الأيقونة................؟؟؟

[عصير الكهرب]

الى:

(الشمس )(الكواكب الأربعه )(مفتاح14 )
(شموخ)( نبراس )والى من سأل من( الأحدى عشر)............................


ضاق صدري ضاق ياربي ومنك العونه=ضيقت"ن"مايحتملها شعري وموالي
والله ان الدمع منّه كما اللّيمونه=لا روت منها جروح"ن"نيّة"ن"وسمالي
يزعل الصاحب عليّ من (ضغطة الأيقونه)=عارف"ن"ماكان فيها من زمان( الوالي)
ماجذبني صوت (ميّاده )ولا (ميمونه)!!=يوم (...)ماتركت الأولّي والتالي!!
اسمحيله ياطعوني واسأليه اشلونه؟؟=كان خلّي ما سأل عن ضيقتي عن حالي!!
ليش؟؟يطعنّي وانا اللي منطعن من دونه؟؟=وليش يجرحني وانا اللّي منجرح بلحالي؟؟
وليش يحرجني ويحرمني سواد عيونه؟؟=وليش يظلمني بشي"ن"ماخطر في بالي؟؟
مكرمه وانا (بعيد )وحالف"ن"ماخونه=احترام"ن"له عزيز وطلبة"ن"من غالي
مايعيش اللي شبع...حريته مسجونه!!=والله اعطاه الجناح اللي يشيله عالي
(السماء فوقه تظله) (والمطر من دونه)=سابح"ن"في في كون ربه مايشوف الوالي
لها بقية........ســـــــــــــــــــــــــــــــ ـــــــــــلام

[سلطان الشمري]

مـــــــــــــــــــــــــــــــــــــــ ــــــــحجوز......محجــــــــــــــــــــــ ــــــــــــــــــــــوز

[مفتاح14]

يزعل الصاحب علـيّ مـن (ضغطـة الأيقونـه)
عارف"ن"ماكـان فيهـا مــن زمــان( الـوالـي)
ماجذبـنـي صــوت (مـيّـاده )ولا (ميمـونـه)!!
يــــوم (...)مـاتـركــت الأولّــــي والـتــالــي!!

الله عليك

الله عليك

الله عليك .. لاتخليني احجز

واسيّر عليك :)


عذرك معك يالغالي..ولو ماحنا مقدرينن ظروفك تسان والله لاتلولس برقبتك:)

يسلم عليك راعي القلنــ... :) ) والشباب كلهم وخطّك عيّا لايمسك الله يسبع عدوّك:)
وابشّرك الربع صاروا اربع احزاب:) ( حزب الهند;) وحزب بنت السبيت|3| وحزب البلايستيشن|501| وحزب شغلتهم يتخانقون على الريموت|113| يامالين المو... :) )

وبعدين من يوم حطيت رقمك ابو ست ستات وأنا غاسلن يدي:)

امانه معك لاجيت ورنا خشتّك ياخشّة العربان انت هالخشّه :)


كنت ناوي انقله لمضيف الشعر النبطي..بس حسدتهم|501| وقلت حنّا اولى بهالرااااااااااائعه..



لاهنت..ولا تبطي عن ضغطة الايقونه;)

[ابو غازي]

عصيران عصير الكرهب |507|

لاهنت تســـــــــــــــــلم ياخشة القربان قصدي العربااان
وترن ماني ناشدن عنك ابد ....... |17|خايف يتكهرب خخخخخخخخ |507|
7
7
اقول يالخو ماتبيع هالرقم المنتاز هالي يذكر ابو اربعطعش تسان مابوووه مدوح .... قصدي صفر |17|
تشكرااات كثيرااات خيووووه لاتبطي علينا |13|

[ابو خليف]

صح صح صح كهربك

بنتضار البقيه

تحياتو وتشكراتو

[شموخ]

ياهــــــــــــــــــــــــــــــلا ومــــــــــــــــــــــرحبا بعصير الكهرب

من طول الغيبات جاب الغنايم ...




ماجذبني صوت مياده ولا ميمونه ...:):):)

ميمونه هذه وشنهي |1||1||1|


لا تطول الغيبه وننتظر البقيه الباقيه ....


تحياتي لك
شمـــــــــــــــوخ

[سلطان الشمري]

عصير الكهرب...



بع ان استعدت انفاسي...من المراكض ورى هالنتائج واخيرا طلعت فالصوا والحمد لله...


رجعت لك بكل حب وتقدير...بع الاستشارات والمحاوله والمداوره والمحاوره مع بعض الاشقاء..

قلت الله يسبعكم لا يكون احدن قايلن لوه شيء...هاذا محدن يزعله...لانه غالي وطربة الفله..



ووالله لو اني مشرف تسان خمشت القصيده مع شوشته ورضخت به عند الشعر الشعبي على هامةفيصل اللويش...



ياخي والله انك قاتلن الابداع عندك...تصدق عاااد اني حسيت بشينن تغربشن من زود الكلمات الرااايقه اللي به..وتسنك صابن علي وااااايت من الابداع...


صح لسانك...وانتظر كل شخابيطك الحلوووه ...وياليت اعرف رقمك تسان اتصلت بك شفهيا وشكرتك حمى حيلي...

بس عاد الشكوى لله....مفتاح اربع طع عش ..مايعطي ويه على قولت اهل الكويت...


تحياتي لك ياعزوتي...

[نواف حمود الشمري]

.







هنا ظلم للشعر وللذائقه ..!!!!



أطالب كل من له سلطه بنقل النص الى مضيف الشعر ...




نص يستحق الوقوف أمام كل حرف من حروفه بجديه ..


عفوا ..


سأعود للنص حينما يكون في المكان الذي يليق به ..

[مفتاح14]

سأعود للنص حينما يكون في المكان الذي يليق به ..

^
^
حيالله ابو حمود .. وشلوووونك

الله يهديك تسب مضيفنا عينك عينك

عاد لو انت قايلن (سأعود للنص حينما يكون في المكان الأنسب) تسان اشوا



الله يبارك بابو كهرب اللي جابك بمكاننا اللائق;)

تحياتي

[سرحــان]

مـكـرمـه وانـــا (بـعـيـد )وحالف"ن"مـاخـونـه
احتـرام"ن"لـه عـزيـز وطلبـة"ن"مـن غـالــي




مايعـيـش الـلـي شبع...حريـتـه مسجـونـه!!
والله اعـطـاه الجـنـاح الـلـي يشيـلـه عـالــي



(السمـاء فوقـه تظلـه) (والمطـر مـن دونـه)
سابح"ن"في في كون ربه مايشوف الوالـي





عصير الكهربا


هــــــــلا والله يالغالي


عيصر قل بالايفونه ثاتي مره ابي الباقي تكفا



والله ياهي روعـــــــــــــــــــــــــــــــــــــ ـــــــــــــــــه ومن قلب




تحياتي

[نواف حمود الشمري]

.




الله يهديك تسب مضيفنا عينك عينك





السموحه ياابو 14 المضيف واهل المضيف على عيني وعلى راسي ...


هذا المضيف ليس بحاجه لشهادتي اصلا لاسيما وهو في اوج توهجه ...





بعدين ياخي لاتدف ... ولا عشانك بحارتكم ؟



بس بالله عليك شرايك بــ ( لاسيما ) ؟ مهي كشخه ؟




السموحه ياغالي وانا اعتذر كاني اخطيت ..


لكن انا عند موقفي ان القصيده يجب أن تُنصف ..


لاسيما .. <<-- ولاّ ماتنقال بالنهايه ؟ :)

[مفتاح14]

^
^

يابعد حيي والله

ترى كل هالدف كان عملية استدراج:) لعل وعسى تحن لهالمضيف;)


هذا من طيبك.. ولاتحرمنا من طلاّتك




برايفت ابو كهرب//
اسف على تشويه موضوعك بردودي..بس شفت اسم ابو حمود وماقدرت اقاوم:) )

[المشرف العام]

عصير ..


رغم خطورته

ولكن نزفه جميل :)

ولا سيما ، لوني البنفسجي مع الوردي بتنسيق القصيده ، صراحه شيء

يوحي بالسكون الذي يسبق الكهرباء :) <<<< ياشين اللي يستخف دمه ولا هو حول الدّعوى :(



تششششششششششاو

[نواف حمود الشمري]

8
8
8


لحظه ياابو سلطان ...


سارق كلمتي عيني عينك ؟



لاسيما وانا قايله قبلك عاد

[عصير الكهرب]

نبراس:بالخير يالطربة وشلونك ياحيّ حيّي تراني لو كنت مهاجر (اجدع اذني وعيني بالفّلة) بس ياخيّي كنت اخذ بروحي مقلب أحسب احد يفقدن بس اكتشفت انك والمفتاح وراعيت الرياض امابقية الشلة ما درو....:mad:بغت تجي الطنيه والتسجيل في منتدى( جيزان) بس تذكرتكم والعيش والملح وخصوصا" تيوس التنهات مع( مفتاح قلبي )و(ابوقلنسوة)|97| |62|و(عيون السندباد).:eek:...
وبعدين وانا اخوك النتايج والأمتحانات امر الله من سعه وخل خاطرك وسيع:)
وبعدين ياطربتي" الأولة بالأولة والثانية واللي تتبعه "استاذن قبل لا تاخذ هذه المصطلحات واللتي غريبة عن مجتمعنا مما يوْدي الى انصهار المجتمع في بوتقة الاحداث وتكوين فكر ليبرالي عاجز عن الوفاءبمتطلبات الأمه....:mad:(لاحول ولاقوة الابالله جت الرقلة والحذفة )
حبيبي(صحصح الرجال) اشكر تشريفك وان شالله اشوفك ...سلام

[أبو مقرن]

