ظاهر الزبن
25-02-2005, 15:08
الاهداء....
الى الغائب..... في زمن الحضور
الى الابيض ....في زمن السواد
الى ظاهر الزبن............. الآخر
ليـلة ٍ فـي بـردهـــا مـثــل الـجـلـيــد= جــــو مــســايـيـري بـلـيـا مــوعـدي
جــو شيـاطيــن المعـانـي والقصيـد =ونــزلـوا عـنـدي واقـضـوا مـرقــدي
حـلـم مـاهــو حـلـم لا عـلـم ٍاكـيـــد= اشـــهــد وكـــل الـجـــوارح تشـهدي
شـفـتـهـم قـوم ٍ لـهـم مـنـهـم عـقـيـد= قـــــالـوا هــــذا شـيـخـنـا بـه نـقـتـدي
وقــام يـنـظـم عـقـد ما هو عقد جيد =مــــن سمـعـتـه صــار ليـلي سرمدي
شـعـر او هـو سحـر او نـار ٍ تـقيـد= او خــرافــه صـعــب انـه تـوجــــدي
الله الله قــمـت اردد يـــا مــجــيــــد= وكـــــــل هـــالـعـالـم وراي تــرددي
قــال اقــصد يـا ولـد كـانـك تـجـيـد=مـاخـبـرتـك بـالـقصـايـــد اجـــــودي
قلت انا مـحـكـوم ٍ بـحـكــم ٍ رشيــد= مـلهــمـة شـعــري معـي مـن مـولدي
قومـي يـاشـيـطـانـة الشعـر الفـريـد= راح وقـــت الـنــوم بــالله اقـــعــــدي
قومـي خـليـنـا نـتـجـمـل بـالـجـديـد= لا تــخـلـيـنـي بـهــالــلـيـل وحـــــدي
لـي ثـلاث سـنـيـن او يـمـكـن يزيد= اجــتـهــد ويـضـيـع بـالبـحـر جـهدي
مـدري لـيـه الشعر اصبح لي عنيد= مـن بـعـد مـا كـان خـاتـم فـي يــــدي
مـا يـجـي الا بـعــد جـهــدٍ جـهـيــد= وان لـقـيـتـه قـبــل لا احـفـظـه يغـدي
قــالـت ابـشـر والمـعـاني لـك عبيد= غــصـب طـوعــهـا وخـلــه تـهتــدي
اكـتـب اكـتـب يـا قـلـم هات المزيد= طــاوع الشــاعــر مـادامــــه سيــدي
لـو يـبـي صـبـيــت لـه دم الـوريــد= لــو يـبــي خـلـيـت لـه كـل مـــوردي
قـلـت يـا شـيـطـانتي ضاع الرصيد= وان حصـل لـي راس مـالي ياسعدي
روحــي لــزروعٍ لها طلع ٍ نضيــد= اقـطـفـي لـي مـن ثـمــرها واحصدي
وهــاتـي من احلا المعاني لي نشيد=وطـوعــي لـي كـل حـرفٍ ابــجــدي
انـقـضـي ثـم افـتــلي نـظــم ٍ شديـد=اعــقــدي وحـلـي وحـلــي واعــقـدي
وابـنـي مـن القـاف لي قصـرٍ مشيد=شـامــخٍ فــوق السـحـاب ويـصـعـدي
وخـــلي المـبــنى اسـاسه من حديد =وخـلـي حــده مـثــل سـيــف مـهنـدي
مـايـهـزه نـقــد حــاســد او بــلــيــد =ولا تــقــصــه يـــد رقـيـبٍ مــبــتـدي
الـجــمـي بـه كـل شـيـطـانٍ مـريــد= زلـزلـي بـه وارعـــدي ثــم ازبـــدي
احـشـريـه وقـيـديــه بـألــف قـيــــد= صـفــديــه بـهـالـمـعــانـي وصـفــدي
كل منهو صار ضـدي لـه عـضيـد= وكــل شيـطـان ٍ مــريـــد ٍ مـعــتــدي
شــوف عـيني فر من عندي طريد= مــا قــدر قـدام قـــافـــي يــصـمـــدي
ايــه كـــذا خــلــيـــه يعجز لو يكيد= لا ســمــع قــافـي لـربــه يــســجــدي
قالـت اطلب وش بعد قل وش تريد= قـلـت زيــديــنـي بـعـد لا تـركـــــدي
مــع خــيــالي سافــري بـي لـلـبعيد= لـلـبـلاد الــلـي اسـمـيـهـــا بــلــــــدي
ديــرةٍ مـن دونـهــا عـمــر ٍ مـديــد =والــف كــوكــب والف نجـم ٍ منحدي
والف جيـش ٍ مـعـهـم سـلاح ٍ عتيـد =وكــــــل جيـــشٍ فـيـه الـف مـجـندي
مـا بـها الا انــا حــــاكــــم وسيــــد =وشـعـبـي الـلي يـدرسـون بمعهــــدي
لي بـهـا مـلـكٍ ولـي مـجـدٍ تــلـيــــد =مـن ورا سـهـيــل اليـمــاني والجـدي
قـمـت ادوّج بـه وانــا اردد واعيــد =مـن يـشـيـــل الـهــم وافـديــه بـفــدي
مــن يـداوي جـرح لــه نـار ووقيـد =بـالضـمــايــر مـثـل نـار بـمــوقـــدي
لــي جــروح ٍ مانـزفت دم وصديد =نـــزفـــهــا بــالروح مـا يـقـبــل ودي
نــزفــهــا لـو مـر لـه طــاري ببيد =قـــامـــت طــيــور الربيــع تغـــردي
وفي طريقي شفت لي عــودٍ وحيد =راكـــبٍ فـــوق الـمـنــايـا ويـحــــدي
صــوتـه يهـز الفـضـا مثـل الرعيد =قـلــت لــه اسـمــك واظـن قال مهدي
قـلـت يـاعـم عـطـنـي الـعـلـم المفيد =قـال اطـلـب مـاتـريــده يـــاولــــــدي
قلت انا حزني طغى وشكلي سعيد =والـبـلا مـو بـــس هـــذا يـابــعـــدي
الـبــلا قــلــبٍ يـصــاد ولا يـصـيـد=لـيــن ٍ كـنــه طــرف عـــــودٍ نــــدي
ينثني لا واجهته عيون غيد= وينتهي لما المفارق يبتدي
دمعتي تجيبها دمعة وليد= كم تطيح وكم انا اصيح اجمدي
شايلٍ همي وعايش به زهيد= كني اللي راضع الهم من ثدي
وش يبي هالهم او وش يستفيد= راح عمري وانا بالهم انضدي
وكلما شاورت ابي رايٍ سديد= يخطي الراي المسدد مقصدي
كم يمر العيد مابه طعم عيد= بين ربعي واشعر اني بمفردي
قال اصبر ياولدي وربك حميد= واعرف ان الصبرهدي محمدي(ص)
اعرف ان الصبر كلٍ به يشيد= هو مفاتيح الفرج يامسندي
قلت انا ادري بس همي مايبيد= والصبر لاشافني راح يعدي
لكن المقسوم ماعنه محيد= وان هدت هالروح جرحه مايهدي
صرت احس اني بهالدنيا فقيد= ضعت وانا اللي من اول مرشدي
ليتها بمواجه وكر ووعيد= كان بارودي تغدا مجندي
اكبر اعدائي مثل اصغر حفيد= واصغر اصحابي بمكانة والدي
غلطتي بيحت سدي للقعيد= يبتسم واثره خبيثٍ مفسدي
والمود اللي احسب انه وديد= قبل اقول فلان قام يصددي
من خذا المعروف واعطاني جحيد= عاريٍ لوهو لثوبه مرتدي
كنت احسب ان الرواسي ماتميد= واثرها مادت على حظٍ ردي
كيف راحوا مابقى منهم شريد= وكيف هالسكين تقطع مبردي
خلهم باكر يجي علمٍ جديد= تستدير ويقعدون بمقعدي
باكر المنفي لمجده يستعيد= وكل مديونٍ يجيه يسددي
باكر اشرق وابتدي وليلي يحيد= وابيضي يطغى على كل اسودي
والله اني لاروي كبدٍ مثل بيد = من ظماها يرتعد كل جسدي
غايتي افك ضيقات الضهيد =وابني خيام المكارم بعمدي
واستريح بدنيتي بعيشٍ رغيد =قـبـل روحي ما يناديها لحدي
مــؤمـنٍ بــالله ومــؤمـن بـالوعـيــد =وازهــد بـدنـيــاي والــزم مـسـجــدي
