لغز ( حلّه موجود بالمضايف )

[مجموعة إنسان]

.

السلام عليكم

عذراً عن التقصير

خطر ببالي فكرة الغاز نتبادلها بيننا بحيث لاتكون مستهلكه ببقية الساحة النتّيه

إن أعجبتكم الفكرة فدعونا نكملها معاً


(( الفكرة ))

يكتب أحدنا بيتين أو ثلاث من الشعر يصيغها بحيث تتشح بصفة الغموض للتصعيب

وفي هذه الأبيات يصف لنا عضو موجود في المضائف بيننا وعلينا أن نتوقع العضو

الذي يُعتبر حل للغز ..

مثلاً :

تصف إسمه ومايعنيه هذا الإسم او مايميّزه عن غيره من الأعضاء

بشرط ان يكون عضو معروف للجميع وليس منقطع او مسجّل فقط


النتيجه :

الشخص الذي يتوصل الى حل اللغز :

1- يجيب على اللغز شعراً .

2- يكون من حقّه أن يؤلف لغز آخر يكتبه كتعقيب تحت هذه المشاركه لا كمشاركة جديده ..



اللغز ( 1 )



أبنشد أهل النت والحاضرينا=عن شاعر(ن) يكتب قصايد من سنين

عضو من اعضانا عزيز(ن) علينا=حين(ن) يغيب ويدخل المنتدى حين

له صاحب(ن) من مدّة(ن) مايبينا=خلاّه .. مدري وش جرى بين الاثنين

نسخه من اللغز بلا تنسيق :

أبنشد أهل النت والحاضرينا ............. عن شاعر(ن) يكتب قصايد من سنين

عضو من اعضانا عزيز(ن) علينا ............. حين(ن) يغيب ويدخل المنتدى حين

له صاحب(ن) من مدّة(ن) مايبينا ............ خلاّه .. مدري وش جرى بين الاثنين


8
8

ملحوظه :

من هو العضو ومن هو صاحبه المعني ؟؟


شكرا لكم ،
.

[سلمان النبهان]

فكره رائعه وجميله جدا ويعطيك العافية عليها مجموعة ابداع
من باب التشجيع والمشاركه فقط وعسى الحل خطا
العضو كان ماهو شاعرنا مرهف الاحساس فهد المويهي
وصاحبه المستقبل (( مسافر للدراسه الله يوفقه ويرجعه سالم ))
************************************

[مجموعة إنسان]

8
8

أشكرك اخوي سلمان على التشجيع والدعم

لكن بالنسبة لحل اللغز

فماصابت معك طال عمرك .. أعتذر ..

.

[الغثه]

انا اتوقع انه

ضحوي الأسلمي


الغثه:)

[متفاائل]

فكره جميله اختنا تشكرينا = ولاهو غريب ابداعكم شوفت العين
ذي رمعتي من عرض هـ الغانمينا= والناس فيهم صايبين ومخطين
اظن عن فيصل لنا تنشدينا = وخويه ذويبان مفقود هالحين

[المخاوي]

مرحبا باللغز واللي بادعينا = ترحيبت(ن) ممشاها حروة الالفين
براك له مدتن يغيب ويجينا = وشعره مختفي يابنت عن العين
^
^
^
رمعه اما تصيب والا تصيب :)

فكره رائعه ومميزه :thumb:

[الاصمعي]

أبي أتوقع كانك بتسمحينا=رمعة ويمكن تفضخ للغزك العين

بشير ابن لويش راع السمينا=وخويه (الراسي) فلا عاد بيبين

ان كان صابت مبطيٍ صايبينا=وان كان خابت نعتبر ذي تمرين

[مجموعة إنسان]

.


اخوي الغثّه :

هلا فيك وتوقعك خطأ ( أعتذر ) :tongue:


..........


فيصل اللويش

اخوي متفائل :

ماشاء الله عليــــــــــــك

رمعتك صحيحه

فعلاً هو أخينا الشاعر فيصل اللويش

وصاحبه هو الذيب لأنه من له فترة مقاطعه او تاركه !!! :tongue:


أخوي متفائل :

عليك الحين الله لايهينك تنظم لنا بيتين او ثلاثة عن عضو ما ( كلغز )

ضمن هذه المشاركه

وأنا أول الرامعين بإذن الله

فكـره جميلـه اختنـا تشكرينـا .... ولاهو غريب ابداعكم شوفت العين
ذي رمعتي من عرض هـالغانمينا .... والناس فيهم صايبيـن ومخطيـن
اظن عـن فيصـل لنـا تنشدينـا .... وخويه ذويبـان مفقـود هالحيـن

أشكرك اخوي على طيب كلماتك


....................


مرحبا باللغـز واللـي بادعينـا ...... ترحيبت(ن) ممشاها حروة الالفين
براك له مدتـن يغيـب ويجينـا ....... وشعره مختفي يابنت عن العيـن


ونعم فيك اخوي المخاوي وفي اخونا الشاعر براك

لكنه ماكان هو حل اللغز

شكرا لك ولطيب كلماتك اخوي

......................



أبي أتوقـع كانـك بتسمحينـا ....... رمعة ويمكن تفضخ للغزك العين

بشير ابن لويش راع السمينـا ...... وخويه (الراسي) فلا عاد بيبين

ان كان صابت مبطيٍ صايبينـا ....... وان كان خابت نعتبر ذي تمرين

8
8

بنعتبرها تمرين اخوي الأصمعي :tongue:

ونعم فيك اخوي وفي اخونا الشاعر بشير


...........

ننتظر معاً لغز أخينا متفائل الله لايهينه

شكرا للجميع

.

[المشرف العام]

تصدّق يا متفاءل ان الحل على طرف لساني بس سبقتني :)


مجموعه ابداااااااااااااااااااااااااااع . .

فكره جدا جميله

احترامي وتقديري على ما تبذلونه من جهود جميله

[مجموعة إنسان]

8
8

فاخر مرورك يطربني اخي ابو سلطان


لك منّي كل الشكر والتحايا على التشجيع

الله لايهينك

واخونا متفائل سبّاق دوما ماشاء الله عليه

[متفاائل]

^
^
انت قلته ابوسلطان:7ayyoh: على طرف يعني ماهو متمكمن ويمكن لفظته وانت مادريت:):) واللا انا من البارح وانا الهوجه :)
.
يكون من حقّه أن يؤلف لغز آخر يكتبه كتعقيب تحت هذه المشاركه

^
يعني اختياري ان اراد من حقه وان ماراد من حقه:) صح يارجال
اوعدك اني بحاول << بحاول واعطي الضوء الاخضر لمن عنده شي جاهز بما فيهم انتي ....
والسلام

[المخاوي]

صح لسانك يامتفاائل اَمنا بالله تمشي طبلونك :7ayyoh:
واللغز عند ابو سلطان :biggrin: >>> الواحد مايمديه يبي يحتسي الا يلقفون حتسيوه من طرف لسانوه :)

[المشرف العام]

اي عندي :(

اجل . . غنوووو يالييييييل ما اطولك :)

- - -

انجز علين يا متفاءل ولا تنحااااش :)

[بو رائد]

اخت مجموعه انسان عجبني هالموضوع جيد ولك جزيل الشكر وجينا طايرين
^^^^^^^^^^^^^^^^^^^^^^^^^^^^^^^
بالاذن من اخونا ابو سلطان ومتفاائل هو الاولى يعد اللغز لكنه سامح ونعطيه
وقت يحضر لغزه فيه واحد جاهز


***انشدك عن رجال في اسم رجال
مشهور واكثر ربعنا يعرفونه***
***بالارض يمشي دايم(ن)شبه رحال
وياجاك بالمجلس تلاقط عيونه***

[متفاائل]

:(



- - -

انجز علين يا متفاءل ولا تنحااااش :)

انحااااش:rolleyes:

استلموا

ياوسع صدره دايم وخف دمه =مع الجميع اخلاق ماحدٍ حكى فيه
وله عشقتن تبيه ولاهو بيمه = وتدري ومع هذا تحضه وتغليه
جانا مهو صدفه مسجله عمه = اللي خذاه من اهله ومتبنيه

المطلوب الاول منهو خقيق الدم هذا
=========منهي عشقته من عضوات المضايف
========== منه عمـــــــــــــــــــه
الاجابه ابيات شعر

مادام فيه شعر يامجموعه الله يعينك تبتكري لنا مثله هوناك

[ريم شمر]

فكره رووووعه يامجموعة ابداع

تسلمين
وحنا اللي مالنا في الشعر بنتابع ونتفرج :)

[مجموعة إنسان]

.



جيتك ( أحلّ اللغز ) بس المطمّه=لو كان حلّي مبعد ٍ عن مراميه

ظبي ٍ خفيف الدم بالرسم تمّه=عمّه أبو سلطان ٍ الله يخلّيه

الريم تزهي الظبي بإسمه وهمّه=تكتب قصيد ٍ نادر اللي يجاريه

اخوي متفائل :

ترى اللي تحت اللغز عجزت استوعبه << مافهمت :)

....

اخوي بو رائد :

مدري لغزك يكون حلّه ( إسم عضو من اعضاء المضايف ) أو لا ؟؟


يبدو لي انه لغز عام ؟؟؟ أتمنى منك توضح لنا اخوي

شاكره لك طيب المشاركه


............



ريموووو :


مرورك ومتابعتك تسعدني وانتِ عارفه

اشكرك

.

[متفاائل]

جيتك ( أحلّ اللغز ) بس المطمّه = لو كان حلّي مبعد ٍ عن مراميه


هذا ماحصل للاسف :) يامجموعه انسان لم تأتي بالحل

[المخاوي]

لغزكم ياصاحبي يمكن اني اطمه = والا اكون قريب من حواريه
:) خفيف دم ولااحد بيننا ذمه = والريم عشقته وعلى ربعه تبديه
وابو سلطان مدري من وين خمه = بس الوكاد انه ربح في غزاويه


الرجال هو هذا :)
وعشقته الريم
وعمه ابو سلطان اللي جابه
هااااه وشرايك صبت النيشان والا سما :biggrin:

[بو رائد]

اختي حل اللغز رجال موجود بامضايف صحيح اذا انتي مطفيه
عليه علميني شكرا للجميع

[الجازي]

مجمج والمخاوي :)

يعني إلا لازم أطلع في الحل :)

<<<<< تسني باديتني أعراض غرور :)

والله أنا هاقيتن الحل شيء ثاني بس ماعرف أحطه بقصيدة :) عاد بشوف اذا استعصى عليكم تعاقدت مع واحدن من هالشعار ينظمه لي بابيات :)

مجمج ,,

فكرة ولا أحلى ,, ذكرتيني بذكريات قديمة حلوة :)

تسلمين عليها

[راعي الوقيد]

مجموعة إنسان

http://www.shmmr.net/vb/images/aja/misc/rosette.gif

وراح يتميز اكثر لو ترخون الكيس شوين:23_28_116 وحطيتوا جوايــز:)

الأوسمة والنياشين ضاقت بهن مستودعات المضايف:8_1_212::m37:

لغـــز ابو رائد

انشدك عن رجال في اسم رجال
مشهور واكثر ربعنا يعرفونه***
***بالارض يمشي دايم(ن)شبه رحال
وياجاك بالمجلس تلاقط عيونه
الأصمعي .. ظنيت ياطيب الفال ** للغز حل .. وكل الملا يعرفونه

والسلاااااااااااام ...

[اليم]

THANKS MG


لاهنتي مجموعه

ماضوع مميز وليتن اطقطق بالشعر كان جبتوه:)


اشكر الجميع على التواصل

[مجموعة إنسان]

.

اخوي متفائل :

يعني على قولتهم ( سددت لكنها طلعت بالعارضه ) << مقربه :tongue:


.........


اخوي المخاوي :

ماشاء الله عليك شكلك جبتها

فعلا اشوفها مثل ماقلت

أنا كنت ابقول عن مميّل عقاله >> ( :) ) بس نسّاني الظبي

:tongue: <<< نصّابه


إذا انت صح اخوي هات لغزك ..


.......................



اخوي بو رايد :



الذيب نعمٍ به ونعمٍ بمن قال=وكل الجماعه حيلهم يرغبونه


أبشكرك ياخوي ياطيّب الفال=وابعتذر ، فالعقل جنّه ظنونه

وأتوقع رمعتي خطأ :tongue:




...........................



الريم :

لاثاني ولا ثالث

انتِ ثلث الحل ألف بالميّه :)

[لوحة16]
بس وش الذكريات القديمة الحلوة ؟؟
[/لوحة16]


...........................


هلا فيك اخوي راعي الوقيد

ومشكور على الإشاده

بس إن رايك يوهّق :)

إصبر لين تخلص سوالف بنك البلاد وبعدين نحكي عن الكيس :18_3_110:


الأصمعي .. ظنيت ياطيب الفال ** للغز حل .. وكل الملا يعرفونه

8
8
البيت الاول ممكن ينطبق على اخونا الاصمعي

بس البيت الثاني لا :)



..........................




هلا فيك اخوي اليم


وحمد لله على السلامه

من كم يوم ماشفناك ..


شكرا لك

.

[المخاوي]

إذا انت صح اخوي هات لغزك ..

والله يافلانه مامن علمن بين ليادلوئتي :) خبرتس معزبنا راح يرود لوه متسما يذكرون بوه الفقع ولارجع :biggrin: واذا هو صحيح فيه لغز لابو رائد نبي نتورشعوه :)

[الاصمعي]

يا مرحبا بك واللغز يبو رايد=لغزٍ سمين مير بيديننا طاح
جواب لغزك خذه علمٍ وكايد=السايح الي بأوسط النت سواح
كان المخاوي جاب لغزه نحايد=وكان اعتذر نعطيكم لغيز يا صاح

[بو رائد]

مجموعه انسان مالك لوى
^^^^^^^^^^^^^^^
الاصمعي:
قريب منه ولاهنالك بعايد00 حول الهدف رمعه ولكن ماطاح
الكل عن وجهه بعيدن يحايد00 ياكثر ماتشوفه بحايل والاسياح
***************************
وش تقصد بالسايح اخوي الاصمعي توضيح لاهنت؟

[الاصمعي]

هلا ببو رايد
يالغالي أقصد (سواح نت)
وهو الي اسم في اسم وسواح يعني رحال في الأرض مثل وصفك له باللغز وهو الي بالصورة الرمزية تلاقط عيونه.

أكثر من كذا ما أظن بيركب عليه أي أسم في مضايفنا وسلالالالالالالالالالالالالالالالامتك

[بو رائد]

مالك لوا يا الاصمعي واذا تبيني احل اللغز حاضر وانت تامر امر
غالي واللغز تبينا نعطيه فرصه او احله انت وش تبي وانا حاضر لك

[مجموعة إنسان]

.

:tongue:
[لوحة]
ليكون الحل : الشبث [/لوحة]

.

[بو رائد]

صح لسانكككككككككككككككككككككككككككككككككك
واللغز عندك مجموعه انسان

[الاصمعي]

والله يبو رايد حلي ينطبق عليه أكثر وأقبل راي الجميع ودام الوضع كذا كلن يجيب لغز ويحط الحل الي بباله حتى لو غيره ينطبق عليه أكثر فالظاهر ماله داعي الواحد يفكر باللغز

وبعدين حتى بتوضيحك تقول تلقاه في حايل والأسياح ينطبق على حروف سواح نت أكثر

يعني ما فيه شي ينطبق على الشبث بالمرة

[المخاوي]

الاخ العزيز بو رائد بصراحه ومن دون مجاملات سواح نت وارد ميه بالميه :thumb:
انا من شفت رد الاصمعي قلت عز الله انوه صاب النيشان وبجداره وقلت ماشاء الله على ابو رائد وشلون طرى عليه هاللغز :wink:

نرجع للابيات

***انشدك عن رجال في اسم رجال
مشهور واكثر ربعنا يعرفونه***
***بالارض يمشي دايم(ن)شبه رحال
وياجاك بالمجلس تلاقط عيونه***

***انشدك عن رجال في اسم رجال

سواح في اسم السواح ( الرحال )

مشهور واكثر ربعنا يعرفونه***

ومن لايعرف اخينا الدكتور سواح خفيف الظل :)

***بالارض يمشي دايم(ن)شبه رحال

شوف عيني وهو يمشي على الارض :biggrin:

وياجاك بالمجلس تلاقط عيونه***

ارجع للصوره الرمزيه وشف بعينك تلقاوه تلاقط عيونوه كل مايدخل علينا :puzzled::)



الاصمعي
هلا ببو رايد
يالغالي أقصد (سواح نت)
وهو الي اسم في اسم وسواح يعني رحال في الأرض مثل وصفك له باللغز وهو الي بالصورة الرمزية تلاقط عيونه.

اعتقد مابعد توضيح هالوليده توضيح :thumb:

وسواح نت وارد عليه اما الشبث من جنبوه :) بس تعتبر رمعه جيده :7ayyoh:

[مجموعة إنسان]

.


مشكووور اخوي بو رائد


وزين اللي ضبطت معي مع اني ماني مقتنعه بالحل بقوة

لكني مالقيت غيره ( بعد البحث طبعا ً )


صراحه :



***انشدك عن رجال في اسم رجال

هذي قعدت عليها وقت افكر لأنه انت اخوي تنشد عن رجّال وهو اخونا

العضو الشبث لكنه في إسم رجّال هذي لا لأن الشبث لايتبع لفصيلة الإنسان .



أنا اشوف إن حل اخونا الأصمعي أدق وأصح

....

ونظراً للظروف الطارئه التي مرّ بها اخينا متفائل وأجبرته على الغياب

( يرجع لنا بالسلامه ان شاء الله )

فلم يتضح لنا مدى صحة حل أخينا المخاوي للغز السابق

وإلى ذلك الوقت :

أيمكنك اخي الأصمعي أن تهدينا لغز من نظمك ( الله لايهينك )

[لوحة]
( بس لاتصعبه )
[/لوحة]

.

[الاصمعي]

أبشروا باللغز

نظراً لإعجابي بمثل هذه المسابقات ولعدم توقفها فإليكم اللغز ولو ما بعد رد ابو رايد

أشوف لو يشارك بحله الجميع ومن لا يستطيع الإتيان بلغز شعري عليه الطلب من أحد الشعّار القيام باللغز بدلاً منه وأفضل لو يكون شاعر ما بعد شارك ليكثر المشاركون.



ياويش عضوٍ كريمٍ طيبٍ ذكره=لو هو قليل التواجد غير مضيافه
اسمه يدل لإنتمائه وأيضاً لفكره=ورسمه دليل المعرفه جامع أطرافه
ماهو بشاعر ولكن يعجبك نثره=هاتوا لي اسمه بعد ما جبت انا أوصافه

[متفاائل]

لغزكم ياصاحبي يمكن اني اطمه = والا اكون قريب من حواريه
:) خفيف دم ولااحد بيننا ذمه = والريم عشقته وعلى ربعه تبديه
وابو سلطان مدري من وين خمه = بس الوكاد انه ربح في غزاويه


الرجال هو هذا :)
وعشقته الريم
وعمه ابو سلطان اللي جابه
هااااه وشرايك صبت النيشان والا سما :biggrin:




اقووووووووووووول عزالله انك جبته يالمخاوي ماشاء الله عليك

[متفاائل]

الاصمعي
لاهنت وشتقول برمعتي
بقولها اليوم ماني ناطرٍ بكره = والبحر كايد وكلٍ هو ومجدافه
هذاك خاطره طايب واجب شكره= قلي هو صح او الصح ماشافه

[الاصمعي]

مالك لوى

حاول مرة أخرى واستعجل قبل يجيك اليم :)

[بو رائد]

اخوي الغالي الاصمعي لقد وضعت اللغز خصيصا ليركب على الشبث
واني استسمحك وحبه فوق الراس ان كان الوصف غير دقيق نحن نخطيء وانت كريم وتدمح خطاء اخوك لاهنت يا الغالي
^^^^^^^^^^^^^^^^^^^^^^^^^^^^^^^^^^
لغزك ماهو بحر الشوق رمعه لك عليه دمت بخير ايها الغالي

[مجموعة إنسان]

ياويش عضوٍ كريمٍ طيبٍ ذكره=لو هو قليل التواجد غير مضيافه
اسمه يدل لإنتمائه وأيضاً لفكره=ورسمه دليل المعرفه جامع أطرافه
ماهو بشاعر ولكن يعجبك نثره=هاتوا لي اسمه بعد ما جبت انا أوصافه[/QUOTE]




عوينك اللي بمضيفك ماسكٍ شطره=أبو عرب كان بان العلم وأوصافه

وإن كان غيره فياصعبه وياكبره=ماني له بعارفه ولاني بعرّافه

.

[الاصمعي]

حياك الله أخوي ابو رايد
المسألة ماتحتاج ولا هي ترضّي ، بس الأفضل ان اللغز يكون وارد على واحد فقط

لك احترامي ورمعتك مالك لوى

الأخت مجموعة إنسان صح لسانك وهو بزاته "محمد العربي" وأنتي عارفة ويمكن عرّافة ليش لا:)

[راعي الوقيد]

هذا عشيرن لك .. تسان انا جبته ** والظاهر انك معه تدير مضيافه


يازين رسمه على ماقلت مع نثره ** والأسم اللي معي يطابق اوصافه

:)

شرايك اني قمت اعد الرد قبل الاخوان لكن سبقتن مجموعة

؟

[مجموعة إنسان]

.

بسم الله علي اخوي الأصمعي

أما عاد عرّافه .. :tongue:



هذي مشاركه منّي :



ياطالبين اللغز لغزي نصاكم=يعرض لكم عضوٍ مشمّر كمومه

ماهو جديدٍ بالمضايف معاكم=ولا هو قديمٍ بالياتٍ رسومه

( هذا محل قعودنا في ذراكم)=يمكن بهذا الشطر بانت علومه


مشمّر >> ( كنايه عن النشاط المضائفي)


[لوحة4]
ولا أبسط من كذا لغز .. [/لوحة4]

[الاصمعي]

هلا براعي الوقيد

صح لسانك وثاني مرة أبطخ بالحل أول بهذا وبعدين جب اللغز بأبيات.

ملاحظ انا تقل هاجرنا من الفصيح للألغاز:)<<ولاء ما فيه كل يوم بلنا متسان:)

مجموعة كن رواد هالمضيف الأساسيين مستحسين منا ما شفنا لهم حضور مرة:)

طيب استلمي هالرمعة:

أقول يهل اللغز مرماع جاكم=نبي نشارك في شراه ونسومه
مستور كم لألغاز حلوه نخاكم=مع مستريح ومغترب ما نلومه

[مجموعة إنسان]

8
8

هلا والله فيك اخوي الاصمعي

وتسعدني مشاركتك

ويؤسفني ان الحل الذي توصلت اليه خطأ

ولكن :

ولأنني منقطعه للأيام القادمه

سأضطر أن ابوح بالحل وعلى أحدكم أن يتبرع بلغز جديد


لتستمر الرحله


حل اللغز هو أخينا ( راعي الوقيد )

فهو العضو اللذي ليس بالقديم ولا بالحديث << إنتساباً

و ( هذا محل قعودنا في ذراكم )

هذا شطر من قصيدة لقصة شهيرة جدا

ياعيال شوفوا لحيتي كلها شيب ..... وهذا محل قعودنا في ذراكم

وأخينا ( راعي الوقيد ) << النشط ماشاء الله مشرفاً لمضيف القصة والقصيد


شكرا لكم جميعاً

.