ابن رشيـــد وساجر الرفدي

[مشــــعل]

ساجر الرفدي من فرسان عنزه فارس لايشق له غبار
ومن اشجع اهل نجد وقبل يقولون كان مدعاه
يامن الواحد ابغض له عرب قال ياعلكم بساجر
عاش بداية حياته "بالشملي" قريه من قرايا حايل

ولكنه جلى الى الشمال وترك حايل.

فالسبب ورى رحيله
ان المعروف عن ساجر ان اكثر مغازيه كانت على مطير

ولكن بتالي وقته انقرد وقام يناحي الرشيد ويتحدى الامير/عبيد الرشيد

من ضمن ماقال يتحدى عبيد

طلال قل لعبيد بينك وبينه=شلون يامن والعمارات عمار
شلون تقبل لذة النوم عينه=ووراه ربع مايهابون الاخطار
من باب بغداد اليا باب المدينه=يلقى بني وايل على الكود صبار

وصلت القصيده لعبيد وحطه بقلبه

مرت الايام وصادف ان شمر كله غزت مع عبيد ولابقي بحايل
الا ربوع قليله
وهو يغزي عليهم ساجر وياخذ حلال شمر ويقفي به

يوم رجع عبيد قال:وانا اخو نوره وين حلال شمر
قالوا: اقفى به ساجر

قال عبيد:جيبو لي اخبار ساجر وينهو نازل
قالوا اللي عنده: يذكرونه نازلن على "ذباذب"
قال:وينهي ذباذب هذي
قالوا:بالشمال

قال عبيد:يالله ياشمر ترونا غزو

ويركبون يوم وصلوا ذباذب ويلقون به اكالصلبي مع غنمه
قال عبيد:وينهو ساجر
قال الصلبي:رحل له ستة ايام
الوكاد ويعلمهم الصلبي بوجهة ساجر

ويلحقونه شمر دون العراق وتصير بينهم معركه وينكسر به ساجر وينحاش
ويستردون شمر حلالهم وياخذون حلال عنزه وبيت ساجر


من ضمن ماقاله عقب هالاحداث:

الله من عين تزايد حزنها=والقلب من صكات الايام مسمور
من شوفتي داري تغير وطنها=من عقب ماني داله القلب مسرور
دنولي الحمرا ومدوا رسنها=وهاتوا ذلولي وانسفوا فوقها الكور
ياما حلا المسلاف باول ضعنها=مستجنبين الخيل يبرا لهن خور
يومن انها نجد وانامن سكنها=واليوم مايسكن بها كل ممرور
شامت "لاخو نوره" واناشمت عنها=اللي يصبح به على فجة النور
وانا احمد اللي فكني من شطنها= ومكيف مابين عرعر وابا القور
ارجو ان تحوز على اعجابكم

[هايس الشمري]

مشعل

تسلم والله


جميل ما تكتب


اخوك

الذيب

[المهرة]

اخي الفاضل 00
مشعل 00
لاجديد 00 دائماً ماتأتي وانت محملاً بعطر الحروف
وزهر القصيد
وعذب الحضور

دمت بخير
اختك 00 المهرة

[الامسح]

مشعل لاخلا ولاعدم منك ولاهانو الاخوان
تحياتي لك

[بـنـت النـور]

اخي الفاضل 00
مشعل 00
لاجديد 00 دائماً ماتأتي وانت محملاً بعطر الحروف
وزهر القصيد
وعذب الحضور

دمت بخير


__________________

[مشــــعل]

ياهلا والله يالذيب

شاكر مرورك يابعدي

[مشــــعل]

حياك الله يالمهره

شرفتينا بمرورك

[مشــــعل]

هلا بالامسح

ويالله حيه

[مشــــعل]

حياك الله يابنت النور

لاهنت ياختي

[ابوخالد 1]

الله يعطيك العافيه علي الموضوع

لا هنت

اخوك ابوخالد 1

[مشــــعل]

ويعافيك يابو خالد

شاكر مرورك

[راعي الوقيد]

[لوحة16]تسلــــــــــم يمينــــــــــك مشعــــــــــــل
[/لوحة16]

[لوحة8]لاهنــــــــــــت يابعـــــــــــد حيــــــــــــــــي:)
[/لوحة8]

[بندر الشمري]

لاهنت يا الغفيلي على ذكر قصة الامير عبيد مع ساجر الرفدي ،،

وألف شكر على هالجهد الطيب والله يوفقك ،،

ننتظر جديدك ،،

[مشــــعل]

ومن قال يسلم ياراعي الوقيد

شاكر مرورك يالطيب

[مشــــعل]

يا هلا والله ببندر

لاهنت على هالمرور

[ظل واظلال]

ارجو تصحيح المعلومة .... وعدم التلفظ بالفاظ غير لائقة خاصة مع الفرسان الذين أثبتوا جدارتهم وفروسيتهم ... فساجر (( طير شلوى )) صولاته وجولاته يشهد لها التاريخ .... كيف تقول انه انحاش[لوحة] فساجر وكل فارس .. لا يهاب الموت يقدم عليه لو انه يراه بين عينيه
[لوحة15]
وبعدين القصيده ما قيلت بتلك القصة المحبوكة اللي ذكرتها ... ولتصحيح الابيات
يقول الفارس " ساجر الرفدي"
شامت لعبدالله وانا شمت عنها أي "" عبدالله بن رشيد "

وتحياتي[لوحة9]

[مشــــعل]

اخوي ظل واظلال

اول شي ساجر ماقلنا مايعيبه وانشهد انه طير شلوى
لكن هذا الصحيح ولا وش تسمي زبنته للعراق وبعدين هروبه الى سوريا

ثاني شي سالفة شامت لعبدالله انت بهذا تنسبه لعبدالله الرشيد
وموقع عنزه ينسبونه لعبدالله الفيصل
يعني صار الواحد يجيب السالفه على كيفه

اخوي كان عندك مصدر هاته اما القصيده معروفه وزي ماذكرته انا
وبعدين عيب عليك تقول المعركه المحبوكه هالسالفه يخبرونه عنزه قبل شمر

اما ردك الاخير فأنا اعتبر انه قلة عرف منك وماله داعي
لانه اول شي يالطيب حنا ماسبينا عنزه
وكانك تدور اللي صحيح يدور السب ادخل موقع ربعك وانت تعرف

ونعم بعنزه هذا اللي نقوله ولا تحتاج شهادتنا

[خالد الشمري]

مشكور يا مشعل علي هالموضوع القيّم

ولك ألف شكر

على العموم لي أضافه على موضوعك


وهي كالتالي :


وهو تصحيح بيت من أبيات قصيدة ساجر الرفدي وهو كالتالي :
شامت لعبدالله وأنا شمت عنها ...... اللي يصّبح به على فجت النور

والشاهد على أنه الأمير ( عبدالله الرشيد ) هو قول الفارس والشاعر
محمد بن دهيثم من المختار من شمر يوم يرد على ساجر الرفدي يوم يقول :
ياركب اللي راكبه ما محنها ..... حمرا شناح الكوع ما يزحم الزور
تلفي لساجر شوق رادع وجنها ..... ياشوق من قرنه على المتن منثور
هوليه يا ساجر تنحّيت عنها..... أقفيت عنها نايرٍ(ن) تقل مذعور
جّزوك عنها اللي وساع (ن) طعنها ..... عيال الطنايا هادمه كل طابور
يوم أن عبدالله بكّفه مكنها ..... غدولها عيال الطنايا تقل سور
نجد لنا ما نعطيه في ثمنها ..... وعن ما يبيها عندها دايم حضور
نرخص عمار(ن) غاليه من جهنها ..... ولا نعطيه لو لحقنا عندها جور
نجد(ن) حموها زوبع (ن) مع يمنها .... عيال الرجال مطوعت كل مسطور
يوم أن عبدالله ولاها ضمنها ..... خلا ّ هله بافراح وسعود وسرور


وعلى طاري ذكر الشيخ : محمد بن دهيثم الشمري ، والشيخ : ساجر الرفدي العنزي
حصل طراد بينهم وكل منهم معه ربعه فقام محمد بن دهيثم وجدع ساجر الرفدي من فرسه والشاهد قول محمد بن دهيثم :

يالله طلبتك يا حسين التدابير ..... يالواحد اللي للعباد معبودي
عدواننا جوانا على بلجةالطير ..... يتلون ساجر زبن راعي البلودي
زبن العياد الجاذيات المقاصير ..... أن ثار حس الماطلي كالرعودي
راعي البويضا ستر بيض (ن) غنادير ..... رجل بفعل الطيبات معدودي
ساجر شجاع(ن) يجمع الشر والخير ..... وبالمرجله فعله تعّدا الحدودي
قايد جموع (ن) كالهضاب المزابير..... ويتليه جمع(ن) مثل رمل النفودي
من يوم صار الهوش عند المضاهير .. وطار الحياء عن ناقضات الجعودي
لي عاده نطحت وجيه المشاهير ..... صيارم (ن) فريّس مثل الإسودي
وليا ركبت معسكرات المسامير ..... أرويت حد المرهفات الحدودي
ورميت ساجر وقفوته للمناعير ..... هرج(ن) وكاد والنشامى شهودي
ماهي جبانه مار هذي مقادير ..... حضّه هفى وحنّا سعدنا يزودي





((((( وسلامتك يا مشعل إنت والإخوان )))))

[مشــــعل]

مخلب ياعلك دوم سالم

والله ياخوي انا سمعته هالون "شامت لاخو نوره"
لكن بأعتقادي انوه يقصد عبيد الرشيد

صحيح الحكم لعبدالله بس اللي طارده عبيد

على العموم ان كان يقصد عبيد او عبدالله العلم الوكاد ان شمر هي اللي جلته
ولاهي زي مايقولون بموقع عنزه ان اللي طارده عبدالله الفيصل

يعني يبون السالفه من عنزه لعنزه

مشكور يامخلب على هالقصايد ولاهنت يالذيب

[خالد الشمري]

مشكور يامشعل عاى التعقيب . وعلى قولتك هم عينين براس واحد