إمارة حائل وعنيزه

[خالد الشمري]

بعد معركة بقعاء المشهوره كانت العلاقات متوتره بين امارة حائل وامارة عنيزه وامارة بريده وفي زمن حكم الامير عبدالله الرشيد وبالتحديد سنه 1261 للهجره قام امير عنيزه عبدالله بن سليم وهو من قبيله سبيع بأخذ إبل للأمير عبدالله الرشيد فقام الأمير عبدالله الرشيد برفع الأمر الى الامام فيصل بن تركي فأرسل الامام فيصل شخصين الى عبدالله بن سليم وهما فرحان وابن سبيت فلم يلقي لهم بال فعلم الأمير عبدالله الرشيد فأرسل الأمير عبيد الرشيد على ابن سليم فصارت المعركه الأُولى إنتصرو فيها شمر فقال ألأمير عبيد الرشيد:
يالله ياللي تبدي الخلق وتعيد.......والى بغيت امرٍ قضيت المرادي
يالواحد اللي من ترجاك ماصيد......ومن هو بحرزك لايذٍ مايصادي
جونا وجيناهم وصارت مطاريد......بيومٍ حصل به مثل يوم التنادي
لكن جدع الروس حذف الجلاميد......كرامةٍ للي نصى الجيش بادي
يوم ان بعض الناس كسبه بواريد......تركز بنا روس العدا بالعوادي
جينا بربعٍ عقب الاقفى مواريد.......كن يحداهم من ورى الطعس حادي
جينا بسمحين الوجيه اللأجاويد......ونادى لهم من عند ربي منادي
خلّو جنايزهم سوات المجاليد.......بصوارم بأبمان غوش الجهادي
يتلون حرٍ دايمٍ يفرس الصيد.......خلاّ بديد الريش مثل الجرادي
قدّام مصرعهم بشر باسق الغيد.......وأمر لهم والي السماء بالحصادي
أطيابهم ِرمْيو على صحصح البيد.....وكلن على مضرب مطيحه يفادي
شكراً لمن حطّه بروس النماريد.....دوّارة الفتنه على غير قادي
وش يطلع المملوك من ِولية السيد.....ومن خلقة الدنيا وحيّه يسادي
وعن طلعة اللي فات بالشر تجديد.......وردّة شرايد بيضهم بالحدادي
لعيون (حسنا) مانعرف التسانيد.........ونروي السيوف ان عرّضت بالمعادي
يوم إعترضناهم بزينٍ وتهديد.......عذره يبي منّا يقول السدادي
تاهت بصايرهم دروب المواريد.....ولا لهم من قايد الرشد هادي
وصلّو على اللي مهّد الدين تمهيد......ماشيف فجرٍ مع شفى الشرق بادي

وفي نفس السنه غزا عبدالله بن سليم جهة سميراء شرق بجنوب عن حائل وخذا حلال ابن جلعود ( عنزي ) من اهل سميراء فقال الامير عبيد الرشيد:
يابن سليم ان كان أغرتُ بالأطراف........فلا تهّم الطهّبله والتداهير
ومن زرع ابن جلعود لو خذت منساف......ومن البقر رحتُ بعجلٍ على ضير
ولو تذبحون من البقر تسعة آلآف .......ماهن لموتاكم يردّن خواوير
حنّا الى اغرنا طمعنا بالأسلاف.......تلقى القلايع مثل أفام الخنازير
مع قلعنا تلقى مكاسيب وعطاف.......وما تنعزل خلفاتها والمعاشير
ننصى المشايخ مانجنّب للأطراف......كم نزلةٍ بأطرافها نضرب الزير
والله بحق امره على النون والكاف .....الوالي اللي يعطي الشر والخير
يرميك وركابك عن المشي وقّاف......مايهزمنّك مهزلات مقاصير
وآتيك فوق قشمرّةٍ توهج وهاف.......مع وجه جمعٍ مايهاب الطوابير
يوم إشتهيتو حربنا عقب الأحلاف......ودّي حلالك من بعاد المغاوير
وان طعت شوري فسع بأطراف الأنصاف......ببضاعتك واضبط حساب الدنانير
واتعب لمجّلي الشفاتين بلحاف......وارقد معه وادغث عجاج المباخير
شوري عليك عن المغازي بالإنكاف....ترى ذهاب النمل سعيه بتطيير
عمى بريده لايدزّك بيمهاف......ويتبع بك الدلو الرشا بأسفل البير
ومولّمن شقراه وان شاف ماعاف.......مع الغتاره عابي بالمصادير
نصيحةٍ كان انت للنصح عراف.......وان كان تبغينا فحنّا محاضير
دون الجبل نروي رهيفات الأسياف......على ظهور معسكرات المسامير
ومنّا يحسّب نايفٍ وابن حلاّف.......ومن عجز عن قومه يدز المعاذير
ان ساعف الله جمعنا تاتي أرداف......وآخر سندكم تلعنون المشاوير
اخوك الغوجه ِرِمي له بمقطاف......ذكّوه مروين السيوف المعاطير
يتلون من هو للمصاعيب عسّاف......اللي على الشدّات ِيلقى الى ذير
لولا مدارانا قريب ابن عياف.......يسقف عليك العج مثل المعاصير
من فعل قومٍ مايحملون الأجناف.....ولا ساقو الخاوه لعوج المناقير
وان صاح صيّاحٍ على راس مشراف......فزعاتنا مع كل ريعٍ دعاثير
عملت لك درعٍ وهو جرد خصّاف .......تبي تصوغ القيل صوغٍ على ِكير
عن صوغهم عجزو يدانون الأضياف ........اللي مراجلهم بأثرها مخاسير
والسور مايبنى بعيدان صفصاف...........وبالسوق لايغديك رقص الجزازير
ثم الصلاة على النبي عد من طاف........بالبيت يرجي من كثير التياسير


