البلاليط

[بتول آل علي]

http://www.mlfat.com/files/50_1107762479.gif

(( البلاليط ))

اكلة معروفة عندنا و خفيفة و لذيذة و سريعة التحضير

و لهذا اخترت ان تكون أول الأطباق المُحضرة


المقادير :

1 كيس بلاليط من السوبرماركت ( اعتقد اسمه شعيرية في السوبرماركت ) :s

1 فنجان سكر

القليل من الزبدة ( حسب الرغبة ) :)


الطريقة :

ضعي ماء في القدر ثم أضيفي كيس البلاليط إليه حتى يفور - يغلي -

و أول ما يفور فورتين ثلاث بندي عنه (( يعني سكري الغاز خلاص عشان ما يصير عجينة عندج )) :)

http://www.mlfat.com/files/49_1108193883.jpg

اشخليه في المشخله ثم أضيفي الزبدة مع السكر على نار هادئة

http://www.mlfat.com/files/59_1108193961.jpg

حتى تذوب الزبدة و ارجعي اضيفي البلاليط عليه و اخلطيه حتى يعطيه طعم حلو

اتركيه على النار الهادئة لمدة تتراوح بين 5 - 10 دقائق

طبعا يقدم مع البيض غالبا كوجبة إفطار

و صحتين و عافية :)

http://www.mlfat.com/files/31_1108194008.jpg



أختكم

الدهور

[بـنـت النـور]

هلا بزعيمه Dhr

بدايه موفقه وسهله وسريعه وتهبل وحلوووه :)
ماشاء الله عليتس وصور بعد للتحضير
ماقصرتي وننتظر المزيد

[المهرة]

دهوووره فيها بيض اهم شئ http://www.shegrdy.com/vb/images/smilies/love.gif

تسلم الانامل ادهري بس وانا اوعدتس راح انظف الصحون اهم شئ نأكل
عاشت دهورتناhttp://www.shegrdy.com/vb/images/smilies/BBB2.gif

تسلم الانامل ياجميل

دمتي بخير
اختك 00المهره

[بتول آل علي]

طباختنا الغالية

بنت النووور


تسلمين على التشجيع عيوووني

و مثل ما قلتي (( بسيطة ))

و هذا هدفنا الاول و الاخير


الف شكر

الدهور

[بتول آل علي]

مهوووووره


أفاااا عليج ،،، انتي تاكلين و تنامين

و ما عليج من الصحون

اهم شي تكون حقل تجارب :)

أقصد تكونين ضيفه على العين و الراس :)

واحنا في الخدمة في اي شي


ألف شكر

الدهور

[مجموعة إنسان]

.

بلاليـــــــط

والله حلووووو

كذا حنّا اخذنا فكرة عن فطوركم

يعني شعيرية حاليه ..


بس انا اشوف ان البيض جاي غلط ( عشان الشعيريه حاليه !! )

:) << شتبي هذي !! ؟

يبدو لي تبي تغيّر التراث :)

شكرا لك
.

[الجازي]

^
^
^
أضم صوتي لصوتك :)

البلاليط هي الشعيرية :) مع إن اسمها يناسب للقبابيط :) وفي رواية المطازيز :)

يعطيك العافية يالدهور ,, بس وش رايك أنتي متأكدة انها تناسب للفطور ,, أحس انها عشا أنسب :)

[ريم شمر]

اما الاسم حركه :)

تسلم الايادي الدهور

بس عندي سؤال

بسوى نفسي فاهمه وتحمليني عاد :)

الشعيريه او البلاليط عاديه او شعيريه باكستنيه
حقت الحلى :)


8
8
8
انحسد على هالسؤال :)


الريم لو سمحتي لاتغشين مني :)




.

[بتول آل علي]

مجمج

عاااد هو حلاته ويا البيض انتي بس جربيه و طيعيني :)

وخلي التراث في حاله ..!! :)


تسلمين حبيبتي

الدهور

[بتول آل علي]

^
^
^
أضم صوتي لصوتك :)

البلاليط هي الشعيرية :) مع إن اسمها يناسب للقبابيط :) وفي رواية المطازيز :)

يعطيك العافية يالدهور ,, بس وش رايك أنتي متأكدة انها تناسب للفطور ,, أحس انها عشا أنسب :)


السالفة فيها اصوات ؟ :)

بعدين شو القبابيط و المطازيز :s

الله يعافيج يالغالية ،، بالنسبة لوقتها فهي غالبا للفطور مثل ما قلت

لكن في ناس ياكلونها على العشا او البعض يعتبرها وجبة حلا للعصر :s

يعني باختصار متى ما حبيتي اكليها محد بيضربج على ايدج و بيقولج لا :)

و تشكرااات


الدهور

[بتول آل علي]

اما الاسم حركه :)

تسلم الايادي الدهور

بس عندي سؤال

بسوى نفسي فاهمه وتحمليني عاد :)

الشعيريه او البلاليط عاديه او شعيريه باكستنيه
حقت الحلى :)


8
8
8
انحسد على هالسؤال :)


الريم لو سمحتي لاتغشين مني :)




.


ريووومه

الله يسلمج يالغالية

>>> بس سؤال وجيه :):):)


بالنسبة للشعيرية اللي اعرفه انها مو شعيرية الحلا الباكستانية ،، يعني اكيد العادية

بعدين تلاقينها في السوبرماركت مكتوب عليها (( بلاليط )) ،، بس مادري عندكم عاد

و اذا تبغين اطرشلج كم كيس عشان تعرفينها بس عطيني العنوان و ما يصير خاطرج الا طيب

:):):)

و أي شي ثاااني احنا في الخدمة


الدهور

[نعومه]

الله امووت بالبلاااط

بس بدون بيض

و احنا تغدي بلاطتنا سمرا

موب زيكم بيضا

اتوكع هذا يعتمد على صبغة الملانين او هي الكلوروفيل وحده منهم

وبعدين خوش فطور .. بس موب كنه يطول؟؟

على بين ما يستوي الا و قد دخل وقت الغداء

اقوووول دهور .. اغريتينا نحط مطبخ للمحترفين

ينافس مطبختس .. وبنبدأ المشروع اول ما نلقى الممول

مشكوووووره ياااعسل ..

بانتظار البقية

[بتول آل علي]

يا هلا و غلا بالشيف نعومه

العين ما تعلى على الحاجب يالغالية :)

بالنسبة للبلاليط في ناس يسوونه بني مثل ما تقولين

و يكون بنفس الطريقة لكن اللي يصير انهم يحمرون -يقلون- البلاليط حتى يحمر قليلا ثمّ يقومون بنفس الخطوات السابقة
فيعطيه اللون البني ،، بس انا احبه ابيض

في ناس يحمرون جزء و الباقي يخلونه ابيض فيطلع شكله خليط

و البعض يضيف له بعض الهيل او الزعفران ،،، بس هذي كلها محسنات و شكليات حسب الرغبة

واحنا مثل ما قلنا غير محترفين ،، ونخلّي هذي الشكليات لمطبخكم المنافس :awink:

أما بالنسبة للوقت فهو بالعكس ما ياخذ وقت اطلاقا ،، يعني ربع ساعة بالكثير و يكون جاهز

و تشكرااااات يالغالية

الدهور

[السطامة]

يسلموووووو الدهور على البلاليط

البلاليط << هي شعيرية شبية بالمكرون ولكن
شعيراتها رفيعة جدا وكلما كانت رفيعة يعني ممتازة


كلمة بلاليط ،،، عند اهل الخليج وكذلك المنطقة الشرقية بالسعودية

اما البيض فيها فهو مكمل واحيانا اساسي
والبعض يطبخة مع البلاليط

اما الهيل والزعفران في البلاليط يعطيها طعم رائع

اما أنا عندي فكرة
لي ما تحطون فانيلا ؟!!!!!!!!!!
اعتقد بتصبح شيء

أما وقت اكلها فيفضل بالصباح او على العشاء


كل هالهذرة بس ما أحبها هههه
ثانكيووووووو الدهور

[الشامخة الخالدي]

امممممممممممممممممم
ياحبي للبلاليط بس عندنا انه من رسميات يوم العيد بس احيانا اكسر القاعدة واخليهم يسوون لي عن خاطري هههههه

[بتول آل علي]

يسلموووووو الدهور على البلاليط

البلاليط << هي شعيرية شبية بالمكرون ولكن
شعيراتها رفيعة جدا وكلما كانت رفيعة يعني ممتازة


كلمة بلاليط ،،، عند اهل الخليج وكذلك المنطقة الشرقية بالسعودية

اما البيض فيها فهو مكمل واحيانا اساسي
والبعض يطبخة مع البلاليط

اما الهيل والزعفران في البلاليط يعطيها طعم رائع

اما أنا عندي فكرة
لي ما تحطون فانيلا ؟!!!!!!!!!!
اعتقد بتصبح شيء

أما وقت اكلها فيفضل بالصباح او على العشاء


كل هالهذرة بس ما أحبها هههه
ثانكيووووووو الدهور


السطامه


ما شاء الله عليج جبتي الملخص :)

و ألف شكــــر لهذا المرور اللطيف

بعدين تعالي اسويلج اياها و بتحبينها اكيد :)


الدهور

[بتول آل علي]

امممممممممممممممممم
ياحبي للبلاليط بس عندنا انه من رسميات يوم العيد بس احيانا اكسر القاعدة واخليهم يسوون لي عن خاطري هههههه


يا هلا و غلا فيج اختي الشامخه الخالدي

واحنا نسويه في العيد ،، لكن نسويه في غير العيد بعد :)

والواحد ياكل اللي يشتهيه متى ما يبغي :)

ألف شكر للمرور


الدهور

[ندى الجوري]

ابيها بليييييز

يعطيك العافيه يالغلا

اكله ولا احلا

[بتول آل علي]

ندى الجوري

الله يعافيج حبيبتي

و ما تغلى عليج يالغالية :)

ألف شكر


الدهور