عندي سوعااال خطير !! وبدون تعليقات يالريم !!

[ريم شمر]

الله يسلمكن يابنيات

انا احب التوفي واي شي يدخل فيه التوفي اموت عليه

بس للاسف ماانجح ابدا في عمله :(

مع انه سهل جدا


بس دايم يطلع معي بالاخير

حلاوو مصاص بنكهة التوفي :)

يعني مستحيل يكون طري وسهل الدهن

بحيث اقدر استخدمه مع الكيك او اي شي ثاني

مؤكد هناك خطأ ما :055r:

مع العلم اني جربت اكثر من طريقه بمقادير مختلفه

ومع ذلك النتيجه نفسها

حتى اني بديت اشك ان التوفي مسوي مؤامره ضدي :232r:


المهم

ابي الخبيرات السنعات بنات المضايف

يساعدوني في حل مشكلتي








.مليحيظه :)
الريم اياني واياتس اشوف كشرتس هنا :165r:




خيتكم ريموو

[غاده]

تبي الصدق لطشته من موقع وجبته ههههههه


ريمو و انا اموت باي حلا علي توفي خصوصا مع التركش كوفي 000
لذلك اتحاشاهhttp://www.asmilies.com/smiliespic/psmilie/007.gif حتى لااصير دبه واعنس 000



&& الحليب المركز مع التوفي &&


** المقادير **
بيضه + حليب مركز كبير + 7 جبنه كيري + علبه قشطه
علبه بسكوت الشاهي الفرنسي + زبده حجم صغير
مقادير التوفي نضع ملعقه زبده ثم كاس صغير سكر حتي يحمر نضع علبه قشطه

*** الطريقه ***

نضع البسكوت مع الزبده وملعقه قشطه ويكبس في صينيه بايركس
نضع عليه خلطه الحليب ثم يوضع في الفرن حتي تجف الطبقه نخرج الصينيه ونضع عليه التوفي ............... ويوضع في الثلاجه

ممكن حلا سفره او يقطع مكعبات دلاله اني لاطشته جبته مع كل الطبخه ههههههههههه


اذا تسمح مشرفه القسم اسوي موضوع عن مواقع نسائيه تفيد بالأزمات للي مثلنا حاضرين http://www.asmilies.com/smiliespic/psmilie/011.gif

[غاده]

حبتين كريم كرمل
علبتان قشطة
نصف كاس ماء تخلط جيدا وتترك وثم
ضعي كاس واحد سكر في قدر (طنجرة-وعاء) طنجره دليل اني لاطشته ههههههه واتركية على نار هادئة حتى يصبح لونة غامق ثم اضيفي الخلطة السابقة وحركيها جيدا حتى يذوب السكر وثم يصفى بمصفاة وبسرعة على طبقة البسكويت



طريقه ثانيه انتي جربي حتى تظبط ههههههههه

[الجازي]

سااااااااااااااااااااااااااااااااااااااا اااااااااااااااااااااااااااااااااااااااا اااااااااد :)

الحل عندي :) لكن خلي طردتس لي ينفعتس :)

تراني كنت مثلتس التوفي حالفن إنه يصير عندي صبة مو توفي :) لكن لقيت لي طريقة سهلة ولا أريح منها وتخليه أطرى من الطراوة :)

بس هذا وجهي إن علمتس بها :)

وإقعدي بها لما تفزع لتس وحدة من هالسنعوسيات :)

إلا عاد تسانتس ارسلتي لي حبة راس :) مع حبتين خشم :) والا تدرين مايحتاج حبة الخشم لأن خشمي مابعد رجعه لي مفتاحوووووووه :)

وفوقهم أبي عينة من حلاو مصاص بنكهة التوفي عشان أسوي لتس جولة تسويقية على هالفكرة الحلوة :)

عقب تنفيذ هالشروط يمكن الله يهديني وأعلمتس بالطريقة السهلة :)

سلااااااااااااااااااااااااااااااام :)

[مجموعة إنسان]

.

8
8
8

الله لايحيجها لك يالنذلـــــــــــه :)

:tongue: :tongue:
ترى أمزح



.........

ريمووووو

افااا عليك انتِ بس اشّري لي بهالسوالف

شوفي وبكل بساطه :

حطي كوب سكر في مقلايه او قدر صغير

وحركيه على نار هاديه وبهالوقت تكونين فاتحه علبة القشطه وحاطته

قريبه من النار عشان تسخن

( لأنه سبب المشكلة اللي تواجهك بارد + حار + دفعة وحده )

المهم :

لمّا يذوب السكر ويصير بني فاااااااتح خوذي بالملعقه من القشطه

واضيفي ملعقة قشطة للسكر وحركي بسرعه ولاتضيفين الملعقة

الثانية من القشطه لين يتجانس اللي اضفتيه من قبل ..

