المساعد الشخصي الرقمي

مشاهدة النسخة كاملة : قصيده للملك فهد


المطنوخ
17-02-2005, 19:17
قصيدة للملك فهد عندما كان مريضا فى لندن فى شهر شوال من عام 1385هجري حيث بعثها الى الامير فهد بن سعد يشكو فيها قساوة المرض


يا بو سعــــد صارت على اخوك غارات=شهريـــــن اقاسي من شديد الغرابيل

سو المرض يحمل على اخوك حملات=مافـــــــي يدي حيله ولافى يدي حيل

والله فزع من فــــــوق سبع السماوات=وانا احمد الله يوم صــــــارت تسا هيل

ما ينفع الخايف والايام عـــــــــــــجلات=الخوف ماينفع ولاالقول والقيـــــــــــــل

حنا هل العوجا ولابه مــــــــــــــــــراوات=شرب المصايب مثل شرب الفنا جـيل

لاشك انا مشغول فى كل الاوقــــــــات=على الذي حنا بظله رجاجيــــــــــــــل

ماني على نفسي كثيرا لحــــسافات=لاسلم راسه روسنا رفاع بالحيــــــــل

حامي حمانا باليالي المخيفــــــــــات=لو صار بالعالم كثير الزلايـــــــــــــــــــل

فخر العروبه بالعدل والمســــــــــــــاواة=هذاك هو فيصل ولافيه تشكيــــــــــــل

يشهد له اللي شاهدوا منه ليـــــــات=ويشهد له التاريخ جيل بعد جيـــــــــل

* منقول
شنقل
17-02-2005, 20:33
نعم بابو فيصل

ونعم بك يالمطنووووخ

تسلم على هالنقل الرائع
المطنوخ
18-02-2005, 05:40
نعم بابو فيصل

ونعم بك يالمطنووووخ

تسلم على هالنقل الرائع




الف شكر شنقل على المرور الغالي
لاعدمناك
الداعيه / براك الفريسي الجربا
18-02-2005, 09:07
لا نملك هنا إلا التثبت لأن المقام عالي والكلام على فعل

الله يرحم فيصل ويعين ابو فيصل
أبو ممدوح
19-02-2005, 02:21
أحي العزيز المطنوخ

أسعد الله جميع أوقاتك بكل خير

ألف شكر على هذا النقل وقد أتحفتنا بموهبة جديدة لأول مرة نعرفها عن هذا القائد الفذ حادم الحرمين الشريفين الملك فهد بن عبد العزيز أطال الله عمره ومتعه بالصحة والعافية ألا وهي موهبة الشعر ونظمه
وهذا ليس بمستغرب عن أهل العوجا .

ولك أطيب تحياتي وتقديري ,,,,,,,,,,,,,,

أبو ممدوح
راعي الوقيد
19-02-2005, 03:17
لا هنت يالمطنووووخ

وصح لسان ابو فيصل فهد

يالمطنوووخ :)

الله العالم ان فيه خطأ كيبوردي ..؟

حامي حمانا بالليالي المخيفات ** لو صار بالعالم كثير الزلازيل <

واستلم رد الأمير " فهد بن سعد " امير حايل سابقا ً رحمه الله تعالى :-


يامرحبا بكتاب زين المخلات = اهلا هلابه عد وبل الهماليل

حمدت من زال الكدر بالمسرات = فكّاك من صكت عليه المحابيل

فزع لك اللي عالم بالخفيات = مبري جروح ايوب غيث المراميل

لعل ما يزعج على فقدك اصوات = ولعلها لك يابو فيصل تماهيل

الله يجيرك من صواديف الآفات = عساك تسلم ياعشير المشاكيل

منتب رخيص ياربيع القرابات = لو هي بالأيدي كان دونك حلاحيل

ترى لنا بك يافتى الجود هقوات = في وقتنا الحاضر وباللي مقابيل

يفداك ربع قصروا بالمهمات = اللي على القالات ما تنطح الشيل

بعض العرب حي ومن عرض الأموات = ما يرتجى نفعه بحل المشاكيل

وفيصل ذرانا بالسنين المخيفات = هو درعنا الضافي الى ضدنا الميل

اللي نقل عنا حمول ثقيلات = رأس الحصيل ان كملن المحاصيل

ومشكور يالمطنووووخ على هالنقــــــــــــل المميـــــــــز:)

والسلااااااااااام ...
المهرة
19-02-2005, 07:11
قصيدة جديده علي 00
ومعلومه لاول مرة اعرفها 00
سلمت الانامل 00 على هالنقل
والف شكر لاخي راعي الوقيد 00
يملك موسوعه ماشاء الله عليه
لاخلا ولاعدم منكم هالتميز 00 وهالفكر البناء
في اتحافنا بالرائع والجيد
دمت بخير
اختك 00 المهرة
المطنوخ
23-02-2005, 05:34
لا نملك هنا إلا التثبت لأن المقام عالي والكلام على فعل

الله يرحم فيصل ويعين ابو فيصل

اخي الكريم ,,, بــ راك الفــ ريسـ ي الجـــ ربا

امين يارب العالمين

حضور بهي ازهى مصفحي

دمت بكل ود وإخاء
المطنوخ
23-02-2005, 05:41
ابو ممدوح

الشكر الموفور لك اخي الكريم

على تشريفي بحضورك واسعادي بردك الجميل

دمت ود وإخاء
المطنوخ
23-02-2005, 05:44
لا هنت يالمطنووووخ

ولا انت يالطربه


وصح لسان ابو فيصل فهد

يالمطنوووخ

الله العالم ان فيه خطأ كيبوردي ..؟

يعل يدينك مايطبن النار يابوفيصل

والله اني احسبه للملك لكن من تدخل يبين كل شي

عسى الله يخليك لي

ودمت بكل عافيه انشالله
المطنوخ
23-02-2005, 05:49
المهره

كعادتك بإطلالتك البهيه تزهين موضوعي بحضورك

دمتي عطرا لمواضيعي
راعي الوقيد
23-02-2005, 18:13
والله اني احسبه للملك لكن من تدخل يبين كل شي

عسى الله يخليك لي
المطنووووخ !!

يارااااجل اقر زين مازين وش انا كاتب:)

تقول احسبه للملك !!

احد قال لك انه ماهي للملك ؟

لكن الملك يسند على الأمير فهد بن سعد

يا بو سعد صارت على اخوك غارات ** شهرين اقاسي مـن شديـد الغرابيـل

قمت انا وجبت لك رد الامير فهد بن سعد :) على الملك:)

شخبارك انت بس:)
..
المطنوخ
23-02-2005, 18:26
^
^
^
تكفى ياشين استر على ماواجهت

ههههههههههههههههههههههههههههه

حسبي الله على العدو

ياخوي ليا شفتك مطبدز علي قمت اتلفت احسب اني مخمل:)
المخاوي
27-02-2005, 05:55
تراكم ضيعتونا هالحين القصيده لايكم :eek:
^
^
اقووول تصبحون على خيييييير :)
المطنوخ
28-02-2005, 05:07
اللي يقوله ابوفيصل هو الصحيح:)

وانت من اهله

يانوم عيني:)