المشرف العام،،،وادارة فلة حجاج،،،،،،،،،،،واللّقب المشقلب،،،،،،/ لساع /!!

[لسّاع]

قسم بالله اني شمري ابن عمن لكم ولا بوه احد ضريته منكم وماهقيت بوه احد ماخذن مني موقف او حاقدن على حضرتي،،
وانني شخص مسالم عندما يكون حقي بيدي،،،وفرعوني اذا احد خذا حقي من يدي او نوى شقلبت اوضاعي:112r:

حز بنفسي ماجرى لي في خضم فرحتي باللقب فكانت هذي المعلقه وهاكميّاه



قلت ابكتب مثل ناسن مغرمين ويسهروني= يكفي يكفي.. يكفي يكفي،،لامتى نايم واشاخر

/

\

لقبوني واجزاهم خير ربعي لقبوني=ميزوني والتميّز حق لي فيه التفاخر
قمت اهوجس بالخبر يافلان لحظة خبروني=ماني مصدق اذاني واهنيّي صرت ساخر
فيه غلطه واللقب يصرخ رجاءً عدلوني=وين ابوسلطان وينه؟!! هقوتي ماهو بذاخر
الخطا من مشرفين الفلة اللي رشحوني؟=والا والا؟ والا والا؟ والا هذي ماله اخر!!
والا من سبة هكاللي باللي يفزع يسمعوني!= جانا و(برايه) تميلح يحسب انه راي فاخر!
ليت بعض اصحاب الأريا بشورهم مايفزعوني= ااه ياضرسي لعبّه سوس وأخطر سوس ناخر
والا تدري يمكن انه من ابوسلطان عوني=حط من زود التميز جبهتي (تحت) المناخر!!
لا لمحتوا زوله المبروك بالله نبهوني= منهو مثله؟ منهو مثله؟ معدنه بالطيب زاخر
لا تحرّى من ابو سلطان كلمة بخروني=قدموا له مبخره،، ثنتين،، لاوالله مباخر
كلمته كلن يعرفه: (ابشر ابشر من عيوني)= صدره المينا وحنا كل ابونا به بواخر
واطلب من الله ايتعدّل وضعنا وامره يهوني= وادعي الله واطلبه وارجيه ( للعشر الاواخر)!
/
والمهم
\
ان
/
الجماعه
\
ياجماعه
/
شقلبوني
\
صرت من
/
عقب
\
التميز
/
جبهتي
\
تحت
/
المناخر
!!!!

وسلاااااااااامتكم:biggrin:
وبعد هذي المعلقه ،،اتمنى انها تفي بالغرض،،، وتحقق المبتغى،،،
والا يتم تجاهلها من قبل المسؤلين حفظهم الله،،،
ولايفوتن تهنئة الزملاء المترقين،،شنــقل والشبث وعصير الكهرب اللي كان متعدّل(اشوى مني) :biggrin:


اخــــوكم / لسّـــــــــــــــــــــاع

[ابو خليف]

ههههههههههه صح لسانك

ياساخر شاعر

اثريك متشقلب وجبهتك فوق المناخر وحنا ما دريناااا

افزع يابو سلطان عدلوه
قبل يهجونا
ارخو بابا ولاتهون ممي
بس والله انك ما شالله عليك
تصلح ساخر شاعر ازين
هههههه اسذب لا تلسبن بلي بويتين

[الشبث]

هههههههه

صح لسانك يا خوي يا لسااااع

وان شاء الله الربع مهم مقصرين معك


وانت تستاهل كل خير



والف مبروك





وتقلد تحيتي

[المخاوي]

هلا والله بالشاعر الساخر اللي شقلبوووه :p:

بس طلعت هاشقلبه بنتيجه وجتنا هالقصيده :thumb:

صح لساانك يالساع ولابد ماتعدل الاوضاع :wink:

[المشرف العام]

فيه غلطه واللقب يصرخ رجاءً عدلوني=وين ابوسلطان وينه؟!! هقوتي ماهو بذاخر
الخطا من مشرفين الفلة اللي رشحوني؟=والا والا؟ والا والا؟ والا هذي ماله اخر!!


تخبر . . حركات اهل الفلّه ، بس ماتاصل ان تصير جبهتك تحت المناخر :)




والا تدري يمكن انه من ابوسلطان عوني=حط من زود التميز جبهتي (تحت) المناخر!!
لا لمحتوا زوله المبروك بالله نبهوني= منهو مثله؟ منهو مثله؟ معدنه بالطيب زاخر
لا تحرّى من ابو سلطان كلمة بخروني=قدموا له مبخره،، ثنتين،، لاوالله مباخر
كلمته كلن يعرفه: (ابشر ابشر من عيوني)= صدره المينا وحنا كل ابونا به بواخر
واطلب من الله ايتعدّل وضعنا وامره يهوني= وادعي الله واطلبه وارجيه ( للعشر الاواخر)!
/
والمهم
\
ان
/
الجماعه
\
ياجماعه
/
شقلبوني
\
صرت من
/
عقب
\
التميز
/
جبهتي
\
تحت
/
المناخر
!!!!



زين ان هالشقلبه اثارت قريحتك :) . .

/
ابشر
\
من
/
عيوني
\
.
/
ابشر
\
من
/
عيوني
\
.
/
.
\
.
/

صح لساااااااااااااااااانك ، ولا عدمنا خطّة بنانك

وادعوه سبحانه ان يبلّغك رمضان ويتمّه عليه وتخرج منه وقد منحك الله كنوز هذا الشهر الفضيل

عطني تعديل اللقب هنا ..!!

او تعديله على الخاص ..

واللي تبي يصير :)

[راعي الوقيد]

كلمته كلن يعرفه: (ابشر ابشر من عيونـي)** صدره المينا وحنا كـل ابونـا بـه بواخـر
واطلب من الله ايتعدّل وضعنا وامره يهونـي ** وادعي الله واطلبه وارجيه ( للعشر الاواخر)!

/
ابشر
\
من
/
عيوني
\
.
/
ابشر
\
من
/
عيوني
\
.
/
.
\
.
/

صـــح لسانكــــــــم :thumb: :thumb:

[دواس علف]

صـــــــــــح لسااااااااااااااانك خيي ساخر شااااااااااااااعر

خخخخخخخخخخخخخخخخخخخخخ


ههههههههههههههههههههههههههه

لله درررررررررررررررك


على طوووووووول قالو تم


خلك كذااااااااا كل شي تبيه قل راااااااح اغزو عليكم بهجينيه


خيي لساااااااااع ينطيك العااافيه على ماتفضلت وابلغنا الله رمضان اعوام عديده


خييييييييك دوسي خيو لمنوعي خي فت فت

[أبو مقرن]

يا هلابك..مرحبا بك..شاعر ونضمك فنوني=سردك أطيب من سحاب.ن.بالعطا صار متواتر
ماهقينا الوضع يصبح جبهة.ن.فوق السنوني=ولا هقينا يارفيقي تنقلب كل المظاهر
غلطة.ن.ماهيش لوهي عند غيرك وش تكوني=عثرة وكبوة جواد.ن.ماتعوّد للمعاثر
السموحة ماهقينا فروة.ن.صارت زبوني=تزعل صدور النشامى..أو..تكدّر للخواطر
واللقب حقّك بداله ماتخلخل به ركوني=بالمناقل ضابطينه..قايسينه بالمساطر
والمعذرة يارفيق.ن.طيّب.ن.قرم.ن.حنوني=مابغينا..ماقصدنا. .غثتك يااستاذ ساخر

***
أستاذي القدير: لساّع..
الأصل كان..(شاعر ساخر)..ولكن(مادري وش اللي صار)..؟والعلم بعضوه عندك!:awink:
لذلك أقدم اعتذاري باسمي وباسم إدارييّ فلة الحجاج..
على هذا التكريم (المشقلب)..
وأبشر بسعدك..مادام أبو سلطان..قال: (أبشر من عيوني)..
تحياتي..لك ..وهاللقب لو مابوه من البركة إلا شوفتك ..تكفي!..:)

[الاصمعي]

نية الخير يابو مقرن:)


آه يالنية السليمة ! آه يا بعض الشطوني=وقعتني يابو مقرن وعرضتني للمساخر
جيت فرحٍ بخويانا يوم أشوف تباركوني=وقلت في نية سليمة ميزوا ساخر وساخر
ويوم هو طُبق كلامي وانتظرهم يشكروني=أثر لسّاع المصرقع جاي زعلانٍ يناخر
قال يا فزعة بعضهم صايرٍ واجد تموني=وفشلن وانا لجهودي يالربع ما كنت ذاخر
مدري من زين اقتراحي فيه قشران انظلوني=أو رفيقي من ربيعٍ تسمي شبوكه جواخر
مار أشوف الحل عندي اكتبوا شاعر جنوني=واقطعوا عنا لسانٍ لأصعب القيفان صاخر
وارضوا الماخوذ وايضا له لزوم تحذروني=لا يتعرض للسباحة في بحر طامي وزاخر
هذا ردي في دعابة أقبلوه وسامحوني=والمحبة واحترامي للجميع أول وآخر

[مفتاح14]

بالعوووون انك شااااعرن ساااااخر اي بالله ياخوي يالساااااع :)

<<- واحد بلع العافيه :tongue:


ياحيالله الغالي لساع..سبقنا ابو مقرن بالاعتذار وفعلا اللقب كان(شاعر ساخر) ولكن تشقلب بقدرة قادر:)


عاد ابو سلطان تزهل لك بالموضوع وما يحتاج مخبور (قول وفعل) وبمشيئة الله يتحقق طلبك..

اخوي لساع..لا يفوتك لقب اخونا الاصمعي تراااه كذا :thumb:




برايفت اخوي الاصمعي ///
اما لقب شاعر جنوني ياهووو شي :thumb: لو حنا دارين تسان داعينك لاجتماع الفلّه..مار خلك حولنا لاتبعد:)


أجمل تحيه للجميـــــــــــع

[ابو غازي]

ياهلا باخونا لســــــــــــــاع :a:

ياعل هالي سوى هالغلطة للعافية يوم أثار قريحتك إنت وشعارنا الأفاضل
نجم المضايف ابو مقرن ... وذيب الشعار كاتبنا المميز اخونا الأصمعي
لولا الله ثم هالغلطة الكيبوردية لما إستمتعنا معاً بهذه الأبيات الساخرة والرائعة

:Goodstar:

فعلاً بجد إنت أفضل شاعر ساخر اخونا لســـــــــــــــاع :thumb:

[لسّاع]

السلام عليكم ورحمة الله الجميع
الحقيقه اني الوم نفسي بهذاالغياب قبل ان تلوموني والحق علي لعدم تمكني من الرد بالفتره الماضيه،،،،،

واتقدم باجزل عبارات الشكر للمشرف العام لماقام به ولاستجابته للنداء،، وجزاه الله الف خير،،،


اخي العزيز:ذيب اشراف،،،،
صح بدنك اخي وتعرف ان السالفه مداعبه لا اكثر ولا اقل ولايمكن تصل حد الهجاء،،،
ياكيف اهجي بني عمي وأنا منهم،،،اذا اهجي بني عمي ابهجوني :p:
عزيزي ذيب لك احترامي

،،،،،،،،،،،،،،،،،،،
عزيزي ::الشبث،،،،
صح بدنك ومثل ماقلت اخوي الجماعه ماقصروا أبد،،،
احترامي للفيلسوف

،،،،،،،،،،،،،،،،،،،،،،،،
عزيزي:المخاوي،،،
صح بدنك وشكرا لفزعتك وهقوتك مثل هقوتي وعيال العم مايقصرون،،
احترامي لك اخي

،،،،،،،،،،،،،،،
عزيزي واستاذي:المشرف العام،،،
صح بدنك وبارك الله فيك ،،،وعذرا للتاخير فانا مادخلت من فتره ولهذا ما ارسلت لك رساله بس انت كحيلان ماتوانا ماشاءالله عليك،،،
سلمك الله من كل سوء وحفظك لمضايف شمر وادامك،،،
احترامي وتقدير لشخصك الكريم

،،،،،،،،،،،،،،،،،،،،،،،،،،،
عزيزي::راعي الوقيد،،،،
صح بدنك وشاكر لك،،،زدتنا تشريفا مع من شرفنا من الاخوه بردودهم،،،
احترامي اخي

،،،،،،،،،،،،،،،،،،،،
عزيزي:دواس علف،،،،،،
اهلابك وصح بدنك،،،الله يعافيك الحقيقة ماابي الا سلامة اهل المضايف وطولة اعمارهم ومحاولة رسم البسمه على شفاههم لا اكثر ولا اقل،،،
شاكر لك اخي،،،،

،،،،،،،،،،،،،،،،،،،،،،،
الاستاذ:ابو مقرن،،،،
صح بدنك ومافيه داعي للاعتذار ماصار الا كل خير ابشرك،،،،وهذه القصيده كمداعبه فقط،،، كلك بركه اخي وصح لسانك على هالمجاراه اللي غطت علي وعلى قصيدتي :p:
لاخلا ولاعدم وبيض الله وجهك استاذي،،،

،،،،،،،،،،،،،،،،،،،،،،،،،،
شاعرنا واستاذنا:الاصمعي،،،
صح بدنك وكثرالله امثالك واتمنى مايصير بخاطرك شي فالله يشهد انه للمداعبه فقط (((مثل قصيدتك يعني)) :p:
،،،،،،،،،،،،،،،،،،،
((ويوم هو طُبق كلامي وانتظرهم يشكرونـي أثر لسّاع المصرقع جاي زعـلانٍ يناخـر
قال يا فزعة بعضهم صايرٍ واجـد تمونـي وفشلن وانا لجهودي يالربع ما كنت ذاخـر
مدري من زين اقتراحي فيه قشران انظلوني أو رفيقي من ربيعٍ تسمي شبوكه جواخـر )،،،،،،،،،،
ابد ابد ابد مازعلت ولا شي حتى لوانهم مرجعينن عضو جديد،،،
بس يمكن مهوّل :p:
صح لسانك شاعر متمكن ماعليك كلام ماشاءالله

،،،،،،،،،،،،،،،،،
عزيزي::مفتاح14،،،
اهلا بمشرفنا القدير،،،وكما قلت لاخي ابومقرن لاداعي للاعتذار انتم تمونون مافيه شك،،،،ولقب شاعرنا الاصمعي جميل جداجدا واتشرف به،،،ولكن مانبي نكثره عليكم،،والحقيقه لقب شاعر جنوني المفروض تعطونهالاصمعي لانه هو الي يستحقه،،،،،،،،،،
احترامي اخي

،،،،،،،،،،،،،،،،،،،،،،،،،،،،،،،،،،
عزيزي::ابو غازي،،،،،،،،
كلماتك وسام على صدري اعتز به،،،،
الحقيقه قريحتي لك عليه بس شعرائنا الكبار ماقصروا جملوا قصيدتي البسيطه جزاهم الله خير،،،،،،
انت كلك خيروبركه وشكرا الف،،،

[شنقل]

ولايفوتن تهنئة الزملاء المترقين،،شنــقل والشبث وعصير الكهرب اللي كان متعدّل(اشوى مني)

صح لسانك
شاعر ساخر

وتستاهل طال عمرك اكثر من هذا