المساعد الشخصي الرقمي

مشاهدة النسخة كاملة : تكفلــــــــــــــن


شنقل
18-01-2005, 02:21
السلام عليكم


فيه موضوعن مزكش بالحيل


ياجاك واحد وقال يابو فلان تكفا ووين بوفلان

طبعا راح تضرب عندك الشمريه دبل اوفر

ويقولك ابيك تكفلن بسياره او اي عقار


وش رايح تسوي


تكفله والا لا
طيب اذا انت واثق من الرجال ورجالن مضبوط ويسدد اول باول
هذي ماعليها خلاف



اما انك تعرف انه مايسدد ويبي يحطه بظهرك
تكفله والا لا



انا ابتكلم عن نفسي
جاني واحدن قبل فتره وقال تكفى ابيك تكفلن

المشكله اني اعرفه زين انه مافيه امل يسدد

اعتذرت منه
وزعل مني الي يومك وهو مايكلمن ؟؟؟؟؟
شموخ
18-01-2005, 02:33
اهلين شنقل

يقولون الكفاله
أولها شهامه وأخرها ندامه والله يعينكم على هالاحراجات اللي تواجهونها .

تحياتي
شموخ
الشمري محمد فهد
18-01-2005, 03:24
طبعا راح تضرب عندك الشمريه دبل اوفر


قصدك بيصير عندك OverLoad للنخوة

الطيب له وقت و الخبال له وقته ..

إذا هو مثل ما قلت , طقيته بوجهه و لا همن ..

و بسلامته يزعل و لا يرضى منيب جامله على حسابي

إذا كنت ما أقدر و هو ما يستاهل ..

أما إذا كنت مقتدر , و خوته تنشري بفلوس ..

والله لو أرهن بيتي على شانه , رهنته ..








كلام بس http://www.shmmr.net/vb/images/smilies/tongue.gif



لحد يصدق :)



C ya
شنقل
18-01-2005, 06:51
يقولون الكفاله
أولها شهامه وأخرها ندامه والله يعينكم على هالاحراجات اللي تواجهونها

شموخ
بلاك انك مامريتي هالمواقف:)

بعضهم حتى البكاء يبكي عندك عشان تكفله

ثمن ردد
يالليــــــــــــــــــل ماطولــــــــــــــــــــــــــــــك
شنقل
18-01-2005, 07:00
القلب العاصف
أما إذا كنت مقتدر , و خوته تنشري بفلوس ..

والله لو أرهن بيتي على شانه , رهنته ..








كلام بس



لحد يصدق


الا ماتكفلن:):):)
المطنوخ
18-01-2005, 09:23
شندزل

بوجهوه عنه مارضى

تسان قايلوه ماعندك سلف المبلغ الفلاني ؟؟

شف وش يقولك

هذييييييييييييييييييييييتس غبرتوه


لا والله الا الحق ينقال

الكفاله مابه الا الفلس وعوار الراس والبلاك لست

وعلى قولة الزبردشي<<<عالم نبات ارجنتيني:)

تبكي وفلوسي بجيبي خيراً من ان تضحك وفلوسي بجيبك


ملاحظه:اخبر الشبث يدور من يكفله لحد يقرب لوه هاليومين:)
شموخ
18-01-2005, 14:46
شموخ
بلاك انك مامريتي هالمواقف:)

بعضهم حتى البكاء يبكي عندك عشان تكفله

ثمن ردد
يالليــــــــــــــــــل ماطولــــــــــــــــــــــــــــــك


بلشه والله يقولون ديناه انبسط تركناه نسى .طلبناه زعل :frown::frown:.هذا حال اللي تدينه أول ماتدينه ينبسط ثم ينسى الدين ولطلبت حقك زعل منك .:)
الغثه
18-01-2005, 15:39
الغالي شنقل

انا اخبر لي رجال قريب مني حيل

جاه صديقه وقال ابي تكفلن بسياره ابي اخذه لمدة سنه

قال مايخالف مع ان صديقه عاضن القاع من الفقر

المهم كفله وجاء موعد السداد

قال يافلان ابي تكفلن بسياره جديده على شان اسدد السيارة الاولى

وقال مايخالف

وخذوا سياره وباعوه وسددوا السياره الاولى


المهم الرجال هذا سوى مصلحة وارتوق من وراه


وقال لصديقه اللي كفله بسيارتين ابيك تشاركن بمشروع ناجح ميه بالميه

وقال مايخالف دفع المسكين 85 الف ريال

وش سوى الرجال بعد ماخذا الـــ 85 الف

سحب عليه وقال مالك شي عندي

ولا فيه اوراق تثبت ولا شي


وسكت هذا مايحب يشتكي على صديقه وخلاه قال الله يجيبهن لي

المهم والله مامرت سنه يمكن 7 او 8 اشهر

وهو يطيح الرجال وتضربه جلطه

وخاف ربه ووعد الرجال انه يرجع له راس ماله الـــ 85 الف وعليهن 50 الف ريال زياده من ناتج المشروع
ابو غازي
18-01-2005, 18:30
انا ابتكلم عن نفسي
جاني واحدن قبل فتره وقال تكفى ابيك تكفلن

المشكله اني اعرفه زين انه مافيه امل يسدد

اعتذرت منه
وزعل مني الي يومك وهو مايكلمن ؟؟؟؟؟

اللي مثل هذا وأشكاله خلوووه لايرضا أبد ياما تقوم الساااعة :c:
شنقل / اليوم نفسي يانفسي واللي مايحمي نفسه خبل
7
7
7
شـــــــــــنقل / إشي الحقن هنا ابيك بحويجة ن إيه



















































































اصبر هذا اللغثه / خلوه ياما يتعدى ... شف يخي يلخسنا اغديه يبيك بعد :(














































































































































بس بهذا ماحولنا الوالي :puzzled:

اقول ياشنقل ياضنيني ماتكفلن بالله :smooch:

:p:
اخو سعدى
18-01-2005, 23:33
الكفاله

مره من المرات .. والا ماني قايل هونت ..

كلش ولا الكفاله كل شئ سولف بوه الا هالسالفه

يسلمووووووووو
شنقل
19-01-2005, 02:45
تبكي وفلوسي بجيبي خيراً من ان تضحك وفلوسي بجيبك


ملاحظه:اخبر الشبث يدور من يكفله لحد يقرب لوه هاليومين__________________


النطول ايو الله انك صويدز
تبكي فلوسي بمخباي ولاتضحك بمخباك

الا قابلني اذا كفلت الشبث:)
شنقل
19-01-2005, 02:48
الغالي شنقل

انا اخبر لي رجال قريب مني حيل

جاه صديقه وقال ابي تكفلن بسياره ابي اخذه لمدة سنه

قال مايخالف مع ان صديقه عاضن القاع من الفقر

المهم كفله وجاء موعد السداد

قال يافلان ابي تكفلن بسياره جديده على شان اسدد السيارة الاولى

وقال مايخالف

وخذوا سياره وباعوه وسددوا السياره الاولى


المهم الرجال هذا سوى مصلحة وارتوق من وراه


وقال لصديقه اللي كفله بسيارتين ابيك تشاركن بمشروع ناجح ميه بالميه

وقال مايخالف دفع المسكين 85 الف ريال

وش سوى الرجال بعد ماخذا الـــ 85 الف

سحب عليه وقال مالك شي عندي

ولا فيه اوراق تثبت ولا شي


وسكت هذا مايحب يشتكي على صديقه وخلاه قال الله يجيبهن لي

المهم والله مامرت سنه يمكن 7 او 8 اشهر

وهو يطيح الرجال وتضربه جلطه

وخاف ربه ووعد الرجال انه يرجع له راس ماله الـــ 85 الف وعليهن 50 الف ريال زياده من ناتج المشروع
__________________



الغالي الغثه

يما بالحبس مظاليم

راحوا غلطت كفاله
شنقل
19-01-2005, 02:51
اقول ياشنقل ياضنيني ماتكفلن بالله


عشيري

ابـــــــــــــــــــو غـــــــــــــــــــازي




انت طال عمرك تامر على رقبتي
شنقل
19-01-2005, 02:54
الكفاله


مره من المرات .. والا ماني قايل هونت ..

كلش ولا الكفاله كل شئ سولف بوه الا هالسالفه

يسلمووووووووو



اخو سعدى

انت تخبر يوم ينشب بحلقك الرجال يبيك تكفله

ونت تروغ تحوله علي


مايدري اني اطقه بوجهه كااااااااااااااش
ولاهمن
المخاوي
22-01-2005, 09:52
عشيري شنقل

الناس للناس والكل بالله :thumb:

اعرف لك واحد تووه متوظف وظيفه على بند الاجور وراتبوه 1800 ريال ماصار لوه 6 شهور وراح ياخذ لوه سياره اقساط من واحد وطلب عليه كفيل غارم ويكون فلان بالتحديد والا ماعندي لك سياره قال اوكي وهو يطيح على فلان وهي تقوم عندوه الشمريه على قولتك دبل اوفر وهو يكفلوه والقسط 1000 ريال وماكمل الرجال شهر الا وهم فاصلينوه للاكتفاء الذاتي عندهم :) وطالب وراح وجاء ولافيه فائده والسياره باعه واكل فليساته والمشكله الكفيل شايب متقاعد راتبوه 1500 ريال وعندوه حول 8 اطفال يالله رقعه :a: ( مثال حي ماصار لوه شهرين ) :wink:


كفالة الرجل اللي يستاهل وانت قاوي مافيه مشكله حتى لو ماسدد ,
لكن البلا كفالة النسيب هي اللي توديك للطبيب :biggrin:

تسلم يالعشير وتر ابوي حالفن علي ماأكفل احد ولاودي اقطع دينوه والا انت تستاهل يابعد حيي هالخشم :)
شنقل
28-01-2005, 19:54
لكن البلا كفالة النسيب هي اللي توديك للطبيب

اااااااااااه ياعشيري يامخ مخ

ضربت على الوتر الحساس
الشبث
28-01-2005, 22:33
شنيقل

والله انا ماصخ ولا استحي

واذا جاني اللي مايسدد اقولوه اذلف ماني فاضي لمشاكلك

واذا قام يبكي عندي ابكي معوه

عشان يسألن ليه واقول لانك تبكي








الا ياشنقل ماتكفلن هالنوبه ابعرس

تكفااااااااء انا طالبن هالفره





وتقلد تحيتي
المخاوي
29-01-2005, 23:43
^
^
^
اسمعوه يقووول

تم تم تم :)
شنقل
30-01-2005, 11:24
الا ياشنقل ماتكفلن هالنوبه ابعرس

تكفااااااااء انا طالبن هالفره

والله لواني انقل عقلي بيدي

ماكفلتك ياشبيثااااااااان
المهرة
09-02-2005, 08:29
على ماقالوا هذا بلا ابوك ياعقاب

شمري لازم تسوي فيها كريم وآخرتها ترقد بالسجن
لاتكفلن احد نصيحة اختك

بتقعد بها بعدين ماغير تراكض وراه بالشوارع 0
وانواع الهبال ههههههههههه

دمت بخير
اختك 00 المهره
شنقل
11-02-2005, 23:34
المهره


الا ماتكفليني
المهرة
16-02-2005, 07:25
انت ماوراك الا الخساير يعني لازم نقل كفاله ومشاكل ههههههههههههه

اقعد بها بس ازين ماتسوى علي كل يوم مراكض بالشرطه
شنقل
16-02-2005, 08:04
المهره


انا حالفن دين اني مااكفل احد
مهمن كان

الناس هم اللي بلوني كل يوم جاين واحد
ويترجاني يبيني اكفله

تدرين ليش

المشكله مقدر اقولها قدام الناس

خليها بيني وبينك
المهرة
16-02-2005, 08:18
يالله بس انت شوف صورتك اللي انت حاطها قبل هههههههههه
بعدين قول الاسباب علشان يعرفون كم ملف لك بالشرطة
ههههههههههههههههههه

وربي ارتعت من الصورة الله يخلف بس
شنقل
16-02-2005, 08:26
المهره

غرك بنجمه وليه مالبسك تاج

لا تهمك الصوره


اللي يدري يدري
واللي مايدري ينام

والرجال مخابر مهي مناظر
المطنوخ
16-02-2005, 09:08
انا شايفن وجهك

اقرب مالك مايكل جاكسون:)

هههههههههههههههههههههههههههه
شنقل
16-02-2005, 09:14
[align=center]المطنوخ


سقها بس سقها