وش دعوى !!

[الجازي]

أول شيء ريومة لاتدخل هالموضوع ولا ترد عليه :)

لأني عارفة ردها وش بيكون :) تبي تقول غيّري الجهاز وافتكي :)

السالفة ومافيها إن النت عندي حايس ,, وتسنه وده يختبر قوة التحمل والصبر عندي :)

اذا فتحت الصفحة يقول لي حصل خطأ في الملقم وأعيد تحديث الصفحة وتنفتح زين ,, بعدين اذا فتحت الثانية تطلع لي نفس العبارة وهكذا :) يعني لازم أشوف كشرة صفحة خطأ الملقم خمسين مرة قبل ماأوصل للصفحة اللي أبيها :)

أول شيء قلت يابنت لاتعطينه وجه وكأنتس مااهتميتي وخليتس حليمة مثل حلم إياس :)

بس الظاهر إنه ناويني على نية وعارف اني ماوراي صبر ولا حلم :)

والحين أمبير الضغط عندي طاق الميتين ولا أدري وش الحل ؟؟

ومتأكدة الحين إني اذا ضغطت على أيقونة نشر الموضوع بتطلع لي الصفحة المملوحة بس والله لو على رقبتي ناشرته يعني ناشرته :)

الله الله عاد بالحلول المستعجلة والسهلة والخفيفة ماأبي عقد في الشرح :) >>> طرارة وتتشرط :)

وعندي سؤال على الطاير :) :

كيف أحول الأرقام عندي في الجهاز من انقليزي إلى عربي :) ,, تراني أعرف الطريقة بس ودي إنكم تشغلون مخختكم شوي :)

يالله في الانتظار على أحر من النار :)

[سالم]

اذا فتحت الصفحة يقول لي حصل خطأ في الملقم وأعيد تحديث الصفحة وتنفتح زين

سوي مثل ماقلتي
عيديها مره اخرى و تفتح معك :)
المضايف و كل المنتديات الظاهر ..
انها تعلق اخر الليل

انا دايم تصير معي .. يطلع لي Getway
واسوي رجوع :) و اعتماد و تمشي معي

بس لاتخافين ابو سلطان يجي و يحل المشكله


ماننحرم

[الجازي]

لا والله ماهقيته لأني لي يومين أدخل في جميع الأوقات :) ونفس البروبلم :)

والصفحة اللي تطلع لي صارت تقول : خطأ داخلي في الملقم :)

وتسانك تبيني أسمّع لك باقي الحتسي اللي في الصفحة ترى ماعندي مانع لأني حفظته عن ظهر قلب :)

يسلمو أخوي سالم على المشاركة الوجدانية :)

[سالم]

اذا المشكله من الملقم ..
فأنا دايم تصير معي >>> دايم كل شي يصير معه :)

غيري البروكسي .. لان كل ماتصير معي اكلم اول نت
ويقولون فيه ضغط و و و .. ويعطوني بروكسي :)


ينفع او اجيب لك اجابه اخرى :d:

[عبدالرحمن]

حليمة مثل حلم إياس


ذكرتيني بقصة حليمة بنت الحارث ابن ابي شمر الغساني

ملك الشام:thumb:

نعود للموضوع كلنا بالهواء سوا:)

ياريت نشوف حل يخلصنا من المل 0

[مجموعة إنسان]

.

وأنا لعنت ابو جهازي بالشماته

:055r::100r::100r::100r::055r:

وطلعنا كلنا بالهواء سوااااااااا :tongue:

بأجيب لي كرسي وأرتز هنا عشان القط الحل قبلك ريّومــه :thumb:

.

[الجازي]

ينفع او اجيب لك اجابه اخرى

لا ماينفع :) جب إجابة أخرى الله لايهينك :)


ذكرتيني بقصة حليمة بنت الحارث ابن ابي شمر الغساني

ملك الشام

طيب يوم ذكرتك ورا ماتذكرها لنا :) >>>> وحدة رايقة نست حوسة جهازها :)

إلا هو إياس اللي مشهور بالحلم ولا معن بن زائدة ؟؟ تراني تسني بديت أشك :) الظاهر إياس مشهور بالذكاء :) الله يخلف على ذكائي وذاكرتي :)


بأجيب لي كرسي وأرتز هنا عشان القط الحل قبلك ريّومــه

ارتزي يابعدي ,, حلالتس ,, بس أهم شيء تلقين حل عقب هالارتزازة :)

