الصالي والصيلوان وجها لوجه

[الشبث]

قبل كم سنه اقيمة مباراه في كرة القدم بين فريقين

متعاديين والكل منهم يعتبر الاخر عدوه الدود

ويعود سبب العداء الى مباراه قديمه بينهم وتخانقوا

وتفالقوا به

وهالفريقين هم الصالي والصيلوان

ويدرب الفريق الاول المدرب شري الطباع ابو غازي

اما الفريق الثاني فيدربه راعي الوقيد وهذا بعد مهو قليل شر

الوكاد تواعدوا يوم الخميس عقب صلاة المغرب تبداء المباراة

وينتهي الشوط الاول مع العشاء ويبداء الثاني عقبه بثلاث دقايق

وينتهي الساعه وحده باليل

ويوم جاء يوم المباراة وهم يحضرون للملعب كلن متقلدن قناتوه

ونزلوا للملعب يتمغطون

وكان من ابرز نجوم فريق الصالي ( اللي يدربوه ابو غازي )

مفتاح اربعطعش حارس المرمر ذيخ يالله يدخل مع الباب

واخو سعدى لاعب الوسط الفنان وكانو يلقبونوه المبروم

لانوه يبرم الكوره ( يعكفه للقول )

والاصيل قلب الدفاع وشعاروه اذا عدا ابو الشباب الله يرحموه

والمهاجم الشبث ويسمونوه المرتعد لانوه يروغ بالكوره ( تسن عندي مهاره )



اما فريق الصيلوان ( اللي يدربوه راعي الوقيد )

فكان من نجومهم ابو مقرن حارس المرمر ( طواااايل يالله تقطع على خشتوه )

والمخاوي الظهير المنصلق ( لانوه يصلقه على القول وهو طاير )

وشنقل المهاجم الموذي وكانوا يلقبونوه بالسلايقي نسبة لسرعتوه بالهجمه المرتده



وبدة المباراه عقب صلاة المغرب وسط حضور جماهيري مناكثروه

وقد لفت انتباه الحضور وضع اللاعبين عصابه على روسهم

وذلك تضامنن مع خوياهم اللي تفلقوا بالمباراة الشهيره وصارلهم عاهه مستديمه

واول هجمه يقوده شنقل السلايقي ويعدي من الاول والثاني ويقطه ورا الباقين

ويدعس ويواجه الحارس ابو اربعطعش اللي يجي يمش طبلونوه ويندف شنقل بالتسبد

ليمار شنقل طايرن من امس ويصايحون خوياوه يبون فاول بس عيوا خويا ابو غازي

وتستمر المباراة كر وفر هجمه هنا واخرى هناك

ليما قرب اذان العشاء ( حدا شهود العيان يقول انوه شاف المذن رايح للمسجد يبي يذن )

وهو ينطلق السلايقي شنقل مع الجناح من كوره تبادله مع الظهير المخاوي

ويعكفه يم القول ويواجه الحارس ابو اربعطعش نوبتن اخرى ويحطه

كبري وهي تروح للقول اول هدف بالمباراة وهو يزعل ابو اربعطعش وهو يلمخ شنقل طراق يفارن

خشتوه وهو يراعيلوه شنقل وهو يمد لسانوه عليه ويركض لمدربوه راعي الوقيد ويخموه

ويتجمعون الفريق كلهم ويتسالمون ويتعازمون .

وينتهي الشوط الاول بهالنتيجه

ويبداء الشوط الثاني عقب ثلاث دقايق عقب ماتسمعوا لتوجيهات وتحريشات المدربين

وكلوا بعض النفيش وشربوا بعض الببسي

واول هجمه يقوده اخو سعدى ويواجه الظهير المنصلق المخاوي ويحاول يعدي منوه وهو يكسروه

وياخذ الكوره ويلعبه لشنقل ويدز هذا وهو يلحقوه الاصيل ويزموه فوق ويضربوه وياخذ الكوره

( طبعا الاصيل استغل الظلام ومحد يشوفوه ) وشنقل غدالوه صياح

ويعطيه الاصيل لاخو سعدى اللي يبرمه للقول وتصفق ابو مقرن بالفره ( ساهي مهو يمه )

مار جتوه سلامه طلعة الكوره برا

ويوم قربت المباراه من اخره ( حدود الساعة وحده الا خمس دقايق )

وهو ينفرد الشبث بالقول ويعدي من الحارس وهو يجي يبي يتفنن وهو يصفق بالقده

( المسيكين شوفوه تسعابشي ولا يقطع على القده )