ثم بعد ذالك أرسل الأمير عبيد الرشيد قصيدته الللي يتوعّد به ابن سليم قال عبيد:
الحرب شبّت وطاري الصلح مافور.........ومن شب طاري الحرب من صلوها ماع
أرجي عسى ماقايد الضد منصور...........ولا يقبل الله دعوته هو والأتباع
ولا يرتفع حظّه الى نفخة الصور..........قل ءآمين ياللي للخفّيات سمّاع
والميت منهم مايخلّد مع الحور ...........ولا لهم في ماقف الحشر شفّاع
يادارنا من جات يبشر بعاثور...............غير الضيوف ومن تنصّات بيّاع
من لانحاه الحق ننحاه بالزور.............بمخضّرات الهند مع كل شعشاع
كم واحدٍ بمحرابنا طاح منجُور..............توطِته صمّ الحوافر على القاع
وخِلّي تعشّاه الحواويم ونسور..............وسبع الخلا يفرس بها كل ماجاع
من لابةٍ فعله مع الناس مشهور..........بديار سلطان العجم ذكرهم شاع
الحرب نبني له بيوتٍ كما القور...........ومن مقدمٍ عاداتنا ذبح الأفزاع
يابن سليم ان كان أخذتو لنا ثور..........وحطيّت لك ناسٍ يبون منّا الأطماع
ياما نصحتك مار ماتقبل الشور...........تمشي لنا شبرٍ ونمشي لكم باع
وبالشر نجزى من بدانا على الفور........ناتي حثاحيثٍ على كل مطواع
وان كان بك ضرسٍ مجزّيك منخور.........فحنّا لكم جازٍ وللضرس مقلاع
نكوي نحانيحك ونرْصف على الزور..........الى ماتطيب من الصُخونه والأوجاع
وان ماجلى هذا نحمْسك بتنوّر.................لما تواقع من ثنادِيك الأضلاع
ياثور أنا مامِت وفداك صنقور...............وهذا جزى دبيسى هلّه للأدماع
وان طعت شوري لاتبيّن عن السور..........وأعط الغريم من السناعيس الأصواع
بالله مكسورٍ وبالخلق محقور..................والريح نامت عن هبوبٍ وذعذاع
ولو تطلب الفايت فراجيه ماثور...............ضربت دربٍ لي على البير وقّاع
وأهفيتو الِو يلان والمال والخور .............وأهفيتو أجوادٍ على الكره تبّاع
العام منّا وكريٍ رحت مصقور............تبْعٍ ولا انت بالمقانيص فزّاع
واليوم جادت هقوتك بأم فنّور...............أغراك به جمع الجناجيل الأرباع
ماتدري ان مدوّر الشر مدْيُور.........الثوب جاء العبد ومن إشترى باع


