المكشات المكان والترتيبات

[فلاح السعد]

بسم الله الرحمن الرحيم


اخوتي الاعزاء يسعدني ان اخبركم ان تم حجز مخيّم كامل ياشينك تحتسي رسمي :)

ابي اقول لكم يالربع اننا حجزنا مخيّم على كيف كيفك ان شاء الله انه هاللون وأنا ادخل

على الله :) فيه بيت شعر متطرف والكلمه هذي تروه ماهي على اللي تفهم هالليوم اخاف

اننا نلقاو باتسر مداهم :) وفيه بيوت جاهزه قلت على شان بعض الناس مايبرد احسن من الخيم

البيوت اللي تقل صنادز

المخيم موقعه على الطريق الجديد اللي المفترض انه يربط ابوحدريه بالخفجي واللي هالحين موقف عند محطة الساجي (مفرق النعيريه) وتم اختياره بالتشاور مع اهل الديره اللي اقدم مني يقولون هذا خضار وحلو وأنا ادخل على الله واحد خايفن من الملامه يقدم عذره :)

يعني اشلون يافلاح اي المفارق انا اقول لكم يامنك جيت من الدمام تطلع من تحت الكبري كأنك رايحن يم الكويت او الخفجي ومن ثمن يجيك مفرق النعيريه يسار وفيه محطه اسمه الساجي الطريق الجديد خلفه تشوف لك سياراتن يمشن صحرا متجهاتن للمحطه اعرف ان الخط وراه :) وصف بدوي ماهو كذا المهم تمسك هالخط متجهن للخفجي ياما تجيك لوحه مكتوبن عليه الخفجي 30 كم بعد هاللوحه خفف من طيرتك اي سرعته وخلك تراعي يسار تشوف لك لوحتن مزبرقه وتلق مكتوبن عليه (مــــــــــــخيّم الـــــــــــوسم) وعليه صورة فرس وحركاي هذا تروح مخيمنا ياالمضايف انت عاد اكسر يسار ومش لك حوالي مية متر ورح يمين تشوف الاكباس ومكان العائلات يكون من توالاك انتبه تروق او تلف تر به ناسن معزومينن من بعيد :)

اللي يجي من الحفر او من الرياض من طريق القاعده يمسك طريق القاعده مشعاب وعلى ماينتهي الطريق يروح يسار مع هالسيدين ونفس الحكايه تجيه لوحة الخفجي 30 كم ماني موصفن ثاني مره ارفعوا روسكم فوق وتشوفون المكان :)

هالحين يالربع اللي له خاطر بشين وألا له ملاحظه او تعليق او أي شينن يطري على باله يقول لنا على شان نسوي اللي نقدر عليه والله يعيننا على مغثة بعض البشر :)

عاد لاتجون انتم من هالحين اصبروا شوين ياما يجي الربوع اليوم سبت ياقماعة الربع وتروا المخيم من صبح الربوع الجهمه محجوز يعني متى مابغيتوا تجون عين فراش وعين غطا هذا اللي قالوا لي الربع بهذا وألا انا ابي املص من عندكم معزوم بالكويت :)


نداء للوجيه السفره اللي تجي من بعيد كان لقيتوا او شفتوا بوجهكم طير اياً كان نوعه لاتنسوننا نبي نهايط بلنا كم طير نصفهن ونحط عليهن شبك بحيث ماحد يقرب لهن ونبرقعهن ولاحد داريّن وشن واللي يمر سوق ابوريالين يشتري لنا كم شوحط وكلن على مركى ولطمه :)

اللي عنده تعليقاي يشوتهن تروني متولمن هالسبوع ماعندي شغل غير هالطلعه وعلى فكره فيه العاب اللي بخاطره يرجع كم سنه ورا فيه مراجيح بس والله شفت لي ناسن تمرجح عليهن حرام بعض الوجيه تعقبهم عليهن :)


ملاحظـــه: يالربع تكفون تكفون تكفون لااحد يجيب معه شين لأن كل شيء مرتب له ومحجوز حتى السمامين :) ماهو مثل سواة بعض الناس :) انا ماقلت انت وش فيك زعلان يارجل :) نبي شوفتكم وهذي هي المغزى والمكسب

عادي يالربع اللي يضيع يتصل بي مافيها مكابره خصوصاً حضر العليا :) 0503031616 تعرفون اسمي وألا اكتبه بجنب الرقم :)

[ابن جشعم]

الا ياربّي .... شنوحكم هالبعد يابعدي !!!!

دون الخفجي بس بـــــ 30 كيلو ؟؟؟؟

وإلا قصدك مفرق طريق الخفجي ؟؟

تهقى كم كيلو من الدمام الطريدز كله ؟؟

لاتواخذن يالطربة ... زااام نهار بالويك إند وابدزفي ودزبل عليكم :)


وبعدين ياليت يكون الوصف مدعوم بخارطه مثل خارطة

ابو سلطان العام عشان مانغدي تخبر نوب ننّجم ..



تحياتي وأشواقي

[بعض الناس]

وشنوحك يافلاح حاطن حيلك علي .. كل كلمتن والثانية تذكرن .. تقل مابوه بهالمضايف ألا أنا .. اذكر الله يارجل .. وألا ترانن أبهون عن النهجه معكم !!

[سالم]

شكراً يالفلحي :)

يعني يوم الاربعاء 2/2/2005 ..

ماننحرم

[فلاح السعد]

ابن جشعم

راع تحت اسمك وتشوف انك كاتبٍ وين ماتبون :)


يعني انت جبته على نفســــــــك :)


المكان ابد مايضيّع واضح على الطريق الجديد متجه

يم الخفجي والكويت تجيك لوحة الخفجي 30 كم اعرف

ان باقي لك شيءٍ بسيط :)

الخريطه مامن سكانر عندي وألا كان حطينا الخريطه بس

يالربع عيب انتم بدو عيال بدو وماني حاطكم بوسط النفود

وألا بمتاهات الصمان على شان نحط لكم خريطه واحد يرقع لروحه :)

من عند الدمام يابعدي حوالي 260 كم يعني ساعتين وكان انت جيد

ساعتين الا ربع :)

مامن عذر :)

[فلاح السعد]

بعض الناس خلاص ماعاد نطري اسمك بس تعال :)

[فلاح السعد]

هلا بسالم

وحياك ربي

مامن تواريخ هالحين نقدر

نقول ان الموعد يوم الربوع هذا خلاص :)

[عايش العنزي]

الله يعطيك العافيه وعساك على القوه يافلاح

أنا أشهد انك نشمي ووليده ..وعز الله ان رايتك بيضاء

يالأجودي ...

اخوك / عايش !!

[عبدالله الجعيثن]

انا ومتخلفي نبي نجيكم على لنج اسرع

من البحرين مطفين النور:puzzled::puzzled:

[عبدالله المهيني]

ابو ضاري

ياخي مكان العام الماضي كان اقرب نسبياً عن الموقع هالسنة



لكن ما عليه



ياربي انه يعطيك العافيه على هالجهد اللي تقوم به


والله لا يعوق بـــ شر


وعسى الله يتمم بخير


وإن ما حصل لأهل الرياض زيارة هالصفحة

ترى كلمتهم نقلته لك

وهي الدعاء لك بالعافيه


والله يطول عمرك

[فاصــ بيضاءــلة]

طيب حنا n) وين نروح

:confused:

[راعي الوقيد]

ابوضاري

لعنبو بليسك وين حاطنا الله يهداك !؟

الى صار اهل الشرقية يتشكون من بعد المكان ! اجل حنا وش نقول

ياللي جايين من العارض المذكور طالعين من الدوام يوم الاربعاء الساعة

ثنتين وربع ظهرا ً والمشوة تكون الساعة بالكثير اربع ونص خمس

هالمحاري ؟

برايك متى نب ناصلكم بالسلامة ؟ ولا تنسى دوام السبت والعودة:232r:

اقووووول:172r:

لا تنسى الطبووول او الطيران السامريات متوفرة وعلى افى من يشيل:whistling

[عبدالرحمن]

وألا انا ابي املص من عندكم معزوم بالكويت

طيب لو صار تبي تملص للكويت انا تراني باستقبالك

ولاني جاي مايصير نخلي ابو ضاري ونروح ندور الكشتات

<< واحدن يدور له عذر:)


وعلى فكره فيه العاب اللي بخاطره يرجع كم سنه ورا فيه مراجيح بس والله شفت لي ناسن تمرجح عليهن حرام بعض الوجيه تعقبهم عليهن

وش قصدك :puzzled:



اخي وعزيزي ابو ضاري


كنت قد وعدتك بالحضور ان سمحت لي الظروف

كي اتشرف بمعرفتكم وافرح بمشاهدتكم ولكن

كعادتها تقف هذه الظروف حائل وحاجز يمنعنا

عن مشاهدة امثالك من الاعزاء

لذلك ارجو منك وبقية الاخوة

قبول حقيقة هذه الموانع

ولك جزيل الشكر والامتنان

واتمنى لكم رحلة موفقة وممتعة

مع اصدق تحيات الود والتقدير 0

[فلاح السعد]

عايش العنزي


هلا والله البناخي وبرك الساعات شوفتك



وترنا ماسوينا شيء والبركــــه فيك وشرواك





وننتظركم على احر من جمر

[الامسح]

عاد المخيم قريب من ال...... ومكانه زين بس التقيد بالتعليمات
وياريت لو بيت الشعر يصير عليه تعديل ............
بلغ تحياتي للجميع

[فلاح السعد]

الغازي ابوغازي



ياهلابكم


وكان الدعوى به طبول


والربع يبون سامري تروا ماعندنا بالخفجي :)

[فلاح السعد]

المهيني


والله انا ودي بالاقرب لكم



ولكن مالقيت المكان اللي



يلوق بجيتكم


قلت نبي لنا مكانٍ به خضار



والشيء الاخر المخيم الزين


هذولنك خيام ولحق هلك بينما


هذا المخيم جاهز وثابت وزين نوعاً ما :)


سلم لي على الربع كلهم


وننتظر جيتكم

[فلاح السعد]

فاصله بيضاء


تروحيــــــن بحفظ الله :)




والله يستر عليـــــــك



عاد تصدقين فيه مكان


عائلات جاهــــــــــــز هذي عاد نذاله :)

[فلاح السعد]

راعي الوقيد


ماعليك منهم اهل الشرقيه


بس يحبون يتشكون

:)


تدري ان المسافه حوالي 20كم اقصد الفرق



وبعدين ياخي ندور الخيره :)


بخصوص الطبول كلن بكيفه هذي طلعة بر :)


وإن شاء الله ماتاخذ منكم خمس ساعات


ننتظركم

[فلاح السعد]

الله يسلمك ياعبدالرحمن



قــــــــول وفعل انتظرن ياما اجيك :)



وترن مااقصد شيء بالمراجيح ابد :)



وإذا حصل لك فرصه حياك ربي

[فلاح السعد]

الامسح


لاتخليني اعلم الربع انك انت اللي اخترت المكان :)



ترى بعضهم يشتكي من البعـــــــــد


وياليتك جاي معي بالنهار تشوف الوضع


انت جيت بالليل وماكان في شيء باين :)


انتظرك على خير

[اليم]

لاهنت يابو ضاري

عز الله ما قصرت والعصافير ابشر بهن:)

وسلفر حق جزيرة الكنز نبي نجيبوه معنا:)

انا والربع نبي نصفط عن مفرق القاعده نتحرا الرجال

خوينا وان شاء الله نبي نجيبوه لك مكتوف الايدي:)


ابو ضاري تقول

ملاحظـــه: يالربع تكفون تكفون تكفون لااحد يجيب معه شين لأن كل شيء مرتب له ومحجوز حتى السمامين

هل يعني هذا حتى الفرش والبطانيات ما نجيبهن:)

عز ما تقصر يابو ضاري دايم ورايتك بيضاءءءءءءءءءء:)

[اخو سعدى]

اخي فلاح

وصفك عدي جالسن بالمخيم الحين
وصفك رااااااااااااااائع وانت اروووووووووووووع

اما المهيني ؟

[شموخ]

طيب حنا n) وين نروح

:confused:


نقعد بالبيت :frown::frown:

وتحيه للنشاما الطالعين بنايفات النفد :):)

الله يستر عليكم ..

[فلاح السعد]

ابوعارف

اهم شيء العصافير


والرجال وجهه جاي



ونشوف عاد وش نعمل



من ناحية الفرش افا عليك بس

عين فراش وعين غطا قل ماابي

عيونك وش اسوي بهن ابي لي فراشن يودزينن عن القاع

وغطا يدفينن :)

فيه مشروع بطانية كشات بس عاد ترهن مامن اكالزيناي حيل :)

ابشر بعزك ياحيي

[فلاح السعد]

اخو سعدى

إيه هذي الرجال اللي تدل القاع


واحد يرفع معنويات نفسه :)


الله لايهينك بس عاد لاتأخر علينا

والمهيني اوريك به :)

[فلاح السعد]

شموخ


يطول بعمرك


وتحيه لطهارتكن ياشامخات

[الغثه]

سؤالي

اذا طلعت من الحفر ومشيت كم كيلو يجيني مفرق القاعده يمين والسفانيه يسار وين اروح

<<< اول يبي يخليه مفاجأه لكم بس ما يدل


انشالله اجيكم واجيب لكم معي فقع :)

وتبي طير يافلاح

ابشر

[المطنوخ]

مافيه خدمة ليموزين من الكويت؟؟

طيب ان الله يسر وبغينا نجي....

حنا نحلق ولا مانحلق؟؟

واللبس نجيب فرانا وبشوتنا ولا موفرهن؟؟

وبالنسبه للتتن...

هو مسموح نتتن بالمخيم ولا لا؟؟

وبالنسبه للشمس....

نجيب نظاراتنا ولا مانجيبهن؟؟؟

وبالنسبه للتلفونات....

توفرون خطوط جوال لكل زائر ولا لا؟؟؟

وبالنسبه ل.......؟؟؟؟؟

لا لا خلاص:)

[فلاح السعد]

هلا الغثه


شف ياعزيزي تمشي من الحفر 100كم ويجيك المفرق

طبعاً تروح يسار مع طريق القاعده مشعاب وطول هالطريق

170 كم يجيك سيدين رح يسار متجه للخفجي حنا على هالطريق

ومثل ماقلت خل عينك على اللوحات الارشاديه او ماتشوف لوحه

مكتوب عليه الخفجي 30كم اعرف انك حولنا بعد ماتعدي هاللوحه

التفت يسار تشوف مكتوب على لوحه مخطوطه كمبيوتر كبيره

مخيــــــــــم الوسم هذا هو مخيمنا اطلع من عنده يسار مئة متر

ورع يمين حنا هنااااااااك :)

وتسلم يالغثه خل الطير للمقناص يامن جيت يم رفحا :)

[فلاح السعد]

وش نوح تقل متغيّرن اسمك يالمطنوخ :)

جاليه كان هاللون :)


وإذا هو متغير تر عليك تمايم :) لازم تتمم لروحك


انت بس تعال واللي تبي يصير :)

[سويلم الشمري]

فلاح بيض اللة وجهك يالقرم

وان شاء اللة عندكم يوم الربوع اذا حنا من الحييين

اخوك

سويلم

[فلاح السعد]

سويلم الشمري


هذي الساعة المباركه


وياهــــــــــــــــــــــــلابك

[متخلف بكيفي]

صوتا سمعته تل قلبي من اقصاه
لولا ضلوعي راح قلبي مع الصوت

.
.
.

مدري من صوته

بس رقمه حلو

وصوته حلو

.
.

ابي اقول السلام

قلت له خدمه والا شي


قال من انت

قلت انا اللي زماني تحداني

قال وش تبي

قلت اب سلف

قال من انت

قلت انت وجه السعد

قال لا

قلت ردد وراي

انا

قال انا

قلت اعترف لك ان عرفتك

قال اعترف لك اني ما عرفتك


قلت انت فلاح السعد

قال ايه بس من انت

قلت انا اخو خلفة متخلف

قال ترى بطاريتي فاضيه طوط طوط طوط طوط طوط


وطفا الجوووووووال



.
.

هذه قصة حرماني





ابيكم تاخذون لي حقي






اهاي اهاي <<<<<< ابكي




بايووووو

[الشبث]

الله يعطيك العافيه اخوي فلاح

والشواحط ازهلهن علي

اما براقع الطيور ماعرفلهن


مهن مثل براقع الحريم

تسانهن يصلحن ابجيبلك برقع الملاك غيداء

هههههههههههههههههههههههه






وتقلد تحيتي

[سنجار]

فلاح السعد

يعطيك العافيه

أبو ضاري

على هالجهد الرائع

وحنا نثق بخبرتك في أختيار المخيم

أكيد ولد الديره وتعرفه شبر شبر

وحنا جاينكم أن شاء الله انا والعمده ومحمد العربي وسواقنا شمالي:)

ولو ان عندي دوام أخر ليل لكن شوفتكم تسوى هالتعب واكثر...

[فلاح السعد]

اخـــــو خلفه


ياشين انت وليه تظلمن :)


انت اللي تدق دقه وتسكر


يوم قلت لك وليه هاللون تقول


اخاف ان حدى الشله بفلة حجاج يراقبن :)


حنا اللي نتشرف بشوفتكم وحياكم الله وفطن


للمسبوب اللي تبي تجي انت وياو تسان ماتعرف

تقرا خوذوا معكم شيخ :)

[فلاح السعد]

الشبث


لاحول ولاقوة الا بالله هذا تدور الشر :)


الا وانا اخوك وترن ابي بعد الشواحط الجيده


والبراقع حولنا ناسن تبيع بس عطنا روحك :)

[فلاح السعد]

سنجار


لاهنت يابعدي



وشكراً على هالثقه


وكلنا شوق لشوفتك ياحيي


ننتظركم ولاتزعلون السواق وتبلشون بتاليه :)

[محارش]

سجل عندك الشاعر المبدع والمتميز جدا الــــكــــاســــب سيكون معنا بإذن الله .

مشكور يابو ضاري ولا هنت يالغالي .

ومن هاللحين يالربع تروا شمالي خويي وتروا زعلي من زعلوه :)

[فلاح السعد]

هلا محارش

وأبرك الساعات والله جيّت هالنشمي


والشمالي خويي انا وش نوحكم تلزقون انتم :)

[الشبث]

والبراقع حولنا ناسن تبيع بس عطنا روحك

فلاحوووووه

تسانك تبي البرقع لي انا مالبسوه

تخبر انا من الاولات كود شيله وعصابه



ولم القهوه باتسر من الجهمه وانا متحنطرن عندك






وتقلد تحيتي

[النابغة الطائي]

السلام عليكم ورحمة اله وبركاته .

مرحبا أخي العزيز فلاح السعد ..

وأشكرك على رسالتك ..

في الحقيقة من شهر .. وأنا أحاول أدخل الموقع .. shmmr.org

ويرفض وفي هذه اللحظة قلت أجرب net

والحمد لله فتح معاي .. ووجدت آخر رساله وارده على الخاص منك ..

وقرأتها .. ووجدت موضوعك في العام .. وإلا الموعد هو هذا اليوم ..

وفي الحقيقة كم أتمنى لقائكم وأتشرف به كذلك .. ولكن الموعد في هذا اليوم . ولم أستعد .. ولعل أن اجتمع بكم مرة أخرى ..

أتمنى لكم التوفيق جميعاً .. وأن يسعدكم الله .. دنيا وآخره ..

أخوكم أبو جود ..