الشاعر..والكاتب المتميز: عصير الكهرب
صح لسانك..وشكرا لك لأنك جعلت من فلة الحجاج معرضا لعرض روائعك..
***
أدام الله حضورك..وبانتظار المزيد..والفريد..
(المعذرة..على التأخر عن معانقة ..الأيقونة)
***
تحياتي

[لسّاع]

صح لســــــــــــــــــــــــــــانك،،،،،هذ ا القصيد والا بلاش
جمال فائق النكهه ،،،،هنيئا لنا بك،،،،

محبتي وتقديري،،،،

[أم_سرحان]

صح لساااااانك

[عصير الكهرب]

مفتاح قلبي انت ياهالخشه ياهلا وغلا واش انا لولاك لا صار ديرة غربة لا ومعي ثنين هناك واحد
(زاحف)والثاني (مسلّم الراية لرزق الله) وخلّه على ربك ...هذولا لهم قصتن ..طويلتن..عرييضتن..محنتكه ..ممنتكه..اذا رحت لاهونيك باخبرك.


يسلم عليك راعي القلنــ... :) ) والشباب كلهم وخطّك عيّا لايمسك الله يسبع عدوّك:)
وابشّرك الربع صاروا اربع احزاب:) ( حزب الهند;) وحزب بنت السبيت|3| وحزب البلايستيشن|501| وحزب شغلتهم يتخانقون على الريموت|113| يامالين المو... :) )
|17||17| ههههههههههههه خلهم .....ومن استلم الشايب ابو قلنسوة وانا داري ان الدعوى"ترقل"
وبعدين الرقم ترى تعبت على شان اجيبوه كله على شان تحفظونوه وما يصير لكم عذر
والقصيده لكم راح اكملها وانت عليك نقله هناك ...بس ياخي نواف الله يحفظه نفخن نفختن ما ينفع به اي تنسيم واخاف لارحت لمضيف الشعر ما ارجع لكم ....يطربتي اعجبن ترحيبهم "انت تشوف"والعالم الله انه بنهاية العقد اللي بيني وبينك يا"سيمون اسمر" ابي انقل الكفاله على ابو حمود اغديه اشوى منك لي سنة مااستلمت منك ولاريال وكلّه على اخر الشهر

[عصير الكهرب]

ابوغازي:هلا بك يالغالي شكرا"لمرورك الكريم

[عصير الكهرب]

ذيب شراف:شرفت يالغالي تشكرات كثيرات

[عصير الكهرب]

شموخ:هلا بخيّتي شكرا"لمرورك ....اما من ناحية "ميمونه" هذي ياطويلة العمر اختلف فيها الرواة ...قيل انها احدى جواري "ابو جركن" قدس الله سرّه وبطنه ...وقيل انها مولاة لأبو"قلنسوة"...والصحيح انها من ...محظيات"برطم النمله" حسب اعترافها عند هيئة حي الروضه.... تري الشفاية ماهي زينة وانا اخوك
سلام

[عصير الكهرب]

نواف حمود:هلا بك وبارك الله بالقصيدة اللّي خلتن اتشرف بطلّتك ...والله يالطربة انك غيرت خاطري على كفيلي ...القصيده وراعي القصيده تحت امرك ...عندي لك وحده رايقة بس خلن اصل لديرتي وارسلها ...مفتاح14 مسوي عقد احتكار ...لكن قريب وينتهي ...وابني الخيمة عندكم...ترن خبل وارقل ..اذا مدحن احد ...وخصوصا" اذا جاء من شاعر مبدع مثلك....تحياتي اخوي[b][i]

[عصير الكهرب]

سرحان:هلا بك ياعزوتي ...شكرا" لزيارتك الكريمه ...انتظر باقي القصيدة في مضيف الشعر
قريبا" .....تحياتي اخوي.

[عصير الكهرب]

ابو مقرن:هلا بالغالي ....زادني شرف مرورك الكريم....وش لون الجوف واهل الجوف.؟؟؟؟
انشاءالله لكم زيارة خاصة انا ومفتاح14...عند رجوعي...تقبل تحياتي اخوي

[عصير الكهرب]

لسّاع:شكرا" لمرورك ياطربتي...والصراحة انا من متابعينك ...خففت علينا الغربه شوي مع روائعك...ولو انك بديت تاخذ الجو علينا .....وفقك الله ...بانتظار الجديد!!!سلام[b][i]

[عصير الكهرب]

ام سرحان:شكرا" لمرورك اختي......تحياتي[b][i]

[عصير الكهرب]

المشرف العام:المشرف العام بجلالة قدره!!!!؟؟؟!!!مومعقول؟؟؟!!
لو دريت انك تقرالي ....كان ماعطيت وجه لاي احد....الوكاد ياهلا ويامرحبا ...وشهادتك لي موضع فخر واعتزاز...يكفيك انك تباركت وجمعت الشله ......
.لي عتب بسيط ....الى متى وانا ملازم ثاني...شفلنا ترقية....مكرمة....وكلك نظر....وانت طيّب وحنا نستاهل...تحياتي لك