مشــــعل
20-02-2005, 01:27
يالله حيهم
هذا بصري الوضيحي من شمر شاعر غزل ومن اشهر شعار شمر الغزليين
فكانت حياته كله عشق بعشق
اما عند الحروب والمغازي كان جبان ولايذكر له من المغازي الى مره وحده
غزى مع بنيه الجربا وسالفة مغزاه تضحك "غدينا نجيبه بعدين او يجيبه احد الاخوان"
لكن سبحان الله جاه ولد ولاطلع مثله بالعكس يعتبر من عقدا شمر اسمه شخير على ماظن
الوكاد هذا بصري يوم كبر بالسن وشيب بغى يتوب وترك طرد البنات
وترك شعر الغزل
وهو يجي يم حدا عياله قال ابيك توديني مكه ابي احج واتوب
المهم وهم بمكه يطوفون على الكعبه شاف الناس مزدحمين على زاوية الكعبه
سأل ولده: قال وشنوحهم هذولا
قال ولده: يبون يحبون الحجر الاسود
قال بصري: ودن يمه ابي احبه
الوكاد وبوسط الزحمه وانت يابصري يزاحمهم يبي يحب الحجر الاسود يوم قرب للحجر
ومد راسه وهو يلتفت على يساره يامار اكا البنت تبي تحب الحجر
يامار هي موتن حمر وخد البنت صار من يمه وعقب مايبي يحب الحجر وهو يحب البنت
قالت البنت :عمى يعميك
وهو يجي ولده يبي يرقع السالفه قال العذر هذا شايب مخرف
قال بصري: "عليك الله اني ابي احب هالرضمه وزلقت حبة الشمري وصارت بتس"
ومن عقبه قصد:
التايه اللي جاب بصري يقنه=هيّض جروح العود والعود قاضي
جينا نحب ونطلب الله الجنه=جنة النعيم يوم يبس الحياضي
ياليت كانت حبتي في معنه=يوم العيون عن الخوامل غماضي
يامن يعاوني على وصف كنه=اشقح شقاح ولاهقن بالبياضي
الريح لازفره ولاهي مصنه=ريح النفل بمطمطمات الفياضي
ونهدين للثوب الحمر شلعنه=حمرن ثمرهن واقفات غضاضي
والخد ذابوح القلوب المرنه=براق مزن لاعق اللون ياضي
ياليت لو سني على وقم سنه=بايام مابيني وبينه بغاضي
ياجرح قلبي جرح وادي وطنه=غر المزون اللي وطنه وفاضي
البيض قبلي محسنٍ عذبنه=ونمر على وضحى جرا له عراضي
والبيض كم واحد يبسنه=يبست شماشيل العذوق النفاضي
عزي لمن غر الثنايا كونه=واركن على كبده كوايا عراضي
اليا ارتوى بستان قلبي سقنه=واخضر جنابه عقب يبس الحياضي
القلب غضات الصبايا شعنه=بنت الشيوخ مخدمين الحياضي
شوفي بعيني والخدم يركبنه=على زعاع يوم قوطر وناضي
فوق اشقح من زمل ابوها مضنه=ركبه علية اتشنطحن باعتراضي
وامشجر من سوق هجر معنه=على خياطة نابي الارداف راضي
وين انت يامشفي على طردهنه=انا طويت ارشاي واقفيت قاضي
انا صدرت ووردهن عقبنه=على العدود مشرعات الحياضي
احدن بوسط النار واحدن بجنه=وترى الحظيظ اللي له الرب راضي
وعقبه يقولون انعمى وقصد قصيده اسمه التوبه
حافظه بس مابغيت اضيق على الموضوع
وعقب هالقصيده يقولون رد له نضره والله اعلم
اعجبن منه
الريح لازفره ولاهي مصنه=ريح النفل بمطمطمات الفياضي
وثمرة القصيده بأخر بيت
احد بوسط النار واحد بجنه=وترى الحظيظ اللي له الرب راضي
هذا بصري الوضيحي من شمر شاعر غزل ومن اشهر شعار شمر الغزليين
فكانت حياته كله عشق بعشق
اما عند الحروب والمغازي كان جبان ولايذكر له من المغازي الى مره وحده
غزى مع بنيه الجربا وسالفة مغزاه تضحك "غدينا نجيبه بعدين او يجيبه احد الاخوان"
لكن سبحان الله جاه ولد ولاطلع مثله بالعكس يعتبر من عقدا شمر اسمه شخير على ماظن
الوكاد هذا بصري يوم كبر بالسن وشيب بغى يتوب وترك طرد البنات
وترك شعر الغزل
وهو يجي يم حدا عياله قال ابيك توديني مكه ابي احج واتوب
المهم وهم بمكه يطوفون على الكعبه شاف الناس مزدحمين على زاوية الكعبه
سأل ولده: قال وشنوحهم هذولا
قال ولده: يبون يحبون الحجر الاسود
قال بصري: ودن يمه ابي احبه
الوكاد وبوسط الزحمه وانت يابصري يزاحمهم يبي يحب الحجر الاسود يوم قرب للحجر
ومد راسه وهو يلتفت على يساره يامار اكا البنت تبي تحب الحجر
يامار هي موتن حمر وخد البنت صار من يمه وعقب مايبي يحب الحجر وهو يحب البنت
قالت البنت :عمى يعميك
وهو يجي ولده يبي يرقع السالفه قال العذر هذا شايب مخرف
قال بصري: "عليك الله اني ابي احب هالرضمه وزلقت حبة الشمري وصارت بتس"
ومن عقبه قصد:
التايه اللي جاب بصري يقنه=هيّض جروح العود والعود قاضي
جينا نحب ونطلب الله الجنه=جنة النعيم يوم يبس الحياضي
ياليت كانت حبتي في معنه=يوم العيون عن الخوامل غماضي
يامن يعاوني على وصف كنه=اشقح شقاح ولاهقن بالبياضي
الريح لازفره ولاهي مصنه=ريح النفل بمطمطمات الفياضي
ونهدين للثوب الحمر شلعنه=حمرن ثمرهن واقفات غضاضي
والخد ذابوح القلوب المرنه=براق مزن لاعق اللون ياضي
ياليت لو سني على وقم سنه=بايام مابيني وبينه بغاضي
ياجرح قلبي جرح وادي وطنه=غر المزون اللي وطنه وفاضي
البيض قبلي محسنٍ عذبنه=ونمر على وضحى جرا له عراضي
والبيض كم واحد يبسنه=يبست شماشيل العذوق النفاضي
عزي لمن غر الثنايا كونه=واركن على كبده كوايا عراضي
اليا ارتوى بستان قلبي سقنه=واخضر جنابه عقب يبس الحياضي
القلب غضات الصبايا شعنه=بنت الشيوخ مخدمين الحياضي
شوفي بعيني والخدم يركبنه=على زعاع يوم قوطر وناضي
فوق اشقح من زمل ابوها مضنه=ركبه علية اتشنطحن باعتراضي
وامشجر من سوق هجر معنه=على خياطة نابي الارداف راضي
وين انت يامشفي على طردهنه=انا طويت ارشاي واقفيت قاضي
انا صدرت ووردهن عقبنه=على العدود مشرعات الحياضي
احدن بوسط النار واحدن بجنه=وترى الحظيظ اللي له الرب راضي
وعقبه يقولون انعمى وقصد قصيده اسمه التوبه
حافظه بس مابغيت اضيق على الموضوع
وعقب هالقصيده يقولون رد له نضره والله اعلم
اعجبن منه
الريح لازفره ولاهي مصنه=ريح النفل بمطمطمات الفياضي
وثمرة القصيده بأخر بيت
احد بوسط النار واحد بجنه=وترى الحظيظ اللي له الرب راضي