وكل بعد كم ثانيه اضيفي لك ملعقة من القشطة الدافيه

وهكذاااااااااااااااا لين تنتهي الكميّة


وبــــــــــس


[لوحة16]

شفتي شلون سهلــــــــــــــه

[/لوحة16]





:::::::::::::


غيداء :

الله الله عليك

خوذي راحتك يالغاليه بس تأكدي من الوصلات

واكون ممنونه لك


.

[ريم شمر]

هلا غيوده

تسلمين ياغاليه بس انا مو مشكلتي المقادير

هذي اعرفها بس الطريقه نفسها

الظاهر يبي لها دوره تدريبيه

في معهد متخصص علشان اتقنها :)

ماقصرتي والله

واكيد بجرب كل الثنتين

--------------

الريم

المشكله مطروده وجايه ترز خشمها المقطوع هنا :)

اول رجعي خشمتس وبعدين تعالي تميلحي :)

بس وش اسوي مسكتيني مع يدي اللي توجعني


هذا توفي مهو مراصيع :)

اصبري اذا مالقيت فزعه من غيرتس

الشكوى لله مالي الا حِبة الراس

بس عاد حبة الخشم فكينا منها تكفين :(



---------------------

مجمج يابعدي والله

انا بجرب واطبق الطريقه اذا نجحت
والله يابعض الناس بتجيهم جلطه :)

واذا مانجحت شكلي انا اللي بتجيني جلطه :(

تسلمين ياعمري

[بتول آل علي]

>>>> ما عمرها جربته ولا أفكّر لأن الأشياء المعقدة هذي مضمون فشلها عندي :)

بس جيت اسلم عليكم :)

[سكون]

هلا والله وغلا فيكم اقول اخيتي الظاهر مالك الاهي ههههههه لاكن شوفي انا أجيبه لك عناد في بعض الناس ههه امزح والله بدون زعل يسلموووو ,,,

[الجازي]

ريومة ,,

الله لايحيجتس لي قولي آمين :) >>>>>>> ناوية تذلها :)

[ريم شمر]

ابشررررررررررركم


البارح الساعه الثانيه بعد منتصف الليل

طنت براسي اجرب ( والله المزاج :) )

وفعلا سميت بالرحمن ودخلت المطبخ

وبديت اخبص وشيل وحط وقربعه

الين صحوا كل جيراننا الارجنتينين :)

وفي الاخير زبطت معي

بغى يغمى علي من الفرحه :)

صحيح مهو متقن مره

بس اذا كانت هذي البدايه ان شاء الله بتحسن

مع اني عارفه اذا تعلمت الطريقه زين

بصير اكره التوفي :(

تسلمين مجمج ياعمري انتي... طبقت طريقتك
ايو الله فكيتيني من خشوم بعض الناس :)



الدهور

هلا ياغاليه ومرورك شرف لي




سكون اذا عندك طريقه ثانيه هاتي مانقول لا







ام خشم ...انا افدى هالخشم :)

انا طول امس وانا اتخيلتس مشغلتني عندتس
جيبي وودي وانواع الذل علشان هالتوفي :(

بس الحمدلله اللي ماحتجت لتس :)

.

[فاصــ بيضاءــلة]

انا جاية طايرة من اقصاي بساعد وشفت البنات ماقصرو

والأهم أنه صلح معك ياريوم

[الجازي]

شوفي وبكل بساطه :

حطي كوب سكر في مقلايه او قدر صغير

وحركيه على نار هاديه وبهالوقت تكونين فاتحه علبة القشطه وحاطته

قريبه من النار عشان تسخن

( لأنه سبب المشكلة اللي تواجهك بارد + حار + دفعة وحده )

المهم :

لمّا يذوب السكر ويصير بني فاااااااتح خوذي بالملعقه من القشطه

واضيفي ملعقة قشطة للسكر وحركي بسرعه ولاتضيفين الملعقة

الثانية من القشطه لين يتجانس اللي اضفتيه من قبل ..

وكل بعد كم ثانيه اضيفي لك ملعقة من القشطة الدافيه

وهكذاااااااااااااااا لين تنتهي الكميّة


وبــــــــــس

معليش مجمج مضطرة أدق على طريقتس للضرورة المطبخية :)

الحين بالله هذي سهلة !!؟

كل هالعفسة وهالتقسيط وعلى دفعات وحالتكم حالة عشان توفي :) الظاهر الوقت اللي بياخذه منكم تصليح التوفي بيصير أطول من وقت الطبخة كلها :)

ريومة ,, مالتس الا طريقتي لو تحوسين الدنيا حوس ,,

طريقتي بس ثلاث مقادير ولا تاخذ منك غير وقت تذويب السكر فقط لاغير :)

<<<<<<<<<< أنفع مندوبة مبيعات على هالإغراءات :)

هاه وش قلتي ,, حبة الراس والخشم وإلا تقعدين تمطرسين تالي الليل كالعادة :)

[مجموعة إنسان]

8
8
8

ياحبي لك ريّومـــه :)

برساله خاصة قولي لي وش عندك من طريقة ( زوليّه )

تراها تنفعني وقت الزنقات

ووعد مني ماأعلم ريم أبد أبد أبد :)

.

[بـنـت النـور]

ياحبي لك ريّومـــه

جيت طايرة بساعدتس وشفت البنات ماقصرن :)

والأهم أنه صلح معتس ولاتنسين تسوين لي كيك وتوفي وحلا وقهوه وشاهي .....الخ :)

التوفي طريقته سهله ونفس طريقه مجمج :)

اها بالله سكتي الشيف الريم :)

صح تذكرت الريم وين الحلا :a:


:480r:

[ريم شمر]

فصفص
بنت النور
تسلمون ياعمري يكفيني حضوركم


مجمج

افاااااااااااا هذي تاليتها :(

بس تصدقين انا حاسه انها خطه

تاخذين منها الطريقه وترسلينها لي

ادري مااهون عليتس :d:



ريومه

للاسف تنفعين مندوبة مبيعات ونص :(

شكلي تأثرت بالدعايه :359r:

او يمكن لقافه

المهم حبة الراس بتجيك بالجوال :thumb:

اما الخشم معصى

غير خشم ابوي مااحبه :148r:


يالله عاد اخلصي علينا عطينا الوصفه السحريه

للقنبله النوويه :055r:

شكلي بديت احقد على هالتوفي :)

[مجموعة إنسان]

.

تاخذين منها الطريقه وترسلينها لي


زين كذا بالله كشفتيني ؟؟ :)


الحين وش يفكني من الشيخه بالله ؟؟؟ :)


ريمووو :

الحمد لله اللي ضبطت معك الطريقه

[لوحة8]وأي شي ماشيّّات تراني فداياك يالغاليه[/لوحة8]
.

[الجازي]

معليش تم حذف المشاركة لتكرارها ولأن فيها تسطيل غير طبيعي بفعل الأمطار وهبوب الرياح الموسمية الربيعية الجنوبية الشرقية :)

والمشاركة الأصلية تلقونها بعد رد ريومة :)

[ريم شمر]

8
8
8
:408r::408r::408r::408r:
:408r::408r::408r:8

[الجازي]

[لوحة4] ماقلت لتس الله لايحيجتس لي :) [/لوحة4]

حبيت أمرمط بتس شوي خصوصا بعد ماضمنت بوسة الجوال :) >>> النذالة شغالة :)

والله ياريومة مالتس علي يمين ,, لو انتس بالرياض كان عطيتي روحتس ركبة وعذرتيني على هالتطنيشة :)

وقسمن جو مهبول غير طبيعي وأمطار وسيول وغرق وسعة صدر تخليتس تعافين الدنيا كلها :) >>> الله من زين التعبير :)

بر الرياض تحول بقدرة قادر إلى بحيرات عذبة :) والشعبان كلها ماشية :)

لا ,, وكله كوم وملهم كوم ثاني :) >>>> مسوية جولة تفقدية لضواحي الرياض :)

أبشرتس صار فيها شلالات ماهنا بعد عن شلالات نياقرا :) كل جبل ينافس الجبل اللي جنبه بشلالين ثلاثة :)

مرينا مع طريق سدير القديم قبل البير بشوي :) واثر السيل عامل عمايلوه فيه :)

فاتس بغيت أوهقهم :) فيه نزلة في الطريق قاطعها السيل ولو تمر معها السيارة الصغيرة تصير كبيرة :) >>>> ياملحي على هالوصف :)

قصدي ان الداخل مفقود والخارج مولود :) >>>> ايه هذا الحتسي اللي يجمد على الشارب :)

