المساعد الشخصي الرقمي

مشاهدة النسخة كاملة : يا عيد هات القلم و ازهم على القاضي


ساري^الليل
08-03-2005, 22:35
يا عيد هات القلم و ازهم على القاضي = اليوم ماني معك يا عيد متغاضي
نبغى نحاكمك دامك يا ولد فاضي = و يموت الاهاب و تعيش السعودية
1
1
1
يا عيد هات العلم و اسمع ردي = ما كل شيٍ يا ولد ينقالي
أنته تقول إني معك متردي = ما شفت حبلك عقدته بحبالي
الجوال 5555
08-03-2005, 23:31
هلا وغلا بساري الليل
واستلم لاهنت

يالالايالالاله يالالالاله=ويموت الارهاب وتعيش السعوديه
0
0
0
من الحماس انت اشوفك تارك السنه=وين السلام اشبلاك مغفلٍ عنه
ماهي عوايدك هذي خوف من منه؟!=ويموت الارهاب وتعيش السعوديه
0
0
0
هلا هلا باللي لفا متحدي=مقلع تقول انه لفا مرسالي
اركد وخذ علمي ومعه الجدي=ماكل دلوٍ ينجذب يالغالي
ساري^الليل
08-03-2005, 23:46
هلابك و يا مرحبا :


يا عيد اسلم على اللي يتبع الملة = إليا لقيته بسوق أو شفته إيوا الله
وشلون اسلم على اللي كود نرطن له = يموت الاهاب و تعيش السعودية
2
2
2
دامك معي يا صاحبي متقدي = ابي امهلك ساعة ترد اقوالي
الحر دايم للسحاب يعدي = واللي تركد نايمٍ بظلالي
الجوال 5555
09-03-2005, 00:06
خلوووووووها

انته بدار العرب مانته بدار الروووووم=مفهوم كل اللي تقوله هنا مفهوم
خل التفلسف وخل العذر قم بس قوووووووووووم=ويموت الارهاب وتعيش السعوديه
0
0
0
حنا حرار وكل حر يهدي=والحر دايم مرقبه بالعالي
وان كان ودك يالخوي هو ودي=الهيل ويا البن له بدلالي
ساري^الليل
09-03-2005, 00:21
خلووووها


أن كان تبغى الحقيقة جاك جوالي = سلمت و أنته تغني دوم و تلالي
و الحين تبغى تشره بالخلا الخالي = و يموت الارهاب و تعيش السعودية
3
3
3
أنا أشهد أنك حر مير مهدي = و أنا ضريت لسرعة الموالي
ما أحب طبعك يوم تاقف ضدي = لا قلت نصراوي تقول هلالي
المهرة
09-03-2005, 00:44
http://www.asmilies.com/smiliespic/happy/076.gif

بدايه تبشر بالابداع
اختكم 00 المهرة
الاصمعي
09-03-2005, 01:59
لا قلت نصراوي تقول هلالي:)

وأنا بصف الهلالي،،

حياك الله يا ساري الليل وتسلم أنت وأخونا الجوال

ويموت الإرهاب وتعيس السعودية:thumb:
الأصيل
09-03-2005, 09:46
هلالي أو نصراوي

أهم شيء

استمرووووووووووو

ونحن بالصفووووووف
متأمل
09-03-2005, 12:53
أخويّ الكريمين...ساري الليل+ الجوال5555

مجاراة رائعة...و أبيات طيبه...استمرّا

منهو اللي يرطن يا ساري الليل...عسى ما هو الجوال

تحياتي للجميع...
حمود الشمري
09-03-2005, 18:09
السلام عليكم

ساري الليل والجوال

يعطيكم العافيه
الجوال 5555
10-03-2005, 00:54
المهره

وجودك دافع لنا لتقديم المزيد

شكرا على المتابعه
ــــــــــــــــــــــــــــــــ
الاصمعي

متابعتك لنا وسام على صدورنا

تسلم يالغالي
ــــــــــــــــــــــــــــــ
الاصيل
وجودك اكبر دافع للاستمرار

شكرا على المتابعه
ـــــــــــــــــــــــــــــــ
متأمل

هلابك

انا هاللي تشوف جوال وعربي

اما هو له رطينه هههههههه
شكرا على طيب المتابعه
ــــــــــــــــــــــــــــــــــــــ
حمود الشمري

شكرا لك على الحضور
الجوال 5555
10-03-2005, 00:55
ساري الليل

استلم لاهنت


انته معاشر شبابٍ الله اعلم به=جتنا علومك وكل الخافي اعلن به
والحين تنفخ وهي مشقوقه القربه=ويموت الارهاب وتعيش السعوديه
0
0
0
السرعه اللي حدتك لي حدي=من سرعتك عجلت بالمقيالي
بطلت للمقيال قلت مفدي=وميلت مع جمهورنا الاعقالي
ساري^الليل
10-03-2005, 21:46
اختي المهرة
أخواني
الأصمعي
الأصيل
متأمل
حمود الشمري

مروركم يشعل الحماس و يثلج الصدر

أخوي الجوال ...
استلم لا هنت ...


جاتك علومٍ من الشيطان و الشلّة = تراه ينصب عليك أرجوك تفطن له
من صحبتك له تبيع البقل بالجلة = و يموت الإرهاب و تعيش السعودية
4
4
4
الحبل ما سك عقدته في يدي = وأنته ضريت بعيشة التجوالي
خلك معي يا عيد ند لندي = لا تفزع الجمهور يا الجوالي
بتول آل علي
10-03-2005, 23:59
ساري الليل ,,, ؟؟؟

حياااا الله من لفاناااا ،، وين الغيبات ؟؟؟


ألف صح لساانك انت و اخونا الجوال

محاوره جميلة و مع الجماعه في الصفوف


الدهور
ساري^الليل
11-03-2005, 00:46
حياك الله اختي الدهور



نورتي المكان
الجوال 5555
11-03-2005, 00:56
الدهور

نورنا بوجود ك يالغاليه
0
0
0




ساري استلم لاهنت


كانك مجرب ترانا مااستمعنا له=الهرج بالاذن قطنه ماربعناله
لاشك انا اشوف حالك صايره حاله=ويموت الارهاب وتعيش السعوديه
0
0
0

حنا بلاجمهور مثل السدي=من دون (ما) مايفيد مهما طالي
وشجره بليا ظل ويش تعدي؟= ولكل جمهورٍ فريق ابطالي
ساري^الليل
11-03-2005, 01:09
استلم لا هنت يا الجوال ...



لو كل منكر يصدق ساعة أنكاره = إن كان محدٍ يشب النار بوجاره
والخمر ما يعترف به دوم خماره = ويموت الارهاب و تعيش السعودية
5
5
5
تلعب مع الجمهور ناسي حدي = والسيف يبتر واللسان يلالي
إن جيت لك خلك معايه جدي = و اعرف تسوق النوق للجمالي
الجوال 5555
11-03-2005, 01:19
خلووووووها

تصلح محقق بسجن الشيخ ابو زعبل=يعرض عليه البري ويطيح متكعبل
ويأيدونه حماة شعبه هكا الاهبل=ويموت الارهاب وتعيش السعوديه
0
0
0
فيك اتعلث لاتبيح سدي=ترا لاهلحينه موسع بالي
وشبك تقل ترمي علي ومصدي=تسنح بعينك من طرف من تالي
المهرة
11-03-2005, 01:25
موفقين ان شاء الله
دمتم بخير
اختكم 00 المهرة
ساري^الليل
11-03-2005, 01:33
اختي المهرة الله يوفقك


اخوي عيد استلم ...


الظاهر أنك بسجنه كنت متغربل = ما صرت تعرف تكلم صاير تبلبل
ولسانك اليوم اشوفه صار متكبل = و يموت الاهاب و تعيش السعودية
6
6
6
راسك يا عيد اشوف قام يندي = شفت العرق من جبهتك شلالي
أنته معاي تكد و الله كدي = مير أنتبه لي لا يجيك هبالي
الجوال 5555
11-03-2005, 01:36
خلوووووووها

انا حكيمٍ سياسي عارف الطبخه=لاتستجر الحكيم تضيع بالصبخه
آقولها لك توقع واحذر اللبخه=ويموت الارهاب وتعيش السعوديه
0
0
0
مدام جاك هبال الا ياسعدي=هذا اعترافك جا معي طوالي
طافت عليك وجبتها في مجدي=المعترف يدان بالافعالي
ساري^الليل
11-03-2005, 01:47
استلم يا عيد لاهنت ...


أنته حكيمٍ و توخذ منكم الحكمة = مجنون تعرف تقول و كلمتك بصمة
يا رب رحمتك يا رب الملا رحمه = و يموت الارهاب و تعيش السعودية
7
7
7
أنظر بعيني لا تناظر خدي = فهمك عن اللي نقصده قد مالي
أمد لك يا عيد و الله مدي = والطفل يحسبها كما الاطفالي
الجوال 5555
11-03-2005, 01:55
خلووووووها

القول دارج على المجنون والصاحي=والمعترف نبندينه جد ومزاحي
مهما تملص وتنكر راح ماراحي=ويموت الارهاب وتعيش السعوديه
0
0
0
لافات فوت الصوت مهو مجّدي=لاطاح درعك جاك رمح موالي
ومن مايدسم شاربه مايغدي=احذر ترى به غيرنا شيالي
ساري^الليل
11-03-2005, 02:07
خلووووووووووووووها


أنا باختم الكلام و حكمنا خله = للي يتسمع و يسمع هرجنا كله
و أنته كتابك نعود باكر نفله = و يموت الاهاب و تعيش السعودية
8
8
8
اللي يطيح من الجبل متردي = ما ينفعه لو طاح فوق رمالي
و أنا مدسم شاربي يا جدي = والناس تشرب من مزون خيالي
الجوال 5555
11-03-2005, 02:10
ساري^الليل

شكر خاص وتقدير لك على هذه المحاوره الشيقه

وشكر لكل متابع اتحفنا بمتابعته هنا

والى لقاء اخر باذن الله