الحين أفهم من كلامكم إن الدعوى عامة ويمنع اصطحاب الأطفال :)

بس أنا مشكلتي في كل المواقع مو بس في المضايف !! يعني حتى الهوتميل جاني اكتئاب بسببه :)

بعدين ماتسنكم شطفتوا سؤالي الثاني ولا جاوبتوا عليه :) لايغركم معرفتي بالجواب تراني أقدر أتواضع وأسوي نفسي ماأعرفه :) :) بس تكفون جاوبوا عليه :)

[الغثه]

مساكين ياحول


لاتبتسون

سووا تحديث يما يفرجه الله





انا

[ريم شمر]

تصدقين عاد انا اللي بجيب لك الحل
وانتي طاردتني يالدبا :148r:...قصدي يالنحيفه :thumb:

ياعمري انا قبلك بهذلتني المقادير:(

نفس المشكله عندي وفي كل مره احتاج

اني اعيد التشغيل وتعبت وانا ادور لها حل

ولقيت حل مع انه صعب علي
وانا بعيد وسهل عليك عندك

بعد البحث المضني اكتشفت ان حل

المشكله هو تحديث الاكسبلور
لكن اذا حاولتي تحديثه بيقولك ماينفع
العبيها على غيرنا حسبي الله على بيل غيتس
لان النسخه اكيد مو اصليه
ومستحيل يحّدث لك نسخه بعشره ريال
وجدت في احد المواقع طريقه للتحايل
على بيل غيتس والتحديث من غير

مايدري بس صراحه طريقه غثيثه

وممله وتجيب الكئآبه ومشوارها طويل

ماتصلح للزوله امثالنا:)

اذاً اخر حل هو العمليه الجراحيه
فرمتي الجهاز ونزلي النسخه الاصليه
للوندوز اكس بي وسوي التحديثات
وبترتاحين من هالقصه كلها
بالنسبه لي مابعد حليتها لاني طلبت

النسخه الاصليه بالعربي ومابعد

وصلتني


وانتي بعد مجمج سوى نفس الشئ

مااظن فيه حل غيره









ولو تشترين جهاز جديد يكون احسن :055r:

[ابو فارس]

ولو تشترين جهاز جديد يكون احسن :055r:



اذا قالت حذام فصدقوها------------ فان القول ماقالت حذام
الريم مالك الا ترسلين الجهاز لي
وتشترين واحدن جديد
واضمن لك انه يصير زي العسل
---------------
هي مسالة تحديث او تعارض مع بعض البرامج
وفي بعض الاحيان خطا في البروكسي اذا كان عندك اكثر من اشتراك

توكدي من الامور هذه
ودمت بخير

[الشمري محمد فهد]

أهلين خالة ..

باللنسبة للمشكلة الأولى ظلمتي جهازك ..

اظن ماله اي علاقة بالمشكلة ..

إذا اتصالك dail up جربي بطاقات اول نت ..

وبالنسبة لسؤالك الثاني :

وش تقصدين ..؟؟

تبينه يعرض الارقام و التاريخ بالعربي وبالتقويم الهجري ..؟

اذا yes او yeah روحي على : Regional and Language Options

وعدلي بهن ..

إذا Nope يعني تبينه يكتب الأرقام عربي هذا لازم يكون من ضمن خيارات البرنامج

اللي تستخدمينه ( ميكروسفت ورد , فوتوشوب , ... إلخ )


_-_

ريم شمر سلمي لي على غتس و قولي له العاصف عنده نسخة كوبي

لنظامك بـ 9 ريال مركب عليه حزمة الخدمات الأولى و الثاني و يحدثه اسبوعيًا بعد ..

حملي البرنامج الموجود بالمرفقات , و بتلقين به برنامجين

الاول يعطيك الرقم التسلسلي الحالي لنظامك و اللي اكيد موجود بقائمة مايكروسفت

السوداء ..

و الثاني تقدرين تولدين به ارقام تسلسلية جديدة لنظامك غير موجودة بالبلاك لست

اتبعي المعلومات الموجودة به ( باللغة الإنجليزية ) ..

وراح يكون نظامك ( أصلي )



بالمرفقات مشكلة , حمليه من هنا : ..

www.squallyheart.shmmr.net/Var/xpsp1.zip

تحياتي ...

[ريم شمر]

تسلم القلب العاصف

بس ياليت توضح لي الخطوات اكثر

اذا ماعليك كلافه


ريومه معليش بفتح فرع في موضوعك اسأل فيه عن جهازي يعني بلا لقافه الله يسلمتس :)

[الجازي]

^
^
^
الله يغث عدوتس :)

هذا وأنا قايلة لاتطبين موضوعي :) أجل لو إني مناديتس خصوصي بتجيبين العائلة المالكة كلها معتس :)

يالله ,, إذا صار زادك ماكول فرحب :) وأنتي عزيزة وغالية :) >>> إيه هين :)

المهم ريومة النتيجة اللي تطلع معتس عطينا خلاصتها :) مثلتس عارف خبرتي في هالأمور تفوق التوقعات :)

الغثة ,,


لاتبتسون

سووا تحديث يما يفرجه الله

ياجعلي أفزع مثل فزعتك في يومن تبتسي فيه على جهازك :)

أبو فارس ,,


هي مسالة تحديث او تعارض مع بعض البرامج

والله احتمال التعارض وارد ,, لأن الجهاز تم تزويده حديثا بالعديد من البرامج الجديدة :) >>>> متأثرة ببرنامج المستكشف :)

مثل إيش هالبرامج يابو فارس ؟؟ عشان أشوف إذا كنت أحتاجها والا قشعت أبوها معها :)

القلب العاصف ,,

هلا والله بولد أختي :)

والله ان ظليمة جهازي قشرا :) بس عن قولة إني عندي سالفة :)

أجل ظنك البلا من الاتصال !! :(

يمكن والله ليش لأ ؟؟

وبالنسبة للأرقام اختياري هو Nope بنوب :) ,, يعني الأرقام تطلع عندي بالانقليزي في صفحات الويب بس ,, وكانت قبل كذا عربي ,, وعجزت أعرف كيف أحولها >>>> هذا ان تساني محاولة بس :)

يسلمو عالفزعة ,,

[الشمري محمد فهد]

أجل حطي اللغة الإفتراضية لجهازك عربي

و بتنحل مشكلتك إن شاء الله ..

روحي لـ لوحة التحكم ومنها إختاري Regional and Language Options

( عاد مدري وش اسمها أو ترجمتها بالعربي )

راح تطلع لك نافذة بها ثلاث إختيارات :

advanced أو متقدم , languages أو لغات و Regional Options

من الأخيرة إختاري السعودية أو اي دولة عربية وخلاص جهازك عربي أبًا عن جد

و تريه مظلوم والبلا من الشبكة و الإتصال يا خالة ..


_-_-_-_-_-_


ريم شمر:

اجل خوذي هالشرح المصور على السريع ..

ولان جهازي ما به غير الرسام حاليًا بسوي print screen

للشاشة واحط لك وصلات الصور .. اسرع لتحميل الصفحة..

البرنامجين و الشرح لوندوز XP
_-_

حملي الملف الموجود بردي اللي فوق ..

افتحيه و راح تلقين برنامجين :

الأول اسمه : WindowsXP Product Key Viewer

هالملف يطلع لك الرقم التسلسلي الخاص بجهازك

وإذا كان يبدأ بـ F معناه ان نظامك على القائمة السوداء

الممنوعة من التحديث لانه متسرب و تدري ميكروسوفت انه منسوخ

مو أصلي ( و أضافوا ارقام اخرى بس ما اعرفهن )

http://squallyheart.shmmr.net/Pics/rem1.JPG

مثل ما تشوفين السريال نمبر لنظامي يبدأ بـ B ..

اقفليه و روحي إفتحي البرنامج الثاني اللي اسمه :

XPProCorp-keyChanger

بتطلع لك شاشة سوداء زي هذي :

http://squallyheart.shmmr.net/Pics/rem2.JPG

إضغطي أي زر وبيولد لك أرقام تسلسلية كثيرة
( 46 رقم كل رقم من خمس خانات وكل خانة من خمس احرف )

http://squallyheart.shmmr.net/Pics/rem3.JPG
إختاري اي واحد و اكتبيه بورقة خارجية ..

إذا انتهيتي أضغطي أي زر وسمي لا تنخرعين زيي http://www.shmmr.net/vb/images/icons/icon11.gif

راح تطلع لك فجأةً نافذة زرقاء لتنشيط الوندوز إختاري الخيار الأوسط :

Yes. I want to telephone a customer ... etc

http://squallyheart.shmmr.net/Pics/rem4.JPG

( etc = إلخ = إلى أخره يعني )

إضغطي Next

بالنافذة الجديدة إضغطي على الزر المكتوب عليه : Change Product Key

http://squallyheart.shmmr.net/Pics/rem5.JPG

حطي السيريال اللي إخترتيه وكتبتيه بورقة خارجية بالنافذة التالية

http://squallyheart.shmmr.net/Pics/rem6.JPG

و إضغطي update

http://squallyheart.shmmr.net/Pics/rem7.JPG
راح يرجع بك للنافذة السابقة

أضغطي على Remaind Me Later

الحين إستخدمي البرنامج الأول وتأكدي إذا الرقم تغير للرقم اللي اخترتيه

إذا تغير خلاص مبروك نسختك أصلية ..

و

C ya all later

[الجازي]

والله اني مقدرة جهودك بس لقيت كل الكلام اللي طلبته مني موجود :(

يعني رحت للوحة التحكم ومنها للخيارات الإقليمية للغة ولقيتها محطوطة على العربية السعودية :)

وش باقي عندك من حلول ؟؟ :)

أنا أتوقع إن الحل موجود في شريط أدوات صفحة ويب بس وين بالضبط هذي اللي أبيكم تعلموني عنها :)

يعطيك العافية أخوي القلب العاصف ,,

[المطنوخ]

اقول اخبار الامطار وشلونها؟؟؟:)

[الشمري محمد فهد]

والله اني مقدرة جهودك بس لقيت كل الكلام اللي طلبته مني موجود :(

يعني رحت للوحة التحكم ومنها للخيارات الإقليمية للغة ولقيتها محطوطة على العربية السعودية :)

وش باقي عندك من حلول ؟؟ :)

أنا أتوقع إن الحل موجود في شريط أدوات صفحة ويب بس وين بالضبط هذي اللي أبيكم تعلموني عنها :)



بشرح لك بالصور وعلى اساس ان نظامك xp :

شوفي الأرقام بجهازي كلها انجليزية :

http://squallyheart.shmmr.net/Pics/Aunt1.JPG

روحي على Regional and Language Options أو إعدادات إقليمية إذا كذا ترجمتها ..

http://squallyheart.shmmr.net/Pics/Aunt2.JPG

إختاري أي دولة عربية بعدين إضغطي على زر Apply أو تطبيق

وبعده علىCustomize أو تخصيص ..

http://squallyheart.shmmr.net/Pics/Aunt3.JPG

تاكدي إن أخر خانتين Standard Digits موضوعة على الأرقام العربية ..

و Digit Substitution محطوطة على : Context أو National

و أضغطي OK أو موافق ..

( الظاهر انك حاطتها على None علشان كذا ما تعربت الأرقام عندك )

http://squallyheart.shmmr.net/Pics/Aunt4.JPG

الحين ارقام المضايف صارت عربية :

http://squallyheart.shmmr.net/Pics/Aunt5.JPG

إذا ما ضبطت هالطريقة معك ( وما في طريقة ثانية غيرها ) ..

ترا أخر الطب الكوي يعني بيعي جهازك أو كسريه احسن http://www.shmmr.net/vb/images/smilies/tongue.gif ..

C ya ...

[الجازي]

[align=center]
اقول اخبار الامطار وشلونها؟؟؟

النطول ,, تبي أخبارها بالأرقام العربية والا الانقليزية :) >>> ضايقن صدرها مع مشكلتها :)

القلب العاصف ,,

الله يعصف بعدوك قل آمين ويخليك ذخر لوالديك :) >>> مدري تسن دعوتي مقلوبة :)

صارت Standard Digits محطوطة على الأرقام الانقليزية :) :)

والحين ضبط الوضع معي وكللش تمام التمام :)

يعطيك العافية وأنا خالتك :)

<<<< أصلا أنا عارفة الطريقة بس كنت أبي أختبر النطول :) وعز الله انه ماهو يم الدنيا :)

[بـنـت النـور]

الريم :)

اخبار جهازتس :)

[سالم]

طيب نفعت معك طريقة القلب العاصف ؟

[ريم شمر]

تسلم اخوي القلب العاصف

من جد ماقصرت

انا من جهه والملقوفه الريم من جهه

( مادري منهي الملقوفه :))

انا طبقت طريقتك بحذافيرها

مع العلم ان الرقم اللي طلع معي في البدايه يبدأ بحرف M مو F

وبعد ماطبقت كل شي ورجعت اشوف الرقم تغير اولا

طلع هو نفسه ماحصل اي تغيير :(

هل اجرب اكثر من رقم او وش المشكله تتوقع


خيتك ريم

[الجازي]

بنت النور ,, سالم ,,

الأرقام تعدلت معي ,, أما سالفة الاتصال مابعد غيرت البطاقة :) :)

بس عموما تسن الوضع هاليومين أحسن من الأول :)

يسلمو جميعا على التفاعل

ريومة ,,

الله ييسر أمرتس ويهون عليتس وأنا أختس :)

[ابو فارس]

والله احتمال التعارض وارد ,, لأن الجهاز تم تزويده حديثا بالعديد من البرامج الجديدة :) >>>> متأثرة ببرنامج المستكشف :)

مثل إيش هالبرامج يابو فارس ؟؟ عشان أشوف إذا كنت أحتاجها والا قشعت أبوها معها :)

مثل ايش؟
بصراحة ياكثرهم خاصة مع اللي مثلك اللي مايشوف برنامج الا ويحمله
وبعدين تبين اذكر لك كل البرامج؟؟
ياطول نفسك
بس ما الومك دام دكتورتك عزة مدري عازة
على العموم انت يمكن انتهت مشكلتك
وفي المرات القادمة اعملي استعادة النظام هذا يشيل لك البرامج الاخيرة المزعجة
دمت بدون ارق

[عبدالله المهيني]

الريم


مشكلة الاتصال حلها سهل جداً :)


اتركي عنك البطاقات والسوالف هذه

واشتركي بالــ dsl وريحي راسك من هالدوخه كلها


<<< ما يحب المشاكل الطويله

حلول جذريه ويخلص :)



^

والله لو عندي كلام احلى من هالكلام كان قلته

مار ما يطلع معي الا النصيحه هذه تقبليها بروح رياضيه

وترى جاد بكلامي :)



شاوووووووووو

[الجازي]

مثل ايش؟
بصراحة ياكثرهم خاصة مع اللي مثلك اللي مايشوف برنامج الا ويحمله

والله يابو فارس اني زولة تحميل برامج :) واذا اضطريت مرة مرة تلقاني أحمله وبعد ماأنتهي منه على طول أحذفه :) >>>> ذكاء بلا حدود :)

يعني ماعندي الا برامج حماية بس ,, عاد اذا كان فيه برامج حماية ممكن تسبب لي مشاكل ياليتك تعلمني :)

أخوي المهيني ,,, أبشرك تم تقبل نصيحتك بصدر رحب ,, لكن ماأظن انه سيتم تفعيلها في الوقت الحاضر لظروف أمنية :)

[نعومه]

http://nona2003.jeeran.com/nawoomh.gif

والله يا وخيتي ريم ما عندي حل << اجل وشوله كابتن الخشه

لكن اذا تبين تريحين عمرك .. في نفس الوقت تطولينه

واذا تبين تمنعين ظهور الشيب .. وكذلك تجاعيد البشره

واذا تبين توفير المصاري .. وكذلك الوقت

اذا تبين السرعه .. وكذلك السرعه << مالقيت شي اقوله

اذا تبين تشتغلين بدون اسلاك وتشبيك .. اذا تبين تدخلين النت حتى من الحوش

اذا تبين او اي احد يبي هذي المميزات

فليطلق اشتراك التليفون بالثلااااااثه نعم بالثلاثه

قسم بالله ما ارتاح بالي ولا ارجهنيت بنومي

الا يوم تركب النت الفضائي و واير لس بعد

داريه انه صعب شوي .. لكن موب اصعب من الي قاعد يصير معكم

المطلوب اشتراك لدى شبكت اوربت

بمجرد الاشتراك عندهم

راح يرسلون فلبيني << وليس هندي

وراح يجيب معه الصحن و جهاز اخر صغير يركب في الصاله

يطلع يركب الصحن وينزل يشبكه في الجهاز

وضبطي اعدادت كمبيوترك على الاعدادت الجديده

واشتغلي 24 ساعه بدون انقطاع والسرعه ماشاء الله

والبرامج تنزل معك في لمح البصر

اهم شي اذا ركبتوه وجربتوه تدوعن لي ....

حاولت ادور لكم موقع اوربت عشان تستفيدون اكثر

وصادفني كلام احد الاخوان المشتركين في هذه الخدمه ..

وانا اشهد ان كلامه صحيح ميه الميه

(( يقول ))

السلام عليكم ورحمة الله وبركاته

أخي تركي آسف على التأخير

بالنسبة للاشتراك فهو عن طريق مقر أوربت الموجود في منطقتك ... اتصل فيهم وهم

يدلونك

وبالنسبة للمبالغ التي دفعت فهي :

1475 ريال في البداية .......... قيمة الجهاز والتركيب والاشتراك لمدة ثلاثة أشهر

وبعد ثلاثة أشهر ما عليك إلا دفع مبلغ 675 ريال لمدة ثلاثة أشهر أخرى .

وبعدين يا أخواني ترى والله ان الاشتراك في أوربت مفيد جداً .....

أولاً : لأنهم يستقبلونك استقبال جيد ويحترمونك .

ثانياً : خدمتهم ممتازة ويحافظون عليها .

ثالثاً : ما فيه بروكسي يعني سرعة في التصفح عالية ..... أعلى من الاتصال العادي

بمراحل

لدرجة أني ما أحس بالأبلوود أبداً ..... باختصار .. أول ما تضع عنوان الصفحة تجدها

أمامك .... مثل اللمبه يوم طفيها وتشغلها ...... بدون أي مبالغة .

بما معناة أن هناك توفير كبير جداً ........ وهذا اللي حصل معي ..... بتقولون لي كيف

توفير كبير ... طيب أنا أقولكم كيف .....

.. أنزل

.. أنزل

.. أنزل

.. أنزل بعد

.. أنزل شوي

.. أنزل عشان تصير مفاجئة ...

.. أقولكم ...

..

أقولكم خلاص ... توفير لأنك تخلص شغلك في وقت قياسي وتقفل وأنت مطمئن .. لأن ما

فيه حرق أعصاب زي أول يوم ننتظر الصفحة تفتح ربع ساعة أو نصف ساعة أو ساعة

حسب ما سمعت من بعض الأخوان ...

والله يا أخواني أني أصبحت أمل من الإنترنت (( وانا نعومه اشهد )) ...

تدرون ليش ... لأني أخلص بسرعة وما أحس بطعم الإنترنت

انتهى كلامه

من ناحيتي في السابق كان وقتي ضايع على النت ولا كنت اجلس مع اهلي كثير

مع ان كل شغلتي في النت بحث او منتديات ولكن كله نظرا لبطء النت والوقت الي

ياخذه عشان يفتح الصفحات اما الان ولله الحمد تغيرت عيشتي ومليييييت من

النت ..

هذي تجربتي ..

هذا هو موقع اوربت للي حاب يطلع اكثر

http://www.orbitplus.net/ods/ar/price.htm

واحلى شي فيه .. انكم غير مجبرين للاشتراك في قنواتهم ..

يعني تقدر تشترك نت ونت فقط

وسلامتك

http://nona2003.jeeran.com/nawoomh2.gif

[الجازي]

نعومة ,,

أزين مافي اسمك انك مدلعة نفسك من الأول ومريحتنا من تدوير دلع مناسب :)

يسلمو نعومة على الفزعة ,, بالنسبة لي حاليا أعتبر مشكلتي انحلت ,, ولو انعفست مرة ثانية الظاهر مالي غير حلك ,,

يعطيك العافية يالغالية

[نعومه]

http://nona2003.jeeran.com/nawoomh.gif

يؤ

صارت محلوله وانا قاعده اهذري

اجل يا سفاب الهدزه << بتمن بالكلام الاخت

لا والله من جد

ما يحتاج تحترين الين يخرب الاتصال

ومجرد ما تجربين هذا الجديد بتقولين وش الي كان مصبرني على ذاك

والله كل ما ذكرت مشكلتس السابقه يجيني ضيق تنفس

الله يعينكم عليها

يالله اجل انا استاذن

واستروا ما واجهتم

http://nona2003.jeeran.com/nawoomh2.gif

[ريم شمر]

نعومه حلك ممتاز جدا وبأذن الله بطبقه اذا رجعت للسعوديه

اما برا السعوديه فالنت سريع ومجاني ومافيه مشاكل ابدا

[نعومه]

http://nona2003.jeeran.com/nawoomh.gif

ريومه يا قلبي

انتي الي وحيده الي معطيتن وجه

وترجعين بالسلاااامه

الا وينتس فيه الحين ؟

وطوله لا تعودين؟

الريم الحين بتسطرنا:)

فاتحين موضوعها سوالف

:)

http://nona2003.jeeran.com/nawoomh2.gif

[الجازي]

^
^
^
التسطير وارد لو كانت المشكلة لاتزال قائمة :)

لكن بما إن كل شيء تمام التمام ,,

تقدرون تعتبرون موضوعي مقهى لكم ,, شاهي قهوة ,, أي طلب تراني في الخدمة :)