يا((الأصيل)) أعطيك من وقتي دقيقه!!!!!!!!!

[((بعيدالنظر))]

يالأصيل إذا سمحت أعطيك من وقتي دقيقه=وآنت عطني مثلها وأشكرك ياغاية مرادي

والله إني ضعت في المضياف أدوّر للحقيقه=وش مع المتكبّر اللي ما سمعني يوم أنادي

[ساري^الليل]

الله عليك يا عبيد الله دائما متألق في هذا المنتدى بداية



وينك يا الاصيل تمتعونا الليلة





اخوكم ساري الليل

[الأصيل]

هلا وغلا بشاعرنا المتألق وأخونا العزيز ... عبيدالله العرابي

جولة أخرى ....

ومتعة مع روعة العرابي وقوافيه

وتحية للرائع ساري الليل ..


.............

ياهلا بك ... والأمور اللي تدورها ... دقيقه=والعرابي لو نزل مضيافنا ماهوب غادي

من تكبر مانظر للقاع ... والهوّه سحيقه=ربما به عذر ... يمكن تبدي الأيام بادي

[حمود الشمري]

ياسلام عليك ياعبيدالله طاروق طيب

ورد من الاصيل جزل وافي

[سلطان الشمري]

الله الله



العرابي ,, والاصيل قطبين جميلين



لاهنتوا يالربع ومساااااء النور للحضور


وبالصفوف

[المشعل]

بدايه جميله من عبيد الله ...................

ورد اجمل من الاصيل ............................

وبدايه طيبه

وحن متابعين.....................ولكم الشكر

[((بعيدالنظر))]

الشاعر المبدع / الأصيل
شكراً لك على حضورك بهذا التألق أيها الأستاذ الكبير

إستلم وآآآسف جداً على التأخر .

لاهنت
المهلي .. مايولي .. كل علمٍ يستفيقه=يعرف المقصود .. لكن الحدث ماهو بعادي

أدري إن البحر فيه السحر وأمواجه غريقه=والمعاني سيف .. ماهي كيف..في ظل وبرادي

[((بعيدالنظر))]

ساري الليل

مشرفنا حمود

نبرااس

المشعل

أحييكم جميعاً على حضوركم المشرّف ومتابعتكم التي هي وقود تألقنا إن كان لنا تألق . لكلٍ منكم شكر خاص وقبله فوق جبينه الأشم ..
أشكركم نيابةً عن أستاذي الخلوق الأصيل..

[الأصيل]

يمكن إن ( الغيص ) في بحر ( العرابي ) مايطيقه=يمكن إن ( المتهم ) بين البراري والبوادي

كل قلب وما هواه .. وكل معشوق وعشيقه=من نزل خشم الرواسي صعب ينزل كل وادي






وأحلى تحيه لمن شرفنا بحضوره

ولشاعرنا وأستاذنا العرابي .. كل التحيه والتقدير

[((بعيدالنظر))]

ياسلام يالأصيل أنا أشهد إن لك من إسمك كامل النصيب ..

إستلم لاهنت

.

.

.

.

.

.


كيف ربان السفينه يالأصيل يجف ريقه=والقياده من علمها ما أستلمها الا القيادي

والله إنا ما شحذناها وأخذناها سريقه=وأنت من قومٍ يعرْفون البياض من السوادي

[الأصيل]

ماعليك زود يابعدي ...

ومنكم نستفيد .. وشهادتك تاج ..

خذ التحليل ....




اقظب الدرب الوسيع .. وخل درب(ن) فيه ضيقه=أعتقد ( والله أعلم )والسبب عندي وكادي:

جاه سيل(ن) فوق سيله .. والفتى جنّب طريقه=تثبت الخيل الأصيله بالهجوم وبالطرادي

[((بعيدالنظر))]

الله .. الله ..الله

إستلم لاهنت يالأصيل ..
.
.
.
.
.
.
.

والله إن الراس ما يبغى الصداع ولاْ الشقيقه=وإعتقادك والله العالم يناسب لإعتقادي

أحسب إني شمّري لابانت القوم العريقه=وأجزم إني مافتحت إذني لهرجة كل رادي

[ثامر]

.
.
.
:485r:

[الأصيل]

استلم ياشاعرنا لاهنت ..

وقربت تغيب الشمس





جاك نجم(ن) وانتفى عذره .. وجا يلمع (بريقه)=والأصيل أقفى .. وناره مابها غير (الرمادي)

إن بغيت يشب لك ويصف دلته (وبريقه)=خذ علومه .. أبيض وأسود .. ودع عنك (الرمادي)

[المخاوي]

عبيدالله العرابي
&
الأصيل

لاهنتوا

[((بعيدالنظر))]

لاتغادر مانويت أخبط على الروس الحليقه=أترك المغلوب والمطلوب من فوق الشدادي

العسل عند النحل يوم الزهر قدم رحيقه=كل جيش وله زعيم وكل فارس له جوادي

[متفاائل]

العسل عند النحل يوم الزهر قدم رحيقـه
كل جيش وله زعيم وكل فارس له جوادي
كل عام وانتم بخير
تسلموووووووووووووووووووووووووووووووا
طيب طيب وهذا انا بالصف اخلص اخلص يالاصيل

[ثامر]

.
.

لا صرت منت عن المياسير منشود = طق(ن) بعظم الميت غش(ن) للافواد

[الأصيل]

ياعميل الخير ... يكفي .. مانبي شب الحريقه=(البيوت) اللي تشوفه صابها نوع العنادي

العهود اللي مع المضايف مكروبه ... وثيقه=مالقيت اللي يهنينا بأيام العيادي!!



اسمحو لي عن التأخير

تخبرون أعياد وغدا وعشا بهالبران