صبوا هالقهوة بس لاتزيدونها هيل :)

[الجازي]

بمناسبة حلول عيد الأضحى المبارك أعاده الله علينا وعليكم باليمن وسلطنة عمان :)

<<<<<< ياشين اللي حافظن طريقة تشنل ون في الأخبار :)

المهم ,, هذا إهداء جايزن لي بقوة بس ماأضمن لكم انه يجوز لكم لأن الأذواق تختلف ولولا اختلاف الأذواق لبارت السلع :) >>>> تسني بديت أتعمق :)

طبعا مليونين في المية انكم كلكم تعرفون أغنية سميرة توفيق (( يالله صبوا هالقهوة وزيدوها هيل ))

واللي مايعرفها ماينلام ,, أكيد انه أحد صغار السن :) >>>>> تكفين ياعجوز المضايف :)

هالمرة جبت لكم بنت عم أغنيتها :) بس معليش القهوة مافيها هيل :) عشان اللي فيهم حرقان وحموضة :) نراعي حالتهم الصحية :) >>>> ياحبيلي تخصص ترقيع العيوب :)

طبعا ماهيب بصوت سميرة توفيق :) ,, بس بصوت سميّها :) سمير البشيري :) >>>> الظاهر أخوان من الرضاع :) >>>> يقطع أبو التسطيل :)

اسمعوها ,, ان جازت لكم مثلي فزين على زين :) وان ماجازت لكم ترى ينفع العيد بليا حنا :) >>>جملة مشلحة من الوالدة حفظها الله اذا شافتني مالقيت إشارب نفس الفستان :) :)

أخليكم معها ودعواتكم لي بعيد سعيد

http://drphotoshop.siteatnet.com/foreign/drphotoshop/NEW.rm

للحفظ للي ريل بليرهم الله بالخير :) (http://drphotoshop.siteatnet.com/foreign/drphotoshop/NEW.ram)

[ريم شمر]

يووووووه يالريم

اثاريك من عهد سميره توفيق
البرتقاله حقت شيبان الستينات :)





بس الاهداء حلو مثلك يااحلى ريومه حتى وانتي عجوز :055r::055r:


تسلمين وكل عام وانتي بخير

انا مستعجله بروح اتفرج على الخروف الارجنتيني اذا بغوا يذبحونه:thumb:

تصدقين ريومه مسوين له تاج ورد حاطينه على راسه :232r:

والله الناس اللي عندهم ذوق واتيكت حتى مع الخرفان :eek:

[المهرة]

كل عام وانتِ بخير 00 ريووومه


شوفي انا مالحقت على سميرة هذه ليش الأخت ماغير ملاحق http://www.asmilies.com/smiliespic/girlsonly/002.gif

لحقت على عائشة المرطى 00 انواع الغبار http://www.asmilies.com/smiliespic/evil/001.gif

يعني من عام السبله


والقهووه ابشرتس جهزتها والقدوع وجايتس وبجيب معي ريم شمر

لكن طلعنا برا المضايف مالقينا البعير الظاهر احدى البنات رايحه عليه

للسوق لقينا هذا وركبناhttp://www.asmilies.com/smiliespic/psmilie/153.gif


جهزي القدوع
وانا معي قهوتي http://www.w6w.com/w6w.php?pic=173413


اختك 00 المهـ ـره

[ابو فارس]

صبو هالقهوة وقولوا يا حي الله من جانا
................. ليالي الهنا طلت وقلوبنا فرحانا
نجمة العيد تلألي وعيوننا سهرانا
.................يالله عسى هالفرحة تذكرنا ولاتنسانا


تعبت من النسخ

كل عام وانت بخير
وعساك من عواده


بصراحة احب القهوة بدون هيل
اذا كانت تركية
وعلى الريق
بعدها افتح عيوني واصحصح
قبلها مافيش كلام


من الفايزين جميعا
دمت بخير ودامت افراحكم

[شموخ]

كل عام وانت بخير ريوم

ايه تكفين لاتزيدينها هيل علشان الحرقان :)

ولو انى للحين ماسمعت شي .

تحياتي
شموخ

[ابو غازي]

صبو هالقهوة وقولوا يا حي الله من جانا
................. ليالي الهنا طلت وقلوبنا فرحانا
نجمة العيد تلألي وعيوننا سهرانا
.................يالله عسى هالفرحة تذكرنا ولاتنسانا

:a:

تســــــــــــــني سمعت أحد يطري الشيباان :(

:232r: هالعجيز تبي تفضحنا :cool:

حيالله بنت اختي ... عيدك مبااااااااارك :165r: مو حمد :rolleyes:


:p:

خالتي الملوي غيرتس ماشتغل معنا ... حطي لنا رابط حفظ :eek:
http://drphotoshop.siteatnet.com/foreign/drphotoshop/NEW.rm

[الجازي]

ريومة ,,

هي من عهد الستينات !!؟ وأنا أحسبها كبري من الخمسينات :)

المهم أهم شيء الأخلاق ماعلينا من العمر ,,

بس مدري سمعتي الرابط ريومة ولا لأ ؟؟

عشان أسوي إحصائية باللي طلعت معه واللي ماطلعت :)



انا مستعجله بروح اتفرج على الخروف الارجنتيني اذا بغوا يذبحونه

تصدقين ريومه مسوين له تاج ورد حاطينه على راسه

والله الناس اللي عندهم ذوق واتيكت حتى مع الخرفان

والله ماهقيت انه من زود الذوق :) الا من زود النذالة ,, اجل ياعمري يزينونه قبل يذبحونه :( الله لايعيده من تاج ورد :)

الله يقلع ابليستس ذكرتيني بجدتي اذا جت تحنّي الخرفان :) مدري من وين جايبين هالبدعة واذا علقنا عليهم قالوا الا فضيل انتس تحنينه :)

الظاهر لو اضطريت اني أسوي سواتهم مانيب حاطة حنا :) بحط صبغة مسكليرول :) أسرع :)

[ريم شمر]

الريل طالع ومسموع وحلو ومافيش احسن من هيك :)

[راعي الوقيد]

الريـــــــــــــم

الله يتقبل منا ومنكم صالح الأعمال

حجا ً مبــرورا ً وسعيا ً مشكورا ًلحجاج البيت الحرام

وعساكم من العايدين الفايزين

عااااااااد عيدكم ،،،

مدري من وين جايبين هالبدعة واذا علقنا عليهم قالوا الا فضيل انتس

تحنينه:)
الله يرحم اجدادنا وجداتنا ويحلنا من والدينا ،،،

هذا اختي من زود الإهتمام بتأدية الفريضة على وجهها الصحيح:)

شيء ثاني !!

وهو وجود الخرفان الضحايا:112r:مع باقي الغنم بالحضيرة:) وخوفا ً من

الإلتباس بالضحايا مع غير الضحايا يقمن الجدات بوضع الحنا على رؤوس

الضحايا للتفريق بينها وبين الخرفان الأخرى << وهذي السالفة بالنسبة

لجدتي بالضبط يعني :)

:hala1:وعيد سعيد

وسلااااااااام ...

[الاصمعي]

الريـــــــــــــم

الله يتقبل منا ومنكم صالح الأعمال

حجا ً مبــرورا ً وسعيا ً مشكورا ًلحجاج البيت الحرام

وعساكم من العايدين الفايزين

عااااااااد عيدكم ،،،

^
^
ما شاء الله تبارك الله,,

وأثرك حجاجة وأنا أشوف مالك شوفه بربوع هالمضايف,,

بس ما شاء الله حملتكم ملكية الي موفرةٍ لكم حتى النت:)

بارك الله براعي الوقيد الي فطنا نبارك لك بالحج:thumb:

حج مبرور وذنب مغفور وكل عام وأنتي بخير..

[راعي الوقيد]

^
^
حجي:rolleyes:

بارك الله براعي الوقيد الي فطنا نبارك لك بالحج:thumb:

الله يتقبل منا ومنكم صالح الأعمال

حجا ً مبــرورا ً وسعيا ً مشكورا ًلحجاج البيت الحرام

وعساكم من العايدين الفايزين

عااااااااد عيدكم ،،،
هذا لا يعني ان الريم حجاجة بل هو دعاء عام بأن يتقبل الله منا ومنكم

صالح الأعمال بهالمناسبة ويشمل الحجاج وغير الحجاج:)

والآخر دعاء للحجاج !!

الريم حجاجة:232r:مادري والله

لا تحط بعبي:448r:

كيف الحال:485r:

سلااااااام ...

[الجازي]

^
^
^
معكم الأخت حجاجة بنت يوسف الثقفي :)

الحين الحاجة ينقال لها حجاجة !!؟ :)

يالله ياما في لهجتكم بلاوي :)

الحج والله هالسنة ماحجيت ,, والا تسان لقيتوني طافحتن في منى عقب هالغرق اللي جاهم :)

المهرة ,, أبو فارس ,, شموخ ,, أبو غازي ,, راعي الوقيد ,, الاصمعي

يعطيكم العافية جميعا على المرور بس اهم شيء عساكم سمعتوه وطلع معكم !!؟

اللي ماطلع معه يتابع قناة المجد في عيد الضحية السنة الجاية :) أكيد بيجيبونها :)

[الشبث]

يا ابو يمن انتي

بالله ممكن اغنية كاظم الساهر حافية القدمين

علشان نحط حنا على مواطيها




ريموووووه

انتي ماسمعتي اغنية ام فريد الاطرش ( تقرب لام كلثوم )

انتا فين والفن فين ....... زالمووو ليه دايما معااااااااك








ريموووووه لاله عاده تقعدين تطفقين على الفن النبيل( ولد جيراننا )



احم احم








وتقلد تحيتي

[الجازي]

^
^
^
من جاب طاري الفن أنت بعد :)

أنا أسألكم عن القهوة تبونها بهيل ولا لأ !!؟ :)

[الشبث]

^
^
^
^

طيب جيبي لي اثنين خيار باللبن وانتي ساكته

خخخخخخخخخخخ






وتقلدي تحيتي

[مجموعة إنسان]

.

عندي مشكله بالريل بلاير

لمّا تزول المشكله بأرجع اشوف وش السالفه


شيختنا الريم :

لك مني كل التحايا

.

[الجازي]

الشبث :

قلت قهوة ماقلت يامال الشام :)

مجمج :

هلا والله وغلا ,,

الله يشفي ريلتس يابعدي عشان تسمعين إهدائي :)

[الشبث]

قلت قهوة ماقلت يامال الشام

ريموووه اجل خليهم اثنين قهوه لان معي واحد من الشباب



وتقلدي تحيتي

[الجازي]

أبشر ولايهمك ,, بس القهوة تبيها بالبن ولا بدون بن :)