المساعد الشخصي الرقمي

مشاهدة النسخة كاملة : رضا بن طارف الشمري 00 "سارا"


ســــارا الرياض
24-02-2005, 22:49
رضا بن طارف الشمري
" ابو عبيد "00
من أشهر الشعراء والحفّاظ
وواحد من أهم المراجع للرواية الشفهية في هذا الوقت
00
بدوي عشق الصحراء ونشأ فيها
من مواليد مدينة - لينة - في أوائل الستينات الهجرية
00
اتصل بالأمير محمد الأحمد السديري ولازمه حتى صار
من خواص رجاله
00
له عدد من المشاركات الإعلامية في الصحف والمجلات والبرامج الشعبية
00
طُبع له ديوان شعر بأسم
" ديوان رضا بن طارف الشمري "
00
قال عنه الكاتب الهولندي "مارسل شوك"
في كتابه البدوي الأخير :
" إنه واحد من أعظم الخبراء والحفاظ في التاريخ
الشفهي لقبيلة شمر "
00
بسم الله والسلام عليكم
مساء الخير
بعد التشكيك بصدق حديث اختكم سارا بخصوص
وعودها بإنزال مقاطع صوتية لهذا الراوية العملاق
وكذلك مقتبسات من شعره الذي اعتبره كله حكمة
وذلك بتكذيب وجود راوية شمري عملاق بهذا الاسم من الاصل
وذلك من قِبل البعض بكل اسف
وهاأنذا انتظرت اسبوع من التكذيب مو عشاني لا املك
بمكتبتي الخاصة اشرطة فيديو وكاسيت وديوان شاعرنا
لكن كنت انتظر احد المنصفين هنا والذي بكل تأكيد
يعرفون من هو الشاعر رضا الشمري
لكنهم لم ينصفونا بإلجام الغير وعدم اتهامنا بالكذب
00
هذه المشاركة إهداء للعضو الشاعر فهد المويهي الشمري
وغيره من كذبونا بل استهزؤا بكلامنا
00
إهداء لكل من بحث في محرك قوقل ليرصد صدق عضوه من عدمه
واخذ يتريق على عضوه صادقه قبل ما تكون بس مخلوقه ناطقه
مع انه لو سأل اقرب قريب من كباره لعطاه الخبر اليقين
00
هذه المشاركة إهداء لكل منصف صمت
00
واخيراً هذه المشاركة إهداء صادق
لكل من يؤمن بصدق سارا وثقتها من كل كلمة تقولها
إهداء لريم شمر النقيّة المُتّزنة
التي لم تتردد بإنزال اسم الشاعر رضا الشمري
على شكل بطاقة تصميم وهي جازمة على ان سارا لم ولن تخذلها
بكذب او بهتان
00
بفضل الله ما ربّونا اهلنا على كذب وتزوير
00
في امان الله
00
سارا الرياض
الشبث
24-02-2005, 23:05
ينقل الى مضيف القصه والقصيده



وتقلدوا تحيتي
ســــارا الرياض
24-02-2005, 23:08
لا 00
ومع احترامي للمشرفين
يبقى الموضوع هنا في الدكه
المضيف الذي شهد على تكذيبي
00
سلطان الشمري
24-02-2005, 23:15
8
8
8
8

الشبث اتمنى انه تبتعدون عن الهزل شوي :(


مانتم قادرين تبتعدون عن اجواء الانتخابات شوي ..؟


,,



شكرا سارا على هذه المعلومات ..بارك الله فيك يا خيّه ..


ورضا طارف .. علم من اعلام الشعراء ..


وله من القصائد الجميله الكثير .. ومن ضمنها




ياضاق صدري قلت هاتوا ذلولي..

.......................حطوا عليها كورها والقراميش

حطوا عليها كورها وارخصوا لي ..

........................نبي نقضي وقتنا بالمطاريش..





" عناد للشبث لاغير "
الشبث
24-02-2005, 23:16
اقول ينقل لعدم التفرغ وعدم الاختصاص


ولا يكثر

وتقلدوا تحيتي
الشبث
24-02-2005, 23:20
نبراس

الله العالم انكم تبون تخلون الدكه قصيد

وهالموضوع مرتبط بالانتخابات بشكل او باخر وكلنا ندري

ومافيه جد الا بعد الانتخابات

يعني ارجع للفله واخلي الدكه للمشرف شنقل يسوي اللي يبي

الا اذا استدعاني لامر مهم


اما مواضيع ليس لها صله بهذا المضيف فاتمنى انه تنقل

ولا يكثر



وتقلدوا تحيتي
سلطان الشمري
24-02-2005, 23:20
عذراً لإقحام نفسي هنا ..



اختي سارا .. ../


الشاعر رضا طارف الشمري .. شخص معروف ..

" والمعرّف لا يحتاج لتعريف ".


وانا قابلت هذا الشخص شخصيا .. ولدي اشرطه له .. مسموعه ومرئيه ..


شاعر كبير لاينكره المنكرون ../ ولايختلف عليه اثنان


حصلت بينه وبين الشعراء مراسلات.. من ضمنهم .. فرحان الفهيد الذرفي ..



ومن اراد ان ازوده بالأشرطه فليبعث لي بما يريد


..


اتمنى ان تدخلي في محله ..

شكرا سارا .. واتمنى ان تمضي قدماً .. بارك الله فيك


**


الشبث ../


اعلم اخي بمدى وعيك .. ولكن اتمنى ان تجعل هناك حاجز بين الإنتخابات وبين بقية المواضيع :)



شكرا من القلب
ســــارا الرياض
24-02-2005, 23:28
اقول ينقل لعدم التفرغ وعدم الاختصاص

ولا يكثر

وتقلدوا تحيتي
ايه بس متفرغين ذاك اليوم تكذبون كل كلامنا !!
00
اعتقد فيه مشرفين متخصصين ويعنيهم النقل
00
وبعدين شاكرة رد ينم عن امتنانك على مشاركة
00
وبعدين وليه ...... تقول لا يكثر !!
الشبث ما راح نصمت ولا نقبل فرضه من احد
وبنقول كثر ما نبي وكفايه تهديد لاعضاء
وترى ما انت مجبور بالتواصل هنا
ســــارا الرياض
24-02-2005, 23:32
شكرا سارا على هذه المعلومات ..بارك الله فيك يا خيّه ..

ورضا طارف .. علم من اعلام الشعراء ..

وله من القصائد الجميله الكثير

العزيز نبراس العفو على تشريفك لمشاركة اخت
وتسلم اخوي والله لا يهينك
الغثه
24-02-2005, 23:35
جزاكم الله خير اذكروا الله


وش تبين من رضا انا مستعد اجيب لك

وانا ابي اسندلك

ان له ديوان شعري

واي شي تبينه قولي لي لانه من ديرتي رفحاء


الغثه
الشبث
24-02-2005, 23:37
ايه بس متفرغين ذاك اليوم تكذبون كل كلامنا !!
00
اعتقد فيه مشرفين متخصصين ويعنيهم النقل
00
وبعدين شاكرة رد ينم عن امتنانك على مشاركة
00
وبعدين وليه ...... تقول لا يكثر !!
الشبث ما راح نصمت ولا نقبل فرضه من احد
وبنقول كثر ما نبي وكفايه تهديد لاعضاء
وترى ما انت مجبور بالتواصل هنا

اقول لا يكثر ترينا نستعد للاحتفال باليوبل الفضي حق شنقولي

وبعدين ياليت تقولين منهو العضوا اللي كذبك بهالسالفه

وتجيبين اثباتك علشان نقولك وين تحطين مشاركتك القيمه

يعني لو هالعضو انا نحطه بالفله




اخواني المشرفين ........


ارجو عدم التحيز ونقل الموضوع الغير مناسب الى مكانه الصحيح





ولا يكثر



وتقلدوا تحيتي
الشبث
24-02-2005, 23:41
جزاكم الله خير اذكروا الله


وش تبين من رضا انا مستعد اجيب لك

وانا ابي اسندلك

ان له ديوان شعري

واي شي تبينه قولي لي لانه من ديرتي رفحاء


الغثه

احلى تحيه لاهل رفحاء



وتقلدوا تحيتي
ســــارا الرياض
24-02-2005, 23:43
الغثة جعلك ذخر وتسلم يالعزيز
وابد خلاص انا قلت كل الي في خاطري
بس فيه ناس مو عارفه ولا مقتنعه على ان فيه راوية شمري بذى الاسم
وعشان كذا انا نزّلت مشاركتي
وبالنسبة لمعلومات زيادة انا ما احتاجها
كثر ما يحتاجها الي مو مصدّق
لدعم معرفته بسوالف الدكّة والتي من الضروري اشتمالها على
سوالف عن كبار شعّار ورواة وخلافه من ربيع وخريف
00
الغثة تقبّل كل تحية
الشبث
24-02-2005, 23:59
الغثه

شكل هالراويه يبي يعجنك

لا تجيه ولا شي انحش انا سمعت انه عصبي






وتقلد تحيتي
ريم شمر
26-02-2005, 03:15
تسلمين سارونا

اهداء جميل جدا والشاعر سبق وسمعت عنه

وحتى لو ماسمعت ماتعودنا منك الا الصدق :thumb:


ماعليك من شبيثان وحملته الانتخابيه :7ayyoh:

ترى هذي حرب نفسيه بس:055r:


بس انت اثبتي وسيري في طريقك

والنصر لنا بأذن الله
هايس الشمري
26-02-2005, 03:38
الاخت سارا


انا بوضح لك سبب تكذيب الاخوان لك ( حسب توقعي )

هو مهو تكذيب بس حرب نفسية :)

انتي ما قلتي رضا بن طارف

انتي قلتي رضا بن مطرف وهنا سبب التريقة على قولتك :)


ولا رضا بن طارف احد ما يعرف صوته المميز :)


و انا مع الاخ الشبث انه ينقل الى قصة و قصيدة :242r:
ريم شمر
26-02-2005, 05:28
8
8
8
ومازالت الحرب النفسيه مستمره :)

لكنهم لايعلمون اننا اهل لكل حرب

وحربهم النفسيه سترتد عليهم

عندما نكتفى بالابتسااام فقط :):):)
بو رائد
26-02-2005, 07:45
بارك الله فيك اخت سارا
^^^^^^^^^^^^^^
ونشكر لك هذا التوضيح والتعريف عن شاعرنا رضا بن طارف الشمري
ذو الصوت المميز والشعر الرفيع دمت بخير
مناكد
26-02-2005, 10:47
الأخت سارا...أعتقد والله اعلم انك تقصدينني بقولك تكذيب...



ولكن يا أختي ويشهد الله أنه لم يكن تكذيب بقدر ماهو إستفزاز لك لتخرجي لنا ماعندك من كنوز للشاعر رضا بن طارف الشمري وغيره...

حتى لو لم تفوزي فأنا رأيت ان استفزك وأستغل الإنتخابات لالشيء إلا لما سبق...

مع العلم ان الأخت ريم شمر كتبت اسم الشاعر خطاءاً رضا بن مطرف...

وأنا اعلم انها تقصد الشاعر رضا بن طارف الشمري ولكن ايش اسوي لازم اناكد...


وما هذا إلا إسلوب من أساليب اللعانه التي يتم بها إخراج أقصى ماعند الطرف الأخر...



وهذا اسلوب العمل وأنطبع حتى على حياتنا الخاصه...


.
ابو غازي
26-02-2005, 15:49
عزالله قول وفعل :(

ولا تسان ماإسمك مناكدووووه :p:
شنقل
26-02-2005, 15:55
وما هذا إلا إسلوب من أساليب اللعانه التي يتم بها إخراج أقصى ماعند الطرف الأخر...

حلوه
اساليب اللعانه:)
الـمـحـروووم
26-02-2005, 17:08
السلام عليكم ورحمة الله وبركاته




ماعندي شين أقوله


لكن اللي مجنن
أبغى أعرف وش معنى عنوان الموضوع

رضا بن طارف الشمري 00 سارا :)





وأتمنى التوفيق للجميع
مناكد
26-02-2005, 19:59
حلوه
اساليب اللعانه:)



هاي شنقولي...(((اللي يسمعن يقول هذا أصغر وغدانه)))...




يمكن لك أن تسأل عن اللعانه اللي في الدورات الإداريه في أرانكو...(((ARAMCO)))...



.
الشبث
27-02-2005, 06:59
انتم للحين مانقلتو هالموضوع الغير مناسب

الى مكانه المناسب

وبعدين ترى محد يقربلوه كثري ( اقصد الشاعر رضا )


وبعدين يا مناكد مهو انت المقصود المقصود هو .....


ولا ماني قايل اخاف يقولون هذا يفتن







المشرفين

انقلو هالموضوع اللي غثنا لمكانوه

واللي يبي القصيد يرح للقصيد لاني ماداني القصيد


يالله بساااااااااااع




ريموه

اشوفك متجهدتن بالحيل


تروكم خسرانين لا محاله



العشير المحروم


العنوان هذا اولوه اسم الشاعر

واخروه على ماقيل علامة الجوده

خخخخخخخخخخخخ






وتقلدوا تحيتي
بو رائد
27-02-2005, 09:12
وانت وش حارقن رزك يا شبثان يا البناخي
موضوع خلوه بمكانه بوه مشرف بذا وهو المسعول عن النقل والحذف
وتركم ياهلحين مافزتوا علشان تعطون اوامر يذكرونك بهالنفود تجمع
ذبايح لزوم الانتخابات ياملا الفلال اللي يفل حيل العدو بعد حيي هالعوينات
نختلف نبقى حبايب نجتمع نبقى حبايب ///كل ماقلتوا صحيح وكل ماقلناه صايب
لاعدمنا الجميع وامد الله في اعماركم
المشرف العام
28-02-2005, 00:28
والله إن حذفتووه اسهل من نقله لمضيف قصه وقصيده

يبي لنا فرسخخخخ من الزّمن عشان اتخلصّ من الردود


ومشكلة مشرفنا القدير محااارش ان الداخل عنده مفقود والخارج مولود :)



همسسسسسسسسسسه :

لا تربطون كل شيء بهذه الانتخابات ، ولا تسيطر على حتى مشاركاتكم

و . .

كثر الضحك يميت القلب :)

لي عوده بإذن الله إذا لم يباشر هذه المشاركه مشرف الدّكه
ابو غازي
28-02-2005, 00:43
يبي لنا فرسخخخخ من الزّمن عشان اتخلصّ من الردود


ومشكلة مشرفنا القدير محااارش ان الداخل عنده مفقود والخارج مولود

عزالله جبتها / يابو سلطان :thumb:


:p:

:wavey:
محمدالشمري
28-02-2005, 11:10
رضا بن طارف الشمري أحد أكبر الشعراء ، وأحد أكبر الرواه في عصرنا الحالي ، ومن منا لايعرفه ، لقد ألتقيت بهذا الرجل العملاق ، وكانت آخرها في الكويت قبل عدة أشهر .
رضا بن طارف تميز بالشعر الغزلي ، وبحفظ التواريخ والأحداث والقصائد الخاصة بنجد والجزيرة ، هذا بالأضافة الى أسلوبه المتميز في الغاء القصيده أو الرواية ، ولهجته الشمرية الأصيلة .
سوف آتي بقصة له وقصيدة في مضيف قصة وقصيدة .
شكرا أختي الكريمة سارا لتنويرنا عن هذه الشخصية العلم .