الحي يحييك و الميت يزيدك غبن [الأرشيف]

ساري^الليل

12-01-2005, 02:08

أخواني أعضاء المنتدى أنقطعت لظروف أبعدتني عن المنتدى و ها أنا أعود إليكم من جديد

استلموا لا هنتم و المجال مفتوح لجميع الشعراء بالرد :

بسم الله أبدا لحون الشعر بعد انقطاع = و أكتب حروفي على جدران ذيك البقاع
وين أنت يا الشاعر اللي ما تهاب السباع = و الحي يحييك و الميت يزيدك غبن
1
1
1
شاعر لفاكم رافعٍ مشعابه = منهو يفز يقابل الشجعاني
الذيب هذا اليوم نكسر نابه = و الضبع يلقا له خوي ثاني

وضعها بوقت متأخر و إنشاء الله غدا سأكون هنا من التاسعة مساء باتظاركم

اخوكم ساري الليل

الاصمعي

12-01-2005, 02:55

حياك الله أخوي ساري الليل
يا مرحبا بك والله

واستلم لا هنت

يا مرحبا شاعرٍ طولت بغيابك=والحمد للي بعد غيبه لنا جابك
لكن مد اليمين وطش مشعابك=والحي يحييك والميت يزيدك غبن
1
1
1
يا مرحبا به يوم ربي جابه=أهلاً وسهلاً كانكم ضيفاني
يالذيب قدامك أسود الغابه=في جرته تشبع اذا جيعاني

فلاح السعد

12-01-2005, 07:16

عاشوا الربع

وترونا من الجمهور

تليشنا وحنا نصفق وينك يالساري :)

الأصيل

12-01-2005, 09:34

أنا للحين ماتليشت

وادزف بالصف الآخر

شدووووو الحيييل

حمود الشمري

12-01-2005, 12:00

ياهلا ياساري الليل يالله حيه

وتسلمون على هاطاروق والموال

ونا مع صف الاصمعي

ساري^الليل

12-01-2005, 12:38

أخوي الاصمعي يا هلا فيك و يا مرحبا

أخوي فلاح السعيد : أنا قايل لكم الساعة تسع و رحت أنام فتح عيونك زين ههههههههه

أخوي الأصيل : فعلا أنت أصيل لك مني خير تحية قايلٍ لكم الساعة تسع

أستاذي حمود الشمري وجودك أسعدني الله أنه يحييك و يبقيك

أخوي الاصمعي استلم لا هنت ...

إلك البقا يا عميلي و الخوافي تبين = مير أنتبه للطريق و خل دربك يمين
لا تكتب الا حروف مطوَّعة يا فطين = و الحي يحييك و الميت يزيدك غبن
2
2
2
الشعر ما يحلى بغير مجابه = يا الشاعر اللي تعزف الالحاني
يا الاصمعي ما أشوف غير ذيابه = تاكل من اللي جبته و تنخاني

المشعل

12-01-2005, 19:32

ياهلا بك ياساري الليل ومطول الغيبات جاب الغنايم...........

محاوره ممتعه بين وبين الاصمعي ................

وحن متابعينكم..............ولكم الشكر...

ساري^الليل

12-01-2005, 20:56

يالله حي المشعل يا الله حيه

يسعدني تواجدك معنا

اخوك ساري الليل

الاصمعي

12-01-2005, 21:14

أخوي ساري^الليل استلم لا هنت ...

ساري لفا والعلوم يجيبه الطارش=ياصف لنا الدرب ثم نبدي بالمحارش
ننتظر ديمه بعد شفنا شوي الرش=والحي يحييك والميت يزيدك غبن
2
2
2
لا تستشك معناك محدٍ عابه=خلك بفالك واحتم الميداني
ماسك طريقٍ تايهٍ قضابه=وضح لنا مسراك يابو فلاني

ساري^الليل

12-01-2005, 21:53

اخوي الاصمعي استلم لا هنت ...

خلاص أنا ابتركك و أنته تدل الطريق = و احذر ترى دربنا خطره و فيها حريق
بدري على الشر لا تستعجله يا صديق = و الحي يحييك و الميت يزيدك غبن
3
3
3
ما فيه عيبٍ واضحٍ يحكى به = والشك و الله ما بيوم جاني
يا الشمري ازهم على الحطابه = نبغى نشب النار للعرباني

الونش

13-01-2005, 00:41

وانا بالصف بعد معكم :)

الاصمعي & ساري الليل

متابعين لكم

و الحي يحييك و الميت يزيـدك غبـن :)

لاهنتوا

ساري^الليل

13-01-2005, 00:44

يا هلا بك يالونش

الله يحييك

أنورت المحاورة بشوفتك

الاصمعي

13-01-2005, 01:05

اخوي ساري^الليل استلم لا هنت ...

