المساعد الشخصي الرقمي

مشاهدة النسخة كاملة : البساسه ...


الشبث
16-02-2005, 03:54
كان ياما كان ...

كان فيه اثنين اخوان وهم ابو غازي وسلمان النبهان

وكان ابو غازي عنده ولدين الاول شنقل والثاني الشبث

مار مهم وغدان الله لا يبلانا تقل جن

ومن زود الحلا قرعاااان وكل واحدن بوه ثعلبه (صلع يطلع بالراس من الوصخ )

والواحد وجهوه تقل رضمه ودايم حافين

اما اخوه سلمان فكان عندوه بنتين الاولى تذكار والثانيه الملاك غيداء

وكانن اشوى من عيال عمهم لان ابوهن مدلعهن وطول عمرهن بالرياض

اما عيال عمهن توهم جايين من الديره وساكنين بالرياض

عقب ما لزم سلمان على اخوه يجي ويسكن عندوه

الوكاد ومن احد الزيارات بين الاخوين شافو العيال بسه عند بنات عمهم

ومدلعاته ومسمياته نونو وبس يهتمن به

حتى فسحتهن يغيبنه ولا يشرن شي علشان يشرن للبسه شاورما وككتيل

وغارو العيال من بنات عمهم

ويوم جو للبيت قالو لبوهم يبه نبي نشري بسه مثل بنات عمنا

قال ابوهم تبوني انا يابو غازي تاليت عمري اشري بسه

هذليتس البساسه مالياتن الشارع روحو وصيدو وحده وخلصنا

ودخلت هالفكره بروس المدمغين

واتفقو يصيدون بسه من الشارع

وفي احد الايام شافو بسه بدرام زباله ( الله يعزكم ) اخذتن راحته وخاشتن جو

وهم يغيرون عليه كما يغير الاسد على الجربوع

وهم يطرحونه ويوم بغت تهرب وهو يغوله شنقل بالهيلاهوب الاصفر حقوه ليما انصفرت

وهم يشيلونه لا حيه ولا ميته

وهم يودونه بيتهم ويطلعون به للسطح وهم يحطونه بقفص حق البلابل ( اي بلابل هذي الغراب

ابرك منه )

الوكاد رشو عليه كالونيا ويوم صحت قال شنقل لاخوه خله هنا واذا جاء بكرى الصبح نجيه

ويوم جاء من باتسر وهم يجونه ليمار مهي بس

صلعا تقل سلقه ولا به الا كم شعره بذنبه وكم شعره بقصته ( عسى مهي قصة بعضهن )

ولا به اذان وراسه كبر المركا ( من الهموم )

وش اقولكم كل البلاوي به ( الله العالم انه تدخن )

الوكاد خذت عندهم كم يوم ويجيبون له من هالاكل ولا تاكل

كود يروحون ويجيبون له من الزبايل ( الادمان اقشر )

وبه سويدا وكل شوين منصفره ولا تصحي ليما يجيبون برميل وتشمه

حتى الاسم سموه ام سعبوله

الوكاد راحو بيوم من الايام لبنات عمهم قال شنقل ترى مو بس انتن عندكن بسه

حتى حنا

قالت الملاك غيداء احلف

قال الشبث قسم بالله رب العالمين ان شنقل صادق

حتى تعالو لبيتنا وشوفوا بستنا

قالن خلاص بكرى الظهر نبي نجيكم ونشوف بستكم

ويوم طلعو قال شنقل لاخوه ليه نكبتنا قال ليش نكبتك

قال ياخي ام سعبوله ماتجمل خلنا نصلحه هالحين وبعدين يصير خر

قال الشبث نصلحه الليله

قال شنقل وشلون نصلحه

قال الشبث نسرق الشنطه اللي عند بنات عمنا حقت البسه

وبه كل غرضان بستهن

قال شنقل بس بستنا هذي يبيله خرط للفره ووزن للاذرعه وترهيم اذان

ومغط للخشم

قال الشبث عاد وش اسوي انا ابيهن يشوفن ام سعبوله

الوكاد قررو يسرقون الشنطه

ويوم جاء بالليل وهم يتسللون لبيت عمهم وسيده لغرفة البنات

وهم يسرقون الشنيطه

ويوم جلسو عند بستهم وفتحو الشنطه

ويوم راعو ليمار به مشط وهو يقطوه شنقل قال الشبث ليه ؟

قال شنقل وش نمشط يا حسره كل اللي به شعرتين نبلهن بماء ويتسنعن

ويطلعون اللي عقبه ليمار فرشاة اسنان

قال شنقل هذي مالنا بهن حاجه قال الشبث وليه ؟

قال من زين سنون ام سعبوله كلهن واقعات واللي ما وقعت مسوسه

الوكاد اطلعوا اللي عقبه ليمار بطانيه للبساس

قال شنقل زين هذي نبي نغطي ام سعبوله به لا يشوفن الصلع اللي به

والله يا شافن جسمه كامل انهن يموتن من الخرعه

الوكاد اطلعو اللي بعده ليمار عطر خاص بالبساس

قال الشبث ابتطيب منوه

قال شنقل لا هذا اذا جن بنات عمنا نطيب ام سعبوله علشان مايشمن ريحته وينصفرن

والباقي نخليه لنا بالمدرسه !!!!!!!!

الوكاد جاء من باتسر وهن يجن بنات عمهم يبن يشوفن بسة عيال عمهن

وقبل يدخلن وهم يرشون من العطر على بستهم وهي تنصفر ( مهي متعودتن على الريحة الزينه )

وهي ينجضع على ظهره

ويوم دخلن بنات عمهم ليمار هالشيفة القشرى متمددتن قدامهم

وهن يقومن لهن صياااااح

وهو يدخل ابو غازي واخوه عليهم ليمار المنظر المحزن

بنات سلمان والبسه ( ام سعبوله ) متمددين بالغرفه

وشنقل والشبث ناشبين بالدريشه يبون الفركه


وتمكن ابو غازي واخوه سلمان النبهان من القبض على المدمغين

وتكسير قفص البلبله ام سعابيل على روسهم

وكرشهم من البيت هم وام سعبوله













جيتك منهم مدري عنهم










وتقلدوا تحيتي
شنقل
16-02-2005, 04:40
وكان ابو غازي عنده ولدين الاول شنقل والثاني الشبث

حلوكم وجيه



وليام وهاري:):)



ومن زود الحلا قرعاااان وكل واحدن بوه ثعلبه (صلع يطلع بالراس من الوصخ )
تقل جزيرة سومطره عقب تسونامي




اما اخوه سلمان فكان عندوه بنتين الاولى تذكار والثانيه الملاك غيداء
رقيه وسبيكه:010::010:



حتى فسحتهن يغيبنه ولا يشرن شي علشان يشرن للبسه شاورما وككتيل

الله يرحم اللي ماعرف الفسحه




وهم يطرحونه ويوم بغت تهرب وهو يغوله شنقل بالهيلاهوب الاصفر حقوه ليما انصفرت

وهم يشيلونه لا حيه ولا ميته

العلامه الفارقه لشنقل ..... هيلاهوب الاصفر



قال الشبث قسم بالله رب العالمين ان شنقل صادق

حتى تعالو لبيتنا وشوفوا بستنا

على نياتنا فطرييييين




قال شنقل بس بستنا هذي يبيله خرط للفره ووزن للاذرعه وترهيم اذان

ومغط للخشم

:):):):):)






وهو يدخل ابو غازي واخوه عليهم ليمار المنظر المحزن

بنات سلمان والبسه ( ام سعبوله ) متمددين بالغرفه

وشنقل والشبث ناشبين بالدريشه يبون الفركه


هههههههههههههه
ههههههههههههه





وتمكن ابو غازي واخوه سلمان النبهان من القبض على المدمغين

وتكسير قفص البلبله ام سعابيل على روسهم

وكرشهم من البيت هم وام سعبوله

دايمن مظلومين

وليام وهااااااري
الشبث
16-02-2005, 04:54
وليام وهااااااري

اينا هاري

واينا وليام






بالله خلن وليام هاري اسموه مهو زين

كفايه اسمي هنا مو زين









المشنقل

وش وقع رويسك عقب هالدبه

انا احس ان هالثعلبه تبي تبرا






تسلم يالعشير على هالمرور









وتقلد تحيتي
المهرة
16-02-2005, 05:14
اجل ثعلبه ليه ماتاصلكم الماء http://www.shegrdy.com/vb/images/smilies/cc20.gif

ولا التسبح بس بالمواسم الرسميه من العيد للعيد يادافع البلا http://www.shegrdy.com/vb/images/smilies/bngo4.gif

الظاهر هالابوو تبرا منكم تجبون له الشبها وبعد صلع يا كافي http://www.shegrdy.com/vb/images/smilies/cc33[1].gif

بس لو هو مختار اسامي لكم زينه مثل بطيحان وشقحان تحس
انها اسماء موسيقيه http://www.shegrdy.com/vb/images/smilies/cc20.gif

ياحيي على الملاك غيداء و يا طرا جيبي على تذكار وش جابهن معكم http://www.shegrdy.com/vb/images/smilies/3.gif

انا اشوف يروحون للمحمكة يتبرون منكم ومن هالقرابه بصراحه تفشل
اجل عيال عمهم صلعان انواع الفشيله http://www.shegrdy.com/vb/images/smilies/j.gif
شنقل
16-02-2005, 05:19
اينا هاري

واينا وليام



شنقل >>>>> وليام


الشبث >>>>> هاري
الشبث
16-02-2005, 05:27
اجل ثعلبه ليه ماتاصلكم الماء

ولا التسبح بس بالمواسم الرسميه من العيد للعيد يادافع البلا

الظاهر هالابوو تبرا منكم تجبون له الشبها وبعد صلع يا كافي

بس لو هو مختار اسامي لكم زينه مثل بطيحان وشقحان تحس
انها اسماء موسيقيه

ياحيي على الملاك غيداء و يا طرا جيبي على تذكار وش جابهن معكم

انا اشوف يروحون للمحمكة يتبرون منكم ومن هالقرابه بصراحه تفشل
اجل عيال عمهم صلعان انواع الفشيله

اناااااااااا اخو فلااااااااااااااااااااااااااااااااااااان ه

ليه قرابتنا تفشل

تت وانا ابو شداد خيال الجربا راعي المرودن




مهررررررررررررررروه

وجعت جدي تمصع سرتس

ليه هاللون

السالفه منزلتنا تحت

وتجين انتي بعد وتحطميننا زووووووووووووووود

مو حرام عليتس

انتي الظاهر تبيني اتميلح بمواضيعي الجايه

واحط نفسي خيال وفارس همام

حاشا وكلا وانما ايه







المهره ترى مو مهم الشكل اهم شي الاخلااااااااااااااااااق










( بس ياحسره حنا لا وجه ولا قفا )






شكرا اختي على هالمرور

ولا له عاده تحطميننا زياده على اللزووووووووووووم







وتقلدي تحيتي
المطنوخ
16-02-2005, 05:43
ومن زود الحلا قرعاااان وكل واحدن بوه ثعلبه (صلع يطلع بالراس من الوصخ )

والواحد وجهوه تقل رضمه ودايم حافين

وصف دقيق بس ناقصه ال......... يدرج:)




قال ابوهم تبوني انا يابو غازي تاليت عمري اشري بسه

ههههههههههههههه
يالله حسن الخاتمه
هذولا جيل النيدو:)




وهم يطرحونه ويوم بغت تهرب وهو يغوله شنقل بالهيلاهوب الاصفر حقوه ليما انصفرت

انا اشك ان السبب انوه غال البسه؟؟!!

انا اتوقع من ريحة الهيلاهوب:)



صلعا تقل سلقه ولا به الا كم شعره بذنبه وكم شعره بقصته
ذكرن بواحد ببالي:)




ويوم جاء بالليل وهم يتسللون لبيت عمهم وسيده لغرفة البنات

وهم يسرقون الشنيطه

وسرقان بعد؟؟

الله يرحم حالك يانطلان!!:)




الوكاد اطلعو اللي بعده ليمار عطر خاص بالبساس

قال الشبث ابتطيب منوه

قال شنقل لا هذا اذا جن بنات عمنا نطيب ام سعبوله علشان مايشمن ريحته وينصفرن

والباقي نخليه لنا بالمدرسه !!!!!!!!

ياعيال بقا منوه شين؟؟ ولا قضى؟؟




وهو يدخل ابو غازي واخوه عليهم ليمار المنظر المحزن

بنات سلمان والبسه ( ام سعبوله ) متمددين بالغرفه

وشنقل والشبث ناشبين بالدريشه يبون الفركه

هههههههههههههههههههههههههههههههههههههههه ه
هههههههههههههههههههههههههههههههههههههه
ههههههههههههههههههههههههههههههههههه
الشبث
16-02-2005, 05:58
شنقل >>>>> وليام


الشبث >>>>> هاري

شكرا للايضاح معالي الزعيم





وتقلد تحيتي
الشبث
16-02-2005, 06:02
نطلاااان

انت مابقي الا تقتبس الموضوع كلوه

من قاطن لك عظم

احد طلب شورك

احد شاورك او طلب رايك






لا والله البلشه




اقول وش رايك ناخذ اسم الغثه ونعطيك ياو

لانك تستحقوه بجداره









اقول شكرا على المرور

ولاله عاده هاللقافه







وتقلد تحيتي
المطنوخ
16-02-2005, 06:24
انت مابقي الا تقتبس الموضوع كلوه

من قاطن لك عظم

احد طلب شورك

احد شاورك او طلب رايك

لا تجني على روحك يالنفره

تر الماسنجر ليا هالحين مفتوح ومحادثتك عندي يوم انك ترجاني ارد يا.........

لكن آلوها اخوانا الموريتانيين...

وش على الذيب من ........ النعجه:)

مابيلك لا شكر ولا قاله الله

اندزلع هناك انت وابوسروال مروح

ما بقى الا ناس بهم ثعلبه يحاتسوني

يااااااااااااااانااااااااااااااااس انحاااااااااااااااااااااااااااشوا

الموضوع معدي به جرب!!!!!
الشبث
16-02-2005, 06:37
ياواااااااايلي

هذا خالص

جامعن خباااااااااااااااااااااااااااااااااال الكوايته وجايبوه

لعنبو بليسك انا اترجاك ترد على مواضيعي

ليه ياحسره

قرب خلن اتمقلك

لايكون الهام علوي وانا مدري





اقول يالربع تروه خبيل وهاتي تالي الليول

والهدبدب راتسبوه خمس وعشرين ساعه




تروني علمتكم تروووووووه خبيل يقرن الخنافس

انحاشو









وتقلدوا تحيتي
المطنوخ
16-02-2005, 07:21
هالحييييين تأكدت ان الفري متمكن منك

الله يخاااااااارجنا!!!


للعلم فقط انا قاعد اقرا الموضوع من ورى حاجز شفاف خوفا من العدوى المصاحبه للموضوع....وشوكرن!:)
الأصيل
16-02-2005, 10:34
زمنننننن

ذكرتن بروايات ( وليم شكسبير ... ودونالد كروهام )

أما وليام شكسبير : أعرفوه

لكن : دونالد : والله ماسمعت عنوه ولا أعرفوه .. لكن نذخ بالحتسي:d:


...............

الفيلفوس !!

والله إني شايلن همك وماويلك ماواة من كثر ماتقلد الناس تحيتك

ياابن الحلال ... شوف لك ( زول ) بـ 300 ريال شهرياً

ومهمتوه إنه يقلد الناس تحيتك ونت متمرتسي بالمجلس:thumb:

.............

نكسه إلى الموضوع ...

يقول المثل : مد رجليك على قد هيلاهبك الأصفر:315r:

واللي يبحر فووووق .... يقع عقالوه :)

لكن ياما والله من الطفاقه ..

ليه ماجابو معهم ضب ؟؟!!:a:

ويحطونوه بقفص برونزي مطلي بالذهب

ويتفرجن عليه بنات عمهم(عسى العدو للعمى):goooood:

اللي بالرياض عندهم بساس .. واللي بالديره عندهم ضبان

وكلن يعرض معالم حضارة بلدوه :eek:



أرجع للمثل اللي يقول :

قال وش حادّك على المر .. قال معي سكري ( الله يشفيه ):359r:



تقلد تحيتي مثل ما أنا متقلدن تحيتك:biggrin:

شبثاااااااااااان .... عطن طرف خشمك .. لي بوه حويجه:315r:
الشبث
16-02-2005, 14:44
نطلاااااااااااااااااااااااااااااااان

لقيت لك اسم

النذووووووووووووووووووخ

احس انك تتكلف اذا جيت تبي تحتسي

الله العالم انه من جنون البقر يالخبيلللللللللللل

خخخخخخخخخخخخخخخخخخخخ



ضف وجهك عن موضوعي لا تخربوه

وتجفل المسايير







وتقلد تحيتي
الشبث
16-02-2005, 14:48
شبثاااااااااااان .... عطن طرف خشمك .. لي بوه حويجه

بالله تسانك خلصت منوه رد الباقي




تسلم يالعشير على هالمرور

وتقلدت تحيتك

واعذرن لوجود الخبيل اللي قبلك







وتقلد تحيتي
غاده
16-02-2005, 15:52
http://www.asmilies.com/smiliespic/animals/017.gifhttp://www.asmilies.com/smiliespic/animals/017.gif http://www.asmilies.com/smiliespic/animals/017.gif


حتى فسحتهن يغيبنه ولا يشرن شي علشان يشرن للبسه شاورما وككتيل



شوف الشبث مو شاورما الي شفتها لااااااااااااا هذي كلوب ساندوتش بس يوم واحد في الاسبوع اكل فري لو خبصت بالاكل تتعب وتمرض
قال ابوهم تبوني انا يابو غازي تاليت عمري اشري بسه

هذليتس البساسه مالياتن الشارع روحو وصيدو وحده وخلصنا

لا لالالالا مامعه حق عمووووووو بسس الشارع جربانه وماتستحي http://www.asmilies.com/smiliespic/animals/016.gif ومو مربيه !!!



واتفقو يصيدون بسه من الشارع
مو انا قلتلك إستنى بعدين نروح فيفا http://www.asmilies.com/smiliespic/animals/027.gifونشتري قطو لك ؟


لو اعرف عندك قطو من الشارع ما جبيت عندك هههههههههههه


وهم يطرحونه ويوم بغت تهرب وهو يغوله شنقل بالهيلاهوب الاصفر حقوه ليما انصفرت

وهم يشيلونه لا حيه ولا ميته

الله يرجك ورررررررررررررررررررربي موتني ضحك وانا اقراها يخرب بيت عدوك من وين جالك هالفكره ههههههههههه http://www.asmilies.com/smiliespic/psmilie/047.gif

وهم يودونه بيتهم ويطلعون به للسطح وهم يحطونه بقفص حق البلابل ( اي بلابل هذي الغراب

ابرك منه )

يؤ يؤ يؤ يؤ قفص http://www.asmilies.com/smiliespic/animals/PurpleKatZt0.gif وين سلتها ؟؟؟؟؟؟؟ حرام عليك متوحش كذا تموت حريتها




قالت الملاك غيداء احلف


يقطع بليسك كنك معي دايم لما يقول لي احد شيء اقوله احلف ههههههههه



قال ياخي ام سعبوله ماتجمل خلنا نصلحه هالحين وبعدين يصير خر

هذا اسم ههههههههههه يدل على شخصيتها ونظافتها هههههههه

http://www.asmilies.com/smiliespic/animals/PurpleKatZt3.gif

ويوم راعو ليمار به مشط وهو يقطوه شنقل قال الشبث ليه ؟



أصلا القطو ه مالها مشط بس فرشه لان المشط يعورها

ويطلعون اللي عقبه ليمار فرشاة اسنان

نسيت باقي السشوار والشامبو والفوطه الخاصه


ويوم دخلن بنات عمهم ليمار هالشيفة القشرى متمددتن قدامهم
!!!
وهن يقومن لهن صياااااح


انا بكيت لاني تعاطفت معاها تكون مريضه ولا وديتها الطبيب ولا يمكن مااخذت التطعيم السنوي حقها




خصوصيات واغراض اي قطو http://www.asmilies.com/smiliespic/psmilie/004.gif



سله للنوم 000 طوق عده ألوان وتعليقه بإسمها 000 فرشاه شعر00 شامبو 000 سشوار خاص 00عددمن فوط أحجام محتلفه 000 عطر خاص ويفضل يتغير من فتره لفتره 00 فار من القطن 00 كره قطنيه 00 كره بلاستيكيه 00

بعدين انت ما وديتها البيطري يقصص أظافيرها حتى ما تخرمش احد !!!!!!!!

http://www.asmilies.com/smiliespic/psmilie/043.gifhttp://www.asmilies.com/smiliespic/psmilie/043.gif




http://www.asmilies.com/smiliespic/animals/017.gifhttp://www.asmilies.com/smiliespic/animals/017.gifhttp://www.asmilies.com/smiliespic/animals/017.gif
سلطان الشمري
16-02-2005, 21:57
يامال وجعت جدي .. يالشبث انت وشنقل معك



نعنبو بليسكم .. كم مرّه قايل لكم


ياشبيثان ياشنقل .. خلوكم من السلق وجااااااااااااي :(


اقول الشرهه علي اللي ماعلمت عليكم


:) بس تدري لو بيدي تسان رشيتكم انت ونونو وقطوتكم ام السعابيل


بكيماااااااااااوي .. :)





بس خوش سالفه .. باتسر الله اعلم بالجايات اكيد ..

جربوع ارجنتيني مثل اللي شراه الاصيل:)



او
تذكار
17-02-2005, 00:38
:a:

:a:

:a:

<<=== جتها صدمه عصبيه وحالة انهيار

أجل أقرع وحافي وثعلبه وتدور في الزبايل أنت وراعي الهيلا هوب الأصفر .. ووووووووع حامت تسبدي

<=== مصدومه بولد عمها

وأساميكم خوش أسامي وليام وهاري هههه

وأنا كاثرين وبنت عمي صوفيا هههه



فديتها قطوتي نونو انصدمت مثلي اهئ اهئ يوم شافتك أنت وأم سعبولة وراعي الهيلا هوب الأصفر يا الحرامية هههه

بعدين تعال قطوتك أم سعبولة عربجية تدوج في الشوارع وعندها ملف أسود في الهيئة وراعية سوابق هههه

وشكلك لقيتها في زبالة حارة عبيد مكتوب عليها نصراوي حتى الموت وذكريات أبو سعد هههه

نونو ما تعرف غير البيت والمدرسة وارهابية تحب تشوف أفلام الجهاد هههه

تذكار

:008b:
الشبث
17-02-2005, 02:24
أصلا القطو ه مالها مشط بس فرشه لان المشط يعورها

وانا وش دراني احسب الفرشه مشط ماعمري شفت هالسوالف

تخبرين ولد عمتس جاين من الديره ويبي يربي قطاوه عقب السلق

خخخخخخخخخخ


خصوصيات واغراض اي قطو



سله للنوم 000 طوق عده ألوان وتعليقه بإسمها 000 فرشاه شعر00 شامبو 000 سشوار خاص 00عددمن فوط أحجام محتلفه 000 عطر خاص ويفضل يتغير من فتره لفتره 00 فار من القطن 00 كره قطنيه 00 كره بلاستيكيه 00

بعدين انت ما وديتها البيطري يقصص أظافيرها حتى ما تخرمش احد !!!!!!!!

الله كل هذي

ياخوتس انا ماعندي كل هالغرضان

ياليتني قطوه عندتس تسان عايشن برفاهيه

خخخخخخخخخخخخخخخخخخخخخخخخخ








تسلمين اختي على هالمرور

وعلى روحتس الرياضيه الطيبه






وتقلدي تحيتي
الشبث
17-02-2005, 02:27
يامال وجعت جدي .. يالشبث انت وشنقل معك



نعنبو بليسكم .. كم مرّه قايل لكم


ياشبيثان ياشنقل .. خلوكم من السلق وجااااااااااااي


اقول الشرهه علي اللي ماعلمت عليكم


بس تدري لو بيدي تسان رشيتكم انت ونونو وقطوتكم ام السعابيل


بكيماااااااااااوي ..





بس خوش سالفه .. باتسر الله اعلم بالجايات اكيد ..

جربوع ارجنتيني مثل اللي شراه الاصيل



او

نبراسوه انت صايرن بك طبع النطول

وش علمك بس تخانق

لايكون اعداك الخبيل


هالحين السلق صارن لي

الله يرحم خبري

وين راح الشاص والغزلان اللي بالبدي

ههههههههههههههههههههههه







تسلم اخوي نبراس


والجاي قريب بحول الله







وتقلد تحيتي
الشبث
17-02-2005, 02:29
فديتها قطوتي نونو

اما عاد فديتيه

ليه يا تذكوره راس ماله قطوه تعقب عنتس

خخخخخخخخخخخخخخخ



الف شكر اختي على هالمرور وهالروح الرياضيه الطيبه





وتقلدي تحيتي
سلطان الشمري
17-02-2005, 02:38
اقول خل عنك البساسه والسلق



وتعال ابي اوريك شغله


7
7
7


ماتبي لك واحد مثل هذا ..
7
7
http://shmmr.net/upload/up/up/ppppppppp.gif




وتغير اسمك .. لعاشق الشبث ترى يطلع روعه من قلب:)
الشبث
17-02-2005, 03:26
لا نبراسوه

خلن على جني لا يجيني اجن منوه



باتسر يقولون العيال ان الخبيل النطول اعداك

خخخخخخخخخخخخخخخخخخ



ارسلي على الخاااااااااص مهو قدام الناس







وتقلد تحيتي
مفتاح14
18-02-2005, 19:22
الشبث الله لا يحل العدو..يخوي يوم قمت اقرا وصفك لبسّتكم وانا لك ابدا اهرش :)

مالقيتوا الا هاللي ذابحه الجرب...مار ماهي غريبه اقرد منكم مافيه:)




اهم شي العطر وش اسموه؟ :)
الشبث
18-02-2005, 21:57
اهم شي العطر وش اسموه؟

هلا بمشرفنا الكبير ابو طعش

والله يا خوك العطر مادري وش اسموه

بس بامكانك تحويل السوعااااال لبنات عمي


الله العالم انوه كالونيا






وتقلد تحيتي