في سنة 1262 للهجره غزا الأمير عبيد الرشيد ابن سليم الغزوه الثانيه والثالثه متتاليات فقتل عبدالله ابن سليم وقتل معه إخوته . فقال الأمير عبيد الرشيد:
طلبت من يعطي العطايا الى سيل...............اللي عن الطلاّب ماصك بابه
يحطنّا لشيوخكم طير أبابيل.......................ودياركم على يدينا خرابه
واعطى مولانا وزاده بتسهيل..................وأرجي ان دعوتنا عليكم مجابه
حطيّت لك ناسٍ تحبّل تحابيل......................ورزقه من الضبّان تملى عبابه
تبي تحارب متعبين الفناجيل......................قبلك مضى ناسٍ سعو في خرابه
حنّا لكم مامن ورانا محاصيل....................لذيب ماعنده حدا الطر نابه
حنّا على الطوعات والكنّس الحيل................وأرزاقنا دايم تجينا نهابه
بظهور طوعات يشحّلن تشحيل..................يردن حياض الموت عند إقترابه
وبأيماننا حدب السيوف المصاقيل...............ومطارقٍ ماينتداوى صوابه
ودهمٍ بهن ريش النعام المضاليل..............نروي من الضد المناحر حرابه
لزْمن اذا وردن يصملّن تصميل................بقومٍ يسدّك حاضره عن غيابه
وان شفتهن أقفن تراهن مقابيل.....................و (....) لهن عند الملزمات إقتلابه
جينا وجيتو فوق زمل الجماميل................ورّدُو عليكم موحشين الحرابه
بيومٍ ضفى عجّ السبايا تقل ليل...................صحنا وعنكم رحمة الرب غابه
وحلُو زعجتنا عليها الهلاهيل..................بيمٍ كسى وادي عنيزه ضبابه
صارت فقايدكم رقاب المشاكيل...............بأيمان من لاثمّنو في عقابه
واللي وطنّه غابت الشمس ماشيل.............حريمهم ردّت بتالي حسابه
عقب القريزيات ردّن للنيل .............والعيد هبّي يوم جاهن خضابه
ياذيب الأصقع صح لذيب الهذاليل............واذكر له الوادي يدور العشى به
عن فرست الطليان يفرس رجاجيل...........في دار صوت البين يلعي غرابه
وقبله مضى منّا عليهم تهاويل .............والشر هذي عاقبة من سعى به
بالطقطقانه والزقاريط وعقيل................وبقعاء تفكّر ياعلي وش جرى به
حنّا كما مزنٍ حقوق الهماليل........... دومٍ يسيّل واحدٍ ماهقى به
وان كان تنكر ياعلي غارة الخيل..........تر حيلنا تاطا الوعر ماتهابه
حنّا الى صلنا بعاد المصاويل..............وصولاتنا كم راس شيخٍ هفى به
وعز العميل ان كان صال أو صيل..........عليه أو كان جاه البلا من قرابه
فليا طغيتُ قمت تمشي بتبديل..............فرعونكم ياعلي حنّا إشهابه
وان بدا خشمك يشنّف بتشويل...........الضد حنّا اللي نهدّي صعابه
أطلب من اللي فضّل الرسل تفضيل.........رب السماء وانا شديد الرجاء به
بأيات ياسين وطه وتنزيل.............والمدّعى والبيت واللي سعى به
يجعل شرايدكم طوال العباهيل........وداركهن اللي ساكنات جنابه
هذا جزى كسب أمهّات المخاليل........والميت ماينعى خلاف القضى به
وعاداتنا الديّان نوفي له الكيل ..........ثلاث مرّاتٍ في اللي سعى به
وصلاة ربي عد وبل المخاييل .........على النبي والآل هم والصحابه

وفي دليل ثاني على غزو الأمير عبيد الرشيد لعنيزه ثلاث مرات وهو قصيدة الأمير عبيد الرشيد اللي قاله يوم حس من ربعه إنهم قامو يلومونه على كثرة مغازيه فقام ورّد عليهم بهالقصيده يقول عبيد الرشيد:
ّشحو َعليَ ربعي بدّز المكاتيب..........................قومٍ قدايمهم بكتب التواريخ
ماحسب طاري المرجله عندكم عيب....................لاقلت فكّو حكمكم يزعل الشيخ
وانا بمركاضي تريح المهاليب.............................وبالسيف أفضّخ روس الأزلام تفضيخ
مالي ورى وادي عنيزه مطاليب ........................ثلّثت به مابين شوي وتطبيخ
ثلاث مراتٍ نخلّي الرعابيب.............................عن دلّهن والزين يمشن مصاليخ
عاداتنا نروي أرقاب المغاليب...........................لاصرت بين هل الصفوف المناويخ
يوم الدخن بنحورهن كنّه السيب.......................(سعدا) توطّا في أرقاب المجاويخ
وشلفٍ تلضّى مثل قوص القصاصيب...................وكزّن بعيدان البلنزاء وتنجيخ
ان جاز فأهلا وسهلا وترحيب..........................وإلاّ لما تلفظ أفام الصلابيخ
ِنطِني ونرضي ياربيع المجاديب......................ونقدر لنقول لغيركم طنية الذيخ


بعد المعارك هذي أرسل الأمير عبدالله الرشيد قصيدته ( الشيخه ) التي تعتبر من أفضل ماقيل في الأدب الشعبي ( حسب رأيي المتواضع ) الى فيصل بن تركي محاولةً من الأمير عبدالله أن لايكون في خاطر الإمام فيصل أي شي لأنه لم يعلمه ويستأذنه ببداية الحرب . عاد يقول الأمير عبدالله الرشيد بقصيدته الشيخه (إخترت لكم بعض الأبيات منه) :
يوم الخطوط أقفت وجت ماقراله................جاه المقّري وألحق الأول التال
هذاك حق اللي خطوطك عصا له.................من عقب مادزّيت له كم مرسال
عيّا يطيع اللي بنصحٍ حكا له....................فرحان وابن سبيت ماألقى لهم بال
وعُبْيدنا اللي لاعدمنا خياله....................حطه لهم مولاي نجمٍ وزلزال


وختام الموضوع هناك قصة المرأه الأسلميه اللي شكت لللأمير عبيد الرشيد أظنها معروفه للجميع أعتقد انها حصلت مابين الغزوه الأولى وما بين الثانيه والثالثه والله أعلم وأنا ماعندي خبر بالضبط متى حصلت



اخوكم خالد الجعفري ـ حائل

[عيوووون باااكيه]

تسلم مليوووووووووون اخوي خااالد

ولا هــــنــــت

[خالد الشمري]

ومن قال يسلم ومشكوره على المرور

[بندر الشمري]

لاهنت يا خالد

ابداع متواصل وتألق مستمر

فإلى الأمام يا السنعوسي

خالص تحياتي / بندر الشمري

[هايس الشمري]

خالد الجعفري



تسلم والله


و لا تبخل علينا بما عندك


اخوك


الذيب

[راعي الوقيد]

فأرسل الأمير عبيد الرشيد على ابن سليم فصارت المعركه الأُولى إنتصرو فيها شمر فقال ألأمير عبيد الرشيد:


يالله ياللي تبدي الخلق وتعيد=والى بغيت امرٍ قضيت المرادي

يالواحد اللي من ترجاك ماصيد=ومن هو بحرزك لايذٍ مايصادي

جونا وجيناهم وصارت مطاريد=بيومٍ حصل به مثل يوم التنادي

لكن جدع الروس حذف الجلاميد=كرامةٍ للي نصى الجيش بادي

يوم ان بعض الناس كسبه بواريد=تركز بنا روس العدا بالعوادي

جينا بربعٍ عقب الاقفى مواريد=كن يحداهم من ورى الطعس حادي

جينا بسمحين الوجيه اللأجاويد=ونادى لهم من عند ربي منادي

خلّو جنايزهم سوات المجاليد=بصوارم بأبمان غوش الجهادي

يتلون حرٍ دايمٍ يفرس الصيد=خلاّ بديد الريش مثل الجرادي

قدّام مصرعهم بشر باسق الغيد=وأمر لهم والي السماء بالحصادي

أطيابهم ِرمْيو على صحصح البيد=وكلن على مضرب مطيحه يفادي

شكراً لمن حطّه بروس النماريد=دوّارة الفتنه على غير قادي

وش يطلع المملوك من ِولية السيد=ومن خلقة الدنيا وحيّه يسادي

وعن طلعة اللي فات بالشر تجديد=وردّة شرايد بيضهم بالحدادي

لعيون (حسنا) مانعرف التسانيد=ونروي السيوف ان عرّضت بالمعادي

يوم إعترضناهم بزينٍ وتهديد=عذره يبي منّا يقول السدادي

تاهت بصايرهم دروب المواريد=ولا لهم من قايد الرشد هادي

وصلّو على اللي مهّد الدين تمهيد=ماشيف فجرٍ مع شفى الشرق بادي


وفي نفس السنه غزا عبدالله بن سليم جهة سميراء شرق بجنوب عن حائل وخذا حلال ابن جلعود ( عنزي ) من اهل سميراء فقال الامير عبيد الرشيد:


يابن سليم ان كان أغرتُ بالأطراف=فلا تهّم الطهّبله والتداهير

ومن زرع ابن جلعود لو خذت منساف=ومن البقر رحتُ بعجلٍ على ضير

ولو تذبحون من البقر تسعة آلآف =ماهن لموتاكم يردّن خواوير

حنّا الى اغرنا طمعنا بالأسلاف=تلقى القلايع مثل أفام الخنازير

مع قلعنا تلقى مكاسيب وعطاف=وما تنعزل خلفاتها والمعاشير

ننصى المشايخ مانجنّب للأطراف=كم نزلةٍ بأطرافها نضرب الزير

والله بحق امره على النون والكاف =الوالي اللي يعطي الشر والخير

يرميك وركابك عن المشي وقّاف=مايهزمنّك مهزلات مقاصير

وآتيك فوق قشمرّةٍ توهج وهاف=مع وجه جمعٍ مايهاب الطوابير

يوم إشتهيتو حربنا عقب الأحلاف=ودّي حلالك من بعاد المغاوير

وان طعت شوري فسع بأطراف الأنصاف=ببضاعتك واضبط حساب الدنانير

واتعب لمجّلي الشفاتين بلحاف=وارقد معه وادغث عجاج المباخير

شوري عليك عن المغازي بالإنكاف =ترى ذهاب النمل سعيه بتطيير

عمى بريده لايدزّك بيمهاف=ويتبع بك الدلو الرشا بأسفل البير

ومولّمن شقراه وان شاف ماعاف=مع الغتاره عابي بالمصادير

نصيحةٍ كان انت للنصح عراف=وان كان تبغينا فحنّا محاضير

دون الجبل نروي رهيفات الأسياف=على ظهور معسكرات المسامير

ومنّا يحسّب نايفٍ وابن حلاّف=ومن عجز عن قومه يدز المعاذير

ان ساعف الله جمعنا تاتي أرداف=وآخر سندكم تلعنون المشاوير

اخوك الغوجه ِرِمي له بمقطاف=ذكّوه مروين السيوف المعاطير

يتلون من هو للمصاعيب عسّاف =اللي على الشدّات ِيلقى الى ذير

لولا مدارانا قريب ابن عياف=يسقف عليك العج مثل المعاصير

من فعل قومٍ مايحملون الأجناف =ولا ساقو الخاوه لعوج المناقير

وان صاح صيّاحٍ على راس مشراف=فزعاتنا مع كل ريعٍ دعاثير

عملت لك درعٍ وهو جرد خصّاف =تبي تصوغ القيل صوغٍ على ِكير

عن صوغهم عجزو يدانون الأضياف =اللي مراجلهم بأثرها مخاسير

والسور مايبنى بعيدان صفصاف=وبالسوق لايغديك رقص الجزازير

ثم الصلاة على النبي عد من طاف=بالبيت يرجي من كثير التياسير

ثم بعد ذالك أرسل الأمير عبيد الرشيد قصيدته الللي يتوعّد به ابن سليم قال عبيد:


الحرب شبّت وطاري الصلح مافور.........ومن شب طاري الحرب من صلوها ماع
أرجي عسى ماقايد الضد منصور...........ولا يقبل الله دعوته هو والأتباع
ولا يرتفع حظّه الى نفخة الصور..........قل ءآمين ياللي للخفّيات سمّاع
والميت منهم مايخلّد مع الحور ...........ولا لهم في ماقف الحشر شفّاع
يادارنا من جات يبشر بعاثور...............غير الضيوف ومن تنصّات بيّاع
من لانحاه الحق ننحاه بالزور.............بمخضّرات الهند مع كل شعشاع
كم واحدٍ بمحرابنا طاح منجُور..............توطِته صمّ الحوافر على القاع
وخِلّي تعشّاه الحواويم ونسور..............وسبع الخلا يفرس بها كل ماجاع
من لابةٍ فعله مع الناس مشهور..........بديار سلطان العجم ذكرهم شاع
الحرب نبني له بيوتٍ كما القور...........ومن مقدمٍ عاداتنا ذبح الأفزاع
يابن سليم ان كان أخذتو لنا ثور..........وحطيّت لك ناسٍ يبون منّا الأطماع
ياما نصحتك مار ماتقبل الشور...........تمشي لنا شبرٍ ونمشي لكم باع
وبالشر نجزى من بدانا على الفور........ناتي حثاحيثٍ على كل مطواع
وان كان بك ضرسٍ مجزّيك منخور.........فحنّا لكم جازٍ وللضرس مقلاع
نكوي نحانيحك ونرْصف على الزور..........الى ماتطيب من الصُخونه والأوجاع
وان ماجلى هذا نحمْسك بتنوّر.................لما تواقع من ثنادِيك الأضلاع
ياثور أنا مامِت وفداك صنقور...............وهذا جزى دبيسى هلّه للأدماع
وان طعت شوري لاتبيّن عن السور..........وأعط الغريم من السناعيس الأصواع
بالله مكسورٍ وبالخلق محقور..................والريح نامت عن هبوبٍ وذعذاع
ولو تطلب الفايت فراجيه ماثور...............ضربت دربٍ لي على البير وقّاع
وأهفيتو الِو يلان والمال والخور .............وأهفيتو أجوادٍ على الكره تبّاع
العام منّا وكريٍ رحت مصقور............تبْعٍ ولا انت بالمقانيص فزّاع
واليوم جادت هقوتك بأم فنّور...............أغراك به جمع الجناجيل الأرباع
ماتدري ان مدوّر الشر مدْيُور.........الثوب جاء العبد ومن إشترى باع

في سنة 1262 للهجره غزا الأمير عبيد الرشيد ابن سليم الغزوه الثانيه والثالثه متتاليات فقتل عبدالله ابن سليم وقتل معه إخوته . فقال الأمير عبيد الرشيد:



طلبت من يعطي العطايا الى سيل=اللي عن الطلاّب ماصك بابه

يحطنّا لشيوخكم طير أبابيل=ودياركم على يدينا خرابه

واعطى مولانا وزاده بتسهيل=وأرجي ان دعوتنا عليكم مجابه

حطيّت لك ناسٍ تحبّل تحابيل=ورزقه من الضبّان تملى عبابه

تبي تحارب متعبين الفناجيل=قبلك مضى ناسٍ سعو في خرابه

حنّا لكم مامن ورانا محاصيل=لذيب ماعنده حدا الطر نابه

حنّا على الطوعات والكنّس الحيل=وأرزاقنا دايم تجينا نهابه

بظهور طوعات يشحّلن تشحيل=يردن حياض الموت عند إقترابه

وبأيماننا حدب السيوف المصاقيل=ومطارقٍ ماينتداوى صوابه

ودهمٍ بهن ريش النعام المضاليل=نروي من الضد المناحر حرابه

لزْمن اذا وردن يصملّن تصميل =بقومٍ يسدّك حاضره عن غيابه

وان شفتهن أقفن تراهن مقابيل=و (....) لهن عند الملزمات إقتلابه

جينا وجيتو فوق زمل الجماميل=ورّدُو عليكم موحشين الحرابه

بيومٍ ضفى عجّ السبايا تقل ليل=صحنا وعنكم رحمة الرب غابه

وحلُو زعجتنا عليها الهلاهيل=بيمٍ كسى وادي عنيزه ضبابه

صارت فقايدكم رقاب المشاكيل=بأيمان من لاثمّنو في عقابه

واللي وطنّه غابت الشمس ماشيل=حريمهم ردّت بتالي حسابه

عقب القريزيات ردّن للنيل =والعيد هبّي يوم جاهن خضابه

ياذيب الأصقع صح لذيب الهذاليل=واذكر له الوادي يدور العشى به

عن فرست الطليان يفرس رجاجيل=في دار صوت البين يلعي غرابه

وقبله مضى منّا عليهم تهاويل =والشر هذي عاقبة من سعى به

بالطقطقانه والزقاريط وعقيل=وبقعاء تفكّر ياعلي وش جرى به

حنّا كما مزنٍ حقوق الهماليل=دومٍ يسيّل واحدٍ ماهقى به

وان كان تنكر ياعلي غارة الخيل=تر حيلنا تاطا الوعر ماتهابه

حنّا الى صلنا بعاد المصاويل=وصولاتنا كم راس شيخٍ هفى به

وعز العميل ان كان صال أو صيل=عليه أو كان جاه البلا من قرابه

فليا طغيتُ قمت تمشي بتبديل=فرعونكم ياعلي حنّا إشهابه

وان بدا خشمك يشنّف بتشويل=الضد حنّا اللي نهدّي صعابه

أطلب من اللي فضّل الرسل تفضيل=رب السماء وانا شديد الرجاء به

بأيات ياسين وطه وتنزيل=والمدّعى والبيت واللي سعى به

يجعل شرايدكم طوال العباهيل=وداركهن اللي ساكنات جنابه

هذا جزى كسب أمهّات المخاليل=والميت ماينعى خلاف القضى به

وعاداتنا الديّان نوفي له الكيل =ثلاث مرّاتٍ في اللي سعى به

وصلاة ربي عد وبل المخاييل =على النبي والآل هم والصحابه

وفي دليل ثاني على غزو الأمير عبيد الرشيد لعنيزه ثلاث مرات وهو قصيدة الأمير عبيد الرشيد اللي قاله يوم حس من ربعه إنهم قامو يلومونه على كثرة مغازيه فقام ورّد عليهم بهالقصيده يقول عبيد الرشيد:



ّشحو َعليَ ربعي بدّز المكاتيب=قومٍ قدايمهم بكتب التواريخ

ماحسب طاري المرجله عندكم عيب=لاقلت فكّو حكمكم يزعل الشيخ

وانا بمركاضي تريح المهاليب=وبالسيف أفضّخ روس الأزلام تفضيخ

مالي ورى وادي عنيزه مطاليب =ثلّثت به مابين شوي وتطبيخ

ثلاث مراتٍ نخلّي الرعابيب=عن دلّهن والزين يمشن مصاليخ

عاداتنا نروي أرقاب المغاليب=لاصرت بين هل الصفوف المناويخ

يوم الدخن بنحورهن كنّه السيب=(سعدا) توطّا في أرقاب المجاويخ

وشلفٍ تلضّى مثل قوص القصاصيب=وكزّن بعيدان البلنزاء وتنجيخ

ان جاز فأهلا وسهلا وترحيب=وإلاّ لما تلفظ أفام الصلابيخ

ِنطِني ونرضي ياربيع المجاديب=ونقدر لنقول لغيركم طنية الذيخ


بعد المعارك هذي أرسل الأمير عبدالله الرشيد قصيدته ( الشيخه ) التي تعتبر من أفضل ماقيل في الأدب الشعبي ( حسب رأيي المتواضع ) الى فيصل بن تركي محاولةً من الأمير عبدالله أن لايكون في خاطر الإمام فيصل أي شي لأنه لم يعلمه ويستأذنه ببداية الحرب . عاد يقول الأمير عبدالله الرشيد بقصيدته الشيخه :


الحمد للباري فزع لمن شكى له = والحمد له ثاني على كل الاحوال

والحمد له ثالث بقدرت فعاله = حمد كثير عد ماقايل قال

او عد مافوق الوطى من رماله= او ساح ظلّ بالعوالي والأسهال

او عد ماترمي لواقح خياله = سحٍّ وتسكاب ٍ وديم ٍ وهمّال

كل الثنا والشكر له والجلاله = سبحان من هو كل ماراد فعّال

رب السماء رزق الملا من نواله = محيي الهشيم الميّت الدارس البال

مولاي عازل شمسها عن ظلاله = سيدي ومسنادي إليا ضكّن الحال

كم ضيقة ٍ من منّته جت وازاله = وزاده بعز ٍ ما هقيناه بالبال

والحمد لله ماكرهنا لقاله = إلا علينا عقوبته عز وإقبال

ومن قال ذا فعلي فهو من هباله = الله معاوني على من عليّ عال

وخلاف ذا يامن يودي الرساله = في صفح مصقول عليه القلم سال

سلام من منّه على الشوف واله = لمشاهد اللي للثقيلات حمّال

سلّم عليه ولا تقل له مقاله = إلا ّان كان هو نشد عني وسال

وقال اخبرن عن صاحبي كيف حاله = عطه الجواب اللي كتبنا والأمثال

وقل له يقول لك ياخلف من غدا له = من الحي والميت ومن العم والخال

ركبوا على عوص النجايب رجاله = يبرا لهم يابو سمي كم خيّال

جوه الضحى ياشيخ ماهي نطاله= وساروا لما رادوا على كل مشوال

هذاك حق اللي خطوطك عصا له=فرحان وابن سبيت ماألقى لهم بال

يوم الخطوط أقفت وجت ماقراله=جاه المقّري وألحق الأول التال

عيّا يطيع اللي بنصحٍ حكا له=من عقب ماكزّيت له كم مرسال

وعادات راع الزود واللي مشاله = يرميه بالميدان من غير خيال

عادة حلاف الزور شف وش جرى له = ياعونة الله مامن الحي عفّال

البغي كم ناس ٍ خلت من رجاله = ياما هفا بالبغي من ماض الأجيال

زادوا وبادوا من هبايب شماله = كلِّ له الله يوم يحسبن الأعمال

يوم انهم عجزوا عني بالغياله = شبوا لنار الحرب بالقيض صوّال

ومن شب نار ٍ حرقه بإشتعاله = وصارت عقوبة صاحبه ذل وإذلال

وإن كان ماشافوا وعافوا نواله = وصاروا بقاياهم هذولاك جهّال

السيف للتايه ستاده حنى له = وندل به من هو عن الجادة مال

وإليا كبا لونه محشنا صقاله= ولاهو للقلطات والضرب ملاّل

وعُبْيدنا اللي لاعدمنا خياله=حطه لهم مولاي نجمٍ وزلزال

هذي علوم ديارنا من صفا له = مشروب ماها إلا بقصّاف الآجال

إليا ما صفت بالسيف ما هي جماله = وثنّيت للرثاع بالقيد وعقال

ولا نفوز إلا ّ نروي سلااله = من دم هامات العدى علّ وإنهال

حق علينا الجار نرفا خماله = ونفزع لمن جانا من الضيم دخال

والضيف نقري حين تبرك رحاله =من غير من المحتري مانهج خال

وان جا صديق من عدو صياله =رفيقنا نرخص له الحال والمال

ويامن بنا سرحه وضايع حلاله =ولابات في قلبه من الخوف ولوال

ومن جا يريد الزين يعطى سواله =وعن عاني الله ماقطعنا الاوصال

والشر ندفع جانبه بالسهاله =ولاني لتقريبه من الناس قبال

فان كان هو ركب الرشا للمحاله =واستثقله مانا من الحرب ملال

ارسي كما ترسي رواسي جباله =ماتنهزع من وطي حافي ونعّال

فان كان تبغي اليوم قصرت طواله =فاعزم ولاتنظر لراضي وزعّال

يمناي ماترضى زوايد شماله =واعطي الحقوق اهل المعالي والارذال

شهودي بجلدي والعدو به بداله=والناس تدري بالجدايد والاسمال


وختام الموضوع هناك قصة المرأه الأسلميه اللي شكت للأمير عبيد الرشيد أظنها معروفه للجميع أعتقد انها حصلت مابين الغزوه الأولى وما بين الثانيه والثالثه والله أعلم وأنا ماعندي خبر بالضبط متى حصلت

يعطيـــــك العافيــــــــة اخـــــــوي مخلــــــب هلى هــذهـ القصائـــــد الراائعــــة والتــي بعضـها

اجــــدها جــديــــدة علــــي ،،،

فلـــــك التحيــــــــة والتقـــــــديــــــر ،،،

والسلااااااااام ...
..
:

[خالد الشمري]

الإخوان (بندر والذيب ) مشكورين على المرور الله لايهينكم
خالي ( راعي الوقيد ) أول شي أشكرك على الترقيع بالكتابه وكذالك التعقيب الله لايهينك تدري توي متعلم للكمبيوتر خله على الله
في بيت ودي أعدله :
ان كان تنكر ياعلي غارة الخيل.........تر خيلنا تاطا الوعر ماتهابه

[الصيرمي]

تسلم اخوي مخلب

ويسلم مشرفنا الرائع راعي الوقيد على التنسيق والاضافات

شكرا لكم

[خالد الشمري]

ومن قال يسلم يالصيرمي مشكور على المرور والتعقيب

[راعي الوقيد]

الله يعينك علينا يامخلب يالبناااخي

بالنسبـــــة لسؤالك :
وختام الموضوع هناك قصة المرأه الأسلميه اللي شكت لللأمير عبيد الرشيد أظنها معروفه للجميع أعتقد انها حصلت مابين الغزوه الأولى وما بين الثانيه والثالثه والله أعلم وأنا ماعندي خبر بالضبط متى حصلت

إليـك والقارئ العـزيـز هذا الـرابط

إضغط هنا (http://shmmr.net/vb/showpost.php?p=163380&postcount=1)

والسلاااااام :)
..

[حاكم العلي]

الأخ الكريم: خالد الشمري

كم تستحق منا أن نقف تقديراً لهذه المشاركة القيمة كونها ترصد أحداثاً تاريخية مهمة

لا شك أن هناك فترات في تاريخ المدينتين كانا في خندق واحد و كانت العلاقات متينة جداً

كما هي الحال اليوم بيننا فالقصيم كان منبعاً خصباً للعلوم

في أنتظار القادم من مشاركاتك الجميلة

[مشــــعل]

اخوي خالد

يابعدي والله يالجعفري

تنسيق اكثر من رائع

ياعلك دوم سالم

[خالد الشمري]

تسلم ياراعي الوقيد الله لايهينك
الأخ ذعار اتشرف بمرورك وتعقيبك
الأخ مشعل ومن قال يسلم

[الامسح]

الاخ العزيز/مخلــــب
رائع متألق ,,,,,كالعاده ماعندي ثناء يوفيك أنت والربع حقكم .
كل ماتقدمونه يقوي النفس في زمن أصبح للمصالح رمز.
دمتم لنا أخوان و زاد للنفوس عن الزلل

[خالد الشمري]

اخوي الامسح مشكور على المرور والتعقيب

[ا ب ن سهيان]

.........................................الأخ خالد الشمري تحيه طيبه هده القصيده لا علاقه لها بعنيزه وانما دكرها عبيد الرشيد على اثر تمرد من حصل بسكاكا وهو تمرد من قبل مجموعه من اهل سكاكا بتحريض ودعم من ابن شعلان ضد امير سكاكا حينها وهو شكر السهيان , وكما هو معلوم لكم فالسهيان والقرشه كانوا متحالفين مع ال رشيد وشارك عبيد مع السهيان والقرشه في قمع التمرد وادا تأملت بأبيات القصيده يتضح لك دلك مدحه للقرشه ولشكر السهيان وهو امير سكاكا بدلك الوقت , واورد لكم القصيده وفقا لموروثنا الشعبي في سكاكا والتي تحمل اختلاف عن ما ورد لديكم:.........................................................


ياالله يالـي تبـدي الخلـق وتعيـد والى بغيت امر(ن) قضيت المـرادي.....

يالواحد اللي مـن ترجـاك ماصيـد ومن هو بحـرزك لايذ(ن)مايصـادي.....

جونا وجيناهـم وصـارت مطاريـد بيوم(ن) حصل به مثل يوم التنـادي .....

وردهم (00000)خبيـث المواريـد وراحت براسه عن جميـع البـوادي......

من عرض من راحوا جماعة (.....) جماعتـه راحـوا سمـاد ورمـادي....

لكن جدع الروس حـذف الجلاميـد كرامة(ن) للي نصى الجيـش بـادي.....

وردنا بربع(ن) عقب الاقفى مواريـد كن يحداهم من ورى الطعس حـادي.....

وردنا بسمحيـن الوجيـه الاجاويـد ونادى لهم من عنـد ربـي منـادى.....

خلـوا جنايزهـم سـواة المجاليـد بصوارم(ن) بايمان غوش الجهـادي .....

يتلون حر(ن) دايم(ن) يفرس الصيد خلى بديد الريـش مثـل الجـرادي .....

شكر لمن حطـه بـروس النماريـد دوارة الفتنـه علـى غيـر قــادي....

قديم مصرعهم بشـر باسـق الغيـد وامر لهم والي السمـا بالحصـادي....

اطيابهم رميو على صحصـح البيـد كل(ن) على مضرب مطيحه يفـادي.....

وش يطلع المملوك من ولية السيـد من خلقـة الدنيـا وحيـه يسـادي.....

لعيـون حسنـا ماتعـرف التسانيـد نروي السيوف ان عرضت بالمعادي....

يوم اعترضناهم بزيـن(ن) وتهديـد عذره يبـي منـا يقـول السـدادي .....

تاهت بصايرهم دروب المواريد ولا لهم مـن قايـد الراشـد هـادي....

وصلوا على اللي مهد الدين تمهيـد ماشيف فجر(ن) مع شفا الشرق بادي....


ارجو من الاخوان التحقق والمشاركه لتعميم الفائده والسلام

[حمد العطوني]

الاخ العزيز خالد الشمري

ماقلت غير الصحيح ويفداك كل جريح

ولك الشكر والتقدير

[أبو فهد]

أبو عبيد مساك الله بالخير :7ayyoh:



ودنا لو تعطينا الصحيح لاجل يكون لك سبق التصحيح




شكرا لك




-----------------
أبو فهد الهمزاني

[ا ب ن سهيان]

مشكور ياابو فهد وبانتظار الاخ خالد يشاركنا ..

[حمد العطوني]

[you]falseقتباس كاتب المشا ركة ابوفهد الهمزاني:
أبو عبأبو عبيد مساك الله بالخير
ودنا لو تعطينا الصحيح لاجل يكون لك سبق التصحيح
شكرا لك
أبو فهد الهمزاني؟؟؟
0000000
تعليق
أبوفهد الله يمسيك بالخير والعافية
اما انك تطلب منا التصحيح عن القصائد المذكورة فهي من أشعار الامير الفارس عبيد بن علي ال رشيد
وهذا من مايثبت صحتها ويجب على المتحاورين الاستمرار باالنقاش لاجل معرفـة الموقع الذي عليه الاختلاف
بين هؤلاء , لاننا نعرف ان الاختلاف بين المتحاورين في الموقع او المكان فقط
.... هذا واشكر المتحاورين والمتابعين
وشكراً خاص الى ابو فهد العمزاني
اخوكم حمد العطوني

[ابو1سعد]

الاخ خالد الشمري بيض الله وجهك
كفيت ووفيت الله لايهينك

[الفضيلي.]

الاخ خالد مساك الله بالخير
موضوع جداً جميل وموثق وله دلائل

لاهنت على هذا الموضوع القيم