ياويش رجل ٍ ..!؟؟

[راعي الوقيد]

السلام عليكم ورحمة الله وبركاته

اقدم لكم هذا اللغــز وقد جاءني عبر الإيميل:)

بعدين علّمت بحله:) عجـزت عنه !!


ياويش رجل ٍ جهّز الشيل حجاج=حج وكمل حجه بقصرت مسيره

طاف وسعى وكل المشاعر بها داج=وهو ما طلع بيته مثل حج غيره

وسلامتكم ..

...

[خلف الأسيد]

اخوي

راع الوقيد

ما هو النقل التلفزيوني المباشر

عاد هي رمعه وللغز توه ونفكر فيه

لك

تحياتي

[الصيرمي]

صح لسانك

ماهو التوكيل بالحج

ايش رايك

[راعي الوقيد]

الاخ خلف الاسيد

حياك الله

ماهي هي

بعيد جدا ً :)

حااااول مرة اخرى

سلاااااام ...
..

[راعي الوقيد]

الاخ صيرمي

يالله حيوووهـ

والله رمعة يالغالي ما هي كش وجه:)

لكن حاول مرة اخرى

وسلاااااام ...
..

[الصيرمي]

الله يحييك

كيف يعني الرررمعه سمااوي آآآي

اررررراخو ابوووويا

ههههه

[نديم طويق]

صح لسانك يا راعي الوقيد

ذكرتني باللي مدح الشيطان في مجلس

وجاه بليس بالليل وهو نايم قال اطلب .....

المهم ان ابليس شاله على كتفه بيحج به وتخبر باقي السالفة[لوحة]

[راعي الوقيد]

صيرمي

لا انت اقرب الرمعات:)

حياك

نديم طويق

صح بدنك يالغالي

لا والله ماهي هي

هي سالفته حقيقية وجرت على شخص معروف:)

كيف انت

سلاااام ...
..

[مذهل]

هلا اخوي راعي الوقيد

والله عندي رمعه كنت جايك امشي مليون ابرمعه ولو اني تكل هونت يوم قريت ردك الآخير انه سالفه حقيقيه جرت على واحد معروف.

لكن ما دامني جيت ابرمع

تسان ما هو ((الحلم)) يعني الواحد اذا تحلم انه حج فهو يحج ويطوف ويسعى ويسوي كل شين وهو ببيته.

تحياتي

[majroo7]

صح لسان اخوي راعي الوقيد احاول واقلب براسي وارجع ..

[خلف الأسيد]

اخوي

راعي الوقيد

ماهو الجنين ببطن امه اكيد ماهو .هو

هي رمعه على كل حال

ولي عوده

تحياتي

لك

[راعي الوقيد]

تسان ما هو ((الحلم)) يعني الواحد اذا تحلم انه حج فهو يحج ويطوف ويسعى ويسوي كل شين وهو ببيته.
مذهـل !!

يقول لك حج وكمل حجه :) << ماهو حلوم ليل هههههه

لاوالله يالغالي ما هو هو

---


صح لسان اخوي راعي الوقيد احاول واقلب براسي وارجع ..
ماجــور :)

رح ومتى مابغيت ترجع حيااك

---

خلف الاسيد

لاوالله ما هو الجنين ببطن امه:)

هذا رجال بس ابيكم تعرفون وش سالفته:(

يكفي تسذا

سلااااااام ...
..

[مذهل]

السلام عليكم
صح لسانك راعي الوقيد
عندي رميعه
ما هو الرجل اللي يصلي صلاة الفجر ويجلس بالمسجد الى بعد طلوع الشمس وتحسب له حجه وفيه حديث عن الرسول صلى الله عليه وسلم

تحياتي

[الغثه]

الاسراء والمعراج

<<< يبي يحمس العالم


الغثه:)

[راعي الوقيد]

مذهـــــــل

لاوالله يالغالـــــي ماهي صلاة الفجــــر

الغثـــــة

ماهو الإسراء والمعراج

حياكم الله شباب :)

والله صعب تحلونه لأنه يحكي قصة معينة يالله واحدن يعرف السالفة

تبون احله لكم:(

ههههه

سلاااااام ...
..

[الصيرمي]

طيب هذي قصه واحد كان يبغى يحج:)

بعدينه مارراااح للحج قعد في بيتهم:) اكمل هههههههههه

يعنى نوى يحج وماحج الا بالنية وربنا قبل هههههه

هيا ايش قوولك بهدا الكلام
ههههههه

[راعي الوقيد]

اقول ماهي هي ههههههههه

خذا الله هالضحتسه هههههههههه

لا يابعدحي ما هي الحج بالنية:)

لكنك مانت بعيّد حول الدعوى اقصد هي قصة راجل :)

وسلاااااام ...
..

[بو رائد]

راعي الوقيد مرحبا وش رايك بالي يقولون به واحدن بالقصيم
كان ناوي الحج وكان جيرانه فقراء وجاره قال لمرته شوفي هالشاه
الميته خوذي من لحمه في ماعون خاص واطبخيه للوغدان حتى
لايموتون والظاهر ان عيال جيرانه شافوهم وقالوه جاره ليه ماطعمتونا
من الذبيحه وبعد الحاح علمه بالسالفه واستخار عن الحج وناس من
ديره مجاوره له شافوه حاج وهو في بيته لم يحج رمعه طيبه

[راعي الوقيد]

يازين حل اللغــــز وياسهــــل حله:)

اي والله يا:)بو رائد:)

صح لسانـــــك مليــــــون:thumb:

هذا هو ، واحدن من اهل عنيزة نوى الحج وما قسم الله انه يحج

للظروف اللي ذكرته ، ولكن اللي حجوا من خوياوهـ شافوهـ بجميع

المشاعــر يلوح لهم من بعيد مثل الخيال ، الوكاد نشدوا الشيخ وقال

الشيخ حجه كامــل ونسأل الله ان يتقبل منه !!

وهذي سالفة اللغـــــز !!؟

تسلـــــم يابو رائــــــد على الحل الصحيح :)

لكن منين جبت هالسالفة ماشاء الله عليــك ،،،

والسلااااااااام ...
..