد انك كتبتها بأستعجال..

البيت الاول والثاني بهما ثقل واعتقد ان هناك اخطاءاملائيه اثقلت لحن الشطر الثاني بالبيت الاول. الشطر لاول بالبيت الثاني.

1-ياللي جمال الكون كلـه بعيونك
ياللي جمال الكون كلـه عيونك

2- من وين اببدى 00وين اوقّفك واخلّيك
من وين اببدى 00وين اوقّف واخلّيك

اخي العزيز

اعجبتني جدا ابياتها و اردته ان تكتمل عقودها كالدرر ولايخدشها شطر او اثنين.

اخيرا اسمحلي تطفلي.
بتول آل علي
29-03-2005, 12:23
ناصر البكر


حضور مذهل يليق بهذا الاسم الشامخ

رائعة و تستحق الوقوف لفترات طويلة

و ها نحن هنا لنقف معها ...!!!

ألف صح لسانك


أختك

الدهور
ناصر البكر
29-03-2005, 18:16
استميحكم العذر
للرد على الاخ الغازي
هلا وغلا فيك
وتبي الصراحة ايوالله اني ماراجعتها
ويوم راجعتها لقيت حروف مضافة عن غير قصد
بس وش السوااات المشكلة
اخوك خبل اذا نزل قصيدة
لازم ينزلها بعشرين منتدى
ومالها حل الا اخليها تولي
ومااسوي عليها ردود
وان شا الله بالمراات الجاية انتبه اكثر
وتبي الحقيقة هذي من اقرب القصايد لنفسي
لكن انااريد وانت تريد والله يفعل مايريد
ناصر البكر
29-03-2005, 21:16
اخي الغالي الغازي
توني مراجع القصيدة
مافيها خطأ املائي
الا الشطر الاول من البيت الثاني
( من وين اببدا00وين اوقف واخليك)
ويعلم الله انه خطأ املائي فقط
امابقية القصيدة فسلامتك
مافيها اي خطأ وياليت تغنيها وتكتشف صحتها
واناقمت بعرضها على كبار الشعراء
مثل استاذنا الهرم الشامخ
احمد الجريفاني
فأ رجو منك تعديله
ولك جزيل الشكر والعرفان
( يمكن النطق اختلف عليك)
عبدالله الجعيثن
30-03-2005, 13:33
ناصر البكر

اذا اخوك كبر بعينك مره

فيعلم الله انك كبرت بعيني مرات

ويعلم الله ان كثير من القصائد نشرت هنا وكثير منها اما مكسور او به اخطاء املائيه كثيره ولكن اسكت عنها لاسباب:

اما انها تكون دون المستوى او انها غير مكتملت الوزن في كثير من بيوتها...او اني اعلم ان صاحبها يزعل ان انتقدت قصيدته.

اما قصيدتك- وهذه ليست مجامله-فهي رائعه وجزله وحرام ان اسكت واتركها.

واذا اردت صدق كلامي فدقق بكثير من القصائد المنشوره هناوالتي بها..وبها..!

تجدني لم ارد عليها ولن ارد عليها.

تحياتي لتقبلك وسعت صدرك.

ومرت اخرى سامحني على تطفلي.
ناصر البكر
30-03-2005, 18:25
الله يبارك فيك يالخال
وهذا من طيبك
سلطان الشمري
31-03-2005, 00:42
ناصر البكر


استاااذي الكريم

قصيده جميله . . والفاظ خفيفه رائعه


لاهنت
خلف الأسيد
31-03-2005, 20:15
اخوي

ناصر البكر

لاهنت

قصيده جميله

وتواصل اجمل

تحياتي

لك
ناصر البكر
03-04-2005, 19:17
عبيد الله العرابي
صح الله بدنك
ويشرفني مرورك وتواصلك الكريم
ناصر البكر
06-04-2005, 20:09
المهرة
الف هلا والف غلا
وصح الله بدنك
والله لايهينك