في المطبخ ..

[الأصيل]

السلام عليكم ..

بالخير يالشبعانين والجوعانين:)

............

أتمنى من الأخوات صاحبات مضيف المطبخ وهكا النواحي عدم قراية الموضوع:d:

................

موضوعي حقيقي .. لكن يحتاج لبعض الملح والبهار وحبتين ثوم ،،، وفحل بصل .:tongue:

..................

سنه من السنين .. طلعت مع الشباب للبر ،،

وهم لك يفسرون عن ذرعانهم ...

اللي يقطع اللحم ، واللي يضبط البهارات ،، واللي يولم القدور ..

طبعاً أخوكم الأصيل .. مالوه بالطبخ لاناقه ولا حوار:477r:

ماغير أجيب الطماط والبصل ..

وأركض أغسل الصحن .. وهات السكين ... يعني ( مطراش ):315r:

المهم تغدينا ( ونا الصراحه نقدت على روحي )

من هكا اليوم قلت لازم أتعلم الطبخ .

ومافي أحد انولد من بطن أموه وهو طباخ ..

والدنيا تجارب

عاد والله ما أعرف أطبخ ألا بيض عيون

وزيتون ( مايبي لوه طبخ ياشاطر ):hala1:

الثمره ..

انتظرت الفرصه المناسبه للتجربه النوويه المطبخيه

....

قالو الأهل نبي نسير .. قلت أبرك الساعات ،، ارتسبو

وبسرعه ليوالله هم عند المعازيب

قالو : حوّل .. قلت : لاوالله مشغول .

وانا لك أنكس على البيت

وأرمي ثوبي وألبس ثوب النوم ،،

وبوجهي للمطبخ ..

قلت عاد يالأصيل : وش تبي تطبخ ، وش مشتهي ؟؟

قلت : كبسة دجاج على رز .:eek:

قلت الطمع شين ..

أول الفال رز بس ، وبعدين حاول تطبخ الدجاج .

المهم ،،

جبت هكا الدزدر ، ونا لك أملاو ما

وأشيل من الرز حوالي طاستين :eek:

وانا لك أصلقهن بوه

وأشب النار على آخره ( من شان يستوي بسرعه):359r:

قلت : الحمد لله ،، الدعوا سهالات ..

ونا أروح للغرفه وأنسدح ( الولد واثق ومتطمن للطبخه ) :290r:

قريت شوين بحدا الكتب ( أتسلى )

عقب نص ساعه .. شميت ريحة عليدز ( شي محترق ):188r:

ونا أفوع ( سبق تعريف الفوعه في قصة الانتقام ( فلتراجع هناك ):315r:

وعلى المطبخ ،، ليوالله الدخنه من الدزدر .

قلت الظاهر إنوه يبي لوه حوس ،

وانا أحوسوه من فوق ..

لكن الماخوذ مليان ماء للحين:redface:

ونا أخبر أمي الله يرحمه تقول للحريم( خلن الرز ليما يشرب ماو )

وهذا للحين ماشرب ماو ( تسان مهو صايم ):d:

مالكم بالطويله

عقب ساعه .. ونا أكابد الجوع

قلت خلاص

الطبخه جاهزه ..

وبكل ثقه ... جبت لي صحن ..

ونا أشيل الدزدر ، ليوالله مناثقله ( يكفي لوه عرب ):477r:

ونا أغرف ولاني ملحق

لكن الحقيقه إني ماغرفت غرف

لأن الرز من فوق صاير عصيده ،، يسيل لحالوه :biggrin:

ومن حدر محترق .. :359r:

ولابوه ذرة ملح

ولا زيت ولا بهار ( تقول أتسل مريض بوه سكري )

( والمصري يقول : دحنا بيننا عيش وملح )

عيش مايخالف .. لكن وين الملح يابوالأصايل ؟؟؟

المهم ...كليت لي لقيمه

قلت ياولد ...

شي(ن) تعرفوه خير من شي(ن) تنستروه

بيض العيون وربك كريم:biggrin:

ومن حسن الحظ أن أهلي دخلو علي ( جابهم الوالد .. الله يرحموه )

يوم شافو : قالو : وش هذا ؟:eek:

قلت هاللي تشوفون

ماني معلمكم بالأحداث الي حصلت لي مع الأهل عقب الطبخه

والحمد لله إني ماطلعت مع شباب المضايف لمخيمهم ولاّ تسان إخيذة الضحى

لكن عاد


اللي خابرلوه فندق ست نجوم يبي لوه طباخ ماهر ... لاينسانا:290r:

ويابخت من نفّع واستنفع

ولساعة الله هذي .. ماأعرف غير بيض عيون .....







يالغالي ياللي بهذا ..

شعلوم الصعايده ؟؟

عساهم للحين يردمون ؟؟؟



وتحياتي

[مفتاح14]

قبل كل شي... نسأل الله ان يرحم والديك ويسكنهم الجنه..آمين



ابو الاصااايل..شرهتك على اللي يعرف للبيض :)


بس اسمع من بعض العزوبيه المخضرمين:) بان ليس هناك مثيل للأندومي:awink:

وهي جاهزه للتحضير.. يعني مايحتاج تصرّف أهلك:) وهم بالبيت تسويه ومايدرون الا وهي جاهزه:) (على ذمة هالمخضرمين أنا مالي دخل) :)



واهم شي ان هالاندومي ماهي مثل الرز اللي لازم انوه يشرب ماااو:)






ابو الأصايل.. هل تَنْطِق ما تَكْتُبْ أم تَكْتُب ما يُنْطَق؟؟ :):awink:


تشااااااااااو ماشرب ماااااااااااو

[ابو خليف]

ههههههههههههههههههههههههههههههه
هههههههههههههههههههههههههههه

مالك الا العيون

بس عاد وش صار عقب جيت اهلك:good1::good1:

[سلطان الشمري]

الله يرحم والديك ووالدينا ..


ابو الاصايل.. تعال عندي واخليك طباخ ( اليسطه :)) المهم الاخلاق.. وبعدين


والا ليهبعدين تعال بالشعر الشعبي اعلمك كيف تطبخ كبسة دجاج ..او مقلوبه ,,


بس وش صار لك مع اهلك:)

[المطنوخ]

ابوثـــــوب

واطيبي تسان صبيت لي كوب ماء


اييييييي


قال ايش قال كبسة رز بالدجاج

ما اقول الا الله لا يخلينا من المطاعم

همسة للاصيل:تعرف مطعم نبع العصير؟؟اللي بالراس

البارح طالبن منه؟؟؟!!!:)

[الشبث]

الله يرحم والديك ويسكنهم الجنه






اخوي الاصيل

ياهلا بهالخشيشه

افا ليه ماتعرف تطبخ

عندي لك خطه تتعلم الطبخ بساااااع


ليا جوا اهلك بيسوون الغداء اجلس بالمطبخ وقل والله ماطلع من

المطبخ اليوم ابي اعاونكم

وراع لعملهم وتعلم



اما تجلس بالمقلط تنتظر الغداء وتبي تتعلم

هذا وجهي اذا عرفت شي غير بيض عيوووون

ولا الاندومي حقت ابو اربعطعش

هههههههههههههههههههههه








وتقلد تحيتي

[شنقل]

الاصيل

شرحك سرى

شاي ويالله اعرف اصلحه



البلاء يافلان تصليح القهوه

ابوي بغى يذبحن ياما علمن للقهوه

ههههههههههههههههههههه
ههههههههههههههههههه
هههههههههههههه

[مغترب بالشمال]

ابو الاصايل الله يرحم والديك ووالدينا ووالدى المسلمين


هنيك اللى تعرف بيض عيون :chinese:

الاندومى لنا عليه تحفظات :d:

الافغان ترهم :thumb:

لولا الله ثم هم تسان علوم ياظنينى :goooood:

القهوه والشاهى نوب ونوب

اخوك الصغير

[ابو غازي]

:232r:

:rolleyes:

:148r:


:wavey:

أمحق رجاجيل ياهللي فوق كلكم لويذبحكم الجوع ماتاكلون إلا أندومي :eek:
أجل الأصيل >> طلع قدع بااه :(
الأصيل >> الطبخة ااااااااااالجاية نبيها مرقوووووووووق :ezpi_blus

:p:

[الأصيل]

[font=Times New Roman]


ابو الاصااايل..شرهتك على اللي يعرف للبيض :)



[font=Simplified Arabic][align=center][B]
بس اسمع من بعض العزوبيه المخضرمين:) بان ليس هناك مثيل للأندومي:awink:


[font=Simplified Arabic][size=4][align=center][B]
وهي جاهزه للتحضير.. يعني مايحتاج تصرّف أهلك:) وهم بالبيت تسويه ومايدرون الا وهي جاهزه:) (على ذمة هالمخضرمين أنا مالي دخل) :)



واهم شي ان هالاندومي ماهي مثل الرز اللي لازم انوه يشرب ماااو:)






[size=5]ابو الأصايل.. هل تَنْطِق ما تَكْتُبْ أم تَكْتُب ما يُنْطَق؟؟ :):awink:

[size=4][align=center][B]
تشااااااااااو ماشرب ماااااااااااو





[font=Simplified Arabic][size=4][align=center][B]والله يابعدي ماذقت الأندومي ولااعرف طعموه:315r:

أثري ربعي واجد اللي مايعرفون يدبرون حالهم :477r:

على العموم : أنا أكتب اللي أقرا ، وآكل اللي أشوفوه ، وأنطق باللغة العربيه:001b:

[الأصيل]

ههههههههههههههههههههههههههههههه
هههههههههههههههههههههههههههه

مالك الا العيون

بس عاد وش صار عقب جيت اهلك:good1::good1:




عقب جيت أهلي صارت علوم

خل المستور مستور يالذيب:315r:

[الأصيل]

الله يرحم والديك ووالدينا ..


ابو الاصايل.. تعال عندي واخليك طباخ ( اليسطه :)) المهم الاخلاق.. وبعدين


والا ليه بعدين تعال بالشعر الشعبي اعلمك كيف تطبخ كبسة دجاج ..او مقلوبه ,,


بس وش صار لك مع اهلك:)


أجيك بالشعر النبطي !!!! :eek:

مطعم هو ولا شعر ياابو النباريس:315r:

يعني تبي تقصد لي قصيده عن طريقة تحضير الكبسه ؟؟:thumb:




أهلي ... وماأدراك ماصار لي مع أهلي !!

عسى ماتشوف اللي شفتوه:good1:

[الأصيل]

ابوثـــــوب

واطيبي تسان صبيت لي كوب ماء



اييييييي


قال ايش قال كبسة رز بالدجاج

ما اقول الا الله لا يخلينا من المطاعم

همسة للاصيل:تعرف مطعم نبع العصير؟؟اللي بالراس

البارح طالبن منه؟؟؟!!!:)


أبو زبون ... ونا أحسبك طباخ فنادق :d:

نبع العصير ...

اليوم الصبح خذيت منوه صمونتين ( لبنه وفلافل ):)

وكل ماجيت عندوه .. أودزف عند الدوار

وأتلفت ... أخاف إنك موجود:eek:

[الأصيل]

الله يرحم والديك ويسكنهم الجنه






اخوي الاصيل

ياهلا بهالخشيشه

افا ليه ماتعرف تطبخ

عندي لك خطه تتعلم الطبخ بساااااع


ليا جوا اهلك بيسوون الغداء اجلس بالمطبخ وقل والله ماطلع من

المطبخ اليوم ابي اعاونكم

وراع لعملهم وتعلم



اما تجلس بالمقلط تنتظر الغداء وتبي تتعلم

هذا وجهي اذا عرفت شي غير بيض عيوووون

ولا الاندومي حقت ابو اربعطعش

هههههههههههههههههههههه








وتقلد تحيتي



ونا ماعندي شغل ماغير أودزف بالمطبخ :)



حول شوين





أبشرك ..


ياما وياما تسفتت بالمطيبخ ...

ومثل ماقال شاعر النيل : تيتي تيتي .. زي مارحتي زي ماجيتي:359r:

[الأصيل]

الاصيل

شرحك سرى

شاي ويالله اعرف اصلحه



البلاء يافلان تصليح القهوه

ابوي بغى يذبحن ياما علمن للقهوه

ههههههههههههههههههههه
ههههههههههههههههههه
هههههههههههههه



الله يخلي لنا ( الكوفيميت ):315r:

والنسكافه:d:

تعال عندي وأعلمك على أفضل الطرق لإعداد الشاي والقهوة ... وبيض العيون:359r:

[الأصيل]

ابو الاصايل الله يرحم والديك ووالدينا ووالدى المسلمين


هنيك اللى تعرف بيض عيون :chinese:

الاندومى لنا عليه تحفظات :d:

الافغان ترهم :thumb:

لولا الله ثم هم تسان علوم ياظنينى :goooood:

القهوه والشاهى نوب ونوب

اخوك الصغير




يالمغترب ...

يعني أنا ونت وتسم واحد مانصلح للبر والمخيمات:eek:

لكن ... الله يخلي بني هنّاد وبني أفغان والشبث:315r:

[الأصيل]

:232r:

:rolleyes:

:148r:


:wavey:

أمحق رجاجيل ياهللي فوق كلكم لويذبحكم الجوع ماتاكلون إلا أندومي :eek:
أجل الأصيل >> طلع قدع بااه :(
الأصيل >> الطبخة ااااااااااالجاية نبيها مرقوووووووووق :ezpi_blus

:p:


إي والله طلعتا أنا قدع:315r:


أبوغازي ... وش مرقوقه يابعد خشمي

إنت حقك مفاطيح :good1:

لكن : العتب على الطباخ:290r:

[أبو مقرن]

هلا بالأصيل..
رحم الله ميتك..وأبقى وأطال عمر حيّك..
في..المطبخ..(تصدّق يوم شفتوه بالشريط..مارعبت لوه)!:)
بس لقيتووووه بالفلة..مجمع الشلة:005:


وهم لك يفسرون عن ذرعانهم ...

اللي يقطع اللحم ، واللي يضبط البهارات ،، واللي يولم القدور ..

طبعاً أخوكم الأصيل .. مالوه بالطبخ لاناقه ولا حوار
بلاهم خابرين..الأصيل واللي عنده..
ومابجعبتووووه يغني عن الكثير حتى من الأشياء الضرورية للطلعة:thumb:

***

ونا أخبر أمي الله يرحمه تقول للحريم( خلن الرز ليما يشرب ماو )
ألينوه مقياس.ن. وتوقيت.ن.يعتمد عليه أشوى من ساعات هالكاتم..
اللي نوب.ن.يقوم القدر لوووه مفاضخة..والرز على صيااااااموه..:puzzled:
***


ولابوه ذرة ملح

ولا زيت ولا بهار ( تقول أتسل مريض بوه سكري )
8
8
8
ياللي تنشد عن فندق ست النجوم..:a::a:
هاللي فووووق إنت ناسيهن..ولابزعمك إنهن مهن من المكووونات.؟1
:puzzled::013:
***

شي(ن) تعرفوه خير من شي(ن) تنستروه

بيض العيون وربك كريم
ياصاحبي بيض العيوووون..والهون أبرك مايكوووون
وعلى قولة..(أبو مطير)::d:
لاتقرب النار يامبارك......وترى ماهان تبارك؟!<<<<هيك ولا بلا!(يمكن بلا أحسن):ezpi_blus:ezpi_blus
***


يالغالي ياللي بهذا ..

شعلوم الصعايده ؟؟

عساهم للحين يردمون ؟؟؟
إيه أبشرك يردمون..والمقاول شاد.ن.على تسبودهم بهالأشاتي..
بس يذكرون لهم ربع.ن.حولهم..معهم لهم دركترات.ن.ومعدات تنقيب
ويقووولون إنهم يحفرّون..لكن وش يدورون؟؟؟مايدرى؟
تساااااان مهو ذهب..<<<والذهب دوّاره مايحصلوه إلا عقب تعب:awink::tongue:
<<<<<<والله إنك من جنبه...!يهالملقووووف! ولا منهو اللي ناشدك؟:d:
***
الأصيل...
تميز..كالعاده..
والتلميذ (مثلي)مهما كتب فلن يطاول(أستاذه)..:7ayyoh:
تحياتي...ودمت..ياأستاذي
وبالله..ماتدري الصعايدة هو مالهم فترة قيلولة..أو ساعة غدا؟:)

[الأصيل]

أهلاً بعميد الفلة

أبو مقرن ( وباللغه العربيه : أبي مقرن ) :359r:

ليه ؟ لأنها بدل من (عميد) ( نذخ لغة ):008b:

أي تلميذ الله يعافيك

أنا ليا هالحين أتعلم ألف باء تاءات علوم وفن الفله:hala1:

على العموم

الدركتر اللي جاك:a:

تروه وصلن

وخذا حاجتوه ...

ليتن من زمان معطيه مطلبوه:001b:

لكن عاد ... احرص جهدك جهدك أبوي :d:

اردم اردم... وشوف لك مجموعة هنود ( دوام بعد الظهر ):)

[المهرة]

اهم شئ ماحصل اصابات وحالات تسمم http://www.shegrdy.com/vb/images/smilies/j.gif

[الأصيل]

أختي الشاعره المهره

ترا ... حسب لوايح وأنظمة حقوق ابن آدم( حقوق الإنسان ):biggrin:

تعتبرين مخالفه للماده تسعطعش تقسيم 22:359r:

لأنوه حسب ماورد في بداية الموضوع : ممنوع دخول الحريم:315r:

وخصوصاً الشاعرات:eek:



لكن ... مثل ماقال المثل

زله وعند صديدز:redface:

هالي تشوفين ونا خوتس ..

والحمد لله ماحصل تسمم:d:

لكن ... حبتين مغص:)

[المهرة]

لأنوه حسب ماورد في بداية الموضوع : ممنوع دخول الحريم

وخصوصاً الشاعرات
دخلت بطقية الاخفا 00 وركبت شنب http://www.shegrdy.com/vb/images/smilies/j.gif

[هايس الشمري]

الاصيل


هههههههه


طيب اسمع هالسالفة


قالوا خويانن لي نبي نطلع على البحر قلت قدام


بس خلونا ناخذ غدانا من المطعم


قالوا لا نبي نسويه حنا<<<<<<بزعمهم اهل بر :)

قلت انا مالي الا الشاهي و القهوة ازهلوهن غيرهن مالي شغل

المهم هم يجيبون لحمة الحاشي <<<<<< :)

و يحطون الرز

و واحد منهم يكلم امه يمه علمنا كذا و سوينا كذا


وش نسوي بعدين :)

المهم انا الاحظ الشغل من بعيد


و كل شوين صابين لهم كاسه ماء عليه ههههههههه


المهم يوم طلع يمار الرز

نصه متموس و نصه حب


الشرهة على اللي يطلع معهم ههههههههه

[الأصيل]

لأنوه حسب ماورد في بداية الموضوع : ممنوع دخول الحريم

وخصوصاً الشاعرات
دخلت بطقية الاخفا 00 وركبت شنب http://www.shegrdy.com/vb/images/smilies/j.gif


وهذي جريمه ثانيه ... يعاقب عليها القانون:eek:

وهي ... انتحال شخصية رجال الأمن:315r:

[الأصيل]

الذيييييييييييب

اثريك مثلي يابعدي:hala1:

يستاهلون خوياك

ليه ماخذو غداهم من المطعم .. استر لهم:359r:

ياحيف

عقب هالاتصالات كله ... طلع الغدا ... ماش:315r: