المساعد الشخصي الرقمي

مشاهدة النسخة كاملة : *** هات الباكيــــت***


مشــــعل
14-03-2005, 01:09
للي يغلون المطاريش




واللي بهم عرق بداوه



محمد عسى عوج المقادير تخطيك="هات الباكيت" شبّ التتن والزقاره
عدل مزاجك ثرني اليوم باغيك=ابي اشير الشور واقبل قراره
ابي اشير الشور والشور يرضيك=دامك فهيم وواعيٍ بالاشاره
يالعنبو تالي زمانٍ يخليك=حدر الثرى تدفن بقبر ومغاره
لابد ماعوج النصايب تناديك="وندهج" جنابه يالخوي بالزياره
مادام تالي دنيتك "دود يبليك"=اتعب جسدك اليوم عزّ وجداره
ماحدٍ يدوم والدوم دايم لباريك=كل البشر تفنى وتفنى خباره
خلنا على ورد "النصارى" مماليك=2005 شاص زين الغماره
باثنيين والثالث عطى الجيب يعطيك=واليا وطيت البنص واكتم غباره
نقطع "جلد" خوف التفاتيش توذيك=وترتاح من مركز مرور واداره
اخاف من صفر القسايم يجازيك=ياصرت مسرع والقطك في رداره
نضرب على حمر الطعوس المهاليك=فوق الطعوس اللي يهيل احمراره
نقفي على درب قليلٍ مخاويك=يخاف به راع الشبح من دماره
ونقبل على دارٍ بها الخير يبهيك=يعنى لها لوهو بعيدٍ مساره
عسى السحاب المرزمات الدواكيك=تضرب على "رفحاء" وتنزل امطاره
تلقى الشجر من كل نوعٍ محاذيك=في مدبل الريضان يغشى خضاره
وطلع الزبيدي بينٍ في محاريك=وياما حلا نطت طويل الزباره
وراع الدبش والذود يمشي يباريك=من فضل رب العرش زانت دياره
وبيت الشعر جاله بعزٍ يلاقيك=مدهال قومٍ طيبهم بالصداره
وتالي نهارك يالخوي ليل يلفيك=في ظلمته كلن تنومس بناره
حيثه دليل اللي على البعد ناويك=يوضي سناها مثل ضو المناره
باطرافها صفر المعاميل ترويك=قاسي عماسك ينجلي من بهاره
اكرامهن عادات ربعك واهاليك=البن يصبغ بالصواني صفاره
هذي مناتي واقبله في محانيك=والنفس في حكم المقادير ساره
وصلوا على منهو بخيره موصيك=المصطفى محمد بليغ العباره
مرزوق الشمري
14-03-2005, 10:01
هلا مشعل حياك الله
جزله من جزل
وهي تذكرني بهذه الابيات واظنها لتركي بن حميد

يالمحلا ياعبيد في وقت الاسفار ===جر الفراش وشب ضو المناره
مع دلة تجذا على صالي النار==== ونجر اذا حرك تزايد عباره
واخير منهن ركعتينن بالاسحار== لاطاب نوم اللي حياته خساره
حمود الشمري
14-03-2005, 10:48
صح السانك مشعل
الاخ مرزوق ممكن سوال انت ابو ممدوح
حاولت اكتب رساله خاصه ولقيت نفسي ماستطيع
ابو خليف
14-03-2005, 12:58
صح لساااااانك وسلم بنناك

يا مشعل

جزله من شاعر جزل

دام تواجدك معنا
عبدالله الجعيثن
14-03-2005, 13:07
مشعل

صح لسانك

قصيده روعه

جزله ووافيه من وافي
خلـيف الجهيلي
14-03-2005, 13:24
مشعل

صح لساااااااااانك ملااااااااااايين

يالغالي

تحياتي.


اخوووووووك /
خليف الجهيلي
المهرة
14-03-2005, 20:59
عليه الصلاة والسلام
صح الله لسانك 00 وعذب هتانك
عندما تكون الكتابة على بحور
قد اهملتها الذاكرة 00 فهذاهو الابداع والتميز
وها هو يعيد كتابتها مشعل الشعر
عندما يضيق الحزن بالصدر
مادام هذا الصدر لايتسع لهذا الحزن
سطرت فأبدعت 00
كتبت فعزفت
فنزفت
اعذب القصيد 00 لينتشر شذاه
في سماء المضايف
دمت بخير
اختك 00 المهرة
ناصر البكر
14-03-2005, 21:12
شاعر متألق
مبدع
جزل
لله
دررك
مشــــعل
14-03-2005, 23:53
اخوي مرزوق

صح بدنك

ولاهنت على هالمرور
مشــــعل
14-03-2005, 23:55
حياك الله ياحمود

وصح بدنك
مشــــعل
14-03-2005, 23:56
صح بدنك ياذيب شراف

عطرتنا بمرورك

وشرفتنا بحضورك

لاهنت يالطيب
المشرف العام
15-03-2005, 14:46
صح لسانك اخي الشاعر : مشعل

قصيده جزله

لاهنت


تحياتي

اخوك

ابو سلطان
راعي الوقيد
15-03-2005, 14:55
العــــزيـــــز الشاعـــــــر

مشعـــــــــــــل

الف صــــــح لســـــانـــــــك بعدحي:)

قصيـــــــــدة جـــــزلة ورااائعــــــــة يالعشيـــــــر:thumb:

لكن وش بلاهـ متلاصقه ـ التنسيق ـ :eek:

عســــاك تسلـــــــــم بعدي ...:winking:

والسلاااااااام ...
..
عزام
15-03-2005, 21:49
اللهم صلي وسلم على سيدنا محمد




اخوي



مشعل


قصيدة تنبض بروح الأصالة


صح لسانك يالغالي


سلمت ولاهنت


احترامي



اخوك

عزام
مشــــعل
16-03-2005, 01:08
الشاعر الغازي

صح بدنك

والرائع مرورك
مشــــعل
16-03-2005, 01:09
صح بدنك يالجهيلي

وشهاده اعتز بها

لاهنت
مشــــعل
16-03-2005, 01:11
شاعرة المضايف

المهره

صح بدنك

وشاكر لك على هالكلام
زاهي التومي
19-03-2005, 22:54
الأخ مشعل

صح لسانك و سلم بنانك

قصيده جميله

جدا ً

و رائعه

من رائــــــــع

دمت

مبدعــــــــــــا ً


احترامي

زاهي حمود التومي
الأدهم
20-03-2005, 00:14
صح لسانك مشعل
يعطيك العافيه
مشــــعل
23-03-2005, 00:03
صح بدنك ياناصر

شرفتنا بمرورك

لاهنت
مشــــعل
23-03-2005, 00:04
المشرف العام

صح بدنك

ومرورك بحد ذاته شرف لنا

لاهنت يابو سلطان
مشــــعل
23-03-2005, 00:06
صح بدنك ياراعي الوقيد

شرفتنا بمرورك

واتحفتنا بردك

لاهنت يالطيب
عذب الوصل
23-03-2005, 21:41
صح لسانك

قصيده جزله من جزل

تسلم على هالابداع
محمدالغفيلي
24-03-2005, 00:10
صح لسانك يالغفيلي


مبدع وقصيده اكثر من رائعه

دام تواجدك