شنقل//سارا//الجميع

[بو رائد]

صباح الخير للجميع وفي هذا الجو الربيعي الممطر
نهدي هذه الابيات المتواضعه والجميع يعلم ماكان عليه
اجدادنا من الايثار والرفقه الطيبه واكرام الضيف وتقدير الصديق وكل شي طيب يحرصون
عليه فنحن ابناء اؤلك الناس ويجب علينا التمسك بعاداتهم والسير عليها فوالله من بينكم من هو
اعرف مني بهذا الشي واحرص مني عليه ولكنها جاءت هكذا للتذكير
^^^^^^^^^^^^^^^^^^^^^^^^^^
****نعم(ن) بشنقل راعي الجود والطيب
ونعم(ن)بسارا اختنا الاجوديه
****انفوسنا مابه على بعضنا ريب
والكل منا مايخلي خويه
****وكلامنا ترحيب للكل ترحيب
نبقى حبايب والخواطر نقيه
****ان كان فيما قلت يااخوتي عيب
ارجو السموحه واغفروا لي خطيه
****هي تجربه ناخذ عليها تجاريب
نبي مضايفنا براس العليه
****نبقى حبايب كل ابونا اصاحيب
وختامها تقبلوها تحيه

[مناكد]

صباح الخير وصح لسانك يابو رائد...


والواجب ان اي تنافس لاينسي الإنسان قيمه وعاداته الطيبه...



.

[الدكتور محمد الشمري]

-----------------------
بو رائد
صباح النور والسرور
-----------------------
صح لسانك

وهذا كلامني لكم

أخواني وأخواتي

بعد الاذن من اخونا بو رائد

http://www.akhbarelyom.org.eg/sayarat/images/general2/button08.gif

تعودنا في مضايف شمر ان نكون أخوه وعلاقتنا مبنيه علي الاحترام والنخوه والشيمه
واكبر مثال جمعتنا في المخيمات الربيعية
وصداقتنا خارج المضايف ممتدة الان من سنوات وليس ايام

فعلا جمعنا استاذنا واخونا ابو سلطان في هذا الصرح واعطانا كل الحرية وبشرط وما تتعدى بحدود احترام الشخص لذاته قبل احترامه لباقي الاعضاء وهكذا ربونا شيابنا على الطيب والكرم والنخوه واحترام الصغير قبل الكبير

فعلا عشنا جو من الديموقراطية الجميلة واول مره فتح باب الترشيح والتصويت للنساء وهي سابقة وتحضير لدور المرأه في المجتمع السعودي الكريم اللي نعتز بوه ونحترمه

حبي لكم تعدي كل المقاييس

تحياتي للجميع واشكر اخي بورائد علي قلبه الرائع وذوقه الرفيع

جعل الله أيامكم جميلة وحلوه



-----------------------
تحية من القلب

[هايس الشمري]

ابو رايد



صح لسااااااااااااااانك ملايين


ذيبان

[ابو خليف]

صح لساااااااااااانك يابو رايد

وثق ثقه تامه اننا اخوه مهما اختلفت وجهاتنا وارائنا

[بو رائد]

الاخوة الاعزاء
********
مناكد الغالي
سواء سفن نت الطيب
الذيبان العزيزان ((الذيب)) ذيب شراف
بيض الله وجيه الجميع وهذي الهقوه بكم عساكم دايما بالوجود
فوالله ليس هناك خوف على مضايف انتم روادها واهلها بوركتم جميعا
ولكم طوله العمر ولجميع الاخوة الاخرين وكذلك الاخوات الصحه والسلامه

[شنقل]

بو رائد

صح لسانك وبيض الله وجهك

وانا من هذا المكان اقدم اعتذاري

لكل الاخوان الاخوات

اذا به احدن اخذ على خاطره مني


المقصد طال عمرك

الوناسه وتوسيع الصدر

ويشهد الله

انه من بدت هانتخاباااااي وانا اضحك

مبطي ماضحكت:)

الله يديم هالمحبه بين قلوبنا

[بو رائد]

هلا والله وغلا بخوي الصغير شنقل الطيب وانا سمعت ان كل واحدن
منا له صوتين وتراني حاجزن لك صوت ولاختنا سارا صوت ونبقى اخوان
واحبه وهذي هي الهقوه بك لاعدمناك اخ عزيز تضفي على الجميع
جو الفرح اسعد الله ايامك ورزقك بنت الحلال غديه تلين علابيك شوين
شعور طيب من اخ معدنه طيب لك موفور الصحه

[شنقل]

هلا والله وغلا بخوي الصغير شنقل الطيب وانا سمعت ان كل واحدن
منا له صوتين وتراني حاجزن لك صوت ولاختنا سارا صوت ونبقى اخوان
واحبه وهذي هي الهقوه بك لاعدمناك اخ عزيز تضفي على الجميع
جو الفرح اسعد الله ايامك ورزقك بنت الحلال غديه تلين علابيك شوين
شعور طيب من اخ معدنه طيب لك موفور الصحه


والله يابو رائد

اللي صوت لي واللي صوت لسارا

كلهم عندي واحد

يابعد حيي يابو رائد

[ابو غازي]

تســـــــــــلم اخونا / بو رااااااااااائد

هذي الهقوة بك إنت واللي شرواااااااااااااك تجمعون ماتفرقون
والله يديم الأخوة والمحبه بيننا
جميع العنصر النسائي اللي معنا أنا شخصياً إعتبرهن بناتي
ومهما كان لن نواخذ أحد منهن كلهن المقصد المزح والوناااسه بيننا
نحنُ نكمل لبعض ولا يمكن أن يخذلننا بثقتنا بهن جميعاً يعلم الله
الوحده منهن عن عشر رجال ( عقل وثقل ) حفظهن الله

صح لسااااااانك بو رااائد :thumb:

[ريم شمر]

الله يابو رائد

صح لسانك مليوووون

قصيدة جميله
ودعوه رائعه للمحبه وللاخوه

وانا سبق وقلت انه مهما حصل

فنحن اخوه

الله يوفق الجميع

وبصراحه فوز اي واحد فيهم

سواء اختنا سارا او اخونا شنقل

هو فوز لنا جميعا

بس عاد لو ان شاء الله فازت سارا

بنتشمت شوي بشنقول ومدير حملته شبيثان :)



برايفت لاخوي سواح

انتخابات نتيه اوكي ممكن نشارك فيها
ونفوز بعد ...ليش لا !!

بس انتخابات حقيقيه ماينفع

لانه المرأه هناك حدود وامور
لايجب ان تقحم نفسها بها
وهذا لمصلحتها هي اولا
ومن هذه الامور الانتخابات وغثاها

اذا انتخابات نتيه شوي
ونصيح منها والدموع اربع اربع على اقل كلمه تنقال :)

اجل الانتخابات الحقيقه وش نسوى !!!!

كذلك لاتنسى ان هذا لامر لن يحدث بدون اختلاط

وتساهل في الحجاب فهل نعصى خالقنا

من اجل امر دنيوي

المرأه وردة يجب ان توضع في مكانها المناسب

والاجمل والاحلى ان تحفظ بعيده عن الرجال

هل رأيت ورده تزرع على السيراميك
الورده مكانها الحديقه فقط

ولو غادرتها تموت

اخ الفاضل سواح

اعتذر على تطفلي لكنها مجرد ملاحظه
اتمنى ان تتقبلها بصدر رحب

[شنقل]

بنتشمت شوي بشنقول ومدير حملته شبيثان
:):):):):):):):):):)
ريم شمر حتى لو خسرت
ماراح يخليلكم الشبث فرصه:)

[المشرف العام]

ما أجمل ان يظهر الحكيم حكمته في موضعٍ نحتاج إلى ان نستنير بوهج حكمته


بارك الله فيك اخي بو رائد

وأكثر الله من أمثالك


دمت اخا يشرّفنا ان نحضى به بيننا

[المطنوخ]

صـــــــــــح لســـــــــــــانك,,,,

يا,,,

بورايــــــــــد

والله يديم الأخوة والمحبه بيننا

وكثر لله من أمثالك يالغالي

[بو رائد]

شنقل /////تسلم ياالغالي
عندنا بالشمال مثل قديم يقول (كرمه وهله جوعى)سمعنا ماهو عن مثلك وشرواك ان شبثان يكلم المعازيم ويقول هاتوا خرفانكم معكم واللي
مانشوف بالددسن خروف لايوطوط حول مقرنا صحيح هالحكي

[بو رائد]

الاخ العزيز ابو غازي///انما نستمد هذه الافكار وعلوم الرجال الغانمين
من مثلك وشرواك ....اناس نذروا انفسهم لخدمه مضايف شمر وابراز
تاريخ الاباء والاجداد وان نسير على خطاهم ونحافظ على العادات الطيبه
وهل نجن سوى قطره امام بحر جودكم الكبير ولا يهون الجميع

[بو رائد]

اختي ريم شمر تسلمين وانتي دائما سباقه لعمل الخير
والطيب وفقك الله وامد في عمرك

[بو رائد]

لقد زادني حضورك تشريفا ابا سلطان
واني اعلم علم اليقين انك انت باني ومشيد اللبنه الاولى لهذا الصرح الشامخ
والذي يعنى باسم قبيله (شمر) ومالها من عادات طيبه لازالت تذكر من قديم الزمن
وفقك الله وسدد على درب الخير خطاك ان ماقمنا به لهو قليل مقارنة بما تقوم به انت
والمشرفين الاخرين والاداريين والاخوات والاعضاء من جهود طيبه وفقك الله ودمت بخير
وصحه ورزقك الله الذريه الصالحه

[بو رائد]

شعور طيب اخوي المطنوخ وهذي هي الهقوه بك يعلك دايم
بالوجود اخ غالي وعزيز وصاحب فكر نير وطيب بارك الله فيك
ورزقك بنت الحلال الطيبه امين

[سلطان الشمري]

يابعدي يالشايب :)


والله ان مزاااجي ياخوي مررره .. والا تسان جاريتك يالعزوه


المزاج لكك عليه لكن ..صح لسااانك .. بالموقع المنتاز جت المنتازه




خلن الياما اروق و اجيك يالحبيب



احترامي

[بو رائد]

تسلم يا:):)
بعنا بالسوق يابو فلان ولايضيق صدرك خوينا ياخوك غالي علينا
وان ضاق صدره ماهتنينا بمرقاد يعل مالك شر حيي وانت غالي
يانبراس يشهد الله لامجامله وانما شعور بالقلب اشرحه لك
خذ المعاميل والجيب الشاص واطلع لهالنفود حول جبه واعمل قهوتك
وتشوف هالربيع وبحول الله يتعدل مزاجك

[محارش]

تبقى الروح الاخوية سائدة بيننا ومثلك من يثبتها ويزيدها .

شكرا لك وعلى ماقالوا الكبير كبير وانت كبير يابو رائد .

تحياتي .

اخوك
محارش

[رضا الزميلي]

أخوي الفاضل/ بو رائد

صح لسانك ملياااااااار

الله لا يهينك

وشنقل وسارا عينان في رأس

لك جزيل الشكر


المجهول

[بو رائد]

مرحبا باخي الغالي محارش والله جيتك مثل جيت المطر للارض
العطشانه لك معزه خاصه ولك تقدير خاص ولك اخوه خاصه لاهنت ياالغالي واطلب من العلي القدير ان يديم عليك الصحه والعافيه وسرني جدا مرورك الطيب

[بو رائد]

لاهنت اخوي المجهول وكلامك عين الصواب ولقد اسعدني مرورك