وهم يرجعون الصالي كلهم يدافعون

وباخر دقيقه ينفرد الشبث من نص الملعب

وهو يقوم ابو غازي يصايح شبيثان والله لو تضيعه لادق خشتك دق

وراعي الوقيد يصايح من قبلوه على خوياوه يقول الحقوه اكسروه اطرحوه طرح

ويم تواجه الشبث مع ابو مقرن وهو يرتبك المسيكين من اللي يسمع

ويلحقونوه الدفاع و يتسفت عليه الحارس ابو مقرن عاضن شليلوه

ويزمونوه فوق ويضربون بوه وهو يعضوه شنقل مع رجلوه

وابو مقرن غايلوه والفريق كلهم يردونوه

وهو يتسفت اخو سعدى ويسجل الكوره بالقول الفاضي

والحارس وخوياوه لاهين بالمسيكين يردونوه

وهم يقومون المدربين ينخون خوياهم على الشر

وهي تغديلك حوسه وتنتهي هالمباراة بكارثه انسانيه اصيب فيها من اصيب

ونجا فيها من ( انكتب لوه عمرن جديد )

















ملاحظه/هذه القصه فكرة الاخ راعي الوقيد وانا ماسويت فيها الا الشي القليل

وقد رفض ان اكتب انها فكرته لولا اني غدرت بوه علشان الشباب اللي عندهم

قصص حلوه ينزلونه عن طريق اخوانهم الباقين ( مافيها شي ) والحقوق محفوظه بس لاتحرمونا

ابداعاتكم . واخونا راعي الوقيد كل يوم يعلمنا شي جديد فالله يخليه لنا.









وتقلدوا تحيتي

[راعي الوقيد]

شيمتاااان

شبيثاااان

لا قبول هذا خروق عن النص الاصلي :(

خابرن الدعوى فوز لفريقنا وش اللي اودعه تعادل

وإلا هااااارمـــــك ابو غاازي :p:

تدري عاااااد شلون

ما اقول إلا تسلم والله ياالشبث على هالسيناريو

وربــي إنـــــك ابدعت :thumb:

والفكرهـ ياشباب اللي قلت له :
فريقين يلعبون كورهـ والوقت تالي الليل ويحصل به بعض الأحداث الدراماتيكية << يوسف شاهين على غفلة:m:
وبس هذي هي:485r:
وفكرة الموضوع من أحداث حقيقية وصارت والله يالربع

لكن شبيثان حكرهـ ازين من الأصــــــل :smooch:

يعطيــــــك العافيـــة اخوي والهدف الرئيــس هــو فتح الباب على مصراعيه لتبادل الآراء والأفكار فيما بين الأعضاء وليــــس هناك من اهداف سواء ظاهــرة او باطنـــــة:055r:

سـلامـــــــي على شبثّنا ولاتهونــون ...

[ابو غازي]

:luvlove: :luvlove: :luvlove:

:p:

شبيثاااان لله درك يافيلسوووف فلة حجاااااااااج :)

راعي الوقيد .... الكاتب المخضرم :thumb:
لاتحرمنا قلمك النير بارك الله فيك
حنا ننتظر الجزء الثاني الثنائي بينك وبينك الكاتب الفيلسوووف البارز شبيثان
ننتظر على أحر من الجمر

اخونا الشبث :surprised
هل تعلم إنني عند إطلاعي على المشاركة لم إستطع الرد من الضحك أضحك الله سنك
سيناريو محبوووك 100 / 100
لاتحرمونا إبداعاتكم بارك الله فيكم


اقتباس:
وهي تروح للقول اول هدف بالمباراة وهو يزعل ابو اربعطعش وهو يلمخ شنقل طراق يفارن

خشتوه وهو يراعيلوه شنقل وهو يمد لسانوه عليه ويركض لمدربوه راعي الوقيد ويخموه

ويتجمعون الفريق كلهم ويتسالمون ويتعازمون .




ههههههههههههههه :p:عقب هالطراق صارت سلام وعزايم..ايه الله يديم المحبّه

:d:


:goooood:

[مفتاح14]

والاصيل قلب الدفاع وشعاروه اذا عدا ابو الشباب الله يرحموه
والمهاجم الشبث ويسمونوه المرتعد لانوه يروغ بالكوره ( تسن عندي مهاره )

والمخاوي الظهير المنصلق ( لانوه يصلقه على القول وهو طاير )

امّا المنصلق ههههههه تذكرت واحدن مسمينه المنصلدز.. اذا نطحك يمشي يمار تقل منصلدزن من له راس جبل :)



وبدة المباراه عقب صلاة المغرب وسط حضور جماهيري مناكثروه

:)


وقد لفت انتباه الحضور وضع اللاعبين عصابه على روسهم
وذلك تضامنن مع خوياهم اللي تفلقوا بالمباراة الشهيره وصارلهم عاهه مستديمه


