أم الفضايح...مناكد...إرهابي ومروج!!!

[مناكد]

السلام عليكم ورحمة الله وبركاته...



الفضيحه...



سلام الله عليكم يا أهل مخيم الخفجي أنتم وفضايحكم اللي كلها وناسه...وسعت بال...




هذا ماهو شين عند اللي صار لي...والسالفه طول الله أعماركم بطاعته...

إني بهاليومين اللي فاتن رحت لحايل عندي شغل...(((ماني معلمكم به)))...


وأنا راجع أخبر مسبوعين الأبو اللي بام سدره يتقنصون الناس...وخذيت حذري منهم وصرت أمشي أقل من 120...

المهم وصلت عندهم إلا وهاكالوجه الغبر يوم انطلق يمي...وعلى طول... إثباتك... إثباتك... إثباتك...!!!


بسم الله الرحمن الرحيم؟؟؟

وأعطيه الرخصه...ويطالع له...وهو يقول الإستماره...

وهو يطق جنيي...قلت انت وش تبي بالإستماره...

قال أقول لك الإستماره...

قلت انتم ماعندكم سالفه...
يوم انا أمشي 160 ماحدٍ وقفن واللي يماشوونن وقفوهم...ويوم صرت حذر ولا تعديت الـ 120 تبون رخصه وإستماره...

وهو يلتفت على خوياه وهو يصوت له واحد...يوم جا الا والرشاش الأمحق معه ومتولم...

قال هالحين اصفط على جنب...



يوالله النشبه...

يلعن ابو الذله...

والبق ويجي تقل وجه (((...ماني قايل...)))...

يالله إنزل...وأنزل...إرفع يديك فوق...

هاه وشو لوه؟؟؟...

نبي نفتشك...

كيف تفتشن؟؟؟قال لاتطول الهرجه؟؟؟



الشكوى لله...اللي مقويه هالبلية اللي معه رشاشه!!!


وهو يفتشن تفتيش شخصي...قدام الرايح والجاي...

ومن مر يطالع...

وأكيد من شافن يبي يقول هذا إرهابي أو مروج مخدرات...

ويرثعون بالسياره...ويقلبونه...ولا لقوا الا سد باب اللي جابوهم...


قال هالحين تبي تجيب الإستماره وإلا لا...


بس انتم وش تهقون انا عطيتهم إياه وإلا لا؟؟؟


















أكيد اعطيتهم إياه وبدون كلام مادام هالرشاش مهوجهٍ لي لو يبون السيارة كله...





إستنتجت من هالموقف ان اللي يهاجمون نقاط هالتفتيش ماهم كلهم إرهابيين؟؟؟



ولكن مثل هالحقود اللي يستغل الصلاحيات اللي ماهو قدها يخلي الناس تكرههم ويمكن ان الواحد يتهور ويسوي شي يندم عليه...







ختاماً...اذا جيت نقطة تفتيش عطهم كل الأوراق اللي عندك بالدرج حتى أوراق طلبات المطبخ...قبل مايطلبون اي شي...

لا ولازم انك تلزم عليهم...وتحلف عليهم بعد!!!



والا تصير شبهه للرايح والجاي...


بس أحسن شي الدغدغه خص ليا صرت طفشان...



واللي احسن منه اني سلمت من كيمرة الربع اللي يدورون الفضايح أمثال الشبث...وابو سلطان هاللي يهددون به هالضعوف...!!!

[ابو خليف]

ههههههههههههههههههههههههه
هههههههههههههههههههههههه
ه
بالله يمناكد عرض كتافك ولاتشبهنا
بالمضايف
انت لحالك الحين وافصل الصداقه الي بيني وبينك
باسر القى روحي متستر على مناكد

[الغثه]

هههههههههههه

تقول جابوا الرشاش عليك


يوم جبت طاري التفاتيش ابي اقول سالفتن لي



مره جاي من الرياض رايح للشمال

يوم تعديت روضة ابن هباس


الا امن الطرق يسوون تفتيش على السيد الثاني


المهم انا طاير امشي 160

تريني ما انتبهت واحد من امن الطرق ركب سيارته ووراي

وهو يكبس وانا اقف

قال رخصتك قلت مامعي

المهم وهو يصكن مخالفة عدم حمل رخصة وسرعة

انا سويت روحي زعلان يوم عطاني المخالفة قلت خله يما يمشي

يوم مشا وانا اجي من عنده تقل برق وهو يكبس لي

انا على بالي ان كل 24 ساعه مخالفة


قال عطن بطاقتك قلت ليه قال سرعة قلت على كيف ابوك هي

قال ليه قلت بكرا عطن الحين خلاص عطيتن وانتهت

قال لا السرعة اربعه يعطونك والخامسه سجن :) بنفس اليوم


الوكاد وانا اضحك قال لي ضحك تقل محشش

قال يعني تضحك تعرف احد يشيله والله ماح يشيله عنك

وانا اضحك

قلت اسمع انت ووجهك اكتب مخالفة وجبه لي بالسياره بساااع

ويوم جابه انا ابحربوه بالمرات تسني ماشفته حنا بليل

وانا ارقع المسجل تسني ما اسمعه وانا ادخل راسي بالثلاجة تسني اطلع عصير

الوكاد هو يطق ويطق وانا مسوي روحي ما اسمعه

الوكاد بعد خمس دقايق تكرمت وفتحت الدريشه فتحة يمكن 1 سم ويالله تدخل البطاقة

وانا اخذه وانا اكفخ


وكبس لي مرة ثالثه وشطف يما طبحت عند اهلي


وانا اروح لبنك الرياض بعرعر ابي اسدد المخالفات وقال ماعليك شي


يعني لو تاركن من الاول مهو ابرك


وإلى الان مافيه مخالفات علي












^
^
^


فهمتوا شين


الغثه

[أبو مقرن]

ختاماً...اذا جيت نقطة تفتيش عطهم كل الأوراق اللي عندك بالدرج حتى أوراق طلبات المطبخ...قبل مايطلبون اي شي...

لا ولازم انك تلزم عليهم...وتحلف عليهم بعد!!!8
8
8
مناكد ياسنايدي..
ألينك صويدز..:thumb:بذ الأوراق اللي بالدرج..واللي بمخابيك ..وإفتح لهم شنطة السيارة وكبوته..
ولاتخلي..بعض هالهطق هاللي مايسوى هالرقيعة اللي على ظهروه يتلتك..:tongue:
***
تحياتي....وكفاك الله شر بطيء الفهم من بعض هاللي على نقاط هالتفتيش:tongue::tongue:

[سلطان الشمري]

وشو حشيشوه ...؟ :(