طبعا مثلتس عارف سيارتنا لاهي جيب ولا شاص :) ولا حتى هايلكس :)

من هالسيارات الخكرية :)

قالوا لازم نرجع لأن سيارتنا ماتقدر تقطع هالطريق ,, قلت الا والله تقدر :) قبل شوي مارة سيارة وطلعت منه ,, ترى شكل الطريق كذا بس ,,والا هو تراه مايوهق :) >>> الا والله أنا اللي أوهّق :)

المهم حلفت لهم اني شفت سيارة مارة من عنده وطلعت زي الشعرة من العجينة :) بس اللي ماقلته لهم هو ان هالسيارة جيب :) >>> بس ماأتوقع هالمعلومة مهمة بالحيل :)

المهم جيناتس داعسين :) ولا والله هالموية تغطي كبوت السيارة ونص القزازة :) :)

طبعا خذي وخلي ,,العالم يدعون علي وأنا فاطسة من الضحك :) >>> الله من البرود :)

بس أبشرتس طلعت النتيجة سليمة :) وكل شيء تمام التمام ,, والأحلى إن هالعالم بسياراتهم وجيوبهم قاعدين يتفرجون علينا وأحس بنظرات الإعجاب في عيونهم :) :) بس قهر مادروا إنها فكرتي :)

تقريبا درنا قرى سدير كلها ابتداء بالرياض :) >>> معليش خليت الرياض قرية من قراها :)

وانتهاء بالمجمعة :) والله ياهي سايلة وسدها يجيب لتس دوار السيل :) :)

عاد ودي إننا مكملينها وواصلين عندكم في الارجنتين :) بس ماكتب الله :)

ريومة ,, الظاهر سؤالتس كان عن التوفي والا لأ ؟؟ :)

يالله قلت أسولف لتس عن رحلتنا في هالمطر عشان تعذريني على هالتأخير :)

التوفي يابعدي سهل ,,

حطي لتس نص كاس سكر ويفضل انه يكون نويعم حبتين :) حطيهم في مقلى تيفال أو قدر تيفال ,, أهم شيء يكون تيفال :)

وخليه يذوب على نار هادية وان كانتس مقلعة زيدي على النار كنتس مادريتي :) بعدين اذا بدا يذوب قصري عليها :)

بعدين حطي عليه ظرف كريمة وحركيها لما تختلط مع السكر ,, بعدين حطي فوقهم علبة أو علبتين قشطة(( تراني نسيت كم :) من زود الظفارة :) )) وحركي بملعقة خشب :) بس أهم شيء في هالحالة النار تكون هادية خصوصا بعد ماذاب السكر ,,

وبعدين بيطلع لك التوفي ولا أحلى :) واذا طلع معه شوي كتل اشخليها في المشخل :) وارميها في الزبالة ولا يشوفك أحد :) كأنتس مادريتي :)

وابئي سلمي لي على جيرانتس الأرجنتيين :) وأرسلي لهم صحن من حلاتس :)

واذا ماضبط علميني عشان أفزع لتس بطريقة ثانية :)

سلام ياعسل :)

[ريم شمر]

ههههههههههههههههههههههههههههههه

الله يخلف على اميمتس

قسم بالله انتس مصرقعه

قبل شوي صيحتيني وقامت دموعي تبطبط

يوم قمتي تكلمين عن الرياض ومطرها :(

والحن مت من الضحك على رحلتكم المأسويه :)

تكفين نسخه عاجله لمضيف الفله :)

[الجازي]

[لوحة]ريومة استري ماواجهتس تكفين :) [/لوحة]

[ريم شمر]

ايه هين
قال استري ماواجهتي قال :)

[الجازي]

^
^
^
أنا أقول يبيلتس فرمتة هاليومين :)

[بـنـت النـور]

8
8
واشوف ليه ريوومه مختفيه اثريتس مفرمتته
شفتي الرياض يالريم رووووعه والامطار ماشاء الله
وش اللي يخليتس تقترحين عليهم يمرون اجل توهقتووو :)
بس الحمدلله انها طلعت سليمه :)

[ريم شمر]

الريم بيل غيتس :)

تصدقين مابعد شفت طريقتس بالتوفي

هبلتي فيني بسوالف المطر :(

ونسيتيني الموضوع الاساسي



مجموعه ياغاليه

ادري انتس ماتقصرين

ياعلتس بعد الدنيا كلها



نوريه

لاتكملين الناقص :408r: