من شمر تودا للظفير

[هايس الشمري]

السلام عليكم


اول مشاركة بالالغاز






ويش بنت ما دام انه صغيره=عند شمر على مهلة تسير

و اذا عجز عنه راع البصيره = لازم انه تودا للظفير


و ترا هاللغز للشيبان :)


الذيب

[اليم]

هلا بك يالذيب

واسعد اللحظات مرورك ومشاركتك الاولى

وان شاء الله ماتكون الاخيره.


وننتظر الاخوان

وين مستور:)

[راعي الوقيد]

((الذيب))

حيوووووهـ

وخووووش لغــــز:)

والله يافلان مادري بس اشيّك على القصة غدي نلقى شي حـول السالفه

سلاااااام ...
..

[فتى الحفيره]

الأخ العزيز نبي نرمع وعساها ماتكون سماوية
ماهي (الدخالة) أو (قطعة الخامة البيضاء اللي تحط في بيت الدخيل كعلامة بسبب قصة حصلت) وشكرا للجميع

[الاصمعي]

حيى الله الذيب

حيه وما جاب والذيب ما يجيب الا الجزلة

بس وشي الي ليا كبرت تودى للضفير:g:

أبي أروح أنشد وأرد لك لأن ببالي رمعة ومنا متوكد منه:)<<أبي أسئل هي ليا كبرت تودى للضفير ولا لبيتٍ من السيافا:thumb:

تحياتي

[هايس الشمري]

اليم



هلا بك اكثر


و كلنا بانتظار الاخوان

[هايس الشمري]

راع الوقيد


الله يحييك


ننتظر عودتك


الذيب

[هايس الشمري]

فتى الحفيرة


هلا بك



و مالك لوا يا بعدي

[هايس الشمري]

الاصمعي



هلا بك والله اكثر



و الله يحييك




اما هاللي ليا كبرت تودا للظفير يقولون شمر ما وراهم سنع له


و ليتك جادعن رمعتك نبي نعرف هاللي تودا للسيافا



بانتظار عودتك

[راعي الوقيد]

الذيب

وش رايك بالخصومة:)

هااااهـ بساع عطنا العلـــــــــم

سلااااام ...
..

[هايس الشمري]

راع الوقيد


صح لسانك


هي الخصومة بزاتها :)


او ما يعرف بالطلبة


يقولون اذا عجزوا عنه عوارف شمر يودونه لابن سويط و هو يحله


و العهده على الراوي






اخوك


الذيب