الى الغائب..... في زمن الحضور
الى الابيض ....في زمن السواد
الى ظاهر الزبن............. الآخر
ليـلة ٍ فـي بـردهـــا مـثــل الـجـلـيــد= جــــو مــســايـيـري بـلـيـا مــوعـدي
جــو شيـاطيــن المعـانـي والقصيـد =ونــزلـوا عـنـدي واقـضـوا مـرقــدي
حـلـم مـاهــو حـلـم لا عـلـم ٍاكـيـــد= اشـــهــد وكـــل الـجـــوارح تشـهدي
شـفـتـهـم قـوم ٍ لـهـم مـنـهـم عـقـيـد= قـــــالـوا هــــذا شـيـخـنـا بـه نـقـتـدي
وقــام يـنـظـم عـقـد ما هو عقد جيد =مــــن سمـعـتـه صــار ليـلي سرمدي
شـعـر او هـو سحـر او نـار ٍ تـقيـد= او خــرافــه صـعــب انـه تـوجــــدي
الله الله قــمـت اردد يـــا مــجــيــــد= وكـــــــل هـــالـعـالـم وراي تــرددي
قــال اقــصد يـا ولـد كـانـك تـجـيـد=مـاخـبـرتـك بـالـقصـايـــد اجـــــودي
قلت انا مـحـكـوم ٍ بـحـكــم ٍ رشيــد= مـلهــمـة شـعــري معـي مـن مـولدي
قومـي يـاشـيـطـانـة الشعـر الفـريـد= راح وقـــت الـنــوم بــالله اقـــعــــدي
قومـي خـليـنـا نـتـجـمـل بـالـجـديـد= لا تــخـلـيـنـي بـهــالــلـيـل وحـــــدي
لـي ثـلاث سـنـيـن او يـمـكـن يزيد= اجــتـهــد ويـضـيـع بـالبـحـر جـهدي
مـدري لـيـه الشعر اصبح لي عنيد= مـن بـعـد مـا كـان خـاتـم فـي يــــدي
مـا يـجـي الا بـعــد جـهــدٍ جـهـيــد= وان لـقـيـتـه قـبــل لا احـفـظـه يغـدي
قــالـت ابـشـر والمـعـاني لـك عبيد= غــصـب طـوعــهـا وخـلــه تـهتــدي
اكـتـب اكـتـب يـا قـلـم هات المزيد= طــاوع الشــاعــر مـادامــــه سيــدي
لـو يـبـي صـبـيــت لـه دم الـوريــد= لــو يـبــي خـلـيـت لـه كـل مـــوردي
قـلـت يـا شـيـطـانتي ضاع الرصيد= وان حصـل لـي راس مـالي ياسعدي
روحــي لــزروعٍ لها طلع ٍ نضيــد= اقـطـفـي لـي مـن ثـمــرها واحصدي
وهــاتـي من احلا المعاني لي نشيد=وطـوعــي لـي كـل حـرفٍ ابــجــدي
انـقـضـي ثـم افـتــلي نـظــم ٍ شديـد=اعــقــدي وحـلـي وحـلــي واعــقـدي
وابـنـي مـن القـاف لي قصـرٍ مشيد=شـامــخٍ فــوق السـحـاب ويـصـعـدي
وخـــلي المـبــنى اسـاسه من حديد =وخـلـي حــده مـثــل سـيــف مـهنـدي
مـايـهـزه نـقــد حــاســد او بــلــيــد =ولا تــقــصــه يـــد رقـيـبٍ مــبــتـدي
الـجــمـي بـه كـل شـيـطـانٍ مـريــد= زلـزلـي بـه وارعـــدي ثــم ازبـــدي
احـشـريـه وقـيـديــه بـألــف قـيــــد= صـفــديــه بـهـالـمـعــانـي وصـفــدي
كل منهو صار ضـدي لـه عـضيـد= وكــل شيـطـان ٍ مــريـــد ٍ مـعــتــدي
شــوف عـيني فر من عندي طريد= مــا قــدر قـدام قـــافـــي يــصـمـــدي
ايــه كـــذا خــلــيـــه يعجز لو يكيد= لا ســمــع قــافـي لـربــه يــســجــدي
قالـت اطلب وش بعد قل وش تريد= قـلـت زيــديــنـي بـعـد لا تـركـــــدي
مــع خــيــالي سافــري بـي لـلـبعيد= لـلـبـلاد الــلـي اسـمـيـهـــا بــلــــــدي
ديــرةٍ مـن دونـهــا عـمــر ٍ مـديــد =والــف كــوكــب والف نجـم ٍ منحدي
والف جيـش ٍ مـعـهـم سـلاح ٍ عتيـد =وكــــــل جيـــشٍ فـيـه الـف مـجـندي
مـا بـها الا انــا حــــاكــــم وسيــــد =وشـعـبـي الـلي يـدرسـون بمعهــــدي
لي بـهـا مـلـكٍ ولـي مـجـدٍ تــلـيــــد =مـن ورا سـهـيــل اليـمــاني والجـدي
قـمـت ادوّج بـه وانــا اردد واعيــد =مـن يـشـيـــل الـهــم وافـديــه بـفــدي
مــن يـداوي جـرح لــه نـار ووقيـد =بـالضـمــايــر مـثـل نـار بـمــوقـــدي
لــي جــروح ٍ مانـزفت دم وصديد =نـــزفـــهــا بــالروح مـا يـقـبــل ودي
نــزفــهــا لـو مـر لـه طــاري ببيد =قـــامـــت طــيــور الربيــع تغـــردي
وفي طريقي شفت لي عــودٍ وحيد =راكـــبٍ فـــوق الـمـنــايـا ويـحــــدي
صــوتـه يهـز الفـضـا مثـل الرعيد =قـلــت لــه اسـمــك واظـن قال مهدي
قـلـت يـاعـم عـطـنـي الـعـلـم المفيد =قـال اطـلـب مـاتـريــده يـــاولــــــدي
قلت انا حزني طغى وشكلي سعيد =والـبـلا مـو بـــس هـــذا يـابــعـــدي
الـبــلا قــلــبٍ يـصــاد ولا يـصـيـد=لـيــن ٍ كـنــه طــرف عـــــودٍ نــــدي
ينثني لا واجهته عيون غيد= وينتهي لما المفارق يبتدي
دمعتي تجيبها دمعة وليد= كم تطيح وكم انا اصيح اجمدي
شايلٍ همي وعايش به زهيد= كني اللي راضع الهم من ثدي
وش يبي هالهم او وش يستفيد= راح عمري وانا بالهم انضدي
وكلما شاورت ابي رايٍ سديد= يخطي الراي المسدد مقصدي
كم يمر العيد مابه طعم عيد= بين ربعي واشعر اني بمفردي
قال اصبر ياولدي وربك حميد= واعرف ان الصبرهدي محمدي(ص)
اعرف ان الصبر كلٍ به يشيد= هو مفاتيح الفرج يامسندي
قلت انا ادري بس همي مايبيد= والصبر لاشافني راح يعدي
لكن المقسوم ماعنه محيد= وان هدت هالروح جرحه مايهدي
صرت احس اني بهالدنيا فقيد= ضعت وانا اللي من اول مرشدي
ليتها بمواجه وكر ووعيد= كان بارودي تغدا مجندي
اكبر اعدائي مثل اصغر حفيد= واصغر اصحابي بمكانة والدي
غلطتي بيحت سدي للقعيد= يبتسم واثره خبيثٍ مفسدي
والمود اللي احسب انه وديد= قبل اقول فلان قام يصددي
من خذا المعروف واعطاني جحيد= عاريٍ لوهو لثوبه مرتدي
كنت احسب ان الرواسي ماتميد= واثرها مادت على حظٍ ردي
كيف راحوا مابقى منهم شريد= وكيف هالسكين تقطع مبردي
خلهم باكر يجي علمٍ جديد= تستدير ويقعدون بمقعدي
باكر المنفي لمجده يستعيد= وكل مديونٍ يجيه يسددي
باكر اشرق وابتدي وليلي يحيد= وابيضي يطغى على كل اسودي
والله اني لاروي كبدٍ مثل بيد = من ظماها يرتعد كل جسدي
غايتي افك ضيقات الضهيد =وابني خيام المكارم بعمدي
واستريح بدنيتي بعيشٍ رغيد =قـبـل روحي ما يناديها لحدي
مــؤمـنٍ بــالله ومــؤمـن بـالوعـيــد =وازهــد بـدنـيــاي والــزم مـسـجــدي