أنتم وساع الخطا أنتم كثار الدروب
لكن مدري عنه للهوش ولا الهروب
بنشوف لامنها يافلان شبة شبوب
.
و الحي يحييك و الميت يزيـدك غبـن
3
3
3
اطلع يا ساري الليل في مرقابه=والصوت جره يطرب الولهاني
.
والنار لو كبرت ترى ماهابه=الكيف طاب وتو جوي زاني

ساري^الليل

13-01-2005, 01:17

أخوي الاصمعي استلم لاهنت ...

حنا طوال اليمان و ضيفنا ما يهاب = منزالنا ما يجي غير بطوال الهضاب
كم فارس مات منا ما قربه الغراب = و الحي يحييك و الميت يزيدك غبن
4
4
4
راح العراق و سادته عصابه = زعيمهم جاني و خيّه جاني
جهز لجيشك يا ولد زهابه = ترى الرحيل لديرة الخلاني

الاصمعي

13-01-2005, 01:41

أخوي ساري^الليل استلم لاهنت ...

ما يقرب غراب لكنه عشى نسوره
من كف شغموم في جيشٍ لأخو نوره
ان ما حصل منع فالدمان منثورة
.
و الحي يحييك و الميت يزيدك غبن
4
4
4
4
أمور صارت وأنتم من أسبابه=يوم الحريبي بالمعزب خاني
لنا شموسٍ مشرقه ما غابه=هنا وهناك توزع الضياني

الاصمعي

13-01-2005, 01:58

فلاح السعد
الأصيل
حمود الشمري
المشعل
الونش

يا مرحبا وحياكم
متابعة ما نعدمهاش
تسلمووووووووووووووووووووون

ساري^الليل

13-01-2005, 02:47

أخوي الاصمعي استلم لا هنت ...

يا نسر ياللي جناحك عالي بالمكان = جاتك صقور و تنحى و أبتعد يا جبان
خنت الصحابه و خالد جابكم بالعنان = و الحي يحييك و الميت يزيدك غبن
5
5
5
جاهل من أدنانا وربي صابه = باللي جناه و حكمنا ميزاني
مير البلا شيخٍ على دبابه = باع الوطن و أضحى مع القطعاني

الاصمعي

13-01-2005, 04:36

أخوي ساري^الليل استلم لا هنت ...

طيئٍ هي الثابته وغيره هل الردة
أقرا التواريخ زينٍ قبل لا تعده
ماضي نكاده وحاضر تكسي تكده
.
والحي يحييك والميت يزيدك غبن
5
5
5
شيخ بسياسة وآخرٍ بحرابه=غازي وضاري كلهم شيخاني
.
وانتم كما الي عاري من اثيابه=ويضحك على من لبسهم كتاني

ساري^الليل

13-01-2005, 07:21

أخوي الاصمعي استلم لا هنت ...

يا الاصمعي كل ما جيتك بمعنى تحيد = تبغى تفره على كيفك و تبغى جديد
تبغى التكاسي تبيد، الله يا هذا العميد = الحي يحييك و الميت يزيدك غبن
6
6
6
أبو غريب الحر ما يرضى به = سالت دموع الناس بالمجاني
بوش اللعين و عزته بأذنابه = ما شفت لك مسلم تبع نصراني؟

متفاائل

13-01-2005, 19:19

طيب طيب معكم متابعين
يعطيكم العافيه

الاصمعي

13-01-2005, 19:26

أخوي ساري الليل استلم لا هنت ...

نفند بلاويك الي جبته تدربي
ونذكر طرف ماضي وحاضر لكم حربي
لو كان ما ذكرها يمكن لكم طربي
,
والحي يحييك والميت يزيدك غبن
6
6
6
أهل البلاد وعارفين شعابه=الله ينصرهم على العدواني
وبالناس باذل دم وبه عيابه=ماغير ذا مقدي وذا غلطاني

سرحــان

14-01-2005, 03:56

ساري^الليل............الاصمعي

الله يعطيكم العافيه

معكم بالصف

ساري^الليل

14-01-2005, 13:52

أخوي الاصمعي استلم لا هنت ...

يالاصمعي لا تغطي كل حق بقول = خلك مع أهل المحجة تحتكم للعقول
ترى الحصان الاصيل يفرّق من العجول= و الحي يحييك و الميت يزيدك غبن
7
7
7
فيهم أسود عاتيه و ذبابه = الله يزيل ذبابة الطغياني
أن طار صقر الشر طار غرابه = حلم العصابه في بلادي فاني

الاصمعي

14-01-2005, 19:27

أييييييه خلوها
أستلم يا ساري لاهنت

رحنا بعيد ورجعنا معك يا ساري
يابن الأكارم حماة الضيف والجاري
والماي يشرب بعد يصفى من الأكداري
.
والحي يحييك والميت يزيدك غبن
7
7
7
آمين ثم آمين دعوة مجابه=ترحل وطاويطه مع الغرباني
والي حصل درسٍ فهمه النابه=ما تصلح المركب بلا رباني

الاصمعي

14-01-2005, 19:33

متفائل وسمي الذيب:)
ياحي والله هالوجيه:thumb:
أسعدتنا متابعتكم جداً,,

الله لايهينكم حمستونا ولا ذبحتنا هالشلتا الي ما يقدر الواحد يفتح به أُفمه:wink:

ساري^الليل

15-01-2005, 06:52

أخوي الاصمعي استلم لا هنت ...

يا الاصمعي دارت الافلاك و أضحيت اشوف
شهب الذيابه يطاردها جميل الخشوف
يا ذخر للجار يا مكرم جميع الضيوف
.
و الحي يحييك و الميت يزيدك غبن
8
8
8
عجزت لا أفهم موقفٍ تسعى به = مرّة هلاك و مرة غفراني
صيف العراق أضحت به السحابه = و باكر على غيره يجي هتاني

الأصيل

15-01-2005, 09:01

أنا أخو العيال

عز الله امتياز ...

يسلمووووو ساري الليل والأصمعي

كر ... وكر ... للحين محد فر

الاصمعي

15-01-2005, 18:34

تبقى الذيابه ويبا التاريخ يشهد له
أهل الشرف والمبادي مثل أخو هدله
الحق يظهر لو الإعلام سود له
.
و الحي يحييك و الميت يزيدك غبن
8
8
8
أنا مع الحق لازمٍ محرابه = لكن تجنب وطيت المعجاني
ما ضاع حق وقافيه طلابه = والصبح للتحرير ضوه باني

ساري^الليل

15-01-2005, 23:41

اخوي الاصمعي استلم لا هنت ...

لا يغرك اللي يقول الناس مهما يصير
لو طبلوا للكبير و طبلوا للصغير
ما كل ما تثمر الاشجار ينتج عصير
.
الحي يحييك و الميت يزيدك غبن
9
9
9
لا راح جيش الكفر شال ركابه = معهم غويزي يذرف الاحزاني
بالبيت الابيض ماسك القلابه = و الا بحوش يعلف الخرفاني

الاصمعي

16-01-2005, 00:27

أستلم يا ساري الليل
وصيتك بس ما تمسك الوصاة،،

الله يرجك يساري الليل يالرجه
هقيت عندك علوم وأثركم دجه
غرتني الحنظلة وحسبته أترجه
.
الحي يحييك و الميت يزيدك غبن
9
9
9
تبي تروح الكفر هي وتسلابه = والأرض لأهله لو يطول زْماني
الشيخ غازي حاكم وله لابه = ماهم فريق حروب يا صمغاني

ساري^الليل

16-01-2005, 00:59

أخوي الاصمعي استلم لا هنت ...
وسع صدرك علينا شوي

دسيسة الاصمعي جابت عليه البلا
صار يتحلم يشوف الملح مثل الحلا
رش العويهر فوق الشوي يوم أستوا
.
والحي يحييك و الميت يزيدك غبن
10
10
10
وتروح معهم بقرة حلابه = جادت عليهم والزمن عطشاني
الشيخ ما يحميه غير ثيابه = شمر هل الفلوجة الشجعاني

الاصمعي

16-01-2005, 02:02

طيب طيب يا ذيب المساري،،
استلم لاهنت..

ألصقته غصب مار الصمغ مهو أصلي
تبي القوافي تساوى مار ما حصلي
تو زان مرماك لمن وده لكم يصلي
.
والحي يحييك و الميت يزيدك غبن
10
10
10
لا تمسكون سيوفنا من اذبابه = يا حروب ويدياتكم عرياني
بيت المعزة ما يسكر بابه= وان صار لك ما صار جيته عاني

الأصيل

16-01-2005, 09:45

ياعيال ...

خففو من الأسلحة الكيماويه

غارات مستمره

أنا هنا في أرض المعركة

ماأقول ألا

في الصف للنهااااااااايه

ساري^الليل

16-01-2005, 12:06

يا الله حي الأصيل

استلم يا الاصمعي...

الصمغ الأصلي نسكر فيه خشم العدو
اللي يحسب المعارك تقل حلبه عدو
والشعر أنا ناسجه يا خبل مثل السدو
.
والحي يحييك و الميت يزيدك غبن
11
11
11
سيوفكم صدت ووش نبغى به = مادام قايد شيخك أمريكاني
أن صار قحط أنصى هلي شبابه= وش لي ببوش و عبده الكحياني

الاصمعي

16-01-2005, 17:54

خلك مع السدو يالحايك بلاش القصيد
دامك تعصد القوافي مثل عصد العصيد
(توا -وحلا) مع بعض تعني نفاذ الرصيد
.
والحي يحييك ، والميت يزيدك غبن
11
11
11
نناحي دول وسيفكم بجرابه=بالدرهمه تمشون مثل الضاني

شيوخ تفتل باللزوم اشنابه=وشيوخ بين العود والطيراني

متفاائل

16-01-2005, 19:42

هييييييييييييييييييييييييه خلوووووووووووووووها
ختامــــــها مســـــــــــــــك
الله يعطيكم العافيه

مرحبا ياساري الليل والاصمعي
شاب بيت القصيده مابها مطمعي
زينته بين شخصين ماتطلعي
.
.
.

والحي يحييك ، والميت يزيـدك غبـن

ماعاد في قيفانكم طرابه =بعض العلوم مالنا به شأني
مادامها لعب على الربابه = يعطيكم الف عافيه ياخواني

ساري^الليل

16-01-2005, 20:19

يا الاصمعي شوف دربك لا يجي مختلف
تراك جندي لعلاوي و لا تعترف
الشيعي اللي تسيد دون عينه ترف
.
والحي يحييك و الميت يزيدك غبن
12
12
12
يوم العدو يمرغ المهابه = شيخك بعرسه يعقد القراني
المجد وينه و الولد بكتابه = راضي بعيش الذل و الهواني

الجوال 5555

17-01-2005, 01:16

ساري اللي& الاصمعي

الله يسلمكم اتحفتونا

ولازلنا نتواصل معكم

ساري^الليل

17-01-2005, 01:22

هلا والله أخوي متفائل ترى الصدر وسيع لا يهمك الحروف اللي تنسج تراها بس للوناسة

نورت المكان بوجودك

اخوك ساري الليل

ساري^الليل

17-01-2005, 01:25

أخوي الجوال

الله يحييك من ممشاك لملفاك

لي غاية الفخر أن تكون أول مشاركة لشاعرنا الكبير بموضوعي

نحن بانتظار ابداعاتك الشعرية تنور منتدانا الكريم

لا تطول علينا نحن بانتظار أبياتك الجزلة

اخوك ساري الليل

متفاائل

17-01-2005, 02:38

هييييييييييييييييييييييييه خلوووووووووووووووها
ختامــــــها مســـــــــــــــك
--------------------------
الله يعطيكم العافيه
--------------------
-------------------------
-----------------------------
----------------------------------

مرحبا ياساري الليل والاصمعي
شاب بيت القصيده مابها مطمعي
زينته بين شخصين ماتطلعي
.
.
.

والحي يحييك ، والميت يزيـدك غبـن

ماعاد في قيفانكم طرابه =بعض العلوم مالنا به شأني
مادامها لعب على الربابه = يعطيكم الف عافيه ياخواني

الاصمعي

17-01-2005, 07:20

الأصيل حياك الله وتسلم ع المتابعة والتشجيع والأسلحة تراه دخانية<<يعني لا للأقنعة الواقية:)

يا هلا والله ومرحبا بمتفائل وحياك الله،،
أفااااااا أجل ما عاد في قيفاننا طرابه:(<<أمزح وأعرف قصدك الشريف الله لا يهينك أنت ومن يقرأ،،

الأمر كما تريد يالغالي نبي ننهي هالحبشة:)

الأخ الشاعر ساري الليل وش رايك ننهي هالحبشة وتراك بديت والتالي معك:wink:

أشكر جميع من تابع ومن شجع والعذر والإحترام للجميع،،

سبحانك اللهم وبحمدك ، أشهد أن لا إله الا أنت ، أستغفرك وأتوب إليك

حمود الشمري

17-01-2005, 08:29

صحة السنتكم يالشعار

ويعطيكم العافيه

وعيدكم امبارك وكل عام ونتم بخير

ساري^الليل

17-01-2005, 09:03

أخوي متفائل يالله حيه و نعم الراي رايك

أخوي الاصمعي
الراي رايك يالاصمعي

والله أنا كنت أبي أقول كذا لكن بغيته بعد ردك لأن أنا البادي و المنتهي

يعطيك العافية أخوي الاصمعي و إن شاء الله لنا حبشات ثانية

أخوي حمود
صح بدنك
و كل عام و أنت بألف خير

أخوكم ساري الليل

الأصيل

17-01-2005, 11:31

انتهى المراثون

ويجلس الأصيل ربع ساعه

ثم يقوم يدور لوه على صف(ن) يقظبوه

وتحيتي للشاعرين المبدعين الممتعين