مطلوب احداثية+وصف من اهل الخفجي والنعيرية واللي حولهن [الأرشيف]

مشاهدة النسخة كاملة : مطلوب احداثية+وصف من اهل الخفجي والنعيرية واللي حولهن

عبدالعزيز

13-02-2005, 12:11

قود آفتر بنجور يالغالين ... ووه ياعلي مااعدمكم اياخلف جدي وبدي انتم بغيت وصف مريفة "على ماسمعت" واحداثيته

يقولون انه تزغت وشرحة .. من اللي شافه بعيييييييينه منكم "عشان اتلولس بحلقوه ان ماطلع به شين" ومن اللي ذتسرت لوه ذتسر ولا شافه ؟؟ ...... افزعو تكفون

محارش

13-02-2005, 13:45

العزي

تسيف انت, عساك بخير يالغالي.

بالنسبه لسؤالك فأغديك تبي منيفه وليس مريفه ( مريفه بزعمي انه بالنفود وترن مانا متأكد )

اذا كان المقصود منيفه فــ منيفه تقع بين الخرسانيه وراس الزور ( احداثيات ما عندي ) لكنه قريبه من الجبيل . وهي منطقة جن ( قاع الصير بتاعت الشرقيه ) بس انهم حبيبين ما يقولون شئ الا اذا اوذيتهم ( عاد انت ما يحتاج :) ) وبه مخيمات وااااااااجد , اهم شين لامنك طبيته اقر المعوذات وتدر على روحك , بالنسبه لي امره مرور الكرام مهو خوف او هذا بس اني ما ودي انزع واهسهم :) .
ومنيفه هي المنطقه المفضله لاهل الشرقيه للتخييم اضافة للنعيريه والساجي والسفانيه ( محلنا اللي خيمنا بوه العام بين النعيريه والساجي والظاهر يسمونه الرافعيه ).

وفيه ايضا منيفه ثانيه بس هذي بأطراف الصمان من شمال قريبه من الشيط وهي قريه صغيره .

اما اذا كنت مصمم على مريفه فهذي ابحاول اجري بعض الاتصالات او اغديني اتفطّن وين محله وارد لك .

تحياتي لك .

فلاح السعد

13-02-2005, 14:57

مامن مريفه ياحلالي ياصرت ماتعرف الديار انشد وش عنده داخلن بعنف ههههه لأنه مايدل الا هالديره هههههه

المنطقه اسمه مريفه لأن به طعيساي ونتم يااهل حايل ماتدانون القاع المتساويه ابد هههه

تره ماهي بعيدتن عن مفرق النعيريه او محطة الساجي بس عاد انت منين تجي هذي المشكله هههه

سرحــان

14-02-2005, 02:19

هــــــــــــــــــلا بالعزي

الله مار يسلمك هذا يبيك تهفي

الظاهــــر انه من وراء عين عبد

وطريقه صحراوي ومفرقه من طريق الخفجي الجديد

حوالي 45 كيلو حول الحدود السعوديه الكويتيه

وابي ارد لك العلم الاكيد انشاالله

موصوفتلهو قبلك بس ماقضب الوصف زين

وعزالله يمدحونه

المشرف العام

14-02-2005, 02:49

شف هالشرقاويّه :( اعوذ بالله ولا احد عزم الرّجالhttp://www.shmmr.net/vb/smiles/009.gif << قناه :)

يا عزّوووز تسان نشدتك مصمّل على الجيّه تعال ولا تشيل همّ هي منيفه او مريفه . .

وتسان الامر شفايه << وهذا هقوتي :) . . فإمسك ارضك وصل فرضه بس

ابن جشعم

14-02-2005, 05:00

مسّيت بمثلوه يالبقمه:192r:

مار ويش عاد تنشد !!! تدور الربيع بزعمك ؟؟

تسانك تدوّر الفقع اتركك من الديرة اللي انت تنشد عنه ...

مرّن ووديك لم ديرة الفقع الزبيدي والمصلّع بعد ...:)

بعدين ليه ماترد على مكالماتي بهالفايت ؟؟؟!!!

تشااااااااااااااو

فلاح السعد

14-02-2005, 07:11

كان هي منيفه شف هالاحداثيات

26779 منيفة قرية 27.60861 48.68806 الشرقية
26782 منيفة موضع 27.60583 48.68806 الشرقية
26783 منيفة بئر 26.40111 49.78528 الشرقية
26787 منيفة موضع 27.60861 48.68806 الشرقية

ابوسلطان وشوله نعزمه ماله داعي ههههه

الواحد ماودك يلمح ودك انه يمون على رفيقه ويقول جايك بالطريق صلح القهوه هههه

ابن جشعم قبل ناسن اتصلوا ورسلوا رسايل مارد عليهم ياشين التسبره ههه

مناكد

14-02-2005, 14:57

يمكن تلقى اللي تبي يا ابوسعود على هالرابط...

http://www.mekshat.com/gps/Search.php?Category=0&Area=1&Search=&pos=0

المشرف العام

14-02-2005, 15:07

اسم الموقع | نوعه | المنطقة| خط العرض | خط الطول
أم الحمير . . . . فيضة . . . . الصمان . . . . N 27,32,866 E 44,38,673

هذي خلّووووها . . نبي نطلب بها مخطط :)

. .

اخوي فلاح . . ادري ان عزّوز ماهو طابّن هالدّيار بس تخبر شفايه :)

- - - - - - - - - - -