يا اصحاب الخبره هل جهازي مصاب بالسحر؟؟؟؟

[مذهل]

اخواني واخواتي اعضاء المضايف الكرام
هل جهازي مصاب بفايروس ام انه مخترق ام انه مصاب بالسحر؟

ما ادري اول شي كل ما حا ولت ادخل للمضايف والمضايف فقط تظهر لي نافذه اسمها شريط المعلومات ما ادري وش المطلوب بالضبط.
الشي الثاني: اذا سويت سكان للبحث عن الفيروسات يبحث وقبل لا ينتهي من البحث وقبل ان يكمل عملية ال سكان يطفي الجهاز فجأه وبدون مقدمات. ما ادري وش المشكله
الشي الثالث: الجهاز اصبح بطيء لدرجه ممله

فهل يحتاج ري فورمات والا يحتاج شيخ يقرا عليه والا واحد يلعطه بله مخطر والله ما ادري
علما بان الجهاز كان معي بأمريكا زي الحلاوه وكنت استخدمه بدون برامج حمايه بس يوم جيت حطيت فيه برامج حمايه
فتكفون اللي عنده سابق خبره يفيدنا قبل لا اصفق الجهاز بفورماتن يحبه قلبك

علما باني حاولت ان اضع صورة النافذه بس ما قدرت الظاهر حجمها كبير لأني مصور الشاشه كامله

افيدونااااااااااا

تحياتي,,,

[الشمري محمد فهد]

هلا مشاري ..

ذكرتن بسالفة البدوي اللي شاف الطيارة و قال جن اللي ناقلينه .. :)

ودامك ما ركبت برامج الحماية إلا توّ , عزا الله انك خليت جهازك سبيل بامريكا ..

أتوقع ان جهازك Xp ومحدثه بحزمة الخدمات الثانية ..


I )- يا إنها نافذة منع الدعايات , أو انك مشدد الحماية و مانع الأكتف إكس أو إنك محتاج لمشغل فلاش ..

II )- ما قلت لنا وش برنامجك .. ؟

إذا هو النورتون , غيره ..

ومشكلتك لها سببين : الأول مشكلة عندك بالهاردوير و الثاني مدري كيف أشرحه لك والله

بس هو اللي أرجحه بنسبة أكبر ..

III ) - إلغاء تجزئة + زيادة ذاكرة + تعطيل بعض الخدمات , بتحل مشكلتك بإذن الله ..


بالنسة للصورة أحفظها بإمتداد Gif أو jpg أو إرفعها على أي موقع ..


تحية ..

[مذهل]

هلا اخوي اقرأ

اولا اشكر لك تفاعلك الطيب والذي لا يستغرب منك وامثالك وانا منأكد ان الجميع يحرص على التفاعل ولكن البعض يمكن ليس لديه سابق تجربه في مثل هذه المشاكل
اول شي يا خيي انا يوم جيت من هناك سويت ري فورمات وبعدين ركبت برامج حمايه والا تسان جهازي راح فيها من زمان
الشي الثاني صحيح الوندز xp وفعلا حدثته بالحزمه المذكوره لاني والله تعودت شوين على الكيبل يوم كنت هناك فكنت كل ما طقت براسي سويت ويندوز اب ديت ويوم جتن هالنافذه حقت الحزمه المشئومه قلت ايوالله موافق
وبالفعل اخوي النافذه اللي تظهر كانت لأني محتاج مشغل فلاش.
ايه صح برامج الحمايه اللي عندي : نورتن 2004 اصلي شاريه من هناك واللي مخلينن متمسكن فيه انه اصلي والثاني هو كاسبر سكاي وهذا طبعا مخليه ديسيبل لأنه يتعارض مع النورتن كنت استخدمه بس لل سكان.
وانت تخبر اللي يقول جا يكحلها عماها. هذا اخوك
ذكرو لي برنامج يفحص زين وهو escanورحت حملته وسويت للنورتن ديسيبل وخليته يفحص اثريه ملعون الأبو يوم خلص عمل ريستارت بدون ما يشاورن ويوم فتح الجهاز فتح النورتن وقامو يتعافسون الله يجيرك وصار الجهاز ياخذ حروت الساعه علشان يشتغل واذا اشتغل هنق ما تقدر تسوي اي شي.
المهم ما لك بطويله وانا اخوك رحت وحطيته عند له محل وقلت ابيه ينسى كل شين كان فيه
ونبي نشوف النتيجه

على فكره بالنسبه للصوره حاولت بجميع الصيغ وما قبلها
وعلى العموم انا طولت بالحيل لكن المعذره وشاكر لك مرتن ثانيه ولعل اخواني واخواتي اعضاء المضايف يستفيدون من تجاربنا الفادحه

وتحياتي,,,