اقرب شاعر .. فوق 50 .. [الأرشيف]

الونش

12-01-2005, 03:20

جاكم الونش يمشي على هونه = من ديارن تكرم الضيف والعاني
ابغي شاعرن يجيد الشعر وفنونه = وله باع في علوم النقد والاوزاني

متفاائل

13-01-2005, 19:10

مرحب حيوووووووووووه

لولا الـــــ 50

كان جيناك ولكن ماندري وش ترفنته فوق 50 سنه او 50 الاجهزه :)

الونش

13-01-2005, 19:35

تحيا وتبقا يابو قلب خضر :)

الله لايبلى لي يومينن مخيمن بهذا ولاعينت احد اتعلل انا وياوه :redface:

وبعدين تسان عمرك 50 لاتمر حولنا حنا ياربعك حول 25 :biggrin:

الا ماعينت راعي اللحيسا فهد مالوه عينه والاصمعي بعد مر علينا ممر وعقبه ماشيف :cool:

اقوول تبي ترد والا ابي اقشع هالبويتات وارحلهن لمضيف المحاوره اشوف نارهم هاليومين بتسبد الخضيرا :xsmile:
اما يبنشرون الونش ويشلحونوه والا يبي يتخبطهم :tongue:

متفاائل

13-01-2005, 21:43

هلا وغلاء
انت يابو قلب بنفسجي
انا وش مهربن عنك الا اني احسبك تبي فوق الخمسين وانا احسب يامار بيني وبين طلبك فوق 27 سنه وانا اهون :)
اما راعي اللحسه فهو ناشب بله دورات واختبارات يقول يالله يتنفس
اما الاصمعي يتصفق بوسط المضايف هنا وهناء .
اما المحاوره والله انه زينه ليه ماعسيتهم لو ان الدرب وعر ويمكن يصير من حكيك عينه :)

مرحب بالونش واللي يمشونه = اكرم اللي يكرم الضيف لاجاني
شاربه مبطي وطشيت ماعونه = الشعر يالونش هو يترجاني

الونش

14-01-2005, 01:32

ههههههههههههه

انا وش مهربن عنك الا اني احسبك تبي فوق الخمسين وانا احسب يامار بيني وبين طلبك فوق 27 سنه وانا اهون

هذا اللي محلين بك :p:

اما المحاوره والله انه زينه ليه ماعسيتهم لو ان الدرب وعر ويمكن يصير من حكيك عينه

هذا اللي مخليني اروغ عنهم والبد بهذا :)
لو اني الله حق نوبن اكهمهم وعقبه استخير :biggrin: >> ذالن عليهم :eek:

هلا بالشاعر اللي يذكرونه = وسيع خاطر لامنه طب ميداني
اشوف متفاائل يمدح جنونه = والشعرعنده كما شرب دخاني

وييييييييين الصفوف :hala1:

متفاائل

14-01-2005, 02:17

ههههههههههههههههه
ههههههههه

بالمهلي ياهلابه ووشلونه = تمدحن في سعة الصدر وابطاني
لاتكون مبيت بالامر بونه = يضيق صدري واقتلب نوب شيطاني

:):)

الونش

14-01-2005, 03:15

الشيطان وقت الظهيره يرجمونه = جموع تمنى دخول الجناني
شيطاننا يالاخوان لالا تجونه = يمكننه يطلب التوبه وغفراني

متفاائل

14-01-2005, 14:21

:):)

الشياطين بامرالله ملعونه = وانت يالقرم عطنا زين الالحاني
كني اشوف ونشك جاب طبلونه = لايتنثر حديد الونش يافلاني
:)تصدق على وزن ورعكم لاتطقونه ههههههههههه

المخاوي

14-01-2005, 21:16

الونش & متفاائل

صح لسان الجميع

لاهنتوا

الونش

14-01-2005, 21:27

متفاائل ياشوق كـل مزيونـه=واللحن ياليل دانه ياليل دانـي
الونش ثابتن جنكم مايهزونـه=معتلي دومن مايعرف الطماني

اللحن هو يافلان ( لحن الورع ) :):)

يقول الخس :

ورعكم لاتهوزونه تبا تضربونه=جعل اليدين اللي تقربه تكـوى

:):):)

متفاائل

15-01-2005, 01:46

ثبات ونشك عل اللي في دركسونه = على الدريول وانا خابره فناني
اخاف يغضى عنه والعين مفتونه = ياشاف حول النفود نزول بدواني
:)

متفاائل

15-01-2005, 01:56

معقوله هذا المخخخخاوي
منين اكيد غادي
والله يانا منتفخ
والله يانا مطرنجي
اقول بس خله على الله
ويننت هاااااااااااااااااااااااه
عسى مابالخواطر شين
هانوبه اكتفي بهذا القدر
وان نشوف والا هجيتك
ياشيخ النشاد بالنشاد
يالله فسر عن ذرعانك وهات من الافكار اللي انا خابر
حياك ربي

الونش

15-01-2005, 02:09

سواقنا قرم تبارق سنونه = ولايعرف ياخوك تعقيد حجاني
ياحيلة الله كان شافت عيونه = ريم الفلا تجول حول جياني

حياك يالمخاوي وصح بدنك

متفاائل

15-01-2005, 02:38

هذا بلا قلبي وهذي شطونه = بالمنظره تشخيص ومعها غواني
يأخذ يسار الخط ويعدلونه = وياخذ يمين وينكسه مرجحاني

:):goooood:

الونش

15-01-2005, 03:02

من سببها ياخوك زادت طعونه = وخطر يصيبه وسواس وجناني
معذور صاحبنا لا تلومونه = شاف شين يشيب منه وغداني

:hala1:

متفاائل

15-01-2005, 03:25

اما قلب امن الطرق يوقفونه = وتحقيق يحسبون البلا شي ثاني
اقل شي اكيد بيخالفونه = وينسى امور فاتته من زماني
:):thumb:

الونش

15-01-2005, 04:08

يالله انت حيوه

كم مااسهرتك :)

افا والله عليك هذولا مانرد عليهم الا بالهوك :p:

يجيب الله قرم معهم ويقدرونه = من عقب شرح السبب للاعياني
وان ماحصل ماضنتي يقدرونه = يخاطر من اجل مكحول الاعياني

تسلم والله يامتفاائل على ردودك الجميله واشكرك باتاحة هذي الفرصه لي لنتعلم منك فما أنا الا طالب مستجد في مدرستك العامره سعدت كثيرا في محاورتك واعطائي فرصه من وقتك الثمين فمثلك مكسب للمضايف خاصه وللشعر عامه .

تقبل تحيات اخوك الونش

متفاائل

15-01-2005, 04:43

يالعود خل الترف مالك مهونه = مهما تحلس مالمثلك مكاني
يبي شباب مثلنا يطربونه = عندك عقد يالعود منها تعاني

هههههههههههههه:)
انا ماعرف المجامل تشرخن ماتبينن اعلم ماعندي به .
.
.
.
.
تسلم لاهنت ماعليك زود تصاب البضاعه بالركود في انعدام الزبون ان كان عندي ابداع فالمبدع من حركه وهو انت لاهنت توااجدك لوحده مكسب وشعرك يحمل المعاني الاصيله التي قل من يعرفها الان لاشافوها كتب وراه ممكن ترجمه:)

الونش

15-01-2005, 05:08

وشنوحك بزخت به يالبناخي :)

وبعدين تراني اصغر منك ب15 سنه :a:

والبركه فيك انت المترجم :p:

السنافي ينفع اللي بينخونه= ولايفرق بين شب وشيباني
وانتم اللي من تردى يهصونه= يصير يخدمهن بلا شي مجاني

:):):):):):):thumb:

الغثه

15-01-2005, 05:24

<<<< انسجم معكم

امتعونا

<<< امدحوه بله بيت:)

متفاائل

15-01-2005, 15:14

انتبه للنتع لاجو يدفونه = لايتخلخل ان خرب تره مازاني
ادبل سيم الهوك اخشى يقصونه= وقفته تره تبي وزن ميزاني

ماهي على راسك
هذي مشكلة هالوقت كله ماحد يبي الصويدز :):thumb:
وشجابن لك :)

متفاائل

15-01-2005, 15:20

الغثة
ياهلا وغلاء فيك حياك الله
شكرا على المشاركه
ودنا تبزخ بلك موضوع عندنا من
مواضيعك اللي نخبره
وتسلم تحياااتي

الونش

15-01-2005, 23:19

يالله حي الغثه

انت ممدوحن من دون بيت يالبناخي :)
وليابغينا نمدحك ماتكفيك معلقه :biggrin:
تسلم يالغالي ولاتبخل علينا تسان عندك شي :wink:

الونش

16-01-2005, 00:20

الونش صافين وراح كربونه = يوم شاف الريم وسط ريضاني
مار انتبه معك لالايشوفونه = وتصير عقب الربح خسراني

اقول كلن ادرى بنفسوه :biggrin:

اريت انت تاعى الكسوف :)

طيب سنة الربله الطيبه كم عمرك :p:

متفاائل

16-01-2005, 16:38

والله اني خايف الونش ينعونه = في خطوط البر رقله وجرفاني
يروح به تشليح باكر يجرونه = دربهم كايد مهو اكل رغفاني

الكسوف مايتكلون علي مع البهم
خبرك على عينهم اردوا وانكس .:)
سنة الربله لا صغير ماميز :)
لاجل اني اكله هكالحين على قول امي :a:

الونش

16-01-2005, 22:20

ونشنا ماهو بددسنن ينتعونه = وليا استوى الخط تطلب الثاني*
ونشنا كما صاروخن يوجهونه = ومن دقته مايخطي النيشاني

* الثاني = النمره :thumb:

لا مدامنك ترد الحلال هكالسنه اجل تاعى الحصى :)

ياملا العافيه والله يالبناخي والله انوه زاد غلاك صرت تنيني يافلان :p:

متفاائل

17-01-2005, 03:29

دام ونشك صافيٍ-ن حمله مونه= وخيمة الصباح من دون عمداني
ودنا بالبر رحله على ايكونه = واعطني موعد ثبات وتلقاني

الله قاسمت خير تنيني
انت توك تدري اننا ثنيني اول كم تحسب عددنا ثلاثه :):)
لا وتنشد عن الكسوف .
الظاهر انت اللي كسفت :) بالكسوف :)

الونش

17-01-2005, 13:51

جبنه وقشطه ومعها زيتونه = والا تبي مفاطيح خرفاني
الخوف درب الونش ماتدلونه = وتضيع في وسط نفد ونيزاني

ايه يابعد حي الشوف شجر وهذا من الكبر من طرى الثلاثه:p:

طيب سنة (صباب) = 15 يوم والمطر يصب = انت تسوي القهوه :)

متفاائل

17-01-2005, 17:59

ليه يوم انك تجنب عن التونه = خابرن ذبايحك نوب حيتاني
دربكم ماهو خفي لوتخقونه=عدي اشوفه تقل اثر ديباني

هكالحين امد القهوه باليسرى للمحليه :)

الونش

18-01-2005, 13:45

ههههههههههه :)
عوذا ديباان :p:
التونه لهله ماهي لنا ولانعرفه :biggrin: عليك بهالزيتونات مامثلهن :p:

الغالي متفاائل

كم سعدت بمحاورتك واعذرني من القصور الشعري :) بغينا نجاريك بس ماحنا حولك :wink:ونستنا الله يعطيك العافيه والود ودي اننا نكمل بس عاد خبرك باتسر عرفه وعقبه العيد وعيدك مبارك مقدما وجعلك من عواده كل سنه .

ياسلامي على شعرك ومضمونه = أنا اشهد انك شاعرن فناني
اسلم وسلم على من تشاهدونه = سلامٍ معطر بفلن وريحاني

ولدك الونش :)

متفاائل

18-01-2005, 16:43

ههههههههههه
ماسمعت بالمثل اللي يقول (ابي اعيرك قبل تعيريني ) :):)
عيدك مبارك الله يعيده عليك من السالمين
ماعليك زود وش دعوى عاد ماتجارينا يالله البركه .
بس انتم يالكبار يمكن ماتعربنون بعض مصطلحاتنا كل جيل مع جيله :thumb::):)
.

مرحبا جعلك من اللي يعودنه = عيدك مبارك مع اهلٍ-ن وخلاني
خوتك تشرى ذهب صافي لونه= معدن نفيس غالي بالاثماني
والعذر تر الغلط بيننا مونه = سامحن كاني بالالفاظ غلطاني
قل لونشك الربعوع يتحرونه = لايتأخر عقب الاعياد ينصاني

ابو غازي

18-01-2005, 18:09

:p:
:)
:biggrin: :eek:

هلا بالشاعر اللي يذكرونه = وسيع خاطر لامنه طب ميداني
اشوف متفاائل يمدح جنونه = والشعرعنده كما شرب دخاني

:hala1:

بالله انا وين انا عنكم / متغيب يالونش :(
وشـــــــــــــنوحك ماعلمتن يالخال هااه :rolleyes:

ماشاء الله عليك يالونش أثريك شاعر وحنا ماندري :ezpi_blus
وكاد كل ماتزخ لك وليشة سيارة محطت بلك بيت هههههههه :p:

ماقصرتو خووووش محاوره :thumb:
عيدكم مبارك كلكم :001b: