المساعد الشخصي الرقمي

مشاهدة النسخة كاملة : المعلّقة الأولى...يمنع الدخول لأقل من 18سنه..وينك يامفتاح 14.انا مالي دخل!!


عصير الكهرب
17-02-2004, 01:32
سلمولي على اللي مر قلبي وباقه=ليتني لو مريرة قملت"ن"في جبينه
لاذكرته عيوني صار فيها حراقه=وينقد القلب مثل البلف حق المكينه
يارفيقي وهذا اليوم يوم الصداقه=اركب الجمس وافزع يم واحدبعينه
حطّ (بالخرج) ماء وبالقرب من(دقاقه)=وبالمعاميل (بيبسي) والتمر (والدهينه)
واسر بالصبح واسرع واحذر من الطفاقه=وسفرة العشرة الأيام تطوى بحينه
تلفي لبيت واحد (شايب) من الرفاقه=دق بوري عند (التيس) يخبرك وينه
وصفه ليامن أقبل مشيته به رواقه=شاااامخ"ن" مثل (جرذي) فوق راس النثيله
هو..رديّ"ن" ولكن فيه فزعات ناقه=وفيه (طنخااات) خبل (سعبل) الذر..بعينه
وفيه (تنتيع) ددسن مع ضعيف السواقه=يرقل..(العود) يرقل...(معطبن) والدينه
وفيه روغات (حصني) وبه شويّة (ذراقه)=وله..سوالف كثييييرة وله مماشي لعينه
ان سأل عن رفيقه قل..له الوقت عاقه=أخبره حالتي بالسّر بينك وبينه
وقلّ رفيقك(عصير) انه ضبط له علاقه=وقل..تكهرب (قليبه) من (بطينه)..(لأذينه)
وقل..له الحب يابو (اللّيد) مرّ"ن" مذاقه=صاااحبك (طربتك)..ماغير واقف ونينه
ماعرفنا ..وش..أسم اللّي من البيض شاقه؟؟=هي..ميسون؟؟ أو أشواق؟؟ والا بثينه؟؟
هي من اللّي ربى (بالشام)؟؟ والا(عراقه)؟؟=أو من اللّي ربت (بالنّفد) من دون (لينه)؟؟
أوبنات (الهرم)في (مصر) فخذ الد(قاقه)؟=اومن اللي (بصنعاء) رمشها ناتفينه؟؟
أو من اللّي هبوب الريح يلعب بساقه؟؟!!؟؟=بنت راع الحمار اللّي مربّط يدينه؟؟؟!؟؟
كان هو انتخى (بالعنز) والا (عناقه)=أبشر بفزعت"ن" ترج كل المدينه!!
خابر"ن" فيه مـرّ"ن" لا تقلّب و(تاقه)=بعض (مرّه) شجاعه وبعضه من (الشّنينه)
(تنتفخ) جبهته والعين يبدا زراقه=الرجولة يساره والردى عن يمينه
وكان..هو عن بعض شكواك كنّه (تصاقه)=وقام يطقق يديه ..وقال الله يعينه
أمسكه مع اذانه وعلّقه بالعلاقه= واربطه بالعمود اللّي مابينك وبينه
(واترزه) مع حنوكه والشوارب حلاقه=وقل علومك رديّه ..كلّنا..خابرينه!!
سلطان الشمري
17-02-2004, 01:51
عصير الكهرب



هههههههههههههههههههههههههه


هلا وغلا ,,,شرفني اني اول من تعلق بها المعلقه المتعلقه على
جدرااان فلة حجاج ,,,


رايعن بقوه ....وخاثر ...والله ياهي فتنه ,,,

المشكله اني دخلت وانا ماوصلت الثمان طعش ((مراهق))<<<<:D


ياملا الماصع هاذي من وين جبته يالطربه؟؟


شكلك جلست عليّه سنواتن طوال والله ياهي فريدة عصره

او فريدة الاطرش اخت فريد:p




تحياتي ايها الجوس الرائع
ابو غازي
17-02-2004, 01:55
من اللّي هبوب الريح يلعب بساقه؟؟!!؟؟
بنت راع الحمار اللّي مربّط iiيدينه؟؟؟!؟
هههههههههههههههههههههههههههههههههههههههه هههههه
هههههههههههههههههههههههههههههههههههههههه هههههه
هههههههههههههههههههههههههههههههههههههههه ههههه
هههههههههههههههههههههههههههههههههههههههه هههههه
هههههههههههههههههههههههههههههههههههههههه هههههه
هههههههههههههههههههههههههههههههههههههههه هههه
ههههههههههههههههههههههههههههههههه
هههههههههه افيه
ياحظي
انا اول من تكهرب بك خخخخخخخخخخخخخخخخخخخخخخخ :D
صــــــــــــــــــــــــح لساااان بخخخخخخخخ :D
افيه صدقني ضحكت ياما طقطقن ضلوعي ;) وابي انكس يمه نوبة(ن) ثانيه وثالثه وعاشره ههههههههههههههههههههههه :D
اضحك الله سنك يالغاالي
ابشرك سبقت مفتاح 14 :eek:
سرحــان
17-02-2004, 02:39
وقلّ رفيقك(عصير) انه ضبط له علاقه

وقل..تكهرب (قليبه) من (بطينه)..(لأذينه)

هـــــــــــــــــــــــــــــــــــــــ ـــــــــلا

وقل..له الحب يابو (اللّيد) مرّ"ن" iiمذاقه

صاااحبك (طربتك)..ماغير واقف ونينه

عـــــــــــصـــيــــر

ماعرفنا ..وش..أسم اللّي من البيض شاقه؟؟

هي..ميسون؟؟ أو أشواق؟؟ والا iiبثينه؟؟



جيت اركض يوم شفت اسمك على الشريط وطحت بعتبت باب الفله


مار اشوى جاب الله ابوغازي وسمى علي.


لا وبعد يفزع

ياهو سنافي

ههههههههههههههههههههههههههههههههههه


الف شكر ولايكفيك

الله يعطيك العافيه

تــحــيــاتــي
سرحان
مناكد
17-02-2004, 07:28
عصير الكهرب...|116|

خوش معلقه...إيه هذي المعلقة اللي تنفهم...

ماهو اللي يسمونهن |4|المعلقات:eek:


أقول عسى عندك لهاالمعلقه خوات...

صراحه روعه...وصح لسانك...والله يعينك على هالمعانات اللي تعانيها من|15| ....
مفتاح14
17-02-2004, 08:41
هو..رديّ"ن" ولكن فيه فزعات iiناقه
وفيه (طنخااات) خبل (سعبل) iiالذر..بعينه

ههههههههههههههههه والله لو ما اخبرك زين يابو الليد تسان قلت انك صاقعن لك ( صويريخ) قبل تكتب هالمعلقه:p

.

.

.

خابر"ن" فيه مرّ"ن" لا تقلّب iiو(تاقه)
بعض (مرّه) شجاعه وبعضه من ii(الشّنينه)

خخخخخ لا وبعضه بلغم:D ( على قولة الرّجال;) )









كالعاده.. ضحكت الياما صار معي تفدّغ بالتسبد و تصدع بالطحال ونكسه بالمعاليدز:D


شهادتي فيك مجروووووووووحه يابوكهرب

صححححححححححححح لسااااااااانك
هادي المنيس
17-02-2004, 11:25
الغالي
عصير الكهرب

ياهيك معلقه يابلا ((الولد قلب شامي))

ننتظر المزيد من المعلقات ياشاعرنا


فديتك
الأصيل
17-02-2004, 11:34
الحقيقة ياعصير الكهرب ،، فعلاً معلقة ،، تصلح للتعليق على حدا إشارات

المرور اللي ما يمرهن والي ،، لأن اللي يقرى القصيده يبي ينسدح على بطنه

من الضحك وهذا يسبب الحوادث الله يحمانا ،،

ياليت تزيد من هاللي مالهن طعم ولا لون ،، بس يموتن من الضحك

وتحياتي الحارة جداً
عصير الكهرب
18-02-2004, 00:11
نبراس: قدرك على الراس....وبعدين يالطريبه ...انا كتبت تحذير...حسب قوانين
الدول المت"غ"دمة....هالحين ابابلش بك...القصيدةفيها خدش للحياء العامّ..وفيها الفاظ سوقية...بس مادري ليش المشرفين...ماشاتوني على (ناصية الطريق)...(مادري كيف جت هالكلمة....الولد ولد)
عصير الكهرب
18-02-2004, 00:25
ابو غازي:هلا بتاج راسي ..ياحيّي ضحكتك ..ووناستك...انت وجماعة الربع.والله..هي راس مالي...وبعدين ابي اضبط العلاقة ..معك......لان العلاقات الثنائية.."ترقل" يعني لك عليه...بيني وبين مفتاح 14
سلامـــــــــــــــــــــي يالغالي. .
عصير الكهرب
18-02-2004, 00:32
حبيبي سرحان: هلا بعزوتي ...تشرفت بطلّتك...الله لايحرمنا منها...سلامي يالطربة
عصير الكهرب
18-02-2004, 00:44
مناكد: هلا بالغالي...الف شكر على الزيارة.....وابشر بالمعلقات اللي تسرك...والمعلّقة الثانيه ارسلت به السواق على الذلول يم (ابن ابي حنظلة) على شان ينقحها(مالقيت كلمة بديلة);) ودقيت عليه بيجر ولا رد
تحياتي يالغالي
عصير الكهرب
18-02-2004, 01:45
مفتاح 14: هلا بحبيب القلب ورفيق الدرب...وبعدين ليش الطناش ياملا الغنيمة
ترى الامور ماهي خبرك....العروض انهالت علي من كل حدب وصوب....الى قبل شوي متصلن علي (سيمون اسمر بشحمه ولحمه)يبيني اسوي عقد معه لكن عييت وانا بناخيك ابيلك المنفعة يامال الشحم.....تحياتي ايها الرئـــــــع.
عصير الكهرب
18-02-2004, 01:51
هادي المنيس: يا مرحبتين بالغالي ....ومالك الا الرضاء يالحبيب .انتظر الثانية الاسبوع القادم انشالله...سلامي ياعزوتي.
عصير الكهرب
18-02-2004, 02:22
الاصيل: هلا بالغالي شرفتنا بطلّتك الحلوة ....ابشر باللّي يرضيك.
تحياتي يالبناخي.
فلاح السعد
21-02-2004, 16:21
قصيده كهربكيه تلذع بعنف



الظاهر انه 220


لا ماهن كفايه هالميتين وعشرين


اشي ابي اقراه مرتن ثانيه ونكس لكم



شحنة فولتيه لقلبك الشعري
تذكار
21-02-2004, 16:34
صح لسا111111نك على المعلقه المكهربه :):)

والله خوش معلقه لا طرفه بن العبد ولا امرؤ القيس يقدرون يكتبون مثلك هههه

أول مره أسمع بعصير كهرب .. وين يبعون هالنوعيه :):)

وبعدين اللي ما كملوا 18 سنه عادي يقرون المعلقه هههه ؟؟



بس تراني ما فهمت كل شئ مضيعه .. شفت امي تقراها وتضحك هههه وأنا تلقفت وقريتها :):)

أختك ....... تذكار
ابو خليف
21-02-2004, 21:16
هههههههههه

صح لساااااانك مليون


تسلم يابو كهرب


اقصي يدي اذا ماهو شافطك كهرب


كككككككككككك|118|
ابن جشعم
22-02-2004, 13:59
الله عليك يالكهرباني :)

خيال واسع ووصف دقيق |116|

لا عدمناك ولا خلينا منك

وتحياتي لك
أبو مقرن
22-02-2004, 14:08
عصير الكهرب...
ياعنك إنك مانت هيـــّن....;)
تصدق إني من كثر ماأردد هالمعلقة ..حفظته..وصرت أتمثل به..
وخصوصا..
كان هو انتخى (بالعنز) والا ii(عناقه)
أبشر بفزعت"ن" ترج كل المدينه!!
خابر"ن" فيه مرّ"ن" لا تقلّب iiو(تاقه)
بعض (مرّه) شجاعه وبعضه من ii(الشّنينه)
(تنتفخ) جبهته والعين يبدا iiزراقه
الرجولة يساره والردى عن iiيمينه
وكان..هو عن بعض شكواك كنّه ii(تصاقه)
وقام يطقق يديه ..وقال الله iiيعينه
أمسكه مع اذانه وعلّقه بالعلاقه
واربطه بالعمود اللّي مابينك iiوبينه
(واترزه) مع حنوكه والشوارب حلاقه
وقل علومك رديّه ..كلّنا..خابرينه!!

***
بانتظار (إنفراط السبحة..وإنتثار بادزي المعلقات)....
كل الشكر لك على إتحاف أعيننا بهالـ(المسكتة)..
عصير الكهرب
22-02-2004, 17:41
فلاح السعد:الله يسعد ايامك ياعزوتي ...اشكرك على مرورك الكريم.
عصير الكهرب
22-02-2004, 17:56
تذكار: شكرا" على الزيارة هذا اولا"
ثانيا":عصير الكهرب فقط للاستهلاك المحلي ولا يسمح بترويجه.
ثالثا":امي الله يحفظها كل ما أسئلها عن عمرها تقول ماتعديت الثلاثين (شيء طبيعي)
اخيرا":اذا مافهمتي شيء معناه مانتي من الديره ..خلّي الكمبيوتر لامك الله يصلحك.
عصير الكهرب
22-02-2004, 18:00
ذيب شراف:هلا بالعزيز ...تصدق ماينلحق معروفك ......بس اني تشرفت بمرورك
عصير الكهرب
22-02-2004, 18:06
ابن جشعم:هلا وغلا ....شرفت يالطربه ...وبعدين لا تجوننا ترى حنا ماعندك احد...نضيع وقتكم:)
عصير الكهرب
22-02-2004, 18:12
ابو مقرن: هلا وغلا بالمدير.....الساعة المباركة اللي شرفتنا بهالطلّه يالعزوة ...وتراني غثيث شوي لكن مالك الا الصبر...ثلاث اسابيع وترتاح منّي....سلامي
فلاح العماش
16-03-2004, 23:23
الشاعر الصعلووك /


( عصير الكهرب )

لله درك من شاعر له من لذة العصير ( الفرش ) الشي الكثير

ومن لذع الكهرب نصيب وافر


قصيده مكهربه بكل تفاصيلها . وملامحها


دمت يا بااااايسن
ابو غازي
06-04-2004, 02:11
قصيده كهربكيه تلذع بعنف



الظاهر انه 220


لا ماهن كفايه هالميتين وعشرين


اشي ابي اقراه مرتن ثانيه ونكس لكم



شحنة فولتيه لقلبك الشعري

ـــــــــــــــــــــ

اما فولتيه :eek:
المهرة
14-01-2005, 01:42
http://www.asmilies.com/smiliespic/psmilie/026.gifhttp://www.asmilies.com/smiliespic/psmilie/015.gif


http://www.asmilies.com/smiliespic/psmilie/180.gif

شايل عصير كهرب
مرزوق الشمري
27-06-2005, 13:48
عصير الكهرب
الله يستر الناس من لسانك ههههههههههههههههههههههههههههه

ياحظي يلي ركب نمله عابير الارواح دليته

مشكور هذي مسرحيه غنائيه