المساعد الشخصي الرقمي

مشاهدة النسخة كاملة : قصيده-لدعم سارا بالانتخابات


بو رائد
22-02-2005, 10:07
مضايف/ودكه/وترشيح سارا
تبي تدك عروش بعض التماسيح
بنت المضايف والادب له مسارا
مايلحقه نقد وكلام التجاريح
ماهمها حكي الكلك والمدارا
تاخذ قراراته بحكمه وتوضيح
حنا معاها رافعين الشعارا
هبوا معي ياهل الوجيه المفاليح
وخواتنا اللي لابسات الخمارا
نبي كلام(ن)صدق مافيه تصريح
ياجعل سارا دايم(ن)بالديارا
وعسى خبر فوزه يجي سرعه الريح
وصلاة ربي عد ليل ونهارا
على رسول(ن) وضح الدين توضيح

بالاذن من اخوي فيصل اللويش
أبو راكان
22-02-2005, 12:54
صح لسانك
وسارا تستاهل الإشراف ولكن من سوء الطالع أن المنافس هو الزعيم شنقل والدكة لا تزهو إلا بالزعماء

لك مني خالص الود
=============
شنقل ياحاميها
بالسيف راعيها
والدكه قالت لك
ساره ماتبغيها
=============
هايس الشمري
22-02-2005, 15:11
صح لسانك


و كما قال اخي ابو راكان


سارا تستاهل لكن ابو الشناقل هو المشرف
ســــارا الرياض
22-02-2005, 18:35
بو رائد صح السانك
وشاكره يالعزيز زين قصيد من اخوي العضيد
00
دمت بفوز ساحق بإذن الله
00
وانا اموت قدام واقفة ولا انسحابي يصير سالفة
الشبث
22-02-2005, 18:44
ياعزتي لفيصل اللويش

يتطلب ويبي غدي الله يجيب مطر مار مااااااااااااااااش

لا حياة لمن تنادي






ابو رائد


اقطع العلاقه

خخخخخخخخخ







صح لساني وبدني


ولو انت مخلين هالبيتين لشنقل تسان اوفق لك








وتقلد تحيتي
ابو غازي
22-02-2005, 18:56
اختنا الكبيرة مقاماً / ســـــــــــــارا

تستاهل هالقصيدة وأكثر ولاكن الدكة يابو رايد مشرفها لابد يكون رجال
تبي تقول ليش .... بحيث إن الدكة شبيهه بمجلس والمجلس رواده الفطاحلة رجال وتجدهم يصولون ويجولون بالتجارة وعلوم الربيع وعلوم
الحلال من مزايين الإبل حتى أصغر الحلال من العناق إلا التيس :p:
وإختنا سارا
غنيه عن وجع الراس في هذا المضيف ولاتصرون بأن الموضوع موضوع أســــــــــهم بس لا يالربع حتى الخرج والمتسلاع والقنااة بمضيف الدكة
فهل سارا ....... ملمة بسوالف ومعاني الرجال أم ماذا


ياجعل سارا دايم(ن)بالديارا
أمين والله يطول بعمرك وعمر إختنا سار وعمر الجميع
ســــارا الرياض
23-02-2005, 03:43
فهل سارا ....... ملمة بسوالف ومعاني الرجال أم ماذا


بنت الرجال تاخذ وتعطي مع العقول بغض النظر عن جنس من لها نقل
وسارا ملمة ولله الحمد بالكثير من الامور التي بعض الرجال يجهل ابسط ابجدياتها
وذى الكلام مو غرور كثر ما هو ثقة بنفس عزيزة
00
وما ولادة بنت المستكفي جليسة رجال الدولة واداباء خلافة
الدولة الاموية في الاندلس الا بنت رجال تجالسهم في مجالس
شبيهة بالمجالس الجامعة لكل علم وفن والموجودة حالياً والمنتشرة
كالاثنينيات وغيرها
00
إلاّ
الا إذا رغبت الإدارة بإقتصار مضيف الدكة على العنصر
الرجالي فهذا شأن اخر !!
ويجب ان نُشعر به في الهواء الطلق ولنرتاح من ترشيح
منتهي البعض من نتائجه سلفاً !!
00
ارجو الا يكون شرط اشراف الشباب على مضيف الدكة دون المضائفيات
امر ضروري وملح
لان بعض المضائفيات لهن القدرة على إنجاح ابجديات اقسام منتديات من خلال ترتيب وتنظيم
وخلافه وافضل واقدر من بعض الشباب
00
ولنا في ماضي الدكة خير دليل على شعارات شملتها شروط افتتاح ذلك المضيف
مع احد الاخوان العزيزين وكانت جميع المواضيع مطروحة والتي الان جايين يقولون
عدم مقدرة انثى على التعاطي معها امثال
(( ربيع وخريف وقناة ... الخ ))
ومن ثم للاسف وصلت الدكه لحد الاحتضار وعرضها للتقبيل الاشرافي !!
00
عليه نقول وبإختصار مو مهمة المواد التي بتنزل في المضيف
كثر ماهو مهم تفاني المشرف على الرقي بمضيفه وطريقة تعاطيه
مع كل مادة تنزل وتفعيله لها
00
كلاً يصوّت براحته بس لا يجيب مبررات غير منطقية لترشيح واحد على حساب الاخر
كون بعض التبرير لنفسيات الاخرين تدمير
ســــارا الرياض
23-02-2005, 04:29
أمين والله يطول بعمرك وعمر إختنا سار وعمر الجميع
آمين وعلى طاعته يطول عمر كل مسلمه ومسلم
00
القدير ابو غازي شاكرة دعاء وجزاك الله خير
بو رائد
23-02-2005, 07:39
اشكر من اعماق القلب من مر من هنا ورد وسلم الجميع دون استثناء
^^^^^^^^^^^^^^^^^^^^^^^^^^^^^^^^^^^^^^
اخوي الغالي ابو غازي لي وقفه معك اذا كانت النيه مخطط لها سابقا بان يكون المشرف رجل
فلماذا لم يتم ذلك مسبقا...

يجب ان يكون المشرف عمره اكثر من 45 سنه مطلعا على امور وعادات الباديه وكل امور الحياه
يعني خبره

صندوق الانتخابات هو الحكم في حالتنا الراهنه

تبقى ويبقى الاخوه الاخرين وانا احدكم اخوه يكمل كل منا الاخر ولن يغير ذلك من معزتكم اي شيء ابدا ....نحن نسمو فوق كل الاشياء الحياتيه في سبيل رفع شان هذه المضايف
مضايف (الطنايا)دام الجميع بخير وصحه
الأصيل
23-02-2005, 09:43
صح لسانك يابورائد

والله لو إني قاري هالقصيده قبل عشر دقايق تسان مصوت لسارا

لكن نخوني بعض العيال

وصوت لشنقل



الحقيقة ... إنك شاعر المواقف
الشبث
25-02-2005, 01:51
الاصيل

اشهد بالله انك طير شلوا




وتقلد تحيتي
بو رائد
27-02-2005, 14:45
الاصيل انت اصيل واجودي وطيب بارك الله فيك وباقي وقت غديك تراجع
نفسك وانت حر

شبثان شبثان شبثان اللي بالقدر بعدين ياالغالي ولاتاثر على
المرشحين بعد حيي هالعوينات الحلوه
عبدالله المهيني
27-02-2005, 16:14
بنت المضايف والادب له مسارا
مايلحقه نقد وكلام التجاريح
ماهمها حكي الكلك والمدارا
تاخذ قراراته بحكمه وتوضيح
حنا معاها رافعين الشعارا
هبوا معي ياهل الوجيه المفاليح



صح لسانك يابو رائد

تستاهل سارا



بنت المضايف والادب له مسارا=
مايلحقه نقد وكلام التجاريح
ماهمها حكي الكلك والمدارا=
تاخذ قراراته بحكمه وتوضيح
حنا معاها رافعين الشعارا=
هبوا معي ياهل الوجيه المفاليح



بنت المضايف والادب له مسارا=
مايلحقه نقد وكلام التجاريح
ماهمها حكي الكلك والمدارا=
تاخذ قراراته بحكمه وتوضيح
حنا معاها رافعين الشعارا=
هبوا معي ياهل الوجيه المفاليح


ياسلام عليك يابو رائد


كلام

اي والله كلام



يسلمووووو حبيب البي :)
بو رائد
28-02-2005, 12:31
اخوي المهيني///الله لايهينك لادنيا ولااخره انما حاولنا اضفاء جو من
التنافس الودي وبالمحصله النهائيه نبقى اخوه متحابين لك كل الود والاحترام والابيات تحكي الواقع الحالي لاهنت اخوي الغالي