هههههههههه امحق تضامن هههههههههههههه






ليما قرب اذان العشاء ( حدا شهود العيان يقول انوه شاف المذن رايح للمسجد يبي يذن )


بالله فيه أمل تصير مراسل اخباري ؟ ههههههههههه





وهي تروح للقول اول هدف بالمباراة وهو يزعل ابو اربعطعش وهو يلمخ شنقل طراق يفارن

خشتوه وهو يراعيلوه شنقل وهو يمد لسانوه عليه ويركض لمدربوه راعي الوقيد ويخموه

ويتجمعون الفريق كلهم ويتسالمون ويتعازمون .


ههههههههههههههه عقب هالطراق صارت سلام وعزايم..ايه الله يديم المحبّه :)




ويبداء الشوط الثاني عقب ثلاث دقايق عقب ماتسمعوا لتوجيهات وتحريشات المدربين
وكلوا بعض النفيش وشربوا بعض الببسي

هههههههههه يسمعون بالفيتامينات ههههههههههههههههه





وياخذ الكوره ويلعبه لشنقل ويدز هذا وهو يلحقوه الاصيل ويزموه فوق ويضربوه وياخذ الكوره

( طبعا الاصيل استغل الظلام ومحد يشوفوه ) وشنقل غدالوه صياح


هههههههههه بعذروه لو صاح هذا يسمّونوه صياح القهر :)

<<- يرقّع لشنقل :):)









ويلحقونوه الدفاع و يتسفت عليه الحارس ابو مقرن عاضن شليلوه
ويزمونوه فوق ويضربون بوه وهو يعضوه شنقل مع رجلوه

وابو مقرن غايلوه والفريق كلهم يردونوه

وهو يتسفت اخو سعدى ويسجل الكوره بالقول الفاضي

والحارس وخوياوه لاهين بالمسيكين يردونوه

وهم يقومون المدربين ينخون خوياهم على الشر

وهي تغديلك حوسه وتنتهي هالمباراة بكارثه انسانيه اصيب فيها من اصيب

ونجا فيها من ( انكتب لوه عمرن جديد )




الشبث.. انت متاكد انه كرة قدم؟؟ :)






ملاحظه/هذه القصه فكرة الاخ راعي الوقيد وانا ماسويت فيها الا الشي القليل

وقد رفض ان اكتب انها فكرته لولا اني غدرت بوه علشان الشباب اللي عندهم

قصص حلوه ينزلونه عن طريق اخوانهم الباقين ( مافيها شي ) والحقوق محفوظه بس لاتحرمونا

ابداعاتكم . واخونا راعي الوقيد كل يوم يعلمنا شي جديد فالله يخليه لنا.



شي حلوووو ان راعي الوقيد يلمخك بكم فكره <<- متأثر بمجريات المباراة هههههههه

بس ودنا لو ان راعي الوقيد يلمخنا حنا بعد بكم موضوع دام انه راعي سوالف وماهو خالين من قراده:)

يعطيكم الف عافيه
.
.
.
الشبث..(اليوم ياقف عنده العلم)..وبكرا....................:thumb:


مع اجمل تحيه

[الشبث]

راعي الوقيد

لاتقوم تزود من عندك عاد

الفكره فكرتك

واذا فيها جمال فهو منك

اما اذا فيها نواقص فهو من اللي كتبها

تسلم ياطويل العمر على اخلاقك العاليه

وترن حاجزن افكارك الجايه باللي هي بوه



وتقلد تحيتي

[الشبث]

ابي أحجز المكان

ابو غازي

وش عقبوه المكان طااار عليك

ههههههههههه


وانا ابيك توسطلي بمويضيع بس مهو هالحين

اعلمك بعدين :)



وتقلد تحيتي

[الشبث]

شي حلوووو ان راعي الوقيد يلمخك بكم فكره <<- متأثر بمجريات المباراة هههههههه

بس ودنا لو ان راعي الوقيد يلمخنا حنا بعد بكم موضوع دام انه راعي سوالف وماهو خالين من قراده

يعطيكم الف عافيه
.
.
.
الشبث..(اليوم ياقف عنده العلم)..وبكرا....................


مع اجمل تحيه

هلا بمشرفنا الغالي

والله ياطويل العمر راعي الوقيد هذا هو عندك حاتسوه

انا عجست عنوه

وتبي الصحيح ودي مايكتب علشان يعطيني من هالمواضيع

:) :) :) :) :)





الله يستر من باتسر :goooood:



وتقلد تحيتي

[الشبث]

الى ذويبان

اخوي العزيز ذيب شراف

استميحك عذرا لان اسمك ماجاء في هالموضوع

ووالله العظيم ان اسمك على بالي بس مادري وشلون نسيتوه

ولكن اوعدك في المرات القادمه يكون اسمك في كل المواضيع



ويكون في علمك اني حتى لو ماكتبت اسمك تكون عزيز وغالي

ولك قدر عظيم عندي

وانا هالحين اكتب الشخصيات في المواضيع من اللي يشاركون معنا

بالفلة وانت من اميز الاعضاء بالفلة


ولكن اخوي الغالي وش تقول عن اخوك اللي بايه ولا يفتهم

وصدقني لو منت غالي تسان ماكتبت لك هالاعتذار


وتقلد تحيتي

[بو رائد]

:) بناخيي شبثااااااااان ياريت منهو n) الحكم :puzzled: ياملا الفلال
تخبر انبح حلقي وانا اشجع جيت من النفود علشانك :thumb:
وتا هكل يوم خرب الجيب :g: وحبت معي 3 بدو للمضارب :thumb:

[الشبث]

بو رائد

هالمباراة محد يحكمه ابد

لانه معرفن خاتمته



والله العالم ان ماقبسه الا انت وهالبدو اللي معك

ههههههههه



وتقلد تحيتي

[شنقل]

فريق الأحـــــــــلام

--------------------------------------------------------------------------------


سيداتي وسادتي مخناقتي وقلادتي
مخدتي ووسادتي
مزمزميلاتي00000 احتراماتي
خبيزاتي ويداماتي
خييويني وخيواتي00 والبقيه تاتي


الاعلامي
يحييكم من ستاد شمقل الدولي ويسرني ان انقل لكم وعلى الهواء مباشره
وحصريا على مزودة شنقل الرياضيه المباراة النهائيه على كاس اندية العالم
بين فريق المضايف وفريق ريال مدريد

حضور كثيف بالملعب الملعب فل ( تانكيين) والجو جو مباره وجو صحي (ساكره) مابه هوا
يعني ماتدري منين هي هاااابه والشوف تشوف على طول شوفك

يمين الساده المشاهدين فريق المضايف بالفنايل (الدهم) وبعضهم علاقي (حركه)
والسراويل المقوصره (الدغم) وريال مدريد بلباسه المعروف الابيض

يمثل المضايف
في حراسة المرمى0000 ابو غازي وهو كابتن الفريق لديه 966 مباراه دوليه قمة الاخلاص لدى هذا الاعب
عندما عرض عليه ملاييين الدولارات من انديه اوروبيه ولكن رفض حبا لناديه
والحين كل يوم وهو يتعطى الربع0 ويبي له كفيل بيشتري له هلكس (ديزل)

في خط الدفاع من اليسار لليمين0000
المهيني: لاكفخ الاياربي دخلك محدن يجيبه البلا لاعطاه الدعسه الثانيه (12 سلندر)
سرحان : تسبد الدفاع وما يلعب الا وقناته معه وهو صاحب القصيده انا بكره ريال مدريد
واحب المضايف000 بس خلاص
عبد العزيز :يلعب بثقل الولد بس عليه لوه حال (متين) ويالله ياخذ اللفه من هواياته جمع التيادر
اليم :كامل المواصفات طلبيه خاصه 0 لاتعداه اللاعب لهبه ( اشهب) عطاه هكا العين يمار هو
من صيد امس

في خط الوسط0000000
محارش : الموسيقار انواع الجلسات بس مافيه نسخ اصليه0 احترف في نادي اللغف سابقا
ابو مقرن: ملك التسحيب والتنطيل على كفرين (جيب ربع)يبنطل على220 راعي كشتات وطلعات
المجهول: من اسمه الجندي المجهول محور ارتكاز لاروق خوش ولد واحترف بنادي ام رضمه


في خط الهجوم0000
شنقل : يبلف الحكام يمثل عليهم بس يتويقع ويتخمع ولاجاب هدف جدع فنيلته وطلع صورة اخوه شمقل
الشبث : هذا مسكه الكتاف على الخط الاصفر ولاضيعته تلقاه حول الركني والا متلولسن بالشباك احترف بنادي
ساموده الاوكراني
مفتاح 14 : هداف بالفطره (مركب حساسات) ويفكر حاليا بالاعتزال (حاطه على التمثال)

مدرب الفريق000 الكابتن سلمان النبهان (ياحلوك بالبدله)
درب فريق وادي شجر وحقق معاه بطولة سابتكو0 وكم دوري برمضان
كما درب منتخب تونجيقيا للوغدان حدر7 سنين ومابطى وقضب الباب
الاحتياط 000 الفريق الوحيد بالعالم ماعنده احتياط (يلعبون لو هم مكسرين) ولاعتزل الواحد منهم
حط بناخيه او قريبن صافطن له (وراثه)
يغيب عن لقاء اليوم الكابتن 00 الغثه دب الحكم بالمباراه الفايته وخذا كرتن حمر
ايضا يغيب اللاعب 00 سرحان فاته الباص ياخي تعال بلموزين وهات فاتوره معك
رئيس رابطة المشجعين 000 بعض الناس دب الدهر وهو مطابقن فريقه
وجمهور المضايف جمهور حضاري بس لاخربت والله مايردهم احد
طوال الشوطين يسوون سامري
وبين الشوطين هجيني
ولاصارت بلنتيات دحه
اما الامواج ياهم يحكرونه حكر

طبيب الفريق اخو سعدى
يغسل وجه اللاعب لاطاح او انصفر واذا ماعنده ماء يشممهم حدى فنايل العيال (غاز الخردل)
وخاصه فنيلة محارش
يسوي لهم مساج ويهمزهم ويتوطى ظهورهم ويقردعهم ( عنزروت) الصبح ( منشطات)



مدير الفريق00000
الاستاذ ابوسلطان
كل التقدير والاحترام نكومهن عند باب هذا الرجل الصرح ( وش معناة الصرح)
ويعتبر الاب الروحي للنادي
يابابا000000000
لقد بذل الغالي والنفيس من اجل شراء عقود هؤلاء اللاعبين المحترفين
وهاهو يقطف ثمرة جهده
شكرا ابو سلطان
وقفه مع جرايد اليوم وقد اشتعلت الحرب الكلاميه والنفسيه بين الفريقين
نقراء عليكم بعضا منها


صرح كابتن الفريق ابو غازي
وقال : رونالدو هدددد (كلمة معناها ول او انقلع) ولدن لابوك لاجبت بي قووول
والقطمه اللي بازين به البرتا كابرس( ربرتو كارلوس) يشوت والا مايشوت قاعدن له
وانا ابوغازي0000 ( حي والله هالراس)

كما صرح الكابتن الشبث
بحديث مقتضب وغير مفهوم وقال بالنص
ريال مدريد راح يروحن طعم جحاااااااااااش
كما علق مدرب الفريق
الكابتن سلمان النبهان
قال : ريال مدير (مدريد يبن الحلال ايه اسلم) يحده شمالاعفوا نسيت طرى علي وادي شجر
لكن ثم لكن (لاحول هالمدرب من جنبه) ريال مدريد سوف يغدون مع اول دقمه للكوره
كلاب رمي كلن قاضبن له تخميمه (امحق تصريح)

بدت المباراه000000000
كرات بينيه بين لاعبي المضايف وقامو يديرونهم ويعسونهم لهم شوين ( فقاعين العيال)
جس اخلاق (جس نبض)
تمريره من المجهول لابومقرن(ويبدا التنطيل عقد وعكسيه ويرصه باستفهام على الدايره
لكن تحذف به الكامري قصدي الكوره
وتروح لرونالدو هجمه مرتده ويكفخ رونالدو ويمرلك
اويلي وين اليم اللهبه ياشين حطه بالكفر
ويعدي على عبدالعزيز وماأشر على البريك
عبدالعزيز طايحن بالبسيس فيه بنيوات بالملعب الولد دقرررر عندهن
وداخل الثمان طعش
وهي تثور سليما وماتشوف يدك من الغبار ويتسفت ابوغازي وهو يمسك الكوره
عاد ابو غازي قام يتمجغل على رونالدو تمجغل ورد رونالدو
وهو يتنهزره ابو غازي اكا التنهزه اللي ماعندك احلا منه
ويلعب الكوره طويله ناحيه شبثان وهو يتقلد زيدان ويجره على وجهه-- لكن تطلع ركني
على التنفيذ عبد العزيز 00ياثقيل ( نقليات عبد العزيز)



واشوف ابوغازي جادعن فنيلته ويومي به وينخى خوياه (عليهم عليهم اوووووه)
ويهيجن
تلعب الكوره يمررها ابو 14 براسه لشنقل ( ماصدق خبر) الا ياربي وهو يتوازن له وهو يشبه
حما حيله دبك كيك وهم تمر كاسياس (حارس ريال مدريد)له وشيش تقل اف15
ياسلام هدف اول للمضايف المدرجات ولعت( الي يبي له شماغ ولاجوال يتخير بس)
ولاعبي المضايف قاموا يتسالمون ( تقل اول مره يتواجهون) ويتعازمون على القهوه
عاد حلف عليهم اليم قالو تم قالهم لانفهقتوا من صلاة الفجر تريهن والمات (جاهزات)


وشنقل على طيحته مايتحرك ( ياحبيب اكا الوجه)
ويفزوعن طبيبهم اخو سعدى ومعه خاشوقه ( وش عنده يبي يغرف العشاء)
سلاما ت والله ياشنقل وماتشوف شر

هدو يخيم على المدرجات

اخو العيال
اللاعبين قاموا يتواقعون

ابو14 يتمزع بالعشب تقل شافطه1000 فولت
ومحارش عند الركني منصفر ويرشونه بوايت الزراعه
والشبث يتبسم مايدري وش الطبخه


ورئيس رابطه المشجعين( بعض الناس)
له جعير ( صياح ) بالمكرفون والجمهور معه ( حراج واحد حراج اثنين)

اخو سعدى حاطن رجله على تسبد شنقل ( ياتسبد حيي)
وفاتحن افم شنقل تقل يدور له شين وهو ياو معافر
وهم يجونك العيال هم يزخون شنقل سما( اربعه شالو الجمل والجمل ماشالهم)
وهم يعلقونه مع رجلينه بالعارضه ( تقل ذبيحه)

الحين تأكدنا ان شنقل





زارطن لسانه
اكيد الصدمه راح تكون قويه على شقيق شمقل




ياب استر





لا
لا
لا
لا
لا
لا
لا
لا
لا للمخدرات





يعله خير
بسم الله علي وش هالحلم اللي خرعن
بغيت اروح غلطة دبل كيل
( ياويلي ليتن ماقعدت ذبيحتن الشفايه ابشوف وش نهايتي)

ههههههههههههههههههههههه


ياحلولات لونجتمع كلنا كل ابونا ( بخويطنا) وندربي هالكوره
واللي مايدبره ومايدري هي منين هااابه
يمسك له قرنه (زاويه) ويتلم له واحد تعليق
والوناسه لوفيه عكاسة فديو

مع احلى تحيه للا عضاء الذين لم يتم ذكرتهم ضمن المباراه
بس وعد مني اني راح اضمهم للدوري الجاري

دوري الكيرم



شنقل اخو شمقل ابو غبوط ازرق

[الشبث]

شنقل وش السالفه ؟

جايبن هالمباراة تسجيل ولا وشو

نبي ردك

ومشاركتك

بس الظاهر ان اللي يشاركون بدوا يقلون شوي شوي

ليما تصير يالشبث لحالك ماحولك الوالي



بس الله كريم



شنقل اكيد انت فاهم قصدي زين :thumb:



وتقلد تحيتي

[شنقل]

شبيثاااااااااااان
يافلان والله من الطراق اللي جاني

افتر مخي

المخيخ الايسر صارت به حذفيه يمين

ابرد عليك رحت نسخت لك مباراة فريق الحلام


شبيثااااااااااااااااااااان

امووووووووووووووه

شنقل عشيرك

[الشبث]

ههههههههههههههه

ابو الشناقل

الله يقطع بليسك

تصدق اني خشيت جو احسب الطراق صدزي




تقلد تحيتي يالعشير

[المخاوي]

هلا والله وغلا بالشبث

اولا فييه غش فريقنا ثلاثه بس وانتم اربعه :wink:

ثانيا مافييه مشكله مشيناها لكم هالمره :p:



والمخاوي الظهير المنصلق ( لانوه يصلقه على القول وهو طاير )

ايا المذهوب تصدق بديت اشك وشدراك اني ظهير لا ومنصلدز بعد :)



وهو يزعل ابو اربعطعش وهو يلمخ شنقل طراق يفارن
خشتوه وهو يراعيلوه شنقل وهو يمد لسانوه عليه ويركض لمدربوه راعي الوقيد ويخموه

هذه احدى الطرق الاستفزازيه اللي تعلمناه من مدربنا يقول عليكم بابو 14 تروه ليازعل مايرد الكور يخلي القول فاتح :p:


ويعطيه الاصيل لاخو سعدى اللي يبرمه للقول وتصفق ابو مقرن بالفره ( ساهي مهو يمه ) مار جتوه سلامه طلعة الكوره برا

ترو هذي نقطة ضعف حارسنا ابن الحلال دومن يسهي :p: عاشقن لوه وحدتن ماصعتن مصارينوه ولاتفطن علييه الا ليالعبنا كوره مادري وشنوح :)


اما نجم المباراة فهو بلامنازع هو النجم اللامع ذو القميص الساطع شنقل السبوق :) ويتميز هذا اللاعب بطول صبعوه اليمين :p: ويجيد الشوت بالفنقر :thumb: عاد يم القول والا يم المدرج مايهم :tongue:

اخي الشبث تسلم ايها المميز :thumb:

[الشبث]

هلا والله وغلا بالشبث

اولا فييه غش فريقنا ثلاثه بس وانتم اربعه

ثانيا مافييه مشكله مشيناها لكم هالمره


اقتباس:
والمخاوي الظهير المنصلق ( لانوه يصلقه على القول وهو طاير )


ايا المذهوب تصدق بديت اشك وشدراك اني ظهير لا ومنصلدز بعد


اقتباس:
وهو يزعل ابو اربعطعش وهو يلمخ شنقل طراق يفارن
خشتوه وهو يراعيلوه شنقل وهو يمد لسانوه عليه ويركض لمدربوه راعي الوقيد ويخموه


هذه احدى الطرق الاستفزازيه اللي تعلمناه من مدربنا يقول عليكم بابو 14 تروه ليازعل مايرد الكور يخلي القول فاتح

اقتباس:
ويعطيه الاصيل لاخو سعدى اللي يبرمه للقول وتصفق ابو مقرن بالفره ( ساهي مهو يمه ) مار جتوه سلامه طلعة الكوره برا


ترو هذي نقطة ضعف حارسنا ابن الحلال دومن يسهي عاشقن لوه وحدتن ماصعتن مصارينوه ولاتفطن علييه الا ليالعبنا كوره مادري وشنوح


اما نجم المباراة فهو بلامنازع هو النجم اللامع ذو القميص الساطع شنقل السبوق ويتميز هذا اللاعب بطول صبعوه اليمين ويجيد الشوت بالفنقر عاد يم القول والا يم المدرج مايهم

اخي الشبث تسلم ايها المميز

هلا بالمخاوي اللي ماندري وين راح

يالله حيوه

يقولون من طول الغيبات جاب معوه شين :)

وبعدين ترنا بالعدد سوى بس انا عديت النجوم


وبعدين لاهو نجم المباراة ولا شين

المباراة كله غش بغش :)







تسلم يا مميز على المرور ولا تقاطع


وتقلد تحيتي

[أبو مقرن]

تميز..روعة..إبداع ..وبلاشك منقطع النظير..
للمتعة..أقلام تنفرد بها..
وللقصة الساخرة..كتّابٌ أتقنوا فنها..
والكاتب القدير..(الشبث)
هرمٌ شامخٌ..تعجز عن إدراك وصفه أقلام المعجبين
أو إشادة المتابعين..
عزيزي: الشبث..
تقلد شديد إعجابي..وإلى مزيد.ن.من الرفعة..يازعيم..
***
بك..وبأمثالك..ممن نذروا أقلامهم لفلة الحجاج..
نضمن تجددا دائما..وعين ماء.ن.عذب تتدفق وبلا انقطاع بحلو المعين..
***
وماندري..وش نجزيك بوه...بس أخبر الشيخ مفتاح 14 مايقصّر.. :)

[الشبث]

تميز..روعة..إبداع ..وبلاشك منقطع النظير..
للمتعة..أقلام تنفرد بها..
وللقصة الساخرة..كتّابٌ أتقنوا فنها..
والكاتب القدير..(الشبث)
هرمٌ شامخٌ..تعجز عن إدراك وصفه أقلام المعجبين
أو إشادة المتابعين..
عزيزي: الشبث..
تقلد شديد إعجابي..وإلى مزيد.ن.من الرفعة..يازعيم..
***
بك..وبأمثالك..ممن نذروا أقلامهم لفلة الحجاج..
نضمن تجددا دائما..وعين ماء.ن.عذب تتدفق وبلا انقطاع بحلو المعين..
***
وماندري..وش نجزيك بوه...بس أخبر الشيخ مفتاح 14 مايقصّر

اخوي القدير والعزيز ابو مقرن

هذا احسن وسام على صدري منك ومن جميع الاخوان الافاضل

وان كنت متميز فالفضل يرجع لزملائي واخواني في المضايف بشكل

عام والفله بشكل خاص بعد توفيق الله سبحانه

واتمنى ان اكون عند حسن ظنكم دائما



وغيره سلامتكم





وتقلد تحية اخوك الشبث :goooood:

[اخو سعدى]

goaaaaaaaaaaaaaaaaaaaaaaal
اشوى اللي انا جبت القوول ..ولا حلوه القوول فاضي

تصدق شبثااااااان .. مره صارت معي هذه السالفه :)
كنت كابتن فريق حارتنا نباري فريق اخر من حاره ثانيه
المهم .. لعب حارس المرمي الكوره لي انا وفجاءه اشوف حارس
الفريق الاخر .. طلع برا الملعب .. لقضاء حاجته :)
المهم استغليت هذه الفرصه وشت الكوره . ودخلت قوووول
واذا الحارس يجيك طااااااير .. وتدخل الكوره وهو تووه ماوصل ..

وتعاااااااال ضحك .. وانتهت المباراه كلها ضحك .. :) :) :)

[الشبث]

goaaaaaaaaaaaaaaaaaaaaaaal
اشوى اللي انا جبت القوول ..ولا حلوه القوول فاضي

تصدق شبثااااااان .. مره صارت معي هذه السالفه
كنت كابتن فريق حارتنا نباري فريق اخر من حاره ثانيه
المهم .. لعب حارس المرمي الكوره لي انا وفجاءه اشوف حارس
الفريق الاخر .. طلع برا الملعب .. لقضاء حاجته
المهم استغليت هذه الفرصه وشت الكوره . ودخلت قوووول
واذا الحارس يجيك طااااااير .. وتدخل الكوره وهو تووه ماوصل ..

وتعاااااااال ضحك .. وانتهت المباراه كلها ضحك

اخو سعدى

انت وش بلاك فضحت المسكين :)


والقول سوا جبتوه انت او انا او اي واحد بالفريق عادي


يالمبروم :)







وتقلد تحيتي

[الأصيل]

يابعدي يالشبث :)

الموضوع روووووعه ، ( والمتش حماسي ميه ميه ) :p:

والحقيقه أنا انبسطت بالحيل يوم شفت اسمي بالتشكيله :thumb:


أنا قلب دفاع لكن منهو تسبد الدفاع؟ :p:


وبالنسبه لأخوي شنقل ،،

ترا ماكنت أبي أكصمه لكن سمعت ربعي يتنخون بي

عندك إياو يالأصيل عندك إياو يالأصيل ،، ونا لك أتحما له :d:

وللعلم ترا شنقل غالي علي هو وأبوه وعيال جيرانهم ،، :awink:


وللمره المليون : روعه يالشبث

وترانا متقلدين تحيتك :good1:

[الشبث]

هلا بالاصيل الاصيل ولد الاصيل

انا ياخوك وعدتك اني احط اسمك

والحمد لله هذا انا اوفي بوعدي

وان شاء الله في المرات الجايه بيكون اسمك موجود

لانك مميز :thumb: ومشارك معنا

اخوي الاصيل بقدر تميزك

بقدر ما انا مهتم بمشاركتك معي انت وباقي الاخوان





وبعدين اللي صار بهالمباراه شي تشكر عليه

فانت كصمت شنقل ولا تسان منفرد

وهو تخبر سلقه ما ينلحق :)


انتظر مشاركاتك بفااااارغ الصبر


وتقلد تحيتي

[راعي الوقيد]

ترا ماكنت أبي أكصمه لكن سمعت ربعي يتنخون بي

عندك إياو يالأصيل:172r: عندك إياو يالأصيل:172r: ،، ونا لك أتحما له:201r:

:p: :p:

وان شاء الله في المرات الجايه بيكون اسمك موجود

لانك مميز ومشارك معنا

اخوي الاصيل بقدر تميزك

بقدر ما انا مهتم بمشاركتك معي انت وباقي الاخوان


وللمره المليون : روعه ياإنتــــــــــم :thumb:

:473r:<<الشبـــث وش وقـــع الســـوق:awink::m:

ســلامــــــي ...

[الأصيل]

أخوي شباب النار ( راعي الوقيد ) :d:

أشوفك ناسخ كلامي وكلام أخوي الشبث


عساو عجبك ،، :awink:

تروني أتابع كل شي خاصه كلام الغالين
:hala1:
وتقبلو تحياتي

وتقلدو تحيات الشبث :p:

[الشبث]

<<الشبـــث وش وقـــع الســـوق

هلا راعي الوقيد

هاه بشر ماطلع شين جديد

لا تنسى ترن حااااااجز

امانه لا تنسى


عقب هالنجاح والله ماخليك تفص :)




وتقلد تحيتي

[الشبث]

أخوي شباب النار ( راعي الوقيد )

أشوفك ناسخ كلامي وكلام أخوي الشبث


عساو عجبك ،،

تروني أتابع كل شي خاصه كلام الغالين

وتقبلو تحياتي

وتقلدو تحيات الشبث

الاصيل ماعليك من راعي الوقيد

هذا بيني وبينوه سالفه وانا عارفن قصدوه

بس انت وانا اخوك يالله شد حيلك واكتب موضوع


ماتشوف الشباب كلن قام ينزل موضوع


واذا عندك فكره ولا ودك تنزله ارسله لي على الخاص

وانا انزله والحقوق محفوظه :)





وتقلد تحيتي