رئيس محاكم حائل وشمر

[خالد الشمري]

قصيده لفضيلة رئيس محاكم منطقة حائل سابقا وعضو هيئة التمييز

حاليا الشيخ / مسفر دخيل العتيبي حيث يتذكرجبل متالع وقال
ــــــــــــــــــــــــــــــــــــــــ ــــــــــ ــــــــــــــــــــــــــــــــــــــــ ــــــــــ ــــ

يانازل ابن حنيضل القلب محزون000 وجدي على البرقا بشرقي متالع

عسى المطر لمتالع الطود موزون000 غر المزون اللي به البرق شالع

يانازل الطوعان ياشوق مزيون000 بنت الرجال وخده النور ساطع

وجدي عليكم وجد مكروب مديون000 شفي جبل شمر عذي المطالع

قلبي عليكم يافتى الجود مفتون000 والعين دمعه دب الايام دامع

ابي وطنكم سيد الاوطان بفنون000 وتاريخكم مشهور والصيت ذايع

نعم(ن) بشمر باسمها الجود مقرون00 زبن الدريك وريف من جاه جايع

شمر هل المعروف بسنين وقرون00 علم(ن)قديم وجاحد الطيب ضايع

الحق حق ومنكر الحق مجنون000 شمر هل الطولات والطيب ناصع

للمرجله ياتون وضده يعييون000 متمسكين بسلمهم والطبــــايع

شمر هل الناموس وللجار يذرون000 وشمر هل النجدات للصوت سامع

اليا قلت غلبا يالسناعيس ياتون000 يردون حوض الموت والجمع جامع

شمر هل الشيمات وابليس ملعون000 ستر العذارى لابسات البراقع

الطيب طبع وخالقه خالق الكون000 مثل الديار المعشبه والبلاقع

اقولها مالي مقاصد ومضمون000 وانا عتيبي(ن) عريب المقاطع



تحياتي لكم

اخوكم خالد الشمري ـ حائل (هذا النص منقول )

[راعي الوقيد]

صح لسانك مخلب

وصح لسان الشيخ مسفــر العتيبي

والله ما الومه من يشوف هالسمر والحمر وينساهن بسهولة

لاهنت يابعدي

والسلاااااام ...
..

[خالد الشمري]

ومن قال يسلم ياخال

[المهرة]

صح الله لسانك شاعرها
وسلمت الانامل على النقل الجميل
دمت بخير
اختك 00المهرة

[خالد الشمري]

ومن قال يسلم يالمهره

[مشــــعل]

ياحبيبي والله يهالعتيبي

ياخي بعض الرجال يعجبونك يامنه راح يعد الصحيح

اما بعضهم يامنه اقفى مقفى ضبعه الله لايبلا

مخلب

ياعل عمرك طويل

[خالد الشمري]

عز الله يامشعل صدقت . تسلم على التعقيب

[مرزوق الشمري]

احيي الاخ مسفر العتيبي على ماقاله في شمر
وكما يقال يارياح كثر المنايح واللي بالناس ينعد والنعم بشمر قلادة العرب واشكر الاخوان الذين عقبوا على القصيده

[الـمـحـروووم]

مخلب


سلمت يداك


وصح لسان الشاعر

[خالد الشمري]

الاخوان مرزوق والمحروم مشكورين على المرور