المساعد الشخصي الرقمي

مشاهدة النسخة كاملة : (( باقة شعرية )) 00000


المهرة
21-02-2005, 18:43
(( خاصه بكم جميعاً ))

وهل يـــوجد أأأأأجمل
من الشعــر ليهدى ؟

هنــا باقة شعرية 000

باقــة يوميـــه 00 أأأو اسبــوعيه00 شهريه

حسب حالتك النفسيـ ـه


فلتمطر العروق 00 ولنخمد الثورة


لكم مني ارق تحيه
واعذب قصيد

الله يرحمك 00 ياابو نواف





يــا صـغـيّـر مـا يكـبرنـي لـقـب ......وما يصغرنـي إذا انكرنـي صغيـــر

ما خذينا الصــيت من جمــع الذهب .....ولا نسابـة شـيـخ او قـربـة اميــر

كاسبينه من هــل الســيف الحـــدب ......الجنـايـز كـان مـا جـاك الـنـذيـر

صيتهـم نجــم ٍ علـى رأســه لهـــب ........سمعوا الصقهان به واجهــر ضريـر

بالـوفـا تـاريـخ أبـيـض ينـتـصـب .......لا حكـوا بالـحـق حيـيـن الضمـيـر

ضيغمـيـن للسنـاعـيـــس انتـســـب ........لابـةٍ طـلـنـا بـهـا عـرش كـبـيـر

عنـد حـدك يــا كثــر الهـرج تــب ......لا تـمــر الــنار وثـيـابـك حــريـر

كــان لــك عـــز بـذلـي فتـعـقـب .......والله ألا تبـطـي وحبـلك قـصـيـر

احسبـنـك مــن صنـاديـد الـعـــرب .........واثــر ساتـرتـك عباتـك يا غـريـر

ما حسب للــسوس زراع القصـــــــب .......والقـراده ما درى عنـهـا البعـيـر

ولـو حسبنـا للحسايـف والتــــعـب .........مـا بذرنـا يـا العصافـير الشعـير

عـن هللـك ابــراي لله واحتــــسـب ........الرجـال الـلـي مجـارهـم عسـيــــر

من قريش المصطفـــى وابولهـــــب .........والدغالـب ما غشـت عــذب الغديـــر

للرجـال مــن الرجاجـيـل العـتـب ..........والزكـاة تحـل فـي حــــال الفقـيـر

لعنـبـو وقـــتٍ غديـنـابـه حـطــب .........تـحـرقــه نــار يـثـورها اجــيـــر

ما ألومك والزمن ســوى العجـــب ........هـو بقـى غيـر الكرامـه بالجفـيـــر

مـا أذل وراســي يـشـم المــهـب .........لـو بقى مـن شمــر طـفـــلٍ غـريـــر

مــا اهــاب ولا يزلزلـنـي غـضــب ..........الشجـاعـه ورث الـعـاقــل غـزيـــــر

يا صـغـيـر مـا يكـبّـر باللـقلب .........غير مـن هو كـان من دونـه صغيــــر








دمتم بخير
اختكم 00 المهرة
فاصــ بيضاءــلة
21-02-2005, 20:49
ياصغير مايكبر باللقب ..
.... غير منهو كان من دونه صغير

تشرفت غاليتي المهرة بهذا الإهداء

شكرا
المهرة
21-02-2005, 20:54
هلا وكل الغلا 00
فاصلة بيضاء 00
تشرفت بالحضور 00 وعذب العطور

لكن وين اهدائك فصلوتنا http://www.asmilies.com/smiliespic/psmilie/009.gif

هذا المساحه خاصه بالجميع 00
يعني كل واحد يوضع اهدائه

دمتِ بخير
اختك 00 المهرة
بحر الشوق
22-02-2005, 01:18
أختي الفاضلة المهرة

هدية رائعة وجميلة ورحم الله قائلها

دمتِ في شموخ
ريم شمر
22-02-2005, 08:11
هلا فيك مهاري

وشكرا لك على الهديه الرائعه

اتيت للتثبيت ولي عوده للمشاركه




ملاحظه : يمنع اي صوتيات تحتوى على موسيقى
ارجو الانتباه لهذا الامر
فاصــ بيضاءــلة
22-02-2005, 21:54
لا عــاد تـــنشد ما بـقى عـــــندي علوم
..... كـــــل العلوم المبـــــطيات تــخبرها

ما جــــــــيتك اشكي ميلة الوقت مزحوم
.....نفســي ليا ضاق المدى ما اخسرها

ياصاحبي كنت امس كنت امس محشوم
..........واليــــــوم هــج بجيتك واختصرها

خـلــك بعيد ابعد من العــــــــــام للــيوم
.....وادنى من احـــلام النجوم وقمـرها

بعــض الكــلام اللي تحــليه مســـــموم
........ وما كــل كـــف صافحتك تغــــدرها

كــــم طــيب ســــــاقـته الاقــدار لرخوم
.......ويا كــثر ناس تــنخدع في صورها

والحــر ما يشــــره على خـــنعة البـوم
.......الله رفع شـــانه ووطا قـــــــــدرها

لــــــو جــيتني كنك على الوجه ملطوم
.....بعــض الخـطايا عذرها مـا غــفرها

عنـــدي تساوت هرجــة العــذر واللوم
....هــــذيك ما ابغاها وذيـــك احتقرها

زلــه وعـــدت ما حدتــني عــــن النوم
.....مرت ســلام وبـعد الله كـــــــدرها

انــا اعتبرها كبـــوة حصـــــــان ويقوم
.....وانت اعــتبرها زي مــا تـعتــبرها

مساعد الرشيدي
الشبث
26-02-2005, 02:31
وينك يبو نواااااااااااااااااااااااااف

حاضر ولا تنشاااااااااااااااااااف







اااااااااااااااااه يالمهره ذكرتينا بالفقيد الغالي






تسلمين على هالقصيده الرائعه






وتقلدي تحيتي
المهرة
07-03-2005, 01:52
اخواني الافاضل 00
بحر الشوق 00 والشبث
غاليتي 00ريم شمر
الف شكر لعذب الحضور 00 وعطر الزهور
اختكم 00 المهرة
ريم شمر
11-03-2005, 07:47
مشاريه الغلا صوتٍ ترك صبح الغريبه ليـل
مسيره لو عدت دمعه بقلب احساس معـذوره

0000



كفاف الروح ينبتني شموخ بصهـوة التبجيـل
وانابعدي مثل ماني حديث الهـم وحضـوره

0000




ترفق توني بعدك كسيره مـا كفـاك الويـل
عذاب الامس يتأرجح بدرب الحـظ وعثـوره


0000


ترى ما بيني وبينك سوى جرحٍ مـداه يهيـل
حسافه ما عرفت اني بحزن الارض مقبـوره


0000


تعبت ولو تعب قلبي ترانـي واثقـه بالحيـل
لاني عارفه حالي بحبـل الصـدق مأسـوره


0000


اغليك وش بعد يكفي؟ فديتك لا تزيـد الكيـل
مع اني متعبه منك وروحـي فيـك مبهـوره


0000


تعال اسمع صدى صوتك وحبك والعزى منديل
وشفني كيف انا بعدك عزيزة نفس مكسـوره


للشاعره عيون الاصايل
طائر الجنه
11-03-2005, 08:04
اختي::


ريم شمر..


صح لسان الشاعره/ عيون الاصايل..


ويعطيك العافيه على كتابتها..


ولكن..
لدي تعقيب بسيط.. ان امكن..


الا وهو..


تقول في احد ابياتها السابقه..

اغليك وش بعد يكفي؟ فديتـك لا تزيـد الكيـل
مـع انـي متعبـه منـك وروحـي فـيـك مبـهـوره


0000




فلوا وّضع بدل كلمة ((اغليك)) كلمة ((احبك))


لكان البيت وافي الوزن والمعنى..



اتمنى ان تتقبلي تعقيبي بصدر رحب..


لك وافر التحايا..
ريم شمر
11-03-2005, 12:21
شكرا لك اخوي طائر الجنه

وكلامك صحيح والكلمه الاصليه هي ماذكرت

لكن بصراحه انا عدلتها

لاادري احببتها وارتحت لها هكذا اكثر


تسلم على الملاحظه

الظاهر انك شاعر :)



.
طائر الجنه
13-03-2005, 10:08
اختي ::


ريم شمر..



اردت فقط ان اوضح لك ..


واشكرك على تفاعلك..


اما..


من ناحية الظاهر انك شاعر ..


شكلك من زمان مامريتي مضايف الشعر ..



لك وافر التحايا..