المساعد الشخصي الرقمي

مشاهدة النسخة كاملة : وش رايكم يا أهل المضايف؟ .. الطارف سداد!!!


((بعيدالنظر))
18-03-2005, 01:29
سلام ماحن الرعد والبرق من منشاه ناض=رديةٍ هبّت على الحاضر بريح اللي مضا

وش رايكم ياأهل المضايف بعد موج البحر فاض=إن كان صار البر مثل البحر عيشوا فاالفضا
متفاائل
18-03-2005, 14:01
يالله حي العرابي :7ayyoh:

وشلونك وشلون اهل ذيك الديار كلهم

نورت مضيفك مضيف المحاوره كم هو مشتاق اليك كما هم محبين المحاوره


جيت اسلم طال عمرك واسجل حضوري . ومتابعتي

اما غيره طويق :) :) هههههههه عذرا لاني مشغول اليومين هذولي << اي هين



تسلم
حمود الشمري
18-03-2005, 14:24
حياك الله عبد الله العرابي طاروق طيب

ونشالله يردون عليك الشعرا الموجودين

ونا اعتذر لاني مسافر بعد يومين خارج الشبكه

تحيات اخوكم ابو عيد
متأمل
19-03-2005, 00:06
حياك الله أخي...عبيدالله

الحمد لله على السلامه...من طوّل الغيبات

استلم...


هلا يا مرحبا و الشعر من بين المحاني هاض=و الحر دينه يلتزم يوفيه لا حان القضا

يا اللي تدوّر للسمك و الحوت في سوق الرياض=ما يُصلح الصّاحين لا عاشوا مع ناس مرضى

أخي متفاءل ...لا تروح بعيد...الصف مسئوليتك يا بعدي
الاصمعي
19-03-2005, 00:56
أييييييييييه أيييييييييه

عاشوا الشعار

اض واضا وأرض وفضا:)>>مانبي نحرق القوافي وهن شحاح على غير شعَّارنا:thumb:
هايس الشمري
19-03-2005, 08:42
الله الله




متابعين


عبيد الله العرابي


صح لسانك


متامل


صح لسانك
فلاح السعد
19-03-2005, 08:50
وينهم الربع ههه

عاشوا الشعار


وترونن من ضمن المشجعين
عبدالله الجعيثن
19-03-2005, 08:51
الله الله




متابعين


عبيد الله العرابي

صح لسانك

متامل

صح لسانك
((بعيدالنظر))
19-03-2005, 17:51
المتفااااائل الخلوق// مرورك وحضورك يكفي لنقاء هذا المكان أيها النقي ومتابعة مثلك فخر.
أحييك وأعذرنا على القصور يا ابو عمر .. الله يحفظك
مشرفنا وقلب المنتدى النابض// الله يحييك ياحمود وحضورك إلى متصفحي يعني لي الكثير ..يشرفني أن تكون أحد المتابعين لهذه المحاوره . حفظك الله ياحمود
شاعرنا الجميل / الأصمعي .. مرحبابك يالغالي وحضورك أهم من شُحّ القاف وضيقه الله يحيي ملفاك يالغالي وخيرها في غيرها الجايات أروع..
الغازي// مرحبا تراحيب المطر والسيل صح بدنك ومتابعتك تهمنا يالغالي ..
فلاح السعد// ياالله حي السعد وحضوره سعدنا بك ويشرفنا أن تكون ضمن المتابعين لاهنت يالغالي
(((الذيب))) // هلا بالذيب وحضوره ونوره . تشرّفنا بمتابعتك وصح بدنك يالغالي .. لاهنت .



المتأمل // مرحبابك يالغالي وأتشرف بمحاورتك .. وياليتك تغني البيت أفضل قبل تكتبه على اللحن الطويل ..

إستلم لاهنت يالغالي




يالله لعل إلك البقا مالي على الطيب إعتراض=والدين فرض وعين ودروبه كما جمر الغضا

لاصرت يالمتأمل إتعْرف السواد من البياض=أكيد ما تجهل دروب الضيق ودروب الرضا
متفاائل
19-03-2005, 18:49
http://shmmr.net/vb/images/separators/73.gif

العرابي
متأمل
لاهنت ابشروا باللي يقضب الصف انشاء الله
متأمل
19-03-2005, 22:02
هلا بالطيبين..هلا و ميّة هلا

الأصمعي...الذيب...فلاح السعد...الغازي...و متفاءل

وجودكم يسعدنا...و متابعتكم تشجعنا...الله لا يهينكم

أخي عبيدالله...أعد قراءة البيت جيدا...و أنا واثق أنك بتشوف الفرق

و إذا فيه خطا...جل من لا يخطأ...ما ني متكابر على أهل العلم

استلم...


أفهم حدود النص لا تاخذ كلامي بافتراض=خلّك سوات الذيب و اشتال الغنيمه و اركضا

قالوا درست العلم لكنك تقول الديك باض=صارت قضيه يوم شاهدها عليها حرّضا

تحياتي...
((بعيدالنظر))
19-03-2005, 23:14
الله يحييك يابو عمر ..
مانستغني عن متابعتك ومساندتك وتشجيعك يالقرم ..

أخي متأمل .. كلك زين وصح لسانك . عدّاك العيب ..

هي وصيه يالغالي لاتاخذ في بالك . والعالم الله

إستلم عساك سالم



المرتفع ماينخفض لو صار فىْالعلم إنخفاض=أترك حدود النص للي ماعرف عوص النضا

لاصار بيض الديك كذبه ماورى فكرك مخاض=تلوي حبالك والعوارف فتلها ماينقضا
متأمل
20-03-2005, 10:00
استاذ يا عبيدالله...استاذ

استلم لا هنت...


لا ضاق صدرك شيل قشّك و انحر فجوج الفياض=كود الجروح اللي تلدّ النوم عندك تنجضا

أرسلت فالحاجة ولد لكنّ ما ادري وين راض=اثره يعيش بجوّ به شيخ العرب ما قيّضا

تحياتي...
بتول آل علي
20-03-2005, 12:02
عبيدالله العرابي

و

متأمل


... إذا نحن أمام محاورة فريدة من نوعها

صح لسااانكم و معاكم بالصف


الدهور
((بعيدالنظر))
20-03-2005, 15:37
الله الله الله
ياسلااااام عليك يامتأمل . رااااائع
لله درك ..
وإستلم لاهنت يابطل.

ماضاق صدر الصقر وإن ضاقت جناحينه عراض=ودك تلزّم في جناحه كل ماجا ينهضا

خلّك قريّب خذ من الأيام عبِره وإتعاض=واللي تأمل خير يلقى خير حتى لو جضا
((بعيدالنظر))
20-03-2005, 15:46
أختي / الدهور ..
لا أجد مايليق بحضورك سوى الشكر وهو قليل ..
متابعه لها وقعها على النفس من راقيه مثلك ..

يعطيك العافيه أختي ..

لك من التحايا أعطرها ومن الشكر مايليق بك .
تحياتي
متأمل
21-03-2005, 01:23
الدهور...متابعة متميزه في منتدى المحاوره

العرابي...استلم


شاعر عكاظ اليا اختبرته ما طلع شاعر عكاظ=توّه صغير السن ما شاف اللهايب و اللظى

ليت الصفات الطيبّه فالناس ما جاها انقراض=ما ترتفع دارٍ فقايدها دخاتر و وعظا

تحياتي لجميع المتابعين
المشعل
24-03-2005, 11:59
الله الله الله

محاوره من احسن ماتكون

تابعو تابعو
المهرة
25-03-2005, 18:13
ابداع * ابداع
صح الله لسانك 00 اخوي
متأمل
وصح الله لسانك
اخوي عبيد الله العرابي

بالتوفيق ان شاء الله للجميع
دمتم بخير
اختكم 00المهرة
مغترب بالشمال
30-03-2005, 13:23
العرابى ومتأمل يامال العافيه


محاوره رائعه

معكم متابع


الشكر لكما يارائعين

